BOLBORETAS E DEMAIS...

 ESTAS  DERRADEIRAS SEMANAS ESTÁN A SER MOI INTENSAS.

 POR FIN TIVEMOS BÓ TEMPO PARA REMATAR ALGUNHAS ACTIVIDADES PENDENTES  COMO A PLANTACIÓN DE FLORES E  DA MOREIRA QUE NOS REGALOU A FAMILIA DE GAEL, A CANALIZACIÓN DA AUGA COA PROFE TATI , O CIRCUITO DE MOVEMENTO E SAÚDE NO PATIO, ETC.

HOUBO DÚAS SAÍDAS. NA PRIMEIRA PARTICIPAMOS TODOS VISITANDO  A FUNDACIÓN LUIS SEOANE, E NA SEGUNDA , SÓ O ALUMNADO QUE SE ESCOLARIZARÁ  NO CEIP DE TARRIO O VINDEIRO CURSO . FOI UNHA BONITA XORNADA DE ACOLLIDA ORGANIZADA POLO COLEXIO DE TARRIO DA QUE AS NENAS E NENOS VIÑERON FELICES, MOITAS GRAZAS TARRIO!!

ADEMAIS, ESTANDO NA 9º SEMANA DENDE O SEU NACEMENTO, POR FIN AS EIRUGAS DE SEDA SAÍRON DO CASULO METAMORFOSEADAS EN BOLBORETA. PUIDEMOS OBSERVAR COMO OS MACHOS FAN O RECLAMO  ALETEANDO  , COMO SE APAREAN COAS FEMIAS E INCLUSO  , TODO EN DOUS DÍAS, OS PRIMEIROS OVOS. O CICLO DE VIDA ESTÁ CHEGANDO AO SEU FIN.

                          A TÁCTICA DO COLIBRÍ: FUNDACIÓN LUIS SEOANE

                       ACTIVIDADES DOS DERRADEIROS DÍAS EN VINSEIRA 

                XORNADA DE ACOLLIDA DO CEIP  PLURILINGÜE DE TARRIO

PROGRAMA FOGGA

A TRAVÉS DO PROGRAMA FOGGA ( FONDO GALEGO DE GARANTÍA AGRARIA) RECIBIMOS A SEGUNDA REMESA DE FROITAS E LEITE NA ESCOLA. DESTA VOLTA A ACOLLIDA DO ALUMNADO FOI DO MELLOR, TANTO QUE TIÑAN ELIXIDO O TEMA DO ARTIGO PERIODÍSTICO PARA PEQUENOVAS " A MOUCHA VEU A VINSEIRA" E DECIDIRON CAMBIALO POR " UN MOZO TROUXO UNHA CAIXA DE FROITA". APROVEITAMOS O ENTUSIASMO PARA APLICAR OS NOSOS COÑECEMENTOS MATEMÁTICOS E DE LECTOESCRITURA. 

DECIDIMOS FACER UN CIRCUITO ACTIVO NA AULA ANTE A PERSISTENCIA DO MAL TEMPO PARA FACELO FÓRA. HOUBO QUE MONTAR AS MARIOLAS, REDISTRIBUIR OS ESPAZOS E,  POR SUPOSTO, RECORRELAS SALTANDO ATA PEDIR PAPAS.

O VENRES POR FIN POIDEMOS DISFRUTAR DUNHA BONITA XORNADA PRIMAVERAL MERENDANDO NO CAMPO.

CIRCUITO DE MOVEMENTO E SAÚDE

 FACER EXERCICIO É FUNDAMENTAL PARA TER BOA SAÚDE. LEVAMOS UN TEMPO PENSANDO O DISEÑO DUN CIRCUITO  DE MOVEMENTO  PARA O  PATIO  E , ADEMAIS, FABRICAMOS O  XIZ EN CLASE PARA PODER PINTALO.

O CONTO QUEDOU ASÍ:  SAÍMOS EN COCHE CARA Á PRAIA ... OLLO COAS CURVAS!   , CHEGAMOS! A AREA... QUEIMA, SALTAMOS AS ONDAS DO MAR, COLLEMOS CUNCHAS, PISAMOS POMPAS, CHEGA A TORMENTA E CORREMOS VELOCES COMA SONIC, SALTAMOS A MARIOLA E REMATAMOS DANDO VOLTAS NO XIRASOL... FÁLTANOS O ÚLTIMO TRAMO... PERO XA SABEMOS COMO VAI SER.

A MOUCHA CONTESTOU Á NOSA CARTA, FIXÉMOSLLE UN AGASALLO  DOS QUE LLE GUSTAN A ELA , COUSAS DA NATUREZA E PAPEL BRILLANTE, E...  E ELA DEIXOUNOS PEDRAS PRECIOSAS!

O MARTES FOMOS Á FACULTADE DE CIENCIAS DA EDUCACIÓN PARA COLABORAR NUNHA INSTALACIÓN SONORA PREPARADA POLO ALUMNADO DE EDUCACIÓN INFANTIL. ÁS NENAS E NENOS  GUSTOULLE MOITO PARTICIPAR , EXPERIMENTAR E EXPLORAR TODAS AS POSIBILIDADES DE ACCIÓN DA INSTALACIÓN , QUE NON ERAN POUCAS.

DÍA DO LIBRO E MÁIS

 O 23 DE ABRIL CELEBRAMOS O DÍA DO LIBRO NO CRA COA PROXECCIÓN DOS BOOK TRAILERS QUE GRAVAMOS NAS AULAS, PODEDES VELOS NO BLOG DA PEPATECA OU DIRECTAMENTE...              👉👉CLICANDO AQUÍ👈👈

 PARA DITA CELEBRACIÓN CONTAMOS CUNHA CONVIDADA  MOI ESPECIAL QUE ENCHEU A NOSA ESCOLA DE PURA FANTASÍA TRAÉNDONOS UNHA  "PEQUENA" MOSTRA DA SÚA COLECCIÓN DE LIBROS POP UP, AUTÉNTICAS OBRAS DE ENXENIERÍA. NÓS TAMÉN FIXEMOS UNHA CREACIÓN POP UP EN CLASE, A PEQUENA ESCALA.

SEGUIMOS USANDO AS REGLETAS PARA DESENVOLVER O PENSAMENTO LÓXICO MATEMÁTICO CON SIMETRÍAS E MEDICIÓNS.

IVÁN CONTOUNOS QUE BREOGÁN XA ESTÁ EN ALEMANIA DENDE ONDE NOS ENVIOU UN AGASALLO RICO RICO.

EN ABRIL... COUSIÑAS MIL

 SEGUIMOS DESENVOLVENDO PROPOSTAS E ACTIVIDADES QUE FOMENTAN A  MOTIVACIÓN,  CREATIVIDADE,  PENSAMENTO LÓXICO MATEMÁTICO, EXPERIMENTACIÓN, ACHEGAMENTO Á LECTOESCRITURA, AUTONOMÍA... NESTE VÍDEO TEDES UN RESUMO DO FEITO EN CLASE NESTAS DÚAS ÚLTIMAS SEMANAS, INCLUÍDA A VISITA DA DRAGONA RAMONA , SUBVENCIONADA POLO CONCELLO DE CULLEREDO .

ADEMAIS , A PROFE TATI OFRECEUNOS UN OBRADOIRO CON PROPOSTAS LÚDICAS E  EXPERIMENTAIS  SOBRE A AUGA   QUE PUIDEMOS DESENVOLVER NO EXTERIOR E QUE RESULTOU MOI DIVERTIDO.

 O VENRES 19 VIAXAMOS Á CORUÑA PARA ASISTIR Á OBRA DE TEATRO PINGÜIN  (AUDITORIO  AFUNDACIÓN)  DA COMPAÑÍA PERIFERIA TEATRO, UNHA REPRESENTACIÓN EXCELENTE EN TODOS OS SENTIDOS QUE MARABILLOU A GRANDES E PEQUENOS.

HORTA E EIRUGAS DE SEDA

 EMPEZAMOS O NOVO TRIMESTRE PREPARANDO A HORTA E SEMENTANDO NELA AS CABAZAS, AGORA  TOCA REGAR CANDO  DEIXE DE CHOVER E ESPERAR A QUE AGROMEN AS SEMENTES PÀRA VER MEDRAR AS NOVAS PRANTAS.  AS NOSAS EIRUGAS SEGUEN NACENDO , PODEREMOS OBSERVALAS DÍA A DÍA. ADEMAIS HOUBO TEMPO PARA PROPOSTAS GRUPAIS COLABORATIVAS E PARA EXPLORAR OS XOGOS E MATERIAIS REPOSTOS EN AULA.

A PRIMAVERA XA ESTÁ AQUÍ

APORTAMOS COR E VIDA Á DERRADEIRA SEMANA DO TRIMESTRE ANTES DE IRNOS DE VACACIÓNS, XA TIÑAMOS GANAS DE SOLETE !! BOAS VACACIÓNS!!

 

LÓXICA MATEMÁTICA A TOPE

ESTA SEMANA LEVAMOS A CABO ACTIVIDADES DE CONTEO, REPASAMOS A SERIE NUMÉRICA, XUNTAMOS DECENAS, UBICAMOS OS NÚMEROS PERDIDOS, FIXEMOS ENCRUCILLADOS , REPRODUCIMOS LETRAS E FIGURAS CON ELEMENTOS MÓBILES, TANTO DIXITALMENTE (ESTAMOS ESTREANDO TABLET E APPS DE BIBLIOTECA CREATIVA) , COMO ANALÓXICAMENTE COA PROFE RAQUEL .

 ADEMÁIS EXPERIMENTAMOS COA AUGA PARA COÑECER AS SÚAS PROPIEDADES NOS OBRADOIROS DA PROFE TATI  E SEGUIMOS A VIAXE DE BREOGÁN , QUE PARTE DE LION CARA A BRUSELAS DA MAN DE IVÁN.

UNHA SEMANA CON MOITA LÓXICA!!

ROSALÍA E MÁIS

 DESPOIS DO ENTROIDO TIÑAMOS GANAS DE DISFRUTAR DA NOSA AULA,  DOS MATERIAIS, XOGOS  E PROPOSTAS , TANTO ARTÍSTICAS , COMO DE LÓXICA MATEMÁTICA E LECTOESCRITURA. TAMÉN  CELEBRAMOS O DÍA DE ROSALÍA DE CASTRO E FIXEMOS UNHA PELÍCULA DE ANIMACIÓN  CO PROFE IVÁN  , TAL COMO NOS PEDÍU BREOGÁN DENDE LION. UNHA CHEA DE ACTIVIDADES QUE FIXERON QUE A SEMANA SE NOS PASESE VOANDO!!  CON ROSALÍA AÍNDA CONTINUAREMOS FACENDO MÁIS COUSIÑAS.

REFLEXIÓNS E SIMBOLOXÍA POLA PAZ

 ESTA SEMANA COÑECEMOS E REPRODUCIMOS ALGÚNS DOS SÍMBOLOS QUE REPRESENTAN A PAZ  : A POMBA BRANCA, A POLA DA OLIVEIRA, O NON Á GUERRA... PERO NON SÓ FIXEMOS MANUALIDADES, SENÓN TAMÉN REFLEXIÓNS SOBRE OS CONFLICTOS DIARIOS E AS NOSAS ACTITUDES, EMOCIÓNS E SENTIMENTOS. 

A TRAVÉS DOS DEBUXOS DE POCOYÓ E OS SEUS AMIGOS , ANALIZAMOS SITUACIÓNS DIVERSAS MOI SEMELLANTES ÁS DO NOSO DÍA A DÍA, FACENDO HIPÓTESES SOBRE COMO ACTUARÁN , QUE SENTIRÁN  E POR QUE ... METÉNDONOS DE CHEO XA NA IMPORTANCIA DO BENESTAR EMOCIONAL PARA A NOSA SAÚDE.

O NOSO AMIGO BREOGÁN CHEGOU A LYON, FRANCIA E CONTOUNOS COUSAS MOI INTERESANTES SOBRE O COMENZO DO CINEMA.

BREOGÁN EN BARCELONA

 O NOSO AMIGO AVENTUREIRO , BREOGÁN , INVITOUNOS A ELABORAR E PROBAR UNHA RECEITA TÍPICA DE  BARCELONA : O PAN TUMACA , UNHA RECEITA SAUDABLE PARA  ACOMPAÑAR  UN ALMORZO,  MERENDA,  ENTRANTE OU CEA . O CERTO É QUE NOS GUSTOU MOITO FACELO ... E TAMÉN COMELO. UN ÉXITO, BREOGÁN!!

A VIAXE DE BREOGÁN

 HOXE BREOGÁN COLLEU O TREN NA ESTACIÓN DA CORUÑA PARA EMPEZAR A SÚA VIAXE POR EUROPA, NON VOS PERDADES ESTA AVENTURA !! PODEDES SEGUILA CON NÓS VISITANDO O BLOGUE DA PEPATECA. PICA NA  IMAXE E VEREDES COMO EMPEZOU TODO.

PURA TARTARUGA REMATA

 DURANTE O CURSO COÑECEMOS A PURA TARTARUGA E AOS SEUS AMIGOS, AXUDÁMOSLLES EN TODO O QUE PRECISARON E AGORA,  ESTA AVENTURA CHEGA AO SEU FIN CUN RETO CHEGO DE MISTERIO , ACERTIXOS E SORPRESAS.

PURA TARTARUGA E AS REDES PANTASMA

 DESTA VOLTA PURA TARTARUGA E OS SEUS AMIGOS QUIXERON AMOSARNOS O PROBLEMA DAS REDES PANTASMA, ESAS REDES PERDIDAS NO MAR, ABANDOADAS , QUE SE CONVIRTEN EN TRAMPAS MORTAIS PARA MOITOS SERES VIVOS.

 IVÁN TRÓUXONOS UNHA AO COLE , XUNTO CUNHAS CÁMARAS DE FOTOS, PARA  CUMPRIR A NOSA MISIÓN E, ASÍ, AXUDAR A PURA. FIXEMOS UNHA SESIÓN DE FOTOS…PARA QUE SERÁ?

ARAÑAS E O PIANO DE RODOLFO

 INUNDACIÓN DE ARAÑAS , TELARAÑAS, INSECTOS E DEMAIS , EN VINSEIRA!

GRAZAS A TODAS AS FAMILIAS POLAS APORTACIÓNS AO NOSO PROXECTO , ENTRE TODOS DESCOBREMOS UN LOTE DE COUSAS  E CURIOSIDADES SOBRE OS ARÁCNIDOS... QUE SON BECHOS , PERO NON SON INSECTOS, EH !!

CO MESTRE IVÁN  FIXÉMOSLLE UN PIANO A RODOLFO, O POLBO,  UN MOI TECNOLÓXICO E DIFERENTE . USANDO PAPEL DE ALUMINIO, GRAFITO OU METAL E CONECTÁNDOO AO ORDENADOR E ÁS PERSOAS  QUE TOCABAN , SOABA DE VERDADE.

 E COMO TIVEMOS RECREOS EN CLASE... HAI QUE VER "COMO SE LO MONTAN " AS NOSAS NENAS E NENOS!!

A TOPE!

REMATOU A FESTA E NÓS, DESPEDÍMOLA COA NOSA PEQUENA INTERPRETACIÓN DO  ENTERRO DA SARDIÑA.

E, DE NOVO , PUXÉMONOS A ANDAR CUNHA SEMANA INTENSA EN PROPOSTAS E CRECIÓNS. 

PARA COMENZAR , CELEBRAMOS O DÍA DE ROSALÍA DE CASTRO, CON FLORES E POESÍAS, APRENDENDO XOGOS E RIMAS. 

POR OUTRO LADO, RESOLVEMOS UNHA NOVA TAREFA DE BIBLIOTECA, PARTINDO DO LIBRO SACAPENAS. 

OS BONECOS SACAPENAS SON MOI COÑECIDOS EN SUDAMÉRICA, SERVEN PARA TRANQUILIZAR ÁS NENAS E NENOS QUE DURMEN MAL POR MOR  DOS SEUS MEDOS E PREOCUPACIÓNS . A TAREFA CONSISTÍU EN DESEÑAR  E FACER A ROUPIÑA DO NOSO BONECO , A PARTIR DAS  PROPIAS IDEAS E DO MATERIAL QUE TIÑAN Á MAN. A  AXUDA  , CANDO SE PRECISOU, FOI EXCLUSIVAMENTE TÉCNICA, ASÍ QUE , PODEMOS DECIR QUE TODOS SON DESEÑOS ÚNICOS  E EXCLUSIVOS, COMO NAS MELLORES MARCAS!

ADEMAIS, CO PROFE IVÁN , TAMÉN DESEÑARON E CONSTRUIRON  DE FORMA COLECTIVA A NOVA CASA DE ALEXO , O CANGREXO, CO MATERIAL QUE APORTOU O ALUMNADO, AO   TEMPO QUE USARON O MATERIAL DE REFUGALLO DE XEITO CREATIVO.

PARA REMATAR, APRENDEMOS E ESCRIBIMOS O VOCABULARIO D´XASTRES  , QUE NOS ACHEGOU O EDLG.

ENTROIDO Á VISTA

 ESTA SEMANA ADICÁMOLA A FACER NÓS CON FARRAPOS PARA IR ARMANDO O NOSO DISFRAZ DE ENTROIDO. AS NENAS E NENOS AMOSARON TER PACIENCIA , MAESTRÍA E ILUSIÓN  NESTA ACTIVIDADE.

ADEMAIS, REMATAMOS A NOSA ARAÑA, FEITA A PARTIR DUN PANTALÓN , RECHEA DE PAPEL E MONTADA CON ARAME. A ARAÑA TEN NOME …COMO SE CHAMARÁ?… E PARA QUE NON FALTE DETALLE, ACOMPAÑÁMOLA DUNHA TELARAÑA XIGANTE.

COMO VEDES, ÍMOSLLE SACANDO PARTIDO A TODO O MATERIAL QUE NOS FOSTES TRAENDO, AQUÍ NON SE TIRA NADA!

E PARA REMATAR O PROFE IVÁN PRESENTOUNOS A ALEXO, O CANGREXO, UN NOVO AMIGO DE PURA A TARTARUGA.

ROUPA INTERIOR, DOC E PURA TARTARUGA.

 AMPLIAMOS A NOSA TENDA CREANDO UNHA SECCIÓN DE ROUPA INTERIOR , ESA QUE NON SE VE E QUE TODAS E TODOS USAMOS, COLLEMOS AS PRENDAS NAS NOSAS BOLSAS DE MUDAS.  POR HIXIENE , A ROUPA INTERIOR NON SE PODE PROBAR NEN DEVOLVER . NELAS, TAMÉN ATOPAMOS CALZADO E USAMOS UNS ANDEIS PARA FACER A  ZAPATARÍA. APRENDEMOS A ENVOLVER CALCETÍNS, UN EXERCICIO MOI INTERESANTE PARA DESENVOLVER HABILIDADES COAS MANS E XOGAMOS A MERCAR COUSAS CONTANDO O QUE COSTAN E CALCULANDO AS VOLTAS.

A BIBLIOTECA CREATIVA PRESTOUNOS A DOC, UN ROBOT MOI RÁPIDO E SIMPÁTICO, IDEAL PARA COMPRENDER A PROGRAMACIÓN ROBÓTICA.

O MESTRE IVÁN TROUXO NOVIDADES DE PURA TARTARUGA: VIMOS AS SOMBRAS QUE CREARON AS FAMILIAS E ENSINOUNOS O QUE PASA CANDO TIRAMOS COUSAS POLO VATER. ADEMAIS, PROPÚXONOS UNHA ACTIVIDADE DE MÉTODO CIENTÍFICO PARA ENTENDER POR QUE NON DEBEMOS TIRAR TOALLIÑAS E OUTROS RESIDUOS POLO INODORO.

DÍA DAS BIBLIOTECAS, LUNS 24 DE OUTUBRO

 A BIBLIOTECA É A ALMA DA NOSA ESCOLA.

 ADEMÁIS DE LIBROS, MÚSICA E PELÍCULAS, A NOSA BIBLIOTECA TAMÉN CONTÉN A PARTE CREATIVA, QUE NOS ACHEGA O ESPAZO FEDELLO,  XOGOS E MATERIAL DE CREACIÓN NOVIDOSOS E MOI INTERESANTES. 

DA MAN DA BIBLIOTECA DESENVOLVEMOS O NOSO PDI DE XASTRES, FEITO Á MAN, PODEMOS ACCEDER AOS SEUS FONDOS CON TODO TIPO DE PRÉSTAMOS...E MIL COUSAS MÁIS QUE NOS OFRECE DÍA A DÍA.

BEN MERECE UN DÍA ESPECIAL. NON ESQUEZADES MIRAR O SEU BLOGUE PEPATECA, NEL SEMPRE TEDES AS ÚLTIMAS NOVAS E PODEDES SEGUIR A  GAMIFICACIÓN PURA, A TARTARUGA.  

ESTA É VERSIÓN DO CRA DO CARTEL DAS BIBLIOTECAS ESCOLARES DESTE CURSO... PICADE NA IMAXE E ACCEDEDE AO VÍDEO QUE NOS ENVIOU PEPA, SOBREVOANDO AS NOSAS ESCOLAS.

MARTIÑO E TESTA ESTÁN EN CASA

 ESTE CURSO TIVEMOS A SORTE DE COÑECER A MARTIÑO E TESTA, QUE FIXERON UNHA VIAXE ESPACIAL E COMPARTIRON CON NÓS A SÚA AVENTURA. O VENRES PASADO VIMOS COMO CHEGABAN Á TERRA CUNHA AMARAXE EN DIRECTO. 

AGORA QUE XA ESTÁN NA CASA , QUIXERON RECOMPENSARNOS A AXUDA QUE LLES OFRECEMOS ENVIÁNDONOS UN AGASALLO SORPRESA , QUE RECIBIMOS CON MOITA ILUSIÓN. 

COMO SABEDES, NO BLOGUE DA PEPATECA ESTÁN TODOS OS VÍDEOS , INFORMACIÓN E MISIÓNS QUE COMPARTIMOS CON ELES. PARA REMATAR FIXEMOS UN MURAL COLECTIVO PARA FACERLLO CHEGAR, COMO AGRADECEMENTO.

ATA SEMPRE MARTIÑO E TESTA, ENCANTOUNOS COÑECERVOS.