OS TRABALLOS ARTÍSTICOS COLECTIVOS CONLEVAN UN PROCESO CREATIVO DE TOTAL DISFRUTE, CADA QUEN APORTA O QUE DECIDE E O RESULTADO SEMPRE É XENIAL. INSPIRADAS EN DANIELA PIRATA ( 8M), FIXEMOS ESTA PINTURA MURAL.
A PROFE TATI ESTÁ A DESENVOLVER O PROXECTO DA AUGA A TRAVÉS DA OBSERVACIÓN E A EXPERIMENTACIÓN. CON ELA VIMOS AUGA EN ESTADO SÓLIDO E GASEOSO, FIXEMOS QUE SE FORMARA UNHA NUBE E ...MESMO CHUVIA! ...EN DIRECTO! LOGO APROVEITAMOS PARA MANIPULAR E XOGAR AO NOSO XEITO .
ESTA SEMANA LEVAMOS A CABO ACTIVIDADES DE CONTEO, REPASAMOS A SERIE NUMÉRICA, XUNTAMOS DECENAS, UBICAMOS OS NÚMEROS PERDIDOS, FIXEMOS ENCRUCILLADOS , REPRODUCIMOS LETRAS E FIGURAS CON ELEMENTOS MÓBILES, TANTO DIXITALMENTE (ESTAMOS ESTREANDO TABLET E APPS DE BIBLIOTECA CREATIVA) , COMO ANALÓXICAMENTE COA PROFE RAQUEL .
ADEMÁIS EXPERIMENTAMOS COA AUGA PARA COÑECER AS SÚAS PROPIEDADES NOS OBRADOIROS DA PROFE TATI E SEGUIMOS A VIAXE DE BREOGÁN , QUE PARTE DE LION CARA A BRUSELAS DA MAN DE IVÁN.
UNHA SEMANA CON MOITA LÓXICA!!
ESTA SEMANA EMPEZAMOS COAS ESPECIALIDADES, PARTICIPANDO NAS PROPOSTAS DO PROFESORADO DE INGLÉS, MÚSICA, A.L., PSICOMOTRICIDADE , XOGOS DE MESA E OBRADOIROS. IMOS COLLENDO RITMO CO HORARIO COMPLETO.
A TARTARUGA QUE QUERÍA DURMIR TROUXO UN COLCHÓN E ROUPA DE CAMA, PARA APRENDER A FACELA E XOGAR NELA. ADEMAIS PLANTAMOS AS FABAS EN TERRA, DESCUBRIMOS LETRAS E NÚMEROS, MODELAMOS AS PERSONAXES DOS CONTOS E COMPLETAMOS A ORGANIZACIÓN DAS NOSAS RUTINAS.
AMPLIAMOS A NOSA TENDA CREANDO UNHA SECCIÓN DE ROUPA INTERIOR , ESA QUE NON SE VE E QUE TODAS E TODOS USAMOS, COLLEMOS AS PRENDAS NAS NOSAS BOLSAS DE MUDAS. POR HIXIENE , A ROUPA INTERIOR NON SE PODE PROBAR NEN DEVOLVER . NELAS, TAMÉN ATOPAMOS CALZADO E USAMOS UNS ANDEIS PARA FACER A ZAPATARÍA. APRENDEMOS A ENVOLVER CALCETÍNS, UN EXERCICIO MOI INTERESANTE PARA DESENVOLVER HABILIDADES COAS MANS E XOGAMOS A MERCAR COUSAS CONTANDO O QUE COSTAN E CALCULANDO AS VOLTAS.
A BIBLIOTECA CREATIVA PRESTOUNOS A DOC, UN ROBOT MOI RÁPIDO E SIMPÁTICO, IDEAL PARA COMPRENDER A PROGRAMACIÓN ROBÓTICA.
O MESTRE IVÁN TROUXO NOVIDADES DE PURA TARTARUGA: VIMOS AS SOMBRAS QUE CREARON AS FAMILIAS E ENSINOUNOS O QUE PASA CANDO TIRAMOS COUSAS POLO VATER. ADEMAIS, PROPÚXONOS UNHA ACTIVIDADE DE MÉTODO CIENTÍFICO PARA ENTENDER POR QUE NON DEBEMOS TIRAR TOALLIÑAS E OUTROS RESIDUOS POLO INODORO.
XA IMOS REMATANDO A SERIE DE OBRAS ARTÍSTICAS INSPIRADAS EN POLLOCK, DESTA VOLTA DEBUXAMOS PUNTOS DE CORES CUN PINGOTEIRO, CON PACIENCIA E PRECISIÓN.
UNHA DAS COUSAS QUE HAI QUE LEVAR CANDO SUBIMOS AO MONTE XALO, SON UNS PRISMÁTICOS PARA MIRAR AO LONXE. NO COLE, ESTAMOS FACENDO UNS DE XOGUETE .
ADEMAIS , COÑECENDO A FLORA DO XALO, SOUBEMOS QUE UNHAS DAS ÁRBORES QUE ATOPAMOS ALÍ SON OS PIÑEIROS. VIMOS AS PIÑAS ABERTAS E EXPERIMENTAMOS CON ELAS. PODERANSE CERRAR DE NOVO? DE QUE XEITO?? PRANTEXAMOS HIPÓTESES E VIMOS O QUE ACONTECEU.
SEGUIMOS USANDO INGREDENTES QUE TIÑAMOS NO NOSO OBRADOIRO DE COCIÑA.
NESTA OCASIÓN FIXEMOS EXPERIMENTOS CO ACEITE. A HIPÓTESE FEITA POLAS NENAS E NENOS ERA QUE AO XUNTALO COA AUGA MISTURARÍANSE POR SER AMBOS LÍQUIDOS.
A SORPRESA FOI COMPROBAR QUE NON, A AUGA SEMPRE QUEDABA DEBAIXO DO ACEITE, DABA O MESMO QUE AXITÁRAMOS, LLE DÉRAMOS A VOLTA Á BOTELLA OU INVERTÍRAMOS A ORDE AO BÓTALOS. ISTO DÉBESE A QUE SON LÍQUIDOS CON DENSIDADES DIFERENTES.
APROVEITANDO ESTA PROPIEDADE CREAMOS UNHA LÁMPADA DE LAVA USANDO TINTES E PASTILLAS EFERVESCENTES.
DESPOIS DE FACER A NOSA EMPANADA USAMOS O SAL E A FARIÑA QUE NOS SOBRARON PARA APROVEITALAS E SEGUIR FACENDO ACTIVIDADES CON ELAS .
O QUE MÁIS NOS GUSTOU FOI XOGAR COA SÚA TEXTURA , METENDO AS MANS, ACARIÑÁNDOAS, MANIPULÁNDOAS DE TODOS OS XEITOS POSIBLES USANDO MATERIAIS DE AULA.
ADEMAIS FIXEMOS MASA DE SAL, FOI MOI DOADO: O DOBLE DE FARIÑA QUE DE SAL E UNHA POUCA DE AUGA . MISTURAMOS E AMASAMOS TODO BEN E XA TEMOS UNHA MASA PARA MODELAR , FEITA CON INGREDENTES NATURAIS. APROVEITAMOS PARA XOGAR E CREAR BONITAS LÚAS CON VOLUME.
ESTA SEMANA MARTIÑO E TESTA MANDÁRONNOS UNHA MISIÓN MOI ESPECIAL: TIÑAMOS QUE INVESTIGAR SOBRE A LÚA PARA ATOPAR AS INSTRUCIÓNS DE COMO FACER PEDRAS LUARES, SEMELLANTES ÁS QUE ELES RECOLLERON NA SÚA VIAXE .
DESPOIS DE REVISAR UN LOTE DE LIBROS DEMOS COA INFORMACIÓN E PUXÉMONOS MANS Á OBRA COA AXUDA DO PROFE IVÁN. QUEDARON TAN CHULAS QUE GAÑAMOS UNHA NOVA ESTRELA.
LEMBRADE QUE TODA A INFORMACIÓN REFERIDA Á VIAXE ESPACIAL DE MARTIÑO E TESLA , PODEDES SEGUILA NO BLOGUE DA PEPATECA.
ESTA SEMANA ESTIVEMOS A FALAR DA TEMPERATURA .
TROUXEMOS DIFERENTES TERMÓMETROS Á ESCOLA E MEDIMOS A TEMPERATURA CORPORAL, A TEMPERATURA EXTERIOR, A DA AUGA DA BILLA …EXPERIMENTANDO OBSERVAMOS COMO A MARCA SUBÍA E BAIXABA COMA UN COHETE AO PASAR DA AUGA QUENTE Á AUGA FRÍA , FIXEMOS NUBES NUN ESPELLO CO VAPOR DA AUGA FERVIDA .
COMPROBAMOS QUE A NOSA PEL TAMÉN FUNCIONA COMA UN TERMÓMETRO , A TRAVÉS DELA PODEMOS RECOÑECER O FRÍO E A CALOR.
REMATAMOS A SEMANA XOGANDO CO XEO, FACÉNDOO DESLIZAR COMO NUNHA PISTA DE PATINAXE E MARCANDO GOLES.
O NORTE, O NOROESTE , A CORUÑA , DISQUE TEN UN CLIMA HÚMIDO E NÓS, NA ESCOLA DE VINSEIRA , ÍMOLO COMPROBAR .
COA CREACIÓN DOS NOSOS PLUVIÓMETROS SABEREMOS CANTOS DÍAS CHOVE E CANTA AUGA SE RECOLLE.
EN CLASE, EXPERIMENTAMOS E XOGAMOS COA AUGA FACENDO TRASBASES E OBSERVANDO CAPACIDADES . DESCUBRIMOS QUE CADA RAIA DA GARRAFA CORRESPONDE A MEDIO LITRO . TAMÉN APRENDEMOS COMO É O CICLO DA AUGA E COMO SE PRODUCE A CHOIVA , INCLUSO FIXEMOS NUBES CO NOSO ALENTO ( USAMOS DESINFECTANTE EN CADA INTENTO)
O CONTO É QUE, AÍNDA SEN CHOVER, POLAS MAÑÁS, O CAMPO SEMPRE O VEMOS MOLLADO POR MOR DA HUMIDADE DA NOITE, DA XIADA. POR ISO , TAMÉN PREPARAMOS UNHA BANDEXA CON DIFERENTES MATERIAIS QUE NOS SERVIRÁ PARA DETECTAR O GRADO DE HUMIDADE QUE HAI NO AMBIENTE : UN ESPELLO, PAPEL TINTADO, PAPEL SECANTE, CARTÓN... TODAS AS MAÑÁS TEREMOS QUE OBSERVALOS E COMPROBAR OS CAMBIOS PARA VER SE ESTÁN SECOS OU HÚMIDOS , CHAMARÉMOSLLE O NOSO HIDRÓMETRO CASEIRO.
CONTANDO E CANTANDO PASAN OS DÍAS . REMATAMOS O PERÍODO DE ADAPTACIÓN E COMEZAMOS CO HORARIO DO PROFESORADO ESPECIALISTA , QUE XA COÑECEMOS PORQUE NOS ACOMPAÑOU NESTA PRIMEIRA ETAPA.
CONTINUAMOS FACENDO ACTIVIDADES PARTINDO DA MOTIVACIÓN QUE XENERAN OS CONTOS E A MÚSICA. CON FROITAS, CHIBOS CHIBÓNS E CUATRO ESQUINITAS DE NADA. FIXEMOS XOGOS, ESCENIFICACIÓNS, FIGURAS XEOMÉTRICAS E UN PRECIOSO MURAL COLECTIVO QUE ADORNA AS PAREDES DA NOSA AULA.
COMO XA ESTAMOS NO OUTONO, LIMPAMOS E ACONDICIONAMOS O NOSO PEQUENO ESTANQUE , DEIXÁNDOO PREPARADO PARA RECOLLER A AUGA DA CHOIVA.
AQUÍ VOS DEIXO UNHA VERSIÓN DOS CHIBOS CHIBÓNS MOI DIVERTIDA DE VER E DE FACER, COMPUXEMOS O ESCENARIO CON ELEMENTOS QUE ATOPAMOS NO RECANTO DE CONSTRUCCIÓN.
E PARA REMATAR , PODEDES CANTAR EN CASA A CANCIÓN DAS FIGURAS XEOMÉTRICAS.
GÚSTANOS TANTO EXPERIMENTAR COAS CORES E COS DIFERENTES MATERIAIS , QUE REMATAMOS FACENDO MISTURAS CON COLORANTES ALIMENTARIOS E ESPUMA DE AFEITAR, ADEMAIS DE USAR AS CORES FOSFORESCENTES, QUE GRAZAS Á LUZ NEGRA ALUMAN E BRILLAN NA ESCURIDADE.
CO LIBRO O MONSTRO DE CORES, DESCUBRIMOS QUE OS ESTADOS ANÍMICOS E AS EMOCIÓNS TAMÉN ESTÁN ASOCIADAS ÁS CORES… E CON ISTO DAMOS POR REMATADO A NOSA INVESTIGACIÓN .
SEGUIMOS AFONDANDO NO ESTUDO E A EXPERIMENTACIÓN DA COR.
ESTA SEMANA PROBAMOS A DEBUXAR SOBRE FONDO NEGRO, NESTE CASO O EFECTO É MOI DIFERENTE E MOLÓN: PINTAMOS NA PIZARRA NEGRA CON ROTULADORES DE TIZA (PIGMENTO), E, USAMOS A TÉCNICA DO ESGRAFIADO PARA CONSEGUIR TRAZOS DE CORES FORMADOS CON LUZ REFLEXADA NOS CDS.
CREAMOS AS CORES DO ARCO DA VELLA MISTURANDO TINTAS ( PIGMENTOS) E AUGA, CON CATRO CORES FIXEMOS UN ESPECTRO DE SETE.
E , FINALMENTE, VIMOS AS CORES DA LUZ DESCOMPOSTA NUN PRISMA DE CRISTAL, ESTE PRISMA SERVÍUNOS TAMÉN PARA CREAR O ARCO IRIS EXPERIMENTANDO COAS LANTERNAS NA ESCURIDADE.
ESTA SEMANA BUSCAMOS MATERIAIS COS QUE REFLEXAR, EXPERIMENTAR , COMPOÑER E CREAR AS CORES DO ARCO DA VELLA.
O ARCO DA VELLA FÓRMASE CANDO OS RAIOS DE SOL ATRAVESAN AS PINGAS DA CHOIVA , A LUZ BRANCA DESCOMPONSE NAS CORES QUE A FORMAN.
INVESTIGANDO DESCUBRIMOS COUSAS INTERESANTES:
- AO SER UNHA ILUSIÓN ÓPTICA NUNCA O PODEMOS ALCANZAR.
- NON TEN FORMA DE ARCO , SENÓN DE CÍRCULO, SÓ QUE NON CHEGAMOS A VELO COMPLETO. PARA VELO ENTEIRO TERIAMOS QUE VIAXAR EN AVIÓN OU HELICÓPTERO.
- TEN SETE CORES, SEMPRE NA MESMA ORDE. APRENDEMOS A COR AÑIL.
- PÓDESE VER DE NOITE SE HAI NÉBOA E LUZ DE LÚA.
SEGUIMOS AFONDANDO NO ESTUDO DAS CORES.
DESPOIS DE PROBAR MISTURAS E CLASIFICAR CORES FEITAS CON PIGMENTOS E TRANSPARENCIAS, DESCUBRIMOS O LIBRO DE CIENCIA LUZ Y COLOR, CON EL APRENDEMOS ALGO MOI IMPORTANTE: A COR É LUZ ; PODEMOS VER AS CORES GRAZAS Á LUZ, SEN LUZ VEMOS TODO NEGRO.
ASÍ QUE ESTA SEMANA ADICÁMOLA A XOGAR CON LUCES NA ESCURIDADE.
PRIMEIRO CREAMOS UN ESPAZO ESCURO CON TEAS NEGRAS E INTRODUCIMOS NEL A MESA DE LUZ, LANTERNAS DE LUZ BRANCA E DE CORES, LUCES DE NADAL, CRISTAIS, LENTES, ESPELLOS, ELEMENTOS REFLECTANTES, TRANSPARENTES... PARA EXPERIMENTAR EFECTOS E MISTURAS.
FOI TODO UN ÉXITO, ASÍ QUE TERÉMOLA NA AULA UNHA TEMPADA .
