MARCHAMOS ...QUE TEMOS QUE MARCHAR!!

 O FIN DE CURSO SEMPRE CONFUNDE AS NOSAS EMOCIÓNS , POR UNHA PARTE, DESEXAMOS QUE CHEGUE, E,  POR OUTRA , DANOS MÁGOA SEPARARNOS E DESPEDIRNOS DESPOIS DE TANTOS BOS RATOS XUNTOS. 

AGORA... O MERECIDO DESCANSO!!

TODO O ALUMNADO E PROFESORADO DO  CRA TAMÉN FIXEMOS A NOSA SAÍDA DE DESPEDIDA, PASAMOS O DÍA 20 NA GRANXA ESCOLA  BELELLE, UNHA BONITA XORNADA DE CONVIVENCIA E EXPERIENCIAS COMPARTIDAS. .

E , POR ÚLTIMO,  ANTES DE MARCHAR  , QUEREMOS ENSINARVOS A  REVISTA   AS NOVAS DE PEPA DESTE CURSO  2023/24  , QUE ESTÁ MOI CHULA E CHEA DE SORPRESAS .                     MIRÁDEA CON CALMA PORQUE É 👌👌👌👌👌👌 !!

                           (   PODEDES CLICAR NA IMAXE E  TAMÉN BUSCALA  NA PÁXINA WEB DO CENTRO).

👇👇👇👇👇👇👇👇👇👇👇👇👇👇

BOLBORETAS E DEMAIS...

 ESTAS  DERRADEIRAS SEMANAS ESTÁN A SER MOI INTENSAS.

 POR FIN TIVEMOS BÓ TEMPO PARA REMATAR ALGUNHAS ACTIVIDADES PENDENTES  COMO A PLANTACIÓN DE FLORES E  DA MOREIRA QUE NOS REGALOU A FAMILIA DE GAEL, A CANALIZACIÓN DA AUGA COA PROFE TATI , O CIRCUITO DE MOVEMENTO E SAÚDE NO PATIO, ETC.

HOUBO DÚAS SAÍDAS. NA PRIMEIRA PARTICIPAMOS TODOS VISITANDO  A FUNDACIÓN LUIS SEOANE, E NA SEGUNDA , SÓ O ALUMNADO QUE SE ESCOLARIZARÁ  NO CEIP DE TARRIO O VINDEIRO CURSO . FOI UNHA BONITA XORNADA DE ACOLLIDA ORGANIZADA POLO COLEXIO DE TARRIO DA QUE AS NENAS E NENOS VIÑERON FELICES, MOITAS GRAZAS TARRIO!!

ADEMAIS, ESTANDO NA 9º SEMANA DENDE O SEU NACEMENTO, POR FIN AS EIRUGAS DE SEDA SAÍRON DO CASULO METAMORFOSEADAS EN BOLBORETA. PUIDEMOS OBSERVAR COMO OS MACHOS FAN O RECLAMO  ALETEANDO  , COMO SE APAREAN COAS FEMIAS E INCLUSO  , TODO EN DOUS DÍAS, OS PRIMEIROS OVOS. O CICLO DE VIDA ESTÁ CHEGANDO AO SEU FIN.

                          A TÁCTICA DO COLIBRÍ: FUNDACIÓN LUIS SEOANE

                       ACTIVIDADES DOS DERRADEIROS DÍAS EN VINSEIRA 

                XORNADA DE ACOLLIDA DO CEIP  PLURILINGÜE DE TARRIO

SEMANA DAS LETRAS GALEGAS

 ESTA SEMANA FOI MOI EMOCIONANTE ...  PASARON TANTAS COUSAS EN VINSEIRA: 

 AS EIRUGAS DE SEDA EMPEZARON A FACER OS CASULOS, A MOUCHA DO XALO COMUNICOUSE CON NÓS ( ESCRIBÍMOSLLE CARTAS E CONTESTOUNOS, DEIXÁMOSLLE AGASALLOS E CAMBIOUNOLOS POR  PEQUENOS TESOUROS) , CELEBRAMOS AS LETRAS GALEGAS E SOUBEMOS QUEN ERA  LUISA VILLALTA, TIVEMOS CABEZOLOS NA ESCOLA (AGORA XA ESTÁN DE NOVO NA SÚA POZA)... E POR RIBA , HOUBO QUE SUSPENDER A ROMARÍA POR MOR DA CHOIVA... TOTAL, UNHA SEMANIÑA CURTA PERO CHEA DE SORPRESAS !!

CON ESTE  GENIALLY INTERACTIVO FEITO POLO NOSO EDLG , ENTENDEMOS O QUE REPRESENTA CADA OBXECTO DO TARRO DAS LETRAS GALEGAS 2024 E A RELACIÓN QUE TEÑEN    COA AUTORA HOMENAXEADA ESTE ANO.

 XOGADE CON NÓS CLICANDO NA IMAXE  DE LUISA VILLATA

                                                           👇👇👇👇👇

CIRCUITO DE MOVEMENTO E SAÚDE

 FACER EXERCICIO É FUNDAMENTAL PARA TER BOA SAÚDE. LEVAMOS UN TEMPO PENSANDO O DISEÑO DUN CIRCUITO  DE MOVEMENTO  PARA O  PATIO  E , ADEMAIS, FABRICAMOS O  XIZ EN CLASE PARA PODER PINTALO.

O CONTO QUEDOU ASÍ:  SAÍMOS EN COCHE CARA Á PRAIA ... OLLO COAS CURVAS!   , CHEGAMOS! A AREA... QUEIMA, SALTAMOS AS ONDAS DO MAR, COLLEMOS CUNCHAS, PISAMOS POMPAS, CHEGA A TORMENTA E CORREMOS VELOCES COMA SONIC, SALTAMOS A MARIOLA E REMATAMOS DANDO VOLTAS NO XIRASOL... FÁLTANOS O ÚLTIMO TRAMO... PERO XA SABEMOS COMO VAI SER.

A MOUCHA CONTESTOU Á NOSA CARTA, FIXÉMOSLLE UN AGASALLO  DOS QUE LLE GUSTAN A ELA , COUSAS DA NATUREZA E PAPEL BRILLANTE, E...  E ELA DEIXOUNOS PEDRAS PRECIOSAS!

O MARTES FOMOS Á FACULTADE DE CIENCIAS DA EDUCACIÓN PARA COLABORAR NUNHA INSTALACIÓN SONORA PREPARADA POLO ALUMNADO DE EDUCACIÓN INFANTIL. ÁS NENAS E NENOS  GUSTOULLE MOITO PARTICIPAR , EXPERIMENTAR E EXPLORAR TODAS AS POSIBILIDADES DE ACCIÓN DA INSTALACIÓN , QUE NON ERAN POUCAS.

MAIO TRAE SORPRESAS

ESTA SEMANA RECIBIMOS UNHA CARTA DA MOUCHA DO MONTE XALO... CANTAS PREGUNTAS SE NOS PASARON POLA CABEZA : NAS OUTRAS ESCOLAS TAMÉN TERÁN UNHA CARTA  COMA ESTA?  ESTANOS MIRANDO? TEN FAMILIA? TRAERÁ CHOCOLATE? DEIXARANOS VER A SÚA ROUPA COMO O ANO PASADO? FOI ELA QUEN TROUXO O MAIO? ... AS NENAS DECIDIRON ESCRIBIRLLE UNHA CARTA DE VOLTA CON ESTAS PREGUNTAS. 

SEGUIMOS COAS NOSAS PROPOSTAS E MATERIAIS DE AULA, E TAMÉN  FIXEMOS XIZ PARA UNHA ACTIVIDADE QUE LEVAREMOS A CABO CANDO VOLTE O BO TEMPO, MENTRES IMOS PREPARÁNDONOS.

HORTA E EIRUGAS DE SEDA

 EMPEZAMOS O NOVO TRIMESTRE PREPARANDO A HORTA E SEMENTANDO NELA AS CABAZAS, AGORA  TOCA REGAR CANDO  DEIXE DE CHOVER E ESPERAR A QUE AGROMEN AS SEMENTES PÀRA VER MEDRAR AS NOVAS PRANTAS.  AS NOSAS EIRUGAS SEGUEN NACENDO , PODEREMOS OBSERVALAS DÍA A DÍA. ADEMAIS HOUBO TEMPO PARA PROPOSTAS GRUPAIS COLABORATIVAS E PARA EXPLORAR OS XOGOS E MATERIAIS REPOSTOS EN AULA.

A PRIMAVERA XA ESTÁ AQUÍ

APORTAMOS COR E VIDA Á DERRADEIRA SEMANA DO TRIMESTRE ANTES DE IRNOS DE VACACIÓNS, XA TIÑAMOS GANAS DE SOLETE !! BOAS VACACIÓNS!!

 

DANIELA PIRATA , PROXECTO DA AUGA E MÁIS

 OS TRABALLOS ARTÍSTICOS COLECTIVOS CONLEVAN UN PROCESO CREATIVO DE TOTAL DISFRUTE, CADA QUEN APORTA O QUE DECIDE E O RESULTADO SEMPRE É XENIAL. INSPIRADAS EN DANIELA PIRATA ( 8M), FIXEMOS ESTA PINTURA MURAL. 

A PROFE TATI ESTÁ A DESENVOLVER O PROXECTO DA AUGA A TRAVÉS DA OBSERVACIÓN E A EXPERIMENTACIÓN. CON ELA VIMOS AUGA EN ESTADO SÓLIDO E GASEOSO, FIXEMOS QUE SE FORMARA UNHA NUBE  E ...MESMO  CHUVIA! ...EN DIRECTO!  LOGO APROVEITAMOS PARA  MANIPULAR  E XOGAR AO NOSO XEITO .

OBRADOIRO DE COCIÑA

 PARA QUE UN MENÚ SEXA SAUDABLE  DEPENDE DOS  NUTRINTES QUE NOS APORTA : PROTEÍNAS, HIDRATOS E VITAMINAS  DEBEN ATOPARSE SEMPRE EN EQUILIBRIO. A PROPORCIÓN CORRECTA APRENDÉMOLA CO PRATO DE HARVARD OU PRATO DO BO COMER.

DESPOIS DE VER OPCIÓNS  DIVERSAS, ELABORAMOS ENTRE TODAS E TODOS CATRO MENÚS NUTRITIVOS E ELIXIMOS POR MAIORÍA O QUE QUERIAMOS COCIÑAR NA ESCOLA: MACARRÓNS CON VERDURAS E ATÚN, E , DE SOBREMESA, FROITA. ASÍ QUE NOS PUXEMOS MANS Á OBRA E ESE DÍA PAPAMOS UNHA MERENDA CONTUNDENTE...  E DIFERENTE. O QUE TRABALLARON ESAS MANIÑAS!, USANDO UTENSILIOS COMPLICADOS E  COIDADANDO  DE NON CORTARSE E NON QUEIMARSE, FIXÉRONNO XENIAL E CON MOITA ILUSIÓN DE SER COCIÑEIROS DE VERDADE. 

 

ESTREAMOS ANO E MOITAS COUSAS MÁIS

FELIZ 2024!! ESTREAMOS ANO ... E MOITAS COUSAS MÁIS:  XOGUETES QUE TROUXO O APALPADOR,  MESA DE LUZ,  CALENDARIO WALDORF QUE NOS REGALOU ZUZANA , RUTINAS NA MERENDA ... E COMO FIXO MOITO FRÍO , BAIXAMOS A COCIÑA PARA QUENTAR O LEITE E A AUGA DE FREGAR A LOUZA.

ADEMÁIS , O AVÓ DE ANA TROUXO AS ESPIGAS DE MAINZO QUE NOS TIÑA GARDADAS , XA SECAS,  PARA QUE POIDÉRAMOS DEBULLALAS BEN, UN TRABALLIÑO DE MOTRICIDADE FINA QUE FOMENTA A HABILIDADE DOS  DEDIÑOS... POR SUPOSTO, A ANA NOTÓUSELLE A VETERANÍA, TODA UNHA ESPERTA DEBULLANDO MAINZO.

A PROFE TATI FIXO UN OBRADOIRO DO NUTRIPRATO, QUE LOGO  COMPLETAMOS EN CLASE, ELEXINDO  INGREDIENTES E COMBINACIÓNS PARA TER UN XANTAR RICO E EQUILIBRADO, A VINDEIRA SEMANA POÑEREMOS EN PRÁCTICA O QUE APRENDEMOS .

3 DE DECEMBRO, DÍA INTERNACIONAL DA DISCAPACIDADE

A TRAVÉS DE XOGOS E CONTOS,   AS PROFES DE MÚSICA E DE AUDICIÓN E LINGUAXE, AXUDÁRONNOS ENTENDER E RESPETAR A DIVERSIDADE. 

NO CRA DE CULLEREDO CELEBRAMOS O DÍA INTERNACIONAL DAS PERSOAS CON DISCAPACIDADE, TODOS BAIXO O MESMO PARAUGAS.

VISITA Á DOMUS

CO PROXECTO SEMENTANDO SAÚDE ESTAMOS A COÑECER MOITOS ASPECTOS DO NOSO CORPO, O CORPO HUMANO , NA VISITA Á DOMUS COMPLETAMOS E AMPLIAMOS ESTE COÑECEMENTO  DUN XEITO CURIOSO E DIVERTIDO, XUNTO COAS COMPAÑEIRAS E COMPAÑEIROS DAS OUTRAS ESCOLAS DO CRA DE CULLEREDO.

25 DE NOVEMBRO , EN CONTRA DA VIOLENCIA DE XÉNERO

 A COEDUCACIÓN ,  A IGUALDADE,  A CONVIVENCIA EN ARMONÍA , O RESPETO , A LIBRE ELECCIÓN, A ELIMINACIÓN DE ESTEREOTIPOS SEXISTAS, SON MOITAS DAS FORMAS COAS QUE LOITAMOS DÍA A DÍA POLA  ELIMINACIÓN DA VIOLENCIA DE XÉNERO.

NO CRA DE CULLEREDO, CELEBRAMOS O 25 DE NOVEMBRO VISIBILIZANDO A PEGADA QUE DEIXAN EN NÓS AS MULLERES IMPORTANTES DA NOSA VIDA E FACÉMOLAS PRESENTES A TRAVÉS DO SEU OLOR.

GUSTO, SABORES, DIXESTIÓN...

 APROVEITANDO A TREGUA QUE NOS DEU A CHUVIA, SAÍMOS DE PASEO POLA CONTORNA DA ESCOLA PARA DESCUBRIR QUE O CAMPO ESTÁ CHEO DE COGOMELOS MOI DIVERSOS EN FORMAS E TAMAÑOS, OLLO!...NON OS TOCAMOS POR SE TIVESEN SUSTANCIAS TÓXICAS.

NA AULA APRENDEMOS QUE A LINGUA , ÓRGANO PRINCIPAL DO SENTIDO DO GUSTO,  É UN MÚSCULO CHEO DE PAPILAS GUSTATIVAS, ESPECIALIZADAS EN DETECTAR  SABORES. A TRAVÉS DO OBRADOIRO QUE DESENVOLVEU ZUZANA , POIDEMOS CATAR, DEGUSTAR  E RECOÑECER OS SABORES BÁSICOS , INCLUÍNDO O UMAMI E O PICANTE. 

TAMÉN XOGAMOS A RECOÑECER SABORES A CEGAS, PERO ... QUE DIFÍCIL RESULTOU DEIXARSE METER COMIDA NA BOCA SEN SABER DE QUE SE TRATABA!! AO CEREBRO FALTÁBALLE INFORMACIÓN!! ENCANTOUNOS O OBRADOIRO E , POR SUPOSTO, A COMPAÑÍA, MIL GRAZAS A ZUZANA POR PREPARALO E COMPARTIR O SEU TEMPO CON NÓS!!.

ADEMAIS DOUTRAS ACTIVIDADES DE AULA, ESTA SEMANA RECIBIMOS MOITOS LIBROS DAS NOSAS FAMILIAS PARA INVESTIGAR E TER MÁIS INFORMACIÓN SOBRE OS HÁBITOS SAUDABLES. SEGUIMOS CENTRÁNDONOS NA HIXIENE E NA ALIMENTACIÓN. FALAMOS DA DIXESTIÓN E DA VIAXE DOS ALIMENTOS POR DENTRO DO CORPO, EXPERIMENTAMOS E XOGAMOS CUN APARATO DIXESTIVO MOI BÁSICO E DIFÍCIL DE MANEXAR , PERO... FUNCIONABA!!

SEMENTANDO SAÚDE

 ARRANCAMOS O PROXECTO DOCUMENTAL INTEGRADO (PDI) SEMENTANDO SAÚDE APROVEITANDO OS COÑECEMENTOS DAS NOSAS NENAS E NENOS, QUE TRAS A VISITA OBRIGADA Á DENTISTA,  TROUXERON AO COLE INFORMACIÓN, CONSELLOS E ATA UN RATIÑO PARA GARDAR DENTES. FALAMOS DA BOCA, MIRÁMOLA CON LUPA, QUE HAI  DENTRO? PARA QUE SERVE CADA COUSA? COMO TEMOS QUE LIMPALA E COIDALA?, CANTOS DENTES TEMOS? COMO É UNHA CARIES? POR QUE SE PRODUCE? CAL É O ANIMAL QUE TEN MÁIS DENTES? JEJE... PENSAMOS UNHA MENSAXE ENTRE TODAS E TODOS E ESCRIBIMOS UNHA CARTA PARA O RATO PÉREZ, QUE FOI MOI AMABLE CON NÓS,

ADEMÁIS PICAMOS AS NOCES QUE TIÑAMOS A SECAR (COMEMOS UNHAS POUCAS E GARDAMOS UN PUÑADIÑO PARA O OBRADOIRO DE COCIÑA), TOSTAMOS PARTE DAS PIPAS DA CABAZA DO SAMAÍN  ( OUTRAS GARDÁMOLAS PARA PLANTALAS NA PRIMAVERA),  MANEXANDO  UTENSILIOS DA VIDA COTIÁ E TENDO CONTACTO DIRECTO COS ALIMENTOS ANTES DE PROCESALOS.

CON ESTOS FROITOS SECOS DO COLE E OUTROS QUE ENGADIMOS (  ANACARDOS, CACAHUETES, AMÉNDOAS...) , AVENA, PLÁTANO, MAZÁ, CHOCOLATE NEGRO, MEL E CANELA , FIXEMOS UNHA GRANOLA TORRADA  MOI RICA E MOI SAUDABLE, HOUBO A QUEN LLE GUSTOU MÁIS E A QUEN MENOS, PERO DO SENTIDO DO GUSTO FALAREMOS A VINDEIRA SEMANA.

SEMANA DO SAMAÍN 23

NA SEMANA DO SAMAÍN NON SE PODE FACER NADA QUE NON SEXA NOXENTO, EXPERIMENTAL , DIVERTIDO E  MISTERIOSO. 

ÉCHE O QUE HAI!!

ADIVIÑAS, LUCES E SOMBRAS

 ESTA SEMANA DISFRUTAMOS DA NOSA MESA DO SAMAÍN, XOGAMOS, TOCAMOS, MOVEMOS, PESAMOS ..., OS SEUS ELEMENTOS. VIMOS COMO SE ESCRIBÍAN ALGÚNS DELES E APROVEITAMOS A ESCURIDADE DE PRIMEIRA HORA PARA EXPLORALA COAS CANDEAS E LANTERNAS.

PREPARAMOS OS CESTIÑOS DO MAGOSTO E XOGAMOS A ADIVIÑA QUE...?, TIVEMOS QUE ESCOITAR CON MOITA ATENCIÓN O TEXTO DAS ADIVIÑAS PORQUE AÍ ESTABAN AS PISTAS, LOGO COMPROBAMOS SE ACERTAMOS , BUSCANDO A SOLUCIÓN, OCULTA CON PINTURA QUE TIVEMOS QUE RASCAR.

TAMÉN CELEBRAMOS O DÍA DAS BIBLIOTECAS ENCHENDO DE LIBROS OS NOSOS ANDEIS, COMEZANDO OS PRÉSTAMOS DE AULA E LENDO CADA DÍA UN CONTO NOVO DO MALETÍN VIAXEIRO. 

ADEMAIS FIXEMOS UNHA CADEA DE ZONCHOS  DE VINSEIRA PARA XUNTAR COAS DAS OUTRAS ESCOLAS E LEVALA AO PARQUE DE CELAS, REPRESENTANDO AO NOSO COLECTIVO DE CRA CULLEREDO. VIMOS NO GOOGLE EARTH ONDE ESTABA A NOSA ESCOLA E COMO SE VAI AO PARQUE DE CELAS. NO PARQUE SINALAMOS AS ZONAS IMPORTANTES E A ENTRADA DO REGO DA XESTEIRA..

REMATAMOS A SEMANA CUNHA ESTUPENDA FESTA DO MAGOSTO... PERO ESA HISTORIA CONTÁMOSVOLA OUTRO DÍA.

OUTUBRO AVANZA E ACHÉGASE O SAMAÍN

 REMATAMOS DÚAS SEMANAS INTENSAS CON FESTIVOS E ANIVERSARIOS INCLUÍDOS, OUTUBRO É UN MES MOI IMPORTANTE PARA AS NOSAS VETERANAS. PARABÉNS!!

 DURANTE ESTE TEMPO EMPEZAMOS A USAR AS NOSAS LIBRETAS E LIBROS DE ARTE LIBRE, PARTICIPAMOS NAS PROPOSTAS DE AULA E ESTACIÓNS DE APRENDIZAXE, CADA QUEN SEGUNDO AS SÚAS POSIBILIDADES , ESTREAMOS UNS ROTULADORES MOI ESPECIAIS, QUITAMOS A PEL FINA DAS NOCES QUE RECOLLEMOS NO PATIO E QUE TEMOS A SECAR, E , FINALMENTE, FIXEMOS UN MONTÓN DE MANUALIDADES PARA DECORAR E MONTAR A MESA DO SAMAÍN.

CADA QUEN ELIXÍU A SÚA CABAZA E DECOROUNA  PINTÁNDOLLE A CARA E POÑÉNDOLLE PELOS DE PAPEL, PINTAMOS CABACIÑAS COS PUÑOS E DECORÁMOLAS AO NOSO GUSTO CON GOMETS, TAMÉN FIXEMOS PEQUENAS VASOIRAS CON PAOS E PERIÓDICOS. 

SORPRESAS DE OUTONO

 AS NOSAS FABIÑAS VAN MEDRANDO : A SEMENTE FÍXOSE PRANTA  SORPRENDÉNDONOS CADA DÍA, OBSERVAMOS   PERFECTAMENTE AS RAÍCES, TALOS E FOLLAS.

 ESTA SEMANA PREPARAMOS OS PRIMEIROS AGASALLOS DE CUMPREANOS DECORANDO  MACETAS QUE GARDAN UNHA SORPRESA NO SEU INTERIOR: COA LUZ DO SOL , UN POUCO DE HUMIDADE NA TERRA E MOITA PACIENCIA ... ALÁ POLA PRIMAVERA TEREMOS UN AGASALLO AUTÉNTICO.

COA COLLEITA DOS NOSOS CASTIÑEIROS FIXEMOS COLARES DE ZONCHOS,  CASTAÑAS COCIDAS SEN PELAR . NÓTANSE BEN  AS HABILIDADES ADQUIRIDAS COA AGULLA O CURSO PASADO!! NESTA CREACIÓN HOUBO QUE MANEXAR CON MOITO TINO FERRAMENTAS  DA VIDA DIARIA , IR CONTANDO AS CASTAÑAS POSTAS E CALCULANDO AS QUE FALTABAN ATA TER UNHA DECENA. 

 ARTE, O PROCESO CREATIVO E O RESULTADO DO MESMO É FASCINANTE .  BAIXO UNHAS DIRECTRICES SIXELAS ... QUE VARIEDADE DE POSIBILIDADES ARTÍSTICAS SE DESENVOLVEN! . ESTA SEMANA PINTAMOS CON TÉMPERA, INSPIRÁNDONOS NAS FLORES DE CABAZA DA NOSA HORTA E NA CAÍDA DAS FOLLAS  . EXPERIMENTAMOS NOVAS TÉCNICAS E EFECTOS.

USAMOS OURIZOS E PINZAS PARA EXPLORAR...

... BONITO, PERO COMPLICADO, CAMBIÁMOLOS POR BASTONCIÑOS.

A APROXIMACIÓN Á LECTOESCRITURA , SEMPRE PRESENTE NO NOSO DÍA A DÍA.

 

A NORMALIDADE

ESTA SEMANA EMPEZAMOS COAS ESPECIALIDADES,  PARTICIPANDO NAS PROPOSTAS DO PROFESORADO DE INGLÉS, MÚSICA, A.L., PSICOMOTRICIDADE , XOGOS DE MESA E OBRADOIROS.  IMOS COLLENDO RITMO  CO HORARIO COMPLETO.

A TARTARUGA QUE QUERÍA DURMIR  TROUXO UN COLCHÓN E ROUPA DE CAMA, PARA APRENDER A FACELA E XOGAR NELA. ADEMAIS PLANTAMOS AS FABAS EN TERRA, DESCUBRIMOS LETRAS E NÚMEROS, MODELAMOS AS PERSONAXES DOS CONTOS E COMPLETAMOS A ORGANIZACIÓN DAS NOSAS RUTINAS.