viernes, 29 de noviembre de 2019

LIXO NA NATUREZA

CADA DÍA QUE SAIMOS FORA A OBSERVAR A NATUREZA ATOPAMOS LIXO DE TODO TIPO SEMIENTERRADO. APROVEITAMOS HOXE QUE NON CHOVEU PARA FACER UNHA  LIMPEZA. COAS PINZAS RECOLLEMOS DE TODO: PLÁSTICOS, METAIS, FERROS, CRISTAIS...  NON SABEMOS COMO CHEGARON ATA AÍ, O QUE SI SABEMOS É QUE ALGUÉN OS BOTOU, E NON FOMOS NÓS!!
SE NA NOSA CONTORNA ATOPAMOS TODO ISTO...COMO ESTARÁN OS FONDOS MARIÑOS?? 

TAREFA TIC

NA TAREFA DESTA SEMANA A BIBLIOTECA ACHEGOUNOS UN PRECIOSO LIBRO INVENTARIO DAS ÁRBORES,  XUNTO CO ESCORNABOT E UNHA PLANTILLA SOBRE AS ÁRBORES DE GALICIA.

ADEMÁIS IDENTIFICAMOS AS ÁRBORES DA NOSA ESCOLA. O CASTIÑEIRO E O CARBALLO XA OS COÑECIAMOS ...PERO DESCUBRIMOS OS EUCALIPTOS, QUE SON ORIXINARIOS DE AUSTRALIA E SERVEN DE ALIMENTO AOS KOALAS.
 EN GALICIA HAI DEMASIADOS EUCALIPTOS PLANTADOS XA QUE MEDRAN RÁPIDO E DAN MADEIRA, PERO ISO NON É BO PORQUE EMPOBRECEN O SOLO E SUSTITÚEN AS ÁRBORES AUTÓCTONAS.

CLASIFICANDO PEDRAS

ELEXIMOS UNHA PEDRA E BUSCAMOS AS QUE SE PARECEN, BEN POLA FORMA, COR, TEXTURA, DEBUXO , COMPOSICIÓN... DEUNOS MOITO XOGO XA QUE SON MOITAS E VARIADAS.

SETA CÚ

A VER SE SABEDES POR QUE RIRON TANTO AS NENAS E NENOS DE VINSEIRA CANDO DESCUBRIRON ESTAS SETAS??

TERRÁREO OBSERVATORIO

ESTOS DÍAS ANDIVEMOS ESCARVANDO NA TERRA E DESCUBRIMOS UN LOTE DE ANIMALIÑOS QUE VIVEN E SE ALIMENTAN DO SOLO. POR ISO USAMOS UNHA IDEA XENIAL QUE NOS DEU A PROFE BEA DE SÉSAMO: FACER UN TERRÁREO. XUNTAMOS UN POUCO DE CARBÓN, TERRA CON RAÍCES, PAOS E FOLLAS EN DESCOMPOSICIÓN , PEDRAS E PLANTAS VERDES E METÉMOLO TODO NUN RECIPIENTE CON FURADOS PARA QUE SE OSIXENE.
DESPOIS BUSCAMOS BECHOS QUE POIDERAN VIVIR NESE MEDIO: BECHOS BOLA, ESCARABELLOS, CARACOIS, BABOSAS E MIÑOCAS. TAMÉN METEMOS DÚAS BARBANTESAS QUE ATOPAMOS , PERO NON ESTABAN CÓMODAS E DEIXÁMOLAS FORA DE NOVO.
TODOS OS DÍAS OS OBSERVAMOS, ENCÁNTANNOS!ASÍ QUE TERÉMOLOS UNHA SEMANIÑA MÁIS NA ESCOLA.

ACUÍFEROS

USAMOS A NOSA RÉPLICA DAS CAPAS DO SOLO PARA COMPRENDER PORQUE TEÑEN AUGA OS POZOS DAS CASAS. REGÁMOLO A MODO DE CHOIVA E OBSERVAMOS COMO SE FILTRABA A AUGA FORMANDO UN ACUÍFERO OU MANANTIAL SUBTERRÁNEO.

jueves, 21 de noviembre de 2019

QUE PASA SE DEIXAMOS O LIXO NO SOLO?

... ISO É O QUE QUEREMOS COMPROBAR. HOXE NAS MERENDAS SEPARAMOS OS RESIDUOS COMA TODOS OS DÍAS, POR UN LADO RESTOS ORGÁNICOS COMO MONDAS E CAROZOS DA FROITA E POR OUTRO OS PLÁSTICOS, TETRABRICS E PAPEL DE ALUMINIO, PERO NON OS BOTAMOS NO CONTENEDOR SENON QUE O ENTERRAMOS TODO NA TERRA . AGORA IMOS DEIXAR QUE PASEN UNS CANTOS MESES ANTES DE DESENTERRALO... QUE ATOPAREMOS? QUE PASARÁ? OS RESIDUOS CONTAMINAN OU ENRIQUECEN O SOLO? TAMÉN DEIXAMOS NA TERRA MAZÁS PODRES E UN TETRABRIK, ASÍ PODEREMOS VER E COMPARAR DÍA A DÍA O QUE LLES ACONTECE.

A REDE PANTASMA

CARPIÑO AGASALLOUNOS CUN NOVO ECOPODER, LARA, A PEIXE ESPADA QUE AXUDA A RESCATAR AOS SEUS AMIGOS ATRAPADOS NAS REDES PANTASMA. ASÍ QUE , GANAMOS UN NOVO CRUÑO PARA A NOSA CREDENCIAL E QUEDAMOS COA REDE QUE NA NOSA ESCOLA TERÁ NOVOS USOS MESMO PARA XOGAR OU PARA EXPOÑER OS NOSOS DEBUXOS.

AS CAPAS DO SOLO

O SOL, A AUGA E O VENTO AXUDARON Á FORMACIÓN DO SOLO DURANTE MILLÓNS DE ANOS EROSIONANDO E TRANSFORMANDO AS ROCHAS NUN SOLO FÉRTIL CHEO DE VEXETACIÓN ,TAL COMO O VEMOS HOXE EN DÍA NA NATUREZA . NA ESCOLA FIXEMOS UNHA REPRODUCIÓN DO SOLO DIFERENCIANDO AS SÚAS CAPAS SEGÚN A PROFUNDIDADE: ROCHAS, PEDRAS, AREA , HUMUS E PLANTAS.

BOLSAS BIOCOMPOSTABLES

HOXE UNHA FAMILIA ACHEGOUNOS Á ESCOLA ESTA BOLSA BIOCOMPOSTABLE FEITA A PARTIR DE MATERIAL VEXETAL. UNHA ALTERNATIVA AO PLÁSTICO QUE NA ESCOLA TAMÉN IMOS INTRODUCIR... A PARTIR DE XA, NÓS TAMÉN NOS CAMBIAMOS ÁS BOLSAS BIOCOMPOSTABLES!! ANIMÁDEVOS , NON NOTAREDES A DIFERENCIA, PERO O PLANETA VOLO AGRADECERÁ!

PEDRAS SOANDO

O SON DAS PEDRAS...TODO UN DESCUBRIMENTO!!, AÍNDA QUE HAI A QUEN NON LLE GUSTA!

O SOLO

ESTA SEMANA ESTAMOS A APRENDER UN LOTE DE COUSAS SOBRE O SOLO QUE RECOBRE A CORTIZA TERRESTRE. SAÍMOS A OBSERVALO : TIÑA ROCHAS, PEDRAS , TERRA E PLANTAS. TROUXEMOS AO COLE UN MONTÓN DE PEDRAS E MINERAIS DIFERENTES QUE PUIDEMOS VER E TOCAR FIXÁNDONOS NA FORMA, NA TEXTURA, NA COR, NA COMPOSICIÓN DAS MESMAS E ATA APRENDEMOS ALGÚN DOS SEUS NOMES. DE TANTO TOCALAS DESCUBRIMOS QUE INCLUSO SOAN DIFERENTE AO CHOCALAS.

PASIÓN POLOS BECHOS

QUE VES NA FOTO?
HAI QUE SER EXPERT@S EN BECHOS, COMO SON AS NENAS E NENOS DO COLE DE VINSEIRA, PARA VER CERTAS COUSAS...UNHA BARBANTESA OU MANTIS RELIXIOSA MOI BEN CAMUFLADA. POR SUPOSTO TIVÉMOLA QUE METER NO NOSO BOTE DE OBSERVAR BECHOS PARA MIRALA DE PERTO, É VERDE COMA A HERBA, TEN UNHA CABEZA MOI PEQUENA E UN CORPO E UNHAS PATAS LONGUÍSIMAS.
DESPOIS SOLTÁMOLA CON COIDADO NO SEU HABITAT, ONDE A ATOPAMOS.

domingo, 17 de noviembre de 2019

ANIVERSARIO DE OMAR

OMAR ESTIVO DE ANIVERSARIO E NO COLE FIXÉMOSLLE UNHA FESTA. PARABÉNS OMAR!!

A TERRA POR DENTRO

DESPOIS DE FACER AS NOSAS HIPÓTESES SOBRE COMO SERÁ O INTERIROR DO NOSO PLANETA ( ROCHAS , AUGA E TESOUROS) INVESTIGAMOS PARA DESCUBRIR QUE ESTÁ FORMADO POR ROCHAS NO MANTO E METAIS NO NÚCLEO. PERO O QUE MÁIS NOS ASOMBROU FOI SABER QUE ESTÁN DERRETIDOS POR MOR DAS ALTAS TEMPERATURAS. USAMOS UNS OVOS PASADOS POR AUGA A MODO DE MAQUETAS DA TERRA PARA MIRAR O SEU INTERIOR E DESCUBRIR AS SÚAS PARTES E TEXTURAS.

ARTESANÍA

APROVEITANDO AS SEMENTES DOS EUCALIPTOS QUE RECOLLEMOS FORA, FIXEMOS UNS COLGANTES DE ARCILLA DESCUBRINDO ASÍ A BELEZA DO FEITO Á MAN CON MATERIAIS NATURAIS.

LAND ART

A TAREFA DE ARTE DA BIBLIOTECA PARTE DO LIBRO O MUSEO DE TRONQUITO E NOS PROPÓN SAIR FORA PARA RECOLLER OS DIFERENTES ELEMENTOS DA NATUREZA QUE ATOPEMOS NOS ARREDORES DA ESCOLA E USALOS PARA FACER UNHA COMPOSICIÓN ARTÍSTICA LAND ART.

NOVAS DE CARPIÑO

POR LEVAR A CABO A NOSA PRIMEIRA ECOMISIÓN ESTREAMOS O CUÑO DE CARPIÑO NA NOSA CREDENCIAL. ESTA SEMANA CHEGOUNOS OUTRA CARTA CON INFORMACIÓN SOBRE AS REDES PANTASMA QUE QUEDAN ABANDONADAS NO MAR E SON UN PERIGO PARA OS SEUS AMIGOS. DECORAMOS UNHAS PINZAS COS ROTUS...PARA QUE SERÁN?

sábado, 16 de noviembre de 2019

ROBOTIZÁNDONOS

A SEMANA PASADA XOGAMOS CO ESCORNABOT, PARA AS NOSAS PEQUENAS FOI TODA UNHA NOVIDADE , O RESTO XA SOMOS EXPERT@S!! EMPEZAMOS COAS PLANTILLAS DE INICIACIÓN E LOGO TRABALLAMOS CO CARTAZ DA BIBLIOTECA ESCOLAR DESTE CURSO.

viernes, 8 de noviembre de 2019

SARAIBA

AI QUE VER O QUE DESFRUTAMOS O XOVES VENDO UN CHAPARRÓN DE SARAIBA QUE DEIXOU O CAMPO BEN BRANQUIÑO!!... E DE PASO APRENDEMOS UNHA PALABRA NOVA.

MENSAXES ECOLÓXICAS DE PARTE DE CARPIÑO

CARPIÑO MANDOUNOS UNHA ECOMISIÓN : QUE TODO O MUNDO SE ENTERE DAS NOSAS IDEAS PARA COIDAR O PLANETA, PARA ISO PRIMEIRO RECOLLEMOS AS PROPOSTAS E LOGO BERRÁMOLAS POLO ALTOFALANTE. CARPIÑO TAMÉN NOS EXPLICOU QUE O RUÍDO DOS BARCOS É UNHA FONTE DE CONTAMINACIÓN IMPORTANTE NOS MARES E OCÉANOS.

EXPERIMENTANDO CON CASTAÑAS E LANDRAS

NAS ESCOLAS DO CRA ESTAMOS A FACER UN EXPERIMENTO: QUEREMOS XERMOLAR CASTAÑAS E LANDRAS PARA DESPOIS PLANTALAS NA TERRA E VER SE MEDRAN E SE DESENVOLVEN COMA ÁRBORES . O PRIMEIRO QUE FIXEMOS FOI HIDRATALAS (SEPARANDO AS QUE FLOTABAN POIS ESAS NON SEDAN) PARA DESPOIS METELAS ENTRE PANOS HÚMIDOS, ASEMELLANDO ASÍ A HUMIDADE DA TERRA E CUBRILAS, COMO FARÍAN AS FOLLAS DAS ÁRBORES. AGORA TOCA ATENDELAS E OBSERVALAS, REXISTRANDO OS CAMBIOS NO PROCESO.

CASTIÑEIROS E CARBALLOS

AS NOSAS ESCOLAS RURAIS ESTÁN UBICADAS NUNHA CORTORNA NATURAL NA QUE PODEMOS DISFRUTAR E APRENDER UN MONTÓN DE COUSAS. ESTES DÍAS ADICÁMOLOS A OBSERVAR, TOCAR, ULIR, SABOREAR (MAGOSTO) DÚAS DAS ÁRBORES MÁIS IMPORTANTES NA FLORA GALEGA; O CASTIÑEIRO E O CARBALLO.

RELAXACIÓN E XOGOS MOTRICES

EMPEZAMOS A SEMANA MOI RELAXADOS POR MOR DO LIBRO RELAJACIONES QUE ACOMPAÑABA Á TAREFA DE FILOSOFÍA . SEGUINDO AS SÚAS INDICACIÓNS XOGAMOS A POÑER O NOSO CORPO RÍXIDO COMA ESPAGUETIS SECOS, BRANDIÑO COMA ESPAGUETIS COCIDOS, A IMAXINAR NUBES DE CORES, RESPIRAR AO RITMO DAS BOLBORETAS, BRILAR COMA ESTRELAS E EMITIR SONS DE ANIMAIS MENTRES SOLTAMOS O AIRE. QUEDAMOS CON GANAS DE BRINCAR UN POUCO NAS COLCHONETAS, POR ISO SUBIMOS NA HORA DO RECREO XA QUE NON SE PODÍA SAÍR A FORA.

miércoles, 6 de noviembre de 2019

MAGOSTO E SAMAÍN 2019

COMO XA SABEDES ESTE CURSO CELEBRAMOS O MAGOSTO E O SAMAÍN O MESMO DÍA XUNTANDO A TODO O ALUMNADO E PROFESORADO DO CRA NO PARQUE DE CELAS. FOI UNHA XORNADA MOI COMPLETA NA QUE PUIDEMOS VER A REPRESENTACIÓN TEATRAL OS ESQUELETES DIVERTIDOS , NUNHA ADAPTACIÓN FEITA E INTERPRETADA POR PROFES DO CRA, QUE NOS DERON UNS BOS SUSTOS!!. TAMÉN REALIZAMOS ACTIVIDADES DIVERSAS NOS OBRADOIROS E REMATAMOS CUNHA MERENDOLA DE CASTAÑAS ASADAS.