REMATANDO XA...

PREPARÁNDONOS PARA LEVAR OS TRABALLIÑOS A CASA NESTA CARPETA BEN ARTÍSTICA E PARA CELEBRAR O DERRADEIRO DÍA CUNHA MERENDOLA E OUTRAS SORPRESAS!

ESTUDO DE PINTURA

A NOSA ESCOLA CONVERTEUSE NUN ESTUDO DE PINTURA CON TODOS OS ELEMENTOS: CABALETES, PALETAS, PINTURAS, LENZOS, PINCEIS E BROCHAS, AUGA, PANOS ...E MOITA CREATIVIDADE.SEGUIMOS OS MESMOS PASOS QUE NOS ENSINOU O PINTOR EDGAR ORTIZ : ENCAIXAR, DEBUXAR E PINTAR.

PICADO CONTRAPICADO

IDES VER AS FOTOS QUE FIXERON EN CLASE AS NENAS E NENOS CUNHA CÁMARA MOI PEQUENIÑA QUE SE CHAMA GRAN ANGULAR. ESTÁN XOGANDO A FACER PLANOS PICADOS E CONTRAPICADOS, COA AXUDA DUNHA CADEIRA.

EXCURSIÓN FIN DE CURSO

O VENRES 7 DE XUÑO FOMOS DE EXCURSIÓN A BUÑO PARA VISITAR O ECOMUSEO FORNO DO FORTE. ESTE MUSEO ESTÁ COMPOSTO POLAS ANTIGAS CASAS DOS ALFAREIROS, 7 EN TOTAL, E O FORNO COMUNITARIO. LOLA EXPLICOUNOS MOI BEN TODO O QUE SE PODE VER DENTRO, CUARTOS, COCIÑA, APARELLOS, PEZAS...E ANTONIO, O ALFAREIRO, FÍXONOS DÚAS PEZAS PRECIOSAS NO TORNO E DEIXOUNOS XOGAR CO BARRO PARA FACER AS NOSAS. LOGO XANTAMOS E XOGAMOS EN GABENLLE, A LARACHA.

ARCOS IRIS

PASEO POLO MUNDO A TRAVÉS DE FERMOSAS MÚSICAS, INTERPRETADAS MAXISTRALMENTE POLO GRUPO ARCOS IRIS, XUNTO COAS DANZAS ,XOGOS E ADIVIÑAS. UNHA GOZADA.

EXPERIMENTANDO COA CÁMARA DIXITAL

A CÁMARA DE FOTOS DIXITAL PERMÍTENOS XOGAR COAS IMAXES DE FORMA MOI VARIADA USANDO EFECTOS . POR SUPOSTO, TIÑAMOS QUE PROBAR. ASÍ QUE SAIMOS AO PATIO E ALÍ AS NENAS E NENOS SACARON AS FOTOS QUE QUIXERON,.

FOTOARTE COLECTIVO E CÁMARA INSTANTÁNEA

 SEGUIMOS A EXPERIMENTAR COA FOTOGRAFÍA. NESTA OCASIÓN USAMOS A FOTOCOPIADORA PARA FACER UNHA COMPOSICIÓN ARTÍSTICA COLECTIVA COAS NOSAS MANS, AÍNDA ANDAMOS A DECIDIR O TÍTULO. TAMÉN USAMOS UNHA CÁMARA INSTANTÁNEA  DAS QUE FAN A FOTO EN PAPEL AO MOMENTO, FOI MOI CURIOSO VER COMO A IMAXE APARECE POUCO A POUCO.

31 DE MAIO: MUSEO DE ARTE CONTEMPORÁNEO DO CRA

CHEGOU O ESPERADO DÍA CON MOITAS SORPRESAS.

 PARA EMPEZAR , FIXERON OS HONORES DA INAUGURACIÓN CARMEN, CONCELLALA DE CULTURA DE CULLEREDO, E CHEMA, PROFESOR DE ARTE IMPLICADO NO DISEÑO E MONTAXE DO MUSEO.

PERO NADA MÁIS ABRIR A PORTA CHEGOU A SORPRESA MÁIS GRANDE...DENTRO ATOPAMOS O CADRO DE PEPA!!! , E AS OITO INSTALACIÓNS PREPARADAS PARA A INTERACCIÓN CO PÚBLICO!!!  FOI TODO UN DESCUBRIMENTO PARA AS NENAS E NENOS QUE  DURANTE A VISITA TRANSMITIRON UNHA GRAN EMOCIÓN . 

POLA TARDE, XORNADA DE PORTAS ABERTAS PARA COMPARTIR A EXPERIENCIA COAS FAMILIAS E AMIGOS/AS.

ARTE COLLAGE

O COLLAGE É UNHA MODALIDADE ARTÍSTICA NA QUE SE MISTURA PINTURA E FOTOGRAFÍA; E, NESTAS ANDAMOS, USANDO FOTOGRAFÍAS DE REVISTAS E A NOSA IMAXINACIÓN.

PLANO PICADO E CONTRAPICADO

O PLANO PICADO É CANDO A FOTOGRAFÍA ENFOCA DENDE ARRIBA, E, O CONTRAPICADO, CANDO ENFOCA DENDE ABAIXO. NESTE CASO USAMOS UNHA CÁMARA GRAN ANGULAR, PRONTO PODEREMOS VER OS RESULTADOS.

A DISTANCIA E OS PLANOS FOTOGRÁFICOS

ESTAS SON AS FOTOS QUE SACARON AS NENAS E NENOS DE VINSEIRA PARA PRACTICAR O APRENDIDO SOBRE OS DIFERENTES TIPOS DE PLANOS FOTOGRÁFICOS: PLANO XERAL, PLANO MEDIO, PLANO ENTEIRO E 1º PLANO. A DIFERENCIA ESTÁ NA DISTANCIA DO OBXECTO A FOTOGRAFÍAR E NO QUE ABARCA A IMAXE.

PREPARANDO O MACCRA

XA FALTA POUCO E IMOS DÁNDOLLE FORMA. SERÁ TODA UNHA SORPRESA ESTE MUSEO DE ARTE CONTEMPORÁNEO.

ROMARÍA DAS LETRAS GALEGAS 2019

O TEMPO NON ACOMPAÑOU PERO NÓS PASÁMOLO XENIAL COS XOGOS POPULARES , ACTUACIÓNS E XANTAR EN FAMILIA. ISO SI, OS XOGOS DA TARDE REMATARON ANTES DO PREVISTO, PERO... O ANO QUE VEN, MÁIS.

MUIÑEIRA

ESPECTACULAR MUIÑEIRA , BEN BONITA E BEN BAILADA, HOMENAXE AO DÍA DAS LETRAS GALEGAS.ARTISTAZ@S!!

MAMA ENCABRITÁNDONOS

CANDO DICIMOS A TOPE ... QUEREMOS DICIR A TOPE!

PEPATECA

HOXE VISITAMOS A PEPATECA NA ESCOLA DA CHOEIRA,  UNHA BIBLIOTECA FASCINANTE CHEA DE NOVIDADES E HISTORIAS QUE ALIMENTAN A NOSA IMAXINACIÓN CADA DÍA DO CURSO.
 ADEMÁIS APROVEITAMOS A XUNTANZA PARA PASAR UNHA XORNADA DE CONVIVENCIA CHEA DE ACTIVIDADES E PROPOSTAS : UN CONTACONTOS DO LIBRO HISTORIA DE UNA LATA; A PROXECCIÓN DA PELÍCULA DE ANIMACIÓN FEITA NO CRA UN CIRCO MOI ARTÍSTICO E OBRADOIROS VARIADOS. AQUÍ PODEDES VER O DE ARTE , NO QUE FIXEMOS UNHA MARIONETA DE DEDO SALTARINA E O DE TICS, NO QUE VISITAMOS O BRITISH MUSEUM E O MUSEO LOUVRE DE PARÍS A TRAVÉS DUNHA APP DE REALIDADE AUMENTADA.

 


PRONTO PODEREDES VER MÁIS FOTOS DOS OBRADOIROS. DESPOIS DO RECREO E DA SUPERMERENDOLA PARTICIPAMOS  NA MASTERCLASS QUE NOS OFRECEU EDGAR ORTIZ, AUTOR DO NOSO QUERIDO CADRO DA AVIONETA PEPA.

FOTOGRAFÍA ARTÍSTICA

LEVAMOS UN TEMPO XA NO QUE TODAS AS SEMANAS FACEMOS UNHAS SESIÓNS DE FOTOGRAFÍA ARTÍSTICA, ÁS VECES EN GRUPO, OUTRAS EN PARELLA OU INDIVIDUALMENTE . NALGUNHAS DISPOÑEMOS OS ELEMENTOS A FOTOGRAFÍAR, NOUTRAS SIMPLEMENTE EXPERIMENTAMOS. ESTÁN SACADAS  POLOS NENOS E NENAS ESCOLA , CON OU SEN A MIÑA AXUDA E SUPERVISIÓN, USANDO UNHA CÁMARA REFLEX DIXITAL, MÓBIL E IPAD. O CASO É QUE SACAR FOTOS ESTÁ CHUPADO , OU ISO PARECE, SÓ HAI QUE DARLLE AO BOTÓN; PERO LOGO , CANDO AS VEMOS EN CLASE RECOÑECEMOS PERFECTAMENTE AS QUE ESTÁN CORTADAS, DESENFOCADAS OU MOVIDAS . E AÍ ESTÁ A APRENDIZAXE!! IMOS EMPEZAR A PUBLICAR ALGUNHAS DAS SERIES FEITAS , NESTE CASO PODEDES VER REFLEXOS CARAS A TORRE, SOMBRAS , TÚNEL.

O MUNDO DA CÁMARA ANALÓXICA

PARA AS NENAS E NENOS DE VINSEIRA A CÁMARA ANALÓXICA PERTENCE A OUTRO MUNDO, OU CANDO MENOS A OUTRA ERA, A DA INFANCIA DOS SEUS PAIS E NAIS, AVÓS/AS E BISAVÓS/AS. GRAZAS AS FAMILIAS PUIDEMOS XUNTAR UN LOTE DE MATERIAL A EXPLORAR: CÁMARAS ANALÓXICAS DE DISTINTOS MODELOS, CARRETES, NEGATIVOS, DIAPOSITIVAS, ÁLBUNES DE FOTOS IMPRESAS, ... PUIDEMOS ANALIZAR A POSE , AS VESTIMENTAS, OS ESCENARIOS DAS FOTOS MÁIS ANTIGAS; COMPROBAR O PASO DO BRANCO E NEGRO Á COR; BUSCAR A RELACIÓN ENTRE O NEGATIVO E A FOTO IMPRESA; SATISFACER DÚBIDAS E CURIOSIDADES. APRENDEMOS CONCEPTOS NOVOS QUE XA CASE ESTABAN EN DESUSO.

A CÁMARA DE FOTOS

DESCUBRINDO A CÁMARA DE FOTOS ANALÓXICA E DIXITAL, COMO EN CLASE, ONDE TEMOS DIFERENTES TIPOS DE CÁMARAS GRAZAS AS APORTACIÓNS DE TODAS E TODOS... E MÁIS QUE TEREMOS!!

A PRIMEIRA FOTOGRAFÍA

A 1ª FOTOGRAFÍA TOMOUSE FAI CASE 200 ANOS E DENDE ENTÓN NON DEIXOU DE EVOLUCIONAR.