ARTE COLLAGE

O COLLAGE É UNHA MODALIDADE ARTÍSTICA NA QUE SE MISTURA PINTURA E FOTOGRAFÍA; E, NESTAS ANDAMOS, USANDO FOTOGRAFÍAS DE REVISTAS E A NOSA IMAXINACIÓN.

FIN DO XOGO

FIN DO XOGO. O CACO DE PEPA DEU POR VÁLIDOS OS 17 RETOS QUE NOS PROPUXO E QUE NÓS DESENVOLVEMOS CON MOITO GUSTO, ENCHENDO O TABOLEIRO DE PEGATINAS. COMO PREMIO, DÉUNOLO DE REGALO XUNTO COS PEÓNS E OUTROS ELEMENTOS PARA XOGAR AO CACO/OCA. 

E, AGORA QUE ACONTECERÁ? DEVOLVERANOS O CADRO COMO PROMETEU??

UN XIRASOL NA ESCOLA

ESTA SEMANA VISITOU Á NOSA ESCOLA UN PEQUENO E A SÚA FAMILIA  , VIÑERON  PASAR UN RATO CON NÓS E COÑECERNOS.  FORON MOI XENEROSOS  XA QUE NOS TROUXERON UN XIRASOL DA SÚA CASA PARA QUE O PLANTÁRAMOS EN VINSEIRA...E ASÍ O FIXEMOS, UN BONITO RECORDO DO SEU PASO POLA NOSA ESCOLA.

ASOCIACIÓN DE CELÍACOS

O VENRES , A TRAVÉS DO CONCELLO, XANA VISITOU A NOSA ESCOLA PARA FALARNOS DA ENFERMIDADE CELÍACA. PARA FACELO CONTOUNOS A SÚA EXPERIENCIA PERSOAL COMO CELÍACA E LÉUNOS UN LIBRO DOS BOLECHAS QUE TRATA SOBRE ISTO

ANTES DE MARCHAR FÍXONOS UN AGASALLO EN NOME DA ASOCIACIÓN DE CELÍACOS/AS DE GALICIA, PARA ESTAR BEN INFORMADOS TAMÉN EN CASA .

PLANO PICADO E CONTRAPICADO

O PLANO PICADO É CANDO A FOTOGRAFÍA ENFOCA DENDE ARRIBA, E, O CONTRAPICADO, CANDO ENFOCA DENDE ABAIXO. NESTE CASO USAMOS UNHA CÁMARA GRAN ANGULAR, PRONTO PODEREMOS VER OS RESULTADOS.

A DISTANCIA E OS PLANOS FOTOGRÁFICOS

ESTAS SON AS FOTOS QUE SACARON AS NENAS E NENOS DE VINSEIRA PARA PRACTICAR O APRENDIDO SOBRE OS DIFERENTES TIPOS DE PLANOS FOTOGRÁFICOS: PLANO XERAL, PLANO MEDIO, PLANO ENTEIRO E 1º PLANO. A DIFERENCIA ESTÁ NA DISTANCIA DO OBXECTO A FOTOGRAFÍAR E NO QUE ABARCA A IMAXE.

MÁIS OBRADOIROS DA PEPATEKA

XA QUEDOU CLARO QUE ESA MAÑÁ DEU PARA MOITO, AGORA PODEDES VER OS OBRADOIROS QUE FALTABAN: O PRÉSTAMO DE LIBROS DA PEPATEKA, O OBRADOIRO DE COCIÑA E OS XOGOS NO PATIO.

PREPARANDO O MACCRA

XA FALTA POUCO E IMOS DÁNDOLLE FORMA. SERÁ TODA UNHA SORPRESA ESTE MUSEO DE ARTE CONTEMPORÁNEO.

RETO 16: O CACO ENTRA NA NOSA ESCOLA

ESTAMOS ACHEGÁNDONOS AO REMATE DO XOGO...E CADA VEZ OS RETOS SON MÁIS COMPLICADOS. DESTA VOLTA A PROPOSTA DO CACO VIÑA CHEA DE MISTERIO, ENIGMAS E XEROGLÍFICOS QUE, AO RESOLVELOS, NOS DABAN A CLAVE PARA ABRIR UNHA CAIXA FORTE. DENTRO DELA HABÍA UNHA CARTA E UN CÓDIGO QR, AO DECODIFICALO PUIDEMOS VER COMO O CACO ANDABA A AGOCHAR COUSAS NA NOSA ESCOLA , APROVEITANDO QUE NON ESTABAMOS NÓS. QUE FOI O QUE ATOPAMOS?

ACTUACIÓN DE MÚSICA NA ROMARÍA DAS LETRAS GALEGAS

ROMARÍA DAS LETRAS GALEGAS 2019

O TEMPO NON ACOMPAÑOU PERO NÓS PASÁMOLO XENIAL COS XOGOS POPULARES , ACTUACIÓNS E XANTAR EN FAMILIA. ISO SI, OS XOGOS DA TARDE REMATARON ANTES DO PREVISTO, PERO... O ANO QUE VEN, MÁIS.

MUIÑEIRA

ESPECTACULAR MUIÑEIRA , BEN BONITA E BEN BAILADA, HOMENAXE AO DÍA DAS LETRAS GALEGAS.ARTISTAZ@S!!

MAMA ENCABRITÁNDONOS

CANDO DICIMOS A TOPE ... QUEREMOS DICIR A TOPE!

CONCERTO DE MAMACABRA

MAMACABRA TOCOU NO TEATRO COLÓN ESTREANDO DEVERIVES, UN REPERTORIO ALEGRE E DIVERTIDO QUE INCLUÍU MOITOS DOS SEUS GRANDES ÉXITOS. SOBRA DECIR QUE NOS FIXERON CANTAR E BAILAR A TOPE.

PEPATECA

HOXE VISITAMOS A PEPATECA NA ESCOLA DA CHOEIRA,  UNHA BIBLIOTECA FASCINANTE CHEA DE NOVIDADES E HISTORIAS QUE ALIMENTAN A NOSA IMAXINACIÓN CADA DÍA DO CURSO.
 ADEMÁIS APROVEITAMOS A XUNTANZA PARA PASAR UNHA XORNADA DE CONVIVENCIA CHEA DE ACTIVIDADES E PROPOSTAS : UN CONTACONTOS DO LIBRO HISTORIA DE UNA LATA; A PROXECCIÓN DA PELÍCULA DE ANIMACIÓN FEITA NO CRA UN CIRCO MOI ARTÍSTICO E OBRADOIROS VARIADOS. AQUÍ PODEDES VER O DE ARTE , NO QUE FIXEMOS UNHA MARIONETA DE DEDO SALTARINA E O DE TICS, NO QUE VISITAMOS O BRITISH MUSEUM E O MUSEO LOUVRE DE PARÍS A TRAVÉS DUNHA APP DE REALIDADE AUMENTADA.

 


PRONTO PODEREDES VER MÁIS FOTOS DOS OBRADOIROS. DESPOIS DO RECREO E DA SUPERMERENDOLA PARTICIPAMOS  NA MASTERCLASS QUE NOS OFRECEU EDGAR ORTIZ, AUTOR DO NOSO QUERIDO CADRO DA AVIONETA PEPA.

ELENA BERENJENA SE DESPIDE

ONTE RECIBIMOS A ÚLTIMA VISITA DE ELENA BERENJENA. CHEGOU Á NOSA ESCOLA MOI FELIZ PORQUE XA CONSEGUIRA TODOS OS ELEMENTOS DO ELIXIR, AÍNDA QUE BALDOMERO NON LLE DEIXOU FACELO NO SEU  LABORATORIO POR MEDO A UNHA NOVA EXPLOSIÓN. AXUDÁMOSLLE NÓS A ELABORALO E SAÍUNOS PERFECTO, TAN PERFECTO QUE NOLO PAPAMOS TODIÑO. UN ELIXIR SAUDABLE E DELICIOSO QUE PODEDES PROBAR A FACER NA VOSA CASA...NON EXPLOTA, TRANQUIS!!!
TEMOS QUE DALAS GRAZAS AO CONCELLO POR AGASALLARNOS CON ESTA FANTÁSTICA EXPERIENCIA .

NOVO RETO

DESTA VOLTA O CACO DE PEPA PROPÚXONOS UN RETO UN CHISCO COMPLICADO, PERO COA AXUDA DE IVÁN CONSEGUIMOS FACELO. MIRADE  PARA QUE ERAN AS LATAS QUE FOSTES TRAENDO DA CASA!!
 PRIMEIRO TIVEMOS QUE PENSAR A MENSAXE QUE QUERIAMOS EXPRESAR, DESPOIS PINTAR E PEGAR NA NOSA ESCOLA. QUEDOU BEN CHULO!

FERMOSURA

NON HAI NADA QUE DICIR. UNHA IMAXE VALE MÁIS... HUMMMM.

FOTOGRAFÍA ARTÍSTICA

LEVAMOS UN TEMPO XA NO QUE TODAS AS SEMANAS FACEMOS UNHAS SESIÓNS DE FOTOGRAFÍA ARTÍSTICA, ÁS VECES EN GRUPO, OUTRAS EN PARELLA OU INDIVIDUALMENTE . NALGUNHAS DISPOÑEMOS OS ELEMENTOS A FOTOGRAFÍAR, NOUTRAS SIMPLEMENTE EXPERIMENTAMOS. ESTÁN SACADAS  POLOS NENOS E NENAS ESCOLA , CON OU SEN A MIÑA AXUDA E SUPERVISIÓN, USANDO UNHA CÁMARA REFLEX DIXITAL, MÓBIL E IPAD. O CASO É QUE SACAR FOTOS ESTÁ CHUPADO , OU ISO PARECE, SÓ HAI QUE DARLLE AO BOTÓN; PERO LOGO , CANDO AS VEMOS EN CLASE RECOÑECEMOS PERFECTAMENTE AS QUE ESTÁN CORTADAS, DESENFOCADAS OU MOVIDAS . E AÍ ESTÁ A APRENDIZAXE!! IMOS EMPEZAR A PUBLICAR ALGUNHAS DAS SERIES FEITAS , NESTE CASO PODEDES VER REFLEXOS CARAS A TORRE, SOMBRAS , TÚNEL.

BIBLIOTECAS CREATIVAS: O ESPAZO FEDELLO

AS BIBLIOTECAS CREATIVAS PRETENDEN CREAR INQUEDANZA, CURIOSIDADE E GANAS DE APRENDER NAS NENAS E NENOS. POR ISO INCORPORAN UN ESPAZO DESTINADO Á APRENDIZAXE A TRAVÉS DA MANIPULACIÓN DE MATERIAIS NOVIDOSOS E DIVERSOS, O ESPAZO FEDELLO. ESTE TRIMESTRE TEMOS NO NOSO ESPAZO FEDELLO UN LOTE DE IMÁNS CON TAMAÑOS, FORMAS E FORZA DIFERENTES, XUNTO CON ELEMENTOS VARIADOS COS QUE EXPERIMENTAR, XOGAR E DESCUBRIR POSIBILIDADES DE ACCIÓN: BUSCAR MATERIAIS QUE SE ATRAEN, FACER QUE SE MOVAN SEN TOCALOS, XUNTALOS, SEPARALOS, CREAR ESCULTURAS E FORMAS, SEGUIR CAMIÑOS E LABIRINTOS...

VISITOUNOS UNHA HIXIENISTA DENTAL

HOXE MARÍA , UNHA NAI QUE É HIXIENISTA DENTAL, VISITOU AS ESCOLAS DO CRA CONTÁNDONOS COMO CEPILLAR CORRECTAMENTE OS NOSOS DENTES, XA QUE ISTO É FUNDAMENTAL PARA MANTER SANA A NOSA DENTADURA. DEUNOS UNS BOS CONSELLOS, ENSINOUNOS OS PASOS A SEGUIR E DEIXOUNOS PRACTICAR. REGALOUNOS UN KIT DE ASEO DENTAL MOI COMPLETO PARA LEVAR A CASA... XA NON HAI DISCULPA: TEMOS QUE CEPILLAR OS DENTES TRES VECES AO DÍA SEGUINDO AS SÚAS INDICACIÓNS E FORA CARIES!!!