MARCHAMOS ...QUE TEMOS QUE MARCHAR!!

 O FIN DE CURSO SEMPRE CONFUNDE AS NOSAS EMOCIÓNS , POR UNHA PARTE, DESEXAMOS QUE CHEGUE, E,  POR OUTRA , DANOS MÁGOA SEPARARNOS E DESPEDIRNOS DESPOIS DE TANTOS BOS RATOS XUNTOS. 

AGORA... O MERECIDO DESCANSO!!

TODO O ALUMNADO E PROFESORADO DO  CRA TAMÉN FIXEMOS A NOSA SAÍDA DE DESPEDIDA, PASAMOS O DÍA 20 NA GRANXA ESCOLA  BELELLE, UNHA BONITA XORNADA DE CONVIVENCIA E EXPERIENCIAS COMPARTIDAS. .

E , POR ÚLTIMO,  ANTES DE MARCHAR  , QUEREMOS ENSINARVOS A  REVISTA   AS NOVAS DE PEPA DESTE CURSO  2023/24  , QUE ESTÁ MOI CHULA E CHEA DE SORPRESAS .                     MIRÁDEA CON CALMA PORQUE É 👌👌👌👌👌👌 !!

                           (   PODEDES CLICAR NA IMAXE E  TAMÉN BUSCALA  NA PÁXINA WEB DO CENTRO).

👇👇👇👇👇👇👇👇👇👇👇👇👇👇

BOLBORETAS E DEMAIS...

 ESTAS  DERRADEIRAS SEMANAS ESTÁN A SER MOI INTENSAS.

 POR FIN TIVEMOS BÓ TEMPO PARA REMATAR ALGUNHAS ACTIVIDADES PENDENTES  COMO A PLANTACIÓN DE FLORES E  DA MOREIRA QUE NOS REGALOU A FAMILIA DE GAEL, A CANALIZACIÓN DA AUGA COA PROFE TATI , O CIRCUITO DE MOVEMENTO E SAÚDE NO PATIO, ETC.

HOUBO DÚAS SAÍDAS. NA PRIMEIRA PARTICIPAMOS TODOS VISITANDO  A FUNDACIÓN LUIS SEOANE, E NA SEGUNDA , SÓ O ALUMNADO QUE SE ESCOLARIZARÁ  NO CEIP DE TARRIO O VINDEIRO CURSO . FOI UNHA BONITA XORNADA DE ACOLLIDA ORGANIZADA POLO COLEXIO DE TARRIO DA QUE AS NENAS E NENOS VIÑERON FELICES, MOITAS GRAZAS TARRIO!!

ADEMAIS, ESTANDO NA 9º SEMANA DENDE O SEU NACEMENTO, POR FIN AS EIRUGAS DE SEDA SAÍRON DO CASULO METAMORFOSEADAS EN BOLBORETA. PUIDEMOS OBSERVAR COMO OS MACHOS FAN O RECLAMO  ALETEANDO  , COMO SE APAREAN COAS FEMIAS E INCLUSO  , TODO EN DOUS DÍAS, OS PRIMEIROS OVOS. O CICLO DE VIDA ESTÁ CHEGANDO AO SEU FIN.

                          A TÁCTICA DO COLIBRÍ: FUNDACIÓN LUIS SEOANE

                       ACTIVIDADES DOS DERRADEIROS DÍAS EN VINSEIRA 

                XORNADA DE ACOLLIDA DO CEIP  PLURILINGÜE DE TARRIO

POR FIN... A ROMARÍA!!

 AO FIN , POIDEMOS CELEBRAR A NOSA ROMARÍA , UNHA XORNADA FESTIVA CHEA DE ILUSIÓN, ACTIVIDADES E SORPRESAS NA QUE  ESCOLA E  FAMILIA  DISFRUTAMOS DUN ESTUPENDO DÍA XUNTOS NO PARQUE DE CELAS .

ADEMAIS CELEBRAMOS O FIN DO PROXECTO  SEMENTANDO SAÚDE CUNHA CARREIRA DE ORIENTACIÓN NA QUE CONTAMOS COA COLABORACIÓN DO ALUMNADO E PROFESORADO DO IES DE SABÓN. 

PERO AQUÍ NON REMATA A COUSA, PORQUE ESTA SEMANA TAMÉN FOMOS Á CIDADE DA CULTURA DE SANTIAGO DE COMPOSTELA PARA RECIBIR O 1º PREMIO DO CONCURSO CANTANDO COAS MANS , ORGANIZADO POLA FAXPG. 

A SORPRESA FOI QUE DURANTE A   ACTUACIÓN  ACOMPAÑOUNOS UXÍA, INTÉRPRETE XUNTO CO GRUPO MARÍA FUMAçA  DA CANCIÓN  "FUN AO MERCADO"... NON PARAMOS!!

CIRCUITO DE MOVEMENTO E SAÚDE

 FACER EXERCICIO É FUNDAMENTAL PARA TER BOA SAÚDE. LEVAMOS UN TEMPO PENSANDO O DISEÑO DUN CIRCUITO  DE MOVEMENTO  PARA O  PATIO  E , ADEMAIS, FABRICAMOS O  XIZ EN CLASE PARA PODER PINTALO.

O CONTO QUEDOU ASÍ:  SAÍMOS EN COCHE CARA Á PRAIA ... OLLO COAS CURVAS!   , CHEGAMOS! A AREA... QUEIMA, SALTAMOS AS ONDAS DO MAR, COLLEMOS CUNCHAS, PISAMOS POMPAS, CHEGA A TORMENTA E CORREMOS VELOCES COMA SONIC, SALTAMOS A MARIOLA E REMATAMOS DANDO VOLTAS NO XIRASOL... FÁLTANOS O ÚLTIMO TRAMO... PERO XA SABEMOS COMO VAI SER.

A MOUCHA CONTESTOU Á NOSA CARTA, FIXÉMOSLLE UN AGASALLO  DOS QUE LLE GUSTAN A ELA , COUSAS DA NATUREZA E PAPEL BRILLANTE, E...  E ELA DEIXOUNOS PEDRAS PRECIOSAS!

O MARTES FOMOS Á FACULTADE DE CIENCIAS DA EDUCACIÓN PARA COLABORAR NUNHA INSTALACIÓN SONORA PREPARADA POLO ALUMNADO DE EDUCACIÓN INFANTIL. ÁS NENAS E NENOS  GUSTOULLE MOITO PARTICIPAR , EXPERIMENTAR E EXPLORAR TODAS AS POSIBILIDADES DE ACCIÓN DA INSTALACIÓN , QUE NON ERAN POUCAS.

EN ABRIL... COUSIÑAS MIL

 SEGUIMOS DESENVOLVENDO PROPOSTAS E ACTIVIDADES QUE FOMENTAN A  MOTIVACIÓN,  CREATIVIDADE,  PENSAMENTO LÓXICO MATEMÁTICO, EXPERIMENTACIÓN, ACHEGAMENTO Á LECTOESCRITURA, AUTONOMÍA... NESTE VÍDEO TEDES UN RESUMO DO FEITO EN CLASE NESTAS DÚAS ÚLTIMAS SEMANAS, INCLUÍDA A VISITA DA DRAGONA RAMONA , SUBVENCIONADA POLO CONCELLO DE CULLEREDO .

ADEMAIS , A PROFE TATI OFRECEUNOS UN OBRADOIRO CON PROPOSTAS LÚDICAS E  EXPERIMENTAIS  SOBRE A AUGA   QUE PUIDEMOS DESENVOLVER NO EXTERIOR E QUE RESULTOU MOI DIVERTIDO.

 O VENRES 19 VIAXAMOS Á CORUÑA PARA ASISTIR Á OBRA DE TEATRO PINGÜIN  (AUDITORIO  AFUNDACIÓN)  DA COMPAÑÍA PERIFERIA TEATRO, UNHA REPRESENTACIÓN EXCELENTE EN TODOS OS SENTIDOS QUE MARABILLOU A GRANDES E PEQUENOS.

EXPOSICIÓN DE HELMUT NEWTON

 XA PODEDES VER O VÍDEO DA XORNADA DO 10 DE ABRIL, NA QUE VISITAMOS A EXPOSICIÓN DE HELMUT NEWTON. APROVEITAMOS A VIAXE  XOGANDO  E MERENDANDO  NOS XARDÍNS DE MÉNDEZ NUÑEZ. 

MUSEO DE BELAS ARTES , A CORUÑA

ESTE VENRES VISITAMOS O MUSEO DE BELAS ARTES DE A CORUÑA. 

ALÍ CONTÁRONNOS, DE FORMA MOI AMENA,  A HISTORIA DE CAROLINA A TRAVÉS DE DIFERENTES  CADROS , AO TEMPO QUE IAMOS METENDO NUNHA MALETIÑA  OS SEUS TESOUROS PERSOAIS. CAROLINA VENSE VIVIR A CORUÑA E, POR FIN, PODE VER O MAR. DESPOIS DE TODOS OS NERVIOS, MEDOS E  PREOCUPACIÓNS, NESE INTRE SENTIUSE MOI FELIZ.

O CONTO LA OLA FOI O FINAL PERFECTO.

APROVEITAMOS A BOA MAÑÁ , MERENDANDO FÓRA E XOGANDO NUN PARQUE CERCANO.   UNHA XORNADA  ESTUPENDA.

                       

SEMANA DE ENTROIDO

 ESTA SEMANA ESTIVEMOS MOI OCUPADAS E OCUPADOS PREPARANDO  DISFRACES E ATEREZO, ATENDENDO AOS MANDACRÁ E FACENDO CHOQUEIRADAS VARIADAS. TAMÉN PRANTAMOS FRORES, ESPERANDO QUE NOS ALEGREN A ESCOLA NA PRIMAVERA. 

O VENRES CELEBRAMOS A FESTA DE ENTROIDO  NO POLIDEPORTIVO DE ALMEIRAS CUNHA XUNTANZA DE TODAS AS ESCOLAS . FIXEMOS  UN ENSAIO XERAL  DE SOPA VERDE, OBRADOIROS E XOGOS, MERENDA, A INTERPRETACIÓN DO CONTO  PARA TODAS AS FAMILIAS E REMATAMOS CO BAILE. ENTRE ATENDER ÁS ACTIVIDADES , CAMBIAR, RECOLLER , VESTIRSE E DESVESTIRSE, NON  SACAMOS FOTOS DE GRUPO , PERO PASÁMOLO PIPA E ESTABAMOS MOI GUAPAS E GUAPOS, QUEDARÁ NO RECORDO.

FESTA DE NADAL

 DESPEDIMOS O PRIMEIRO TRIMESTRE CUNHA XUNTANZA DE TODO O ALUMNADO E PROFESORADO DO CRA DE CULLEREDO , NA QUE CELEBRAMOS  A FESTA DE NADAL NUNHA XORNADA CHEA DE FANTASÍA AMBIENTADA NO CREBANOCES.

FELICES FESTAS A TODA A COMUNIDADE , VÉMONOS DE NOVO NO 2024.

VISITA Á DOMUS

CO PROXECTO SEMENTANDO SAÚDE ESTAMOS A COÑECER MOITOS ASPECTOS DO NOSO CORPO, O CORPO HUMANO , NA VISITA Á DOMUS COMPLETAMOS E AMPLIAMOS ESTE COÑECEMENTO  DUN XEITO CURIOSO E DIVERTIDO, XUNTO COAS COMPAÑEIRAS E COMPAÑEIROS DAS OUTRAS ESCOLAS DO CRA DE CULLEREDO.

MAGOSTO 23

 AQUÍ VOS DEIXO O VÍDEO RESUMO DO  MAGOSTO DESTE ANO , COMÚN PARA TODO O CRA DE CULLEREDO, UNHA BONITA XORNADA EN CONTACTO COA NATUREZA, A TRADICIÓN , A MAXIA E AS ARTES ESCÉNICAS. TIVEMOS SORTE DE QUE O TEMPO FOSE FAVORABLE PARA PODER DESENVOLVER AS NOSAS PROPOSTAS. 

 NESTA CELEBRACIÓN CONTAMOS COA COLABORACIÓN DAS FAMILIAS E AMIGOS ,  QUE NOS AXUDARON NA MERCA E ASADO DAS CASTAÑAS QUE, COMA SEMPRE,  ESTABAN  NO SEU PUNTO.

SAÍDA FIN DE CURSO

 O 16 DE XUÑO FOMOS DE EXCURSIÓN A ORDES PARA VISITAR O MUSEO DO TRAXE JUAN JOSÉ LINARES. XANTAMOS, XOGAMOS E PASEAMOS NA ÁREA RECREATIVA DE GABENLLE, NA LARACHA. UNHA XORNADA DE CONVIVENCIA DE TODO O PROFESORADO E ALUMNADO DO CRA DE CULLEREDO  PARA DESPEDIR O CURSO 2022/23

ROMARÍA DAS LETRAS GALEGAS

 A ROMARÍA DAS LETRAS GALEGAS É A NOS FESTA MÁIS ESPECIAL. 

DÁ MOITO QUE ORGANIZAR , PERO... SE O TEMPO NOS ACOMPAÑA, CONVÉRTESE NUNHA XORNADA  INESQUECIBLE DE CONVIVENCIA, XOGOS , MÚSICA, XANTAR , TRADICIÓN, OBRADOIROS E MOITAS SORPRESAS.  NON HAI MÁIS QUE DECIR, PODEDES VER O VÍDEO RESUMO NO BLOGUE DA PEPATECA OU CLICANDO NA IMAXE. 

                                                                          👇👇👇👇

VISITA A DONAIRE

 ESTE VENRES ESTIVEMOS EN DONAIRE, ASOCIACIÓN CULTURAL  DE MUSICA E BAILE TRADICIONAL GALEGO, PARA COMENZAR A CELEBRACIÓN DAS LETRAS GALEGAS . ALÍ, ENSINÁRONNOS  BAILES , MÚSICA E INSTRUMENTOS TRADICIONAIS .

SEGUINDO CO PROXECTO D'XASTRES, POIDEMOS VER, TOCAR E VESTIR O TRAXE TRADICIONAL DE FESTA, DE GALA, DE FAENA... ZOCOS, ZOCAS, XACARANDAINAS, ZAPATOS, PANOS, FAIXAS, CHALEQUES, MONTEIRAS, CALZÓNS, SAIAS, MANDILS... APRECIAR COMO ERAN AS TEAS , MOITO MÁIS PESADAS E GROSAS , E O CALZADO DE MADEIRA E COIRO.

VISITA Á EXPOSICIÓN DE MEISEL 93

 AQUÍ TEDES O VÍDEO DA SAÍDA QUE FIXEMOS Á CORUÑA PARA VISITAR A EXPOSICIÓN DE MEISEL 93 O PASADO MÉRCORES. 

MERENDAMOS DISFRUTANDO DAS VISTAS AO MAR,  VIMOS A EXPOSICIÓN ACOMPAÑADOS DAS GUÍAS E TIVEMOS TEMPO DE XOGAR NA INSTALACIÓN QUE PREPARARON PARA NÓS, MENTRES UN FOTÓGRAFO PROFESIONAL CAPTURABA OS MOMENTOS MÁIS DIVERTIDOS.

CASA DOS PEIXES

O XOVES VISITAMOS O AQUARIUM FINISTERRAE , OU CASA DOS PEIXES, EN  A CORUÑA. 

ESTA SAÍDA SEMPRE É UN ÉXITO ASEGURADO.

A FESTA DE ENTROIDO DO CRA CULLEREDO

PARA REMATAR A SEMANA DE ENTROIDO CELEBRAMOS  UNHA XORNADA FESTIVA XUNTANDO FAMILIAS, PROFESORADO E ALUMNADO , NO POLIDEPORTIVO DE ALMEIRAS. 

HOUBO OBRADOIROS, XOGOS, DOCES TÍPICOS DE ENTROIDO QUE TROUXERON AS FAMILIAS E CHOCOLATE QUENTE QUE APORTOU A ANPA, DESFILE E TEMPO PARA XOGAR.  ISO SI... REMATAMOS MOI CANSAS E CANSOS, ASÍ QUE AGORA... UNHAS PEQUENAS VACACIÓNS BEN MERECIDAS!

ESPERAMOS QUE VOS GUSTARA TANTO COMO A NÓS. 

DESPEDIDA DO 1º TRIMESTRE

EMPEZOU O INVERNO ;  CON EL CHEGA  O NADAL  E AS VACACIÓNS , ASÍ QUE TOCA DESPEDIRNOS POR UNS DÍAS, ...E  NON HAI MELLOR DESPEDIDA QUE UNHA BOA XUNTANZA DE AMIGAS E AMIGOS  DISFRUTANDO , PROFESORADO E ALUMNADO CHEOS DE ILUSIÓN, A  MESMA QUE AGORA COMPARTIMOS CON VÓS NESTE VÍDEO .

SÓ QUEDA POR DICIR...

MAGOSTO 2022

O VENRES 4 DE NOVEMBRO CELEBRAMOS O MAGOSTO NO CRA. 

REUNÍMONOS TODO O ALUMNADO E PROFESORADO NO PARQUE DE CELAS, UN  ESPAZO NATURAL PRECIOSO QUE TEMOS NA NOSA CONTORNA. ALÍ  ORGANIZAMOS XOGOS POPULARES COMO A CARREIRA DE SACOS, LEVAR A CASTAÑA NA CULLER , BAILAR   OS TROMPOS, FACER CONSTRUCCIÓNS DE MAZORCAS DE MILLO  E ANDAR NOS ZANCOS, PERO  TAMÉN TIVEMOS TEMPO PARA XOGAR NO PARQUE E DISFRUTAR DO BOSQUE E DA NATUREZA.

 MERENDAR TODAS E TODOS XUNTOS ENCÁNTANOS. COMEMOS UN MONTÓN DE CASTAÑAS QUE ASOU O AVÓ DE VALERIA. ASÍ QUE AGRADECEMOS ENORMEMENTE A COLABORACIÓN DA ASOCIACIÓN E DAS FAMILIAS QUE O FIXERON POSIBLE. O TEMPO ACOMPAÑOUNOS PARA QUE TODO FOSE PERFECTO.

MAGOSTO 2021

 POR FIN , DESPOIS DE TANTOS MESES PUIDEMOS FACER UNHA CELEBRACIÓN CONXUNTA TODAS AS ESCOLAS DO CRA DE CULLEREDO, QUIZÁIS POR ISO, ESTE  MAGOSTO FOI ESPECIAL. 

 DISFRUTAMOS MOITO DA ALGARABÍA DAS NENAS E NENOS , DUN DÍA PRECIOSO NUN LUGAR BEN CHULO, A RECTORAL DE CELAS. 

TIVEMOS TEMPO DE XOGAR AO NOSO AIRE, DE FACER XOGOS ORGANIZADOS, DE COMER CASTAÑAS , CANTAR E BAILAR... 

NO BLOGUE DE MÚSICA VIAXANDO POR ALALÁ   PODEDES ACCEDER ÁS CANCIÓNS DO MAGOSTO 2021.

OS NOSOS AGRADECEMENTOS AO SEÑOR RICARDO, QUE NOS ASOU AS CASTAÑAS , REGALÁNDONOS O SEU TEMPO ,  ESFORZO  E BO FACER:  ESTABAN NO PUNTO , DELICIOSAS, QUENTIÑAS E CASE QUE PELABAN SOAS. 

UN APLAUSO ENORME PARA RICARDO, O NOSO ASADOR DE CASTAÑAS.👏👏👏👏👏