SEMANA POLA PAZ

ESTA SEMANA ADICÁMOLA Á REFLEXIÓN. QUIXEMOS  DESCUBRIR AQUELAS ACCIÓNS QUE NOS AXUDAN A SER MELLORES E AQUELAS QUE, POLA CONTRA, SON INXUSTAS OU DAÑINAS .ASÍ AS SIMBOLIZAMOS ,VERDE,PARA DIANTE, VERMELLO, STOP. 

DO MESMO XEITO REFLEXIONAMOS SOBRE O QUE ESTAMOS A FACER RESPECTO AO MEDIOAMBIENTE.

O CAMIÓN DO LIXO

O DÍA DA PAZ O PROFE IVÁN FIXO UN CONTICRÁ EN TODAS AS ESCOLAS PARA ENSINARNOS O CONTO O CAMIÓN DO LIXO .NEL NÁRRASE A HISTORIA DUN CAMIÓN QUE NON LLE GUSTABA A NINGUÉN PERO QUE FACÍA UN TRABALLO MOI IMPORTANTE . AO REMATE CREAMOS UN CAMIÓN DE XOGUETE CON MATERIAL DE REFUGALLO, IGUAL QUE AS NENAS E NENOS DO CONTO.

XOGUETES INCLUSIVOS

ALDARA TROUXO AO COLE UN XOGUETE MOI ESPECIAL , AGASALLO DUNHA AMIGA TAMÉN MOI ESPECIAL.
DEUNOS MOITO QUE PENSAR E FALAR. OS XOGUETES PODEN AXUDAR A NORMALIZAR DIFERENTES REALIDADES  E A POÑERNOS NO LUGAR D@S OUTR@S

HERBÍVORO OU CARNÍVORO?

HAI MÁIS DE 700 ESPECIES DE DINOSAURIOS DESCUBERTOS E OUTROS TANTOS POR DESCUBRIR. UNHA DAS FORMAS DE CLASIFICALOS É POLA SÚA ALIMENTACIÓN: NÓS APRENDEMOS A RECOÑECER AS DIFERENCIAS  ENTRE HERBÍVOROS E CARNÍVOROS.
ADEMÁIS AS FAMILIAS APORTARON DATOS MOI CURIOSOS EN FORMATO DE “SABÍAS QUE...?

PURA A TARTARUGA

ESTA SEMANA CONSEGUIMOS UN NOVO ECOPODER: O DE PURA A TARTARUGA.

PRIMEIRO DEBUXONA O ROBOT MAIN DISEGNER DESPOIS DE FACER NÓS O DISEÑO, LOGO RECORTÁMOLA, DECORÁMOLA E LEVÁMOLA PARA CASA EN FORMA DE MARIONETA DE PAO. ASÍ AXUDAMOS A CARPIÑO E GANAMOS UN NOVO CUÑO.

PEGADAS DE DINOSAURIO

XOGAMOS A FACER PEGADAS E "FÓSILES" DE ÓSOS DE DINOSAURIOS

NOVO ESPAZO FEDELLO

PRESENTÁMOSVOS O MATERIAL DO ESPAZO FEDELLO DA BIBLIOTECA NESTE TRIMESTRE.

XOGUETES ECOLÓXICOS E COEDUCATIVOS

NESTE NOVO TRIMESTRE  EN TODAS AS ESCOLAS DO CRA ESTREAMOS  XOGUETES E MATERIAIS. TODOS SON XOGUETES COEDUCATIVOS E NON SEXISTAS, PERO ADEMÁIS APOSTAMOS POLOS XOGUETES ECOLÓXICOS FEITOS CON MADEIRAS E TINTES NON CONTAMINANTES.

VISITA AO PARQUE DE BOMBEIR@S

ESTE MARTES TIVEMOS UNHA SAÍDA NA QUE VISITAMOS O PARQUE DE BOMBEIR@S DA CORUÑA. ENSINÁRONNOS UNHA CHEA DE COUSAS , DEIXÁRONNOS PROBAR O CASCO E XOGAR A APUNTAR COA AUGA DA MANGUEIRA. AQUÍ PODEDES VER O BEN QUE O PASAMOS.

INVESTIGAMOS SOBRE OS NOSOS XOGUETES

ESTA SEMANA IMOS SEGUIR COA NOSA INVESTIGACIÓN SOBRE OS DINOSAURIOS. PRIMEIRO CLASIFICAMOS POR FAMILIAS DA MESMA ESPECIE OS DINOSAURIOS DE XOGUETE QUE TEMOS NO COLE E INVESTIGAMOS OS SEUS NOMES. DESPOIS PROBAMOS A ADIVIÑAR A SÚA ALIMENTACIÓN, PORQUE XA COÑECEMOS AS PRINCIPAIS CARACTERÍSTICAS  DOS HERBÍVOROS E DOS CARNÍVOROS, COMPROBANDO SE ACERTAMOS OU NON.

NESTE VÍDEO ATOPAMOS MOITAS RESPOSTAS...PERO NON TODAS.

MIRAMOS LIBROS E USAMOS INTERNET PERO ÁS VECES NOS CONFUNDÍAMOS, GRAZAS A OMAR , O NOSO EXPERTO, NOS FIXAMOS MÁIS NAS PEQUEÑAS DIFERENCIAS.

COCIÑA NA ESCOLA: ZUME TUTTIFRUTI

HOXE VENRES, PODIAMOS ELIXIR A NOSA MERENDA . DECIDIMOS  FACER ZUMES DE FROITA VARIADA COA LICUADORA, XA QUE SON RIQUÍSIMOS E SANÍSIMOS. ASÍ TAMÉN NOS QUITAMOS O MAL SABOR QUE NOS DEIXARON OS PLÁTANOS AO FORNO DO MARTES...QUE NINGUÉN DIGA QUE A FROITA NON MOLA!

CADA QUEN LLE BOTOU O QUE QUIXO, PERO COA ANSIA DE USAR A LICUADORA CASE SEMPRE PUXERON DE TODO O QUE HABÍA.

ACOMPAÑAMOS O ZUME CUNHAS AMÉDOAS PARA PICAR. OS FROITOS SECOS SON UNHA FONTE DE CARBOHIDRATOS ESTUPENDA BAIXA EN AZÚCARES , EN VINSEIRA ENCÁNTANNOS.

COCIÑAR NA ESCOLA FOI UN PRACER , ASÍ QUE TEREMOS QUE REPETIR A EXPERIENCIA!! E VÓS FAMILIAS, ANIMÁDEVOS A FACELO TAMÉN, É UNHA FORMA ESTUPENDA DE COMER SAN E REDUCIR O USO DE ENVOLTORIOS DUN SÓ USO!!

COCIÑA NA ESCOLA: QUESADILLAS

HOXE SUSTITUÍMOS O BOCATA DOS XOVES POR UNHAS QUESADILLAS DE

XAMÓN COCIDO E QUEIXO. GUSTÁRONNOS MOITO...QUENTIÑAS E CO QUEIXIÑO DERRETIDO , HUMM...

O CERTO É QUE COCIÑAR NO COLE E FACER AS SÚAS PROPIAS MERENDAS ENCANTOULLES A TODAS AS NENAS E NENOS, A PARTE DOS GUSTOS PERSOAIS Á HORA DE COMELAS. AMOSARON INTERÉS, HABILIDADE E AUTONOMÍA... MERECEN UN APLAUSO BEN GRANDE!

COCIÑA NA ESCOLA: BATIDO DE FRESA E PLÁTANO

HOXE É O DÍA DE MERENDAR LÁCTEOS E NÓS SEGUIMOS COCIÑANDO NA ESCOLA NA PROCURA DE REDUCIR O CONSUMO DE ENVASES DUN SO USO. ELABORAMOS DÚAS VARIANTES DE BATIDOS: O DE FRESA E O DE FRESA E PLÁTANO.

 DESPOIS DE PROBAR AMBOS, DECIDIMOS QUE O MÁIS SABROSO ERA ...O DE FRESA E PLÁTANO!

                                         

COCIÑA NA ESCOLA: PLÁTANOS AO FORNO

SEGUIMOS FACENDO MERENDAS LIBRES DE ENVOLTORIOS PLÁSTICOS E   SUPERSAUDABLES. HOXE TOCA FROITA. AS RECEITAS DAS MADALENAS E DOS PLÁTANOS ATOPÁMOLAS NO LIBRO DE COCIÑA DA MOCHILA VIAXEIRA.

O SABOR DO MEL E A TEXTURA DO PLÁTANO NON LLES RESULTOU AGRADABLE Á MAIORÍA DOS NENOS E NENAS. NON LLES QUEDARON GANAS DE REPETIR.

COCIÑA NA ESCOLA: MADALENA

ESTA SEMANA IMOS TRABALLAR O NÚMERO TRES DO NOSO DECÁLOGO FACENDO AS MERENDAS NA ESCOLA , EVITANDO ASÍ OS EXCESOS DE ENVOLTORIOS E ASEGURANDO O USO DE INGREDENTES EQUILIBRADOS E SAUDABLES.

HOXE, COMO É LUNS, FIXEMOS UNHAS MADALENAS CON PEPIÑAS DE CHOCOLATE QUE ESTABAN BEN RICAS. 15 MINUTOS PREPÁRALAS E OUTROS 15 NO FORNO, MOI DOADAS DE FACER.

BENVID@S

AQUÍ ESTAMOS DE NOVO ESTREANDO O 2020!
DURANTE AS VACACIÓNS O NOSO AMIGO BRUNO ESTIVO DE CUMPREANOS , ASÍ QUE SEGUIMOS DE FESTA.