POR FIN... A ROMARÍA!!

 AO FIN , POIDEMOS CELEBRAR A NOSA ROMARÍA , UNHA XORNADA FESTIVA CHEA DE ILUSIÓN, ACTIVIDADES E SORPRESAS NA QUE  ESCOLA E  FAMILIA  DISFRUTAMOS DUN ESTUPENDO DÍA XUNTOS NO PARQUE DE CELAS .

ADEMAIS CELEBRAMOS O FIN DO PROXECTO  SEMENTANDO SAÚDE CUNHA CARREIRA DE ORIENTACIÓN NA QUE CONTAMOS COA COLABORACIÓN DO ALUMNADO E PROFESORADO DO IES DE SABÓN. 

PERO AQUÍ NON REMATA A COUSA, PORQUE ESTA SEMANA TAMÉN FOMOS Á CIDADE DA CULTURA DE SANTIAGO DE COMPOSTELA PARA RECIBIR O 1º PREMIO DO CONCURSO CANTANDO COAS MANS , ORGANIZADO POLA FAXPG. 

A SORPRESA FOI QUE DURANTE A   ACTUACIÓN  ACOMPAÑOUNOS UXÍA, INTÉRPRETE XUNTO CO GRUPO MARÍA FUMAçA  DA CANCIÓN  "FUN AO MERCADO"... NON PARAMOS!!

EU BEN VIN ESTAR O MOUCHO, ROSALÍA DE CASTRO

AQUÍ VOS DEIXO O POEMA DE ROSALÍA DE CASTRO CO QUE ESTAMOS A TRABALLAR NA ESCOLA , MUSICADO POR MIGALLAS. 

O POEMA TRATA DO MEDO, UNHA DAS EMOCIÓNS DAS QUE ESTAMOS A FALAR DENTRO DO NOSO PROXECTO SEMENTANDO SAÚDE.

NO DÍA DE ROSALÍA ... UNHA FLOR E UNHA POESÍA. POÑEDE A FLOR NUN PRATIÑO CON AUGA E ... ABRIRASE MOI AMODIÑO!

 

VISITA A DONAIRE

 ESTE VENRES ESTIVEMOS EN DONAIRE, ASOCIACIÓN CULTURAL  DE MUSICA E BAILE TRADICIONAL GALEGO, PARA COMENZAR A CELEBRACIÓN DAS LETRAS GALEGAS . ALÍ, ENSINÁRONNOS  BAILES , MÚSICA E INSTRUMENTOS TRADICIONAIS .

SEGUINDO CO PROXECTO D'XASTRES, POIDEMOS VER, TOCAR E VESTIR O TRAXE TRADICIONAL DE FESTA, DE GALA, DE FAENA... ZOCOS, ZOCAS, XACARANDAINAS, ZAPATOS, PANOS, FAIXAS, CHALEQUES, MONTEIRAS, CALZÓNS, SAIAS, MANDILS... APRECIAR COMO ERAN AS TEAS , MOITO MÁIS PESADAS E GROSAS , E O CALZADO DE MADEIRA E COIRO.

23 DE ABRIL, DÍA DO LIBRO

 ESTA SEMANA, PARA CELEBRAR O DÍA DO LIBRO, INVITAMOS ÁS FAMILIAS A VIR Á NOSA ESCOLA A CONTARNOS UN CONTO... É UNHA INVITACIÓN ABERTA A CALQUEIRA DÍA DO ANO, E A NÓS ENCÁNTANOS. 

NESTA OCASIÓN,   VEU A MAMÁ DE NICO ,  XUNTOS ELIXIRON O LIBRO ANDANDO POR EL CAMINO, UNHA HISTORIA PARA CANTAR E  CONTAR.

ADEMAIS FIXEMOS UN MARCAPÁXINAS USANDO TELAS E LÁ.

 

CANTAMOS COAS MANS

 UN ANO MÁIS O CRA DE CULLEREDO PARTICIPA NO CONCURSO CANTAMOS COAS MANS DA FAXPG; NESTA OCASIÓN COA CANCIÓN " FÍOS" DO GRUPO GOLFIÑOS , EN RELACIÓN  AO NOSO PDI D´XASTRES. 

A MESTRA DE ED. MUSICAL, LORENA, ENCARGOUSE DE TODO O PROCESO : APRENDEULLE O SIGNADO AO  ALUMNADO, GRAVOUNO E EDITOUNO, ACADANDO UN VÍDEO CLIP PRECIOSO E MOI MERITOSO. 

PARA VELO PODEDES IR AO SEU BLOGUE LA,LA,LA, NO QUE TAMÉN SE RECOLLEN OS DOS ANOS ANTERIORES. 

O CERTO É QUE, MÁIS ALÁ DO RESULTADO DO CONCURSO, A EXPERIENCIA NOSA NA ESCOLA, SEMPRE RESULTA SUPER GRATIFICANTE.

👉👉👉DEIXOVOS AQUÍ O ENLACE DIRECTO:👈👈👈

      

ESTE CURSO HAI MOITOS CENTROS ESCOLARES PARTICIPANTES, O CAL NOS ALEGRA MOITO, BOTÁDELLES UN OLLO E VOTADE POLO QUE MÁIS VOS GUSTE . PICADE NO ENLACE:

👉👉👉DIFÍCIL, AVISO!👈👈👈

ARAÑEANDO EN PRIMAVERA

  ESTA SEMANA  CHEGOU A PRIMAVERA E, COMO  OS PRIMEIROS DÍAS  TIVEMOS UN TEMPO MOI AGRADABLE, APROVEITAMOS PARA CELEBRALO  E DISFRUTAR DA NOSA CONTORNA: RECOLLEMOS FLORES  , FIXEMOS  CON ELAS UNS TAPICES PRECIOSOS, OBSERVAMOS BECHOS, XOGAMOS A RODAR  COMO  CROQUETAS, A SALTAR COMO O HOMEARAÑA , MERENDAMOS AO  AIRE LIBRE E, POR ÚLTIMO, MIRAMOS O CEO BUSCANDO FORMAS NAS NUBES. UN DÍA   BEN BONITO!

POR OUTRO LADO , SEGUIMOS  DESCUBRINDO  NOVAS DAS NOSAS AMIGAS AS ARAÑAS, QUE ESTÁN RESULTANDO MOI CURIOSAS E FASCINANTES. ADEMAIS , ACOMPAÑAMOS A NOSA INVESTIGACIÓN CON DIFERENTES XOGOS E MANUALIDADES NOS QUE DESENVOLVEMOS O NOSO INXENIO E CREATIVIDADE.

 

30 DE XANEIRO, DÍA INTERNACIONAL DA PAZ E DA NON VIOLENCIA

 PARA CELEBRAR O DÍA DA PAZ, PRESENTAMOS O LIBRO IMAGINE , BASEADO NA  CANCIÓN  DE JOHN LENNON, UN CANTO MUNDIALMENTE COÑECIDO AO QUE O NOSO ALUMNADO APORTA AS SÚAS INOCENTES E FERMOSAS VOCES .

AS NENAS E NENOS SON MOI RECEPTIVAS/OS ÁS MENSAXES DE PAZ : A  RESOLUCIÓN DE CONFLICTOS , OS SENTIMENTOS E EMOCIÓNS QUE CONLEVAN... SON MOI IMPORTANTES NESTA IDADE, DE FEITO, HAI UNHA MADUREZ E UN  SABER INCRIBLES NAS SÚAS PROPIAS MENSAXES PARA FACER UN MUNDO MELLOR.

TRABALLAMOS OS SÍMBOLOS DA PAZ , A FIGURA DA POMBA E A   PÓLA DE OLIVO  . 

 PARA RECREAR A PORTADA DO LIBRO FIXEMOS A NOSA PROPIA VERSIÓN DA MESMA, USANDO A ROUPA DOADA POLA FAMILIAS, ÁS QUE LLES ESTAMOS A SACAR MOITO PROVEITO NAS NOSAS OBRAS DE ARTE. ADEMAIS , ELABORAMOS UN MURAL COMPLEMENTARIO CHEO DE POMBAS PRECIOSAS QUE LEVAN A MENSAXE DE JOHN LENNON : " ESPERO QUE UN DÍA TE UNAS A NÓS"

DESPEDIDA DO 1º TRIMESTRE

EMPEZOU O INVERNO ;  CON EL CHEGA  O NADAL  E AS VACACIÓNS , ASÍ QUE TOCA DESPEDIRNOS POR UNS DÍAS, ...E  NON HAI MELLOR DESPEDIDA QUE UNHA BOA XUNTANZA DE AMIGAS E AMIGOS  DISFRUTANDO , PROFESORADO E ALUMNADO CHEOS DE ILUSIÓN, A  MESMA QUE AGORA COMPARTIMOS CON VÓS NESTE VÍDEO .

SÓ QUEDA POR DICIR...

XOGOS CANTADOS : O FURÓN

OS XOGOS CANTADOS EN LINGUA GALEGA SON CULTURA E  TRADICIÓN , PERMITINDO  ASOCIAR ESTES CONCEPTOS ÁS VIVENZAS   DA INFANCIA E Á SÚA MEMORIA.

HOXE PRESENTAMOS PARA TODAS AS NENAS E NENOS DO CRA DE CULLEREDO UN XOGO CHAMADO O FURÓN.

O FURÓN PODE SER CALQUEIRA OBXECTO PEQUENO : UNHA PEDRIÑA, UNHA CASTAÑA, UNHA LANDRA, UNHA CANICA, UN BOTÓN...

O XOGO CONSISTE EN IR PASANDO O FURÓN POR TODAS AS MANS E DEIXALO CAER , OU NON, DISIMULADAMENTE , DENTRO DUNHA DELAS. UNHA  PERSOA  FAI DE DETECTIVE E TERÁ QUE ADIVIÑAR QUEN O LEVA.

PARA XOGAR, SÓ TEDES QUE APRENDER A ABRIR E PECHAR A CAIXIÑA  FEITA  COAS VOSAS MANS E  CANTAR. CUN POUCO DE PRÁCTICA SEGURO QUE O CONSEGUIREDES.

FIN DO 1º TRIMESTRE

 ESTES DÍAS ESTIVEMOS GRAVANDO O VÍDEO  DO FESTIVAL , XOGANDO,  REMATANDO TRABALLIÑOS , DISFRUTANDO DA COMPAÑÍA D@S AMIGOS E DA ALEGRÍA PROPIA DESTAS DATAS.

AQUÍ PODEDES VER O NOSO VÍDEOCLIP DO APALPADOR DE MAMACABRA , QUE NOS QUEDOU BEN CHULO, COMO OS DAS OUTRAS ESCOLAS. BOTADE UNHA OLLADA NOS SEUS BLOGUES PORQUE ESTÁN BEN SIMPÁTICOS.

ADEMAIS SE PREMEDES NESTE ENLACE 👉🏻VIAXANDO POR ALALÁ👈🏻 VEREDES O QUE PREPAROU A PROFE LORENA COA PARTICIPACIÓN DE TODO O ALUMNADO DO CRA.

DESEXÁMOSVOS UNHA BOAS FESTAS DE NADAL E VERÉMONOS  PRONTO DE NOVO.

ENTRAMOS NO MES DE NADAL...

 ESTIVEMOS A DECORAR A ESCOLA COAS COUSIÑAS QUE FOMOS FACENDO OS CURSOS PASADOS, APROVEITANDO AS ESTRELAS XIGANTES PARA ADORNAR AS VENTÁS.  SÓ TIÑAMOS TRES XA PINTADAS E  NON ERAN SUFICIENTES , ASÍ QUE,  PUXÉMONOS MANS Á OBRA PARA TUNEAR DÚAS MÁIS.

SE QUEREDES EMPEZAR A SABOREAR O NADAL PODEDES FACELO CON ESTE BONITO VILLANCICO DE MAMACABRA ADICADO AO APALPADOR. NO VÍDEO , ADEMÁIS, TEMOS A VERSIÓN EN LINGUAXE DE SIGNOS. 

CANTANDO APRÉNDESE MELLOR

 DÉIXOVOS AQUÍ AS CANCIÓNS QUE ESTIVEMOS A APRENDER ESTES DÍAS POR SE VOS APETECE CÁNTALAS  NA CASA TAMÉN.

ÁRBOLES DE NAVIDAD

ESTE VILLANCICO APREDÉMOLO NA CLASE DE MÚSICA COA PROFE MABEL, QUE PERSONALIZOU A LETRA PARA QUE FOSE SIGNIFICATIVA NAS NOSAS AULAS

FRAUTA TRAVESEIRA

E PARA QUE VEXADES O QUE DEU DE SI A SEMANA, AS NENAS E NENOS PROBARON A TOCAR A FRAUTA TRAVESEIRA COA PROFE MABEL. ALGO QUE PARECÍA DOADO PERO QUE RESULTOU SER DIFICILÍSIMO.