DESPEDIMOS O PRIMEIRO TRIMESTRE CUNHA XUNTANZA DE TODO O ALUMNADO E PROFESORADO DO CRA DE CULLEREDO , NA QUE CELEBRAMOS A FESTA DE NADAL NUNHA XORNADA CHEA DE FANTASÍA AMBIENTADA NO CREBANOCES.
FELICES FESTAS A TODA A COMUNIDADE , VÉMONOS DE NOVO NO 2024.
O NOSO AMIGO AVENTUREIRO , BREOGÁN , INVITOUNOS A ELABORAR E PROBAR UNHA RECEITA TÍPICA DE BARCELONA : O PAN TUMACA , UNHA RECEITA SAUDABLE PARA ACOMPAÑAR UN ALMORZO, MERENDA, ENTRANTE OU CEA . O CERTO É QUE NOS GUSTOU MOITO FACELO ... E TAMÉN COMELO. UN ÉXITO, BREOGÁN!!
ESTA SEMANA DESENVOLVEMOS PROPOSTAS DE LIBRE CREACIÓN , ARTÍSTICAS , SENSORIAIS, DE LÓXICA MATEMÁTICA, ETC. RELACIONADAS COA CHEGADA DO INVERNO E DO NADAL.
ELABORAMOS PINTURAS NATURAIS ( PIGMENTOS A PARTIR DE HORTALIZAS) PARA DECORAR AS NOSAS POSTAIS NAVIDEÑAS, QUE XA ESTÁN PREPARADAS, COS SEUS SOBRES E SELOS, PARA PARTIR RUMBO AOS VOSOS FOGARES.
O APALPADOR ESTIVO PRESENTE NA NOSA AULA , LEMBRAMOS A SÚA HISTORIA CON CONTOS E CANCIÓNS, PUZZLES, ANUNCIOS NAVIDEÑOS, MARIONETAS RECORTABLES ...
A ALIMENTACIÓN É MOI IMPORTANTE PARA O COIDADO DA NOSA SAÚDE, PERO A QUE NOS REFERIMOS CANDO FALAMOS DUNHA ALIMENTACIÓN SAUDABLE?... QUE COUSAS DEBEMOS COMER HABITUALMENTE ? CALES OCASIONALMENTE? QUE NOS APORTAN OS ALIMENTOS? CAL É A SÚA FUNCIÓN?...
A TRAVÉS DE XOGOS E EXPERIENCIAS IMOS VER QUE ALIMENTOS NOS APORTAN ENERXÍA, MATERIA PARA MEDRAR OU NOS AXUDAN A REGULAR O BO FUNCIONAMENTO DO NOSO ORGANISMO.
A TRAVÉS DE XOGOS E CONTOS, AS PROFES DE MÚSICA E DE AUDICIÓN E LINGUAXE, AXUDÁRONNOS ENTENDER E RESPETAR A DIVERSIDADE.
NO CRA DE CULLEREDO CELEBRAMOS O DÍA INTERNACIONAL DAS PERSOAS CON DISCAPACIDADE, TODOS BAIXO O MESMO PARAUGAS.
CO PROXECTO SEMENTANDO SAÚDE ESTAMOS A COÑECER MOITOS ASPECTOS DO NOSO CORPO, O CORPO HUMANO , NA VISITA Á DOMUS COMPLETAMOS E AMPLIAMOS ESTE COÑECEMENTO DUN XEITO CURIOSO E DIVERTIDO, XUNTO COAS COMPAÑEIRAS E COMPAÑEIROS DAS OUTRAS ESCOLAS DO CRA DE CULLEREDO.
A COEDUCACIÓN , A IGUALDADE, A CONVIVENCIA EN ARMONÍA , O RESPETO , A LIBRE ELECCIÓN, A ELIMINACIÓN DE ESTEREOTIPOS SEXISTAS, SON MOITAS DAS FORMAS COAS QUE LOITAMOS DÍA A DÍA POLA ELIMINACIÓN DA VIOLENCIA DE XÉNERO.
NO CRA DE CULLEREDO, CELEBRAMOS O 25 DE NOVEMBRO VISIBILIZANDO A PEGADA QUE DEIXAN EN NÓS AS MULLERES IMPORTANTES DA NOSA VIDA E FACÉMOLAS PRESENTES A TRAVÉS DO SEU OLOR.
APROVEITANDO A TREGUA QUE NOS DEU A CHUVIA, SAÍMOS DE PASEO POLA CONTORNA DA ESCOLA PARA DESCUBRIR QUE O CAMPO ESTÁ CHEO DE COGOMELOS MOI DIVERSOS EN FORMAS E TAMAÑOS, OLLO!...NON OS TOCAMOS POR SE TIVESEN SUSTANCIAS TÓXICAS.
NA AULA APRENDEMOS QUE A LINGUA , ÓRGANO PRINCIPAL DO SENTIDO DO GUSTO, É UN MÚSCULO CHEO DE PAPILAS GUSTATIVAS, ESPECIALIZADAS EN DETECTAR SABORES. A TRAVÉS DO OBRADOIRO QUE DESENVOLVEU ZUZANA , POIDEMOS CATAR, DEGUSTAR E RECOÑECER OS SABORES BÁSICOS , INCLUÍNDO O UMAMI E O PICANTE.
TAMÉN XOGAMOS A RECOÑECER SABORES A CEGAS, PERO ... QUE DIFÍCIL RESULTOU DEIXARSE METER COMIDA NA BOCA SEN SABER DE QUE SE TRATABA!! AO CEREBRO FALTÁBALLE INFORMACIÓN!! ENCANTOUNOS O OBRADOIRO E , POR SUPOSTO, A COMPAÑÍA, MIL GRAZAS A ZUZANA POR PREPARALO E COMPARTIR O SEU TEMPO CON NÓS!!.
ADEMAIS DOUTRAS ACTIVIDADES DE AULA, ESTA SEMANA RECIBIMOS MOITOS LIBROS DAS NOSAS FAMILIAS PARA INVESTIGAR E TER MÁIS INFORMACIÓN SOBRE OS HÁBITOS SAUDABLES. SEGUIMOS CENTRÁNDONOS NA HIXIENE E NA ALIMENTACIÓN. FALAMOS DA DIXESTIÓN E DA VIAXE DOS ALIMENTOS POR DENTRO DO CORPO, EXPERIMENTAMOS E XOGAMOS CUN APARATO DIXESTIVO MOI BÁSICO E DIFÍCIL DE MANEXAR , PERO... FUNCIONABA!!
ARRANCAMOS O PROXECTO DOCUMENTAL INTEGRADO (PDI) SEMENTANDO SAÚDE APROVEITANDO OS COÑECEMENTOS DAS NOSAS NENAS E NENOS, QUE TRAS A VISITA OBRIGADA Á DENTISTA, TROUXERON AO COLE INFORMACIÓN, CONSELLOS E ATA UN RATIÑO PARA GARDAR DENTES. FALAMOS DA BOCA, MIRÁMOLA CON LUPA, QUE HAI DENTRO? PARA QUE SERVE CADA COUSA? COMO TEMOS QUE LIMPALA E COIDALA?, CANTOS DENTES TEMOS? COMO É UNHA CARIES? POR QUE SE PRODUCE? CAL É O ANIMAL QUE TEN MÁIS DENTES? JEJE... PENSAMOS UNHA MENSAXE ENTRE TODAS E TODOS E ESCRIBIMOS UNHA CARTA PARA O RATO PÉREZ, QUE FOI MOI AMABLE CON NÓS,
ADEMÁIS PICAMOS AS NOCES QUE TIÑAMOS A SECAR (COMEMOS UNHAS POUCAS E GARDAMOS UN PUÑADIÑO PARA O OBRADOIRO DE COCIÑA), TOSTAMOS PARTE DAS PIPAS DA CABAZA DO SAMAÍN ( OUTRAS GARDÁMOLAS PARA PLANTALAS NA PRIMAVERA), MANEXANDO UTENSILIOS DA VIDA COTIÁ E TENDO CONTACTO DIRECTO COS ALIMENTOS ANTES DE PROCESALOS.
CON ESTOS FROITOS SECOS DO COLE E OUTROS QUE ENGADIMOS ( ANACARDOS, CACAHUETES, AMÉNDOAS...) , AVENA, PLÁTANO, MAZÁ, CHOCOLATE NEGRO, MEL E CANELA , FIXEMOS UNHA GRANOLA TORRADA MOI RICA E MOI SAUDABLE, HOUBO A QUEN LLE GUSTOU MÁIS E A QUEN MENOS, PERO DO SENTIDO DO GUSTO FALAREMOS A VINDEIRA SEMANA.
HOXE BREOGÁN COLLEU O TREN NA ESTACIÓN DA CORUÑA PARA EMPEZAR A SÚA VIAXE POR EUROPA, NON VOS PERDADES ESTA AVENTURA !! PODEDES SEGUILA CON NÓS VISITANDO O BLOGUE DA PEPATECA. PICA NA IMAXE E VEREDES COMO EMPEZOU TODO.
AQUÍ VOS DEIXO O VÍDEO RESUMO DO MAGOSTO DESTE ANO , COMÚN PARA TODO O CRA DE CULLEREDO, UNHA BONITA XORNADA EN CONTACTO COA NATUREZA, A TRADICIÓN , A MAXIA E AS ARTES ESCÉNICAS. TIVEMOS SORTE DE QUE O TEMPO FOSE FAVORABLE PARA PODER DESENVOLVER AS NOSAS PROPOSTAS.
NESTA CELEBRACIÓN CONTAMOS COA COLABORACIÓN DAS FAMILIAS E AMIGOS , QUE NOS AXUDARON NA MERCA E ASADO DAS CASTAÑAS QUE, COMA SEMPRE, ESTABAN NO SEU PUNTO.
ESTA SEMANA DISFRUTAMOS DA NOSA MESA DO SAMAÍN, XOGAMOS, TOCAMOS, MOVEMOS, PESAMOS ..., OS SEUS ELEMENTOS. VIMOS COMO SE ESCRIBÍAN ALGÚNS DELES E APROVEITAMOS A ESCURIDADE DE PRIMEIRA HORA PARA EXPLORALA COAS CANDEAS E LANTERNAS.
PREPARAMOS OS CESTIÑOS DO MAGOSTO E XOGAMOS A ADIVIÑA QUE...?, TIVEMOS QUE ESCOITAR CON MOITA ATENCIÓN O TEXTO DAS ADIVIÑAS PORQUE AÍ ESTABAN AS PISTAS, LOGO COMPROBAMOS SE ACERTAMOS , BUSCANDO A SOLUCIÓN, OCULTA CON PINTURA QUE TIVEMOS QUE RASCAR.
TAMÉN CELEBRAMOS O DÍA DAS BIBLIOTECAS ENCHENDO DE LIBROS OS NOSOS ANDEIS, COMEZANDO OS PRÉSTAMOS DE AULA E LENDO CADA DÍA UN CONTO NOVO DO MALETÍN VIAXEIRO.
ADEMAIS FIXEMOS UNHA CADEA DE ZONCHOS DE VINSEIRA PARA XUNTAR COAS DAS OUTRAS ESCOLAS E LEVALA AO PARQUE DE CELAS, REPRESENTANDO AO NOSO COLECTIVO DE CRA CULLEREDO. VIMOS NO GOOGLE EARTH ONDE ESTABA A NOSA ESCOLA E COMO SE VAI AO PARQUE DE CELAS. NO PARQUE SINALAMOS AS ZONAS IMPORTANTES E A ENTRADA DO REGO DA XESTEIRA..
REMATAMOS A SEMANA CUNHA ESTUPENDA FESTA DO MAGOSTO... PERO ESA HISTORIA CONTÁMOSVOLA OUTRO DÍA.
REMATAMOS DÚAS SEMANAS INTENSAS CON FESTIVOS E ANIVERSARIOS INCLUÍDOS, OUTUBRO É UN MES MOI IMPORTANTE PARA AS NOSAS VETERANAS. PARABÉNS!!
DURANTE ESTE TEMPO EMPEZAMOS A USAR AS NOSAS LIBRETAS E LIBROS DE ARTE LIBRE, PARTICIPAMOS NAS PROPOSTAS DE AULA E ESTACIÓNS DE APRENDIZAXE, CADA QUEN SEGUNDO AS SÚAS POSIBILIDADES , ESTREAMOS UNS ROTULADORES MOI ESPECIAIS, QUITAMOS A PEL FINA DAS NOCES QUE RECOLLEMOS NO PATIO E QUE TEMOS A SECAR, E , FINALMENTE, FIXEMOS UN MONTÓN DE MANUALIDADES PARA DECORAR E MONTAR A MESA DO SAMAÍN.
CADA QUEN ELIXÍU A SÚA CABAZA E DECOROUNA PINTÁNDOLLE A CARA E POÑÉNDOLLE PELOS DE PAPEL, PINTAMOS CABACIÑAS COS PUÑOS E DECORÁMOLAS AO NOSO GUSTO CON GOMETS, TAMÉN FIXEMOS PEQUENAS VASOIRAS CON PAOS E PERIÓDICOS.
OS ANOS PASAN E AS NOSAS PEQUES DE ANTES XA SON AS VETERANAS DE AGORA. PARABÉNS !!!
CELEBRÁMOLO CO MURAL DOS ANOS QUE TEMOS NO QUE IMOS ESCALANDO ANO TRAS ANO, REPRESENTAMOS AS VOLTAS AO SOL DA NOSA VIDA RECOLLENDO AS CANDEAS PERTINENTES , MERENDAMOS BISCOITO DE CONFITARÍA CO SEU ETIQUETADO , CANTAMOS , BAILAMOS E NOS LEVAMOS UN AGASALLO NO QUE PARTICIPOU TODA A CLASE. ENCÁNTANNOS COMPARTIR ESTOS MOMENTOS TAN ESPECIAIS.
AS NOSAS FABIÑAS VAN MEDRANDO : A SEMENTE FÍXOSE PRANTA SORPRENDÉNDONOS CADA DÍA, OBSERVAMOS PERFECTAMENTE AS RAÍCES, TALOS E FOLLAS.
ESTA SEMANA PREPARAMOS OS PRIMEIROS AGASALLOS DE CUMPREANOS DECORANDO MACETAS QUE GARDAN UNHA SORPRESA NO SEU INTERIOR: COA LUZ DO SOL , UN POUCO DE HUMIDADE NA TERRA E MOITA PACIENCIA ... ALÁ POLA PRIMAVERA TEREMOS UN AGASALLO AUTÉNTICO.
COA COLLEITA DOS NOSOS CASTIÑEIROS FIXEMOS COLARES DE ZONCHOS, CASTAÑAS COCIDAS SEN PELAR . NÓTANSE BEN AS HABILIDADES ADQUIRIDAS COA AGULLA O CURSO PASADO!! NESTA CREACIÓN HOUBO QUE MANEXAR CON MOITO TINO FERRAMENTAS DA VIDA DIARIA , IR CONTANDO AS CASTAÑAS POSTAS E CALCULANDO AS QUE FALTABAN ATA TER UNHA DECENA.
ARTE, O PROCESO CREATIVO E O RESULTADO DO MESMO É FASCINANTE . BAIXO UNHAS DIRECTRICES SIXELAS ... QUE VARIEDADE DE POSIBILIDADES ARTÍSTICAS SE DESENVOLVEN! . ESTA SEMANA PINTAMOS CON TÉMPERA, INSPIRÁNDONOS NAS FLORES DE CABAZA DA NOSA HORTA E NA CAÍDA DAS FOLLAS . EXPERIMENTAMOS NOVAS TÉCNICAS E EFECTOS.
ESTA SEMANA EMPEZAMOS COAS ESPECIALIDADES, PARTICIPANDO NAS PROPOSTAS DO PROFESORADO DE INGLÉS, MÚSICA, A.L., PSICOMOTRICIDADE , XOGOS DE MESA E OBRADOIROS. IMOS COLLENDO RITMO CO HORARIO COMPLETO.
A TARTARUGA QUE QUERÍA DURMIR TROUXO UN COLCHÓN E ROUPA DE CAMA, PARA APRENDER A FACELA E XOGAR NELA. ADEMAIS PLANTAMOS AS FABAS EN TERRA, DESCUBRIMOS LETRAS E NÚMEROS, MODELAMOS AS PERSONAXES DOS CONTOS E COMPLETAMOS A ORGANIZACIÓN DAS NOSAS RUTINAS.
SEGUIMOS ACOLLENDO AOS NOSOS PEQUES , QUE ESTÁN PARTICIPANDO EN TODAS AS PROPOSTAS CON MOITO ÁNIMO E ILUSIÓN, SOCIALIZANDO E EXPLORANDO ESPAZOS E MATERIAIS .
APRENDEMOS AS LETRAS DO NOME DE ELMER E REPRODUCÍMOLO DE DIVERSAS FORMAS, FOMOS DANDO OS PRIMEIROS PASOS NAS RUTINAS, IDENTIFICANDO O NOME PROPIO E ALLEO , REPRESENTANDO O ESQUEMA CORPORAL E COLOCANDO IDENTIFICADORES NAS NOSAS PERCHAS.
PERO ESTA SEMANA O PROTAGONISMO TÍVOO O CONTO AS FABAS MÁXICAS. AS FABAS VALÉRONOS PARA REALIZAR EXPERIENCIAS SENSORIAIS , TRASBASES, CONTEO... TAMÉN AS METEMOS EN ALGODÓN MOLLADO PARA COMPROBAR SE DELAS PODE BROTAR UNHA PRANTA.
ADEMAIS, O AVÓ DE ANITA DEUNOS UNHAS POUQUIÑAS DE FABAS ENVAINADAS PARA ABRIR EN CLASE, E ... SORPRESA !!, ERAN FABAS YINYAN , COMO AS QUE TROUXEMOS DE SUECIA !!
CON PLASTILINA REPRODUCIMOS A BOCA DO XIGANTE PATADÓN, UNHA BOCA GRANDE CON MOITOS DENTES... COMA O DO NOSO CROCODILO PREFERIDO.
NA PRIMEIRA SEMANA DO CURSO , O MÁIS IMPORTANTE É A ACOLLIDA DO NOVO ALUMNADO: CREAR LAZOS , CONFIANZA, SEGURIDADE, TER EXPERIENCIAS PRACENTEIRAS E DIVERTIDAS, ... A TRAVÉS DA SOCIALIZACIÓN ENTRE IGUAIS, DO XOGO , DA EXPERIMENTACIÓN, DA EXPLORACIÓN DE ESPAZOS E MATERIAIS E O ACHEGAMENTO AO PROFESORADO. TODO ISO TIVO CABIDA NA NOSA ESCOLA.
ACOMPAÑOUNOS ELMER, UN ELEFANTE DIFERENTE, MULTICOLOR. A PARTIR DEL DESEÑAMOS PROPOSTAS DE ACTIVIDADES COLECTIVAS NAS QUE DESENVOLVEMOS HABILIDADES MANUAIS, ARTÍSTICAS, MUSICAIS, LÓXICAS E EXPERIMENTAIS.
E XA , PARA REMATAR, PRESENTÁMOSVOS A REVISTA AS NOVAS DE PEPA NA SÚA XVI EDICIÓN.
NELA PODEDES VER , DE FORMA RESUMIDA, O CONXUNTO DE ACTIVIDADES, PROPOSTAS, CELEBRACIÓNS, DINAMIZACIÓNS, PROXECTOS, SAÍDAS, ETC., FEITOS AO LONGO DO CURSO 2022/23 NO CRA DE CULLEREDO. NESTA PUBLICACIÓN COLABORA TODO O PROFESORADO , COORDINADO POLO EQUIPO DE DINAMIZACIÓN DA LINGUA GALEGA. NA PORTADA E CONTRAPORTADA PARTICIPARON AS NENAS E NENOS DE 6º DE INFANTIL, APORTANDO AS SÚAS PEPAS, AS MÁIS AUTÉNTICAS.
EDÍTASE EN FORMATO DIXITAL INTERACTIVO, PASANDO O CURSOR POLAS IMAXES OU CLICANDO NOS BOTÓNS INTERACTIVOS, ATOPAREDES SORPRESIÑAS.
PARA PODER VELA, TEDES QUE CLICAR NO SEGUINTE IMAXE:
👇👇👇👇
ESPERAMOS QUE VOS GUSTE.
O MARTES 20, INVITAMOS ÁS FAMILIAS A VIR Á ESCOLA. ESA MAÑÁ COCIÑAMOS PIZZAS PARA MERENDAR E COMPARTIR COS PAIS E NAIS . UNHA VEZ XUNTOS, INTERPRETAMOS O CONTO A ARAÑA FACENDOSA, FIXEMOS O SORTEO DOS TRABALLOS COLECTIVOS, REPARTIMOS AS ORLAS DO ALUMNADO DE 6º E PICOTEAMOS. ESTE CURSO REMATOU, AGORA TOCA DISFRUTAR DAS VACACIÓNS.
VÉMONOS Á VOLTA.
O 16 DE XUÑO FOMOS DE EXCURSIÓN A ORDES PARA VISITAR O MUSEO DO TRAXE JUAN JOSÉ LINARES. XANTAMOS, XOGAMOS E PASEAMOS NA ÁREA RECREATIVA DE GABENLLE, NA LARACHA. UNHA XORNADA DE CONVIVENCIA DE TODO O PROFESORADO E ALUMNADO DO CRA DE CULLEREDO PARA DESPEDIR O CURSO 2022/23
ESTE MES VAI BEN DE CALOR , ASÍ QUE APROVEITAMOS PARA FACER ACTIVIDADES LÚDICAS E FRESCAS, ESTAMOS CANSOS/AS E O QUE QUEREMOS É XOGAR E XOGAR ... E COCIÑAR!!
CELEBRAMOS O DERRADEIRO ANIVERSARIO DESTE CURSO E FIXEMOS UN BISCOITO NO COLE PARA MERENDAR . PARABÉNS!!
DURANTE O CURSO COÑECEMOS A PURA TARTARUGA E AOS SEUS AMIGOS, AXUDÁMOSLLES EN TODO O QUE PRECISARON E AGORA, ESTA AVENTURA CHEGA AO SEU FIN CUN RETO CHEGO DE MISTERIO , ACERTIXOS E SORPRESAS.
AS NOSAS EIRUGAS XA SON BOLBORETAS. QUE CARIÑAS DE SORPRESA CANDO AS NENAS E NENOS CHEGARON AO COLE E AS VIRON!!
DESTA VOLTA PURA TARTARUGA E OS SEUS AMIGOS QUIXERON AMOSARNOS O PROBLEMA DAS REDES PANTASMA, ESAS REDES PERDIDAS NO MAR, ABANDOADAS , QUE SE CONVIRTEN EN TRAMPAS MORTAIS PARA MOITOS SERES VIVOS.
IVÁN TRÓUXONOS UNHA AO COLE , XUNTO CUNHAS CÁMARAS DE FOTOS, PARA CUMPRIR A NOSA MISIÓN E, ASÍ, AXUDAR A PURA. FIXEMOS UNHA SESIÓN DE FOTOS…PARA QUE SERÁ?
LEMBRADES AS TINTAS QUE FIXEMOS REUTILIZANDO OS ROTULADORES GASTADOS?
POIS CON ELAS PINTAMOS A NOSA CASA DE TELA, A CASA ARCOÍRIS. O PROCESO FOI MOI DIVERTIDO E, O RESULTADO, ASOMBROSAMENTE BONITO.
REMATÁMOLA DECORÁNDOA CON FLORES, XOANIÑAS E BOLBORETAS, PROPIAS DESTA ÉPOCA PRIMAVERAL . USAMOS IMPERDIBLES, RESULTOUNOS COMPLICADO PERO CON PACIENCIA, PRÁCTICA E UN POUCO DE AXUDA... LISTA!!
AGORA , A XOGAAAAAARRRRRRR!!
FRANCISCO FERNÁNDEZ DEL RIEGO , DON PACO, É O AUTOR HOMENAXEADO NAS LETRAS GALEGAS ESTE ANO 2023.
CHEGOUNOS Á ESCOLA UNHA MALETA CON COUSAS DE DON PACO , PARA COÑECELO MELLOR, COUSAS IMPORTANTES NA SÚA VIDA . A TRAVÉS DELAS SOUBEMOS QUE DON PACO SEMPRE LEVABA UN LAPIS PARA TOMAR NOTAS E FACER DEBUXOS, QUE ESCRIBÍA CUNHA MÁQUINA DE TECLAS , QUE FALABA E ESCRIBÍA EN LINGUA GALEGA, QUE LLE ENCANTABA SACAR FOTOS E QUE , DE MAIOR, PRECISABA UNHA LUPA PARA LER . ADEMAIS FOI FUNDADOR DA EDITORIAL GALAXIA, IMPORTANTÍSIMA PARA A LITERATURA GALEGA.
O QUE MÁIS NOS CHAMOU A ATENCIÓN FOI A MÁQUINA DE ESCRIBIR, QUE NON FUNCIONABA, PERO BUSCAREMOS UNHA MÁIS MODERNA QUE FUNCIONE , E... SE A ATOPAMOS , TRAERÉMOLA Á CLASE.
ESTA SEMANA , AS EIRUGAS DE SEDA FIXERON OS SEUS CASULOS , DOS QUE SAIRÁN CON FORMA DE BOLBORETA. É FASCINANTE OBSÉRVALAS DE PERTO DÍA A DÍA, NON DEIXAN DE DAR SORPRESAS . COA SEDA DOS CASULOS FANSE AS TEAS MÁIS FINAS , SUAVES E DELICADAS QUE EXISTEN
A NOVIDADE É A EIRUGA QUE ATOPAMOS RECOLLENDO FIUNCHO PARA A ROMARÍA, CHÁMASE “PAPILIO MACHAON” .
TIVEMOS QUE INVESTIGAR UN POUCO SOBRE ELA , PARA SABER COMO COIDALA E SE É INOFENSIVA. APRENDEMOS QUE NON CONVÉN IRRITALA, POR ISO, DECIDIMOS NON TÓCALA COAS MANS. XA ESTÁ TAMÉN NO SEU CASULO , VERDE, DA MESMA COR QUE A PRANTA DO FIUNCHO, COA QUE SE MIMETIZA.
AGORA A CONTAR OS DÍAS QUE TARDARÁ EN FACERSE BOLBORETA. QUE EMOCIÓN !!
QUE PODEMOS FACER CON ESTA TEA?
ESA FOI A PREGUNTA…AS RESPOSTAS PASARON POR EXPLORALA , MEDILA, FACER UNHA HAMACA, UN MAR, UN SACO… E UNHA CASA!
PARA FACER UNHA CASA DE TEA , O PRIMEIRO QUE FIXEMOS FOI BUSCAR UNHA ESTRUTURA DE SOPORTE E CALCULAR SE A FUNDA SERÍA O SUFICIENTEMENTE GRANDE, PARECÍA QUE NON , ENTÓN CHEGOU A GRAN IDEA… ABRILA E METER AS MESAS DENTRO!! ... A PARTIR DE AQUÍ FOMOS AXUSTANDO A TEA CON IMPERDIBLES ATA ACADAR A FORMA DESEXADA.
O RESTO , SITUAR PORTA E VENTÁS E COSELA PUNTADA A PUNTADA, ADQUIRINDO UNHA DESTREZA E UN CONTROL INCRIBLES. UN AUTÉNTICO TRABALLO EN EQUIPO ONDE TIVERON CABIDA TODAS AS IDEAS E MAN DE OBRA. AGORA QUE ESTÁ FEITA, SÓ QUEDA DECORALA .
VAMOS , QUE SE APARECE POR AQUÍ O LOBO DOS TRES PORQUIÑOS … VAI QUEDAR ABRAIADO!!
A ROMARÍA DAS LETRAS GALEGAS É A NOS FESTA MÁIS ESPECIAL.
DÁ MOITO QUE ORGANIZAR , PERO... SE O TEMPO NOS ACOMPAÑA, CONVÉRTESE NUNHA XORNADA INESQUECIBLE DE CONVIVENCIA, XOGOS , MÚSICA, XANTAR , TRADICIÓN, OBRADOIROS E MOITAS SORPRESAS. NON HAI MÁIS QUE DECIR, PODEDES VER O VÍDEO RESUMO NO BLOGUE DA PEPATECA OU CLICANDO NA IMAXE.
👇👇👇👇
UN DOS PRODUTOS FINAIS DO PROXECTO DE XASTRES , FOI A CONFECCIÓN DE 5 TRAXES MOI ARTÍSTICOS E ESPECIAIS:
- PÓDENSE MONTAR/ DESMONTAR E COMBINAR , COMO PEZAS DUN PUZZLE.
- ESTÁN FEITOS CON SOBRANTES DE TEAS, DOADAS POLAS FAMILIAS.
- LEVAN BOLSAS DE PLÁSTICO REUTILIZADO QUE GARDAN RETAZOS DA VIDA DE CADA FAMILIA, PEQUENOS OBXECTOS DE DESFEITO QUE REPRESENTAN OS VOSOS OFICIOS, PROFESIÓNS E AFICIÓNS .
A IDEA NACE NUNHA FORMACIÓN DO PROFESORADO, DA MAN DE DIEGO VALEIRAS, ARTISTA PLÁSTICO E DESEÑADOR DE VESTIARIO ESCÉNICO.
A CREACIÓN DOS TRAXES FOI UN TRABALLO COLABORATIVO ENTRE PROFESORADO, FAMILIAS E ALUMNADO. POIDESTES VER O RESULTADO FINAL O DÍA DA ROMARÍA.
ESTE VÍDEO ILUSTRA A COLABORACIÓN DO ALUMNADO DE VINSEIRA.
MENTRES PREPARABAMOS A NOSA ROMARÍA DAS LETRAS GALEGAS, LEMBRAMOS A LENDA DO XALO E Á SÚA PROTAGONISTA , A MOUCHA .
VIMOS FOTOS DO ANO PASADO E DECATÁMONOS DE QUE A MOUCHA VESTÍA UN TRAXE MOI PECULIAR, ASÍ QUE , SEGUINDO AS PROPOSTAS DO ALUMNADO, DECIDIMOS PREPARAR UN RECLAMO USANDO ELEMENTOS DA NATUREZA, CORES E COUSIÑAS BRILLANTES E, DEIXÁMOSLLE UNHA MENSAXE ESCRITA NUNHA PANCARTA.
A ILUSIÓN DE QUE A MOUCHA VIÑERA A VINSEIRA, LEVOU ÁS NENAS E NENOS A SEGUIR COA ACTIVIDADE DURANTE O RECREO DE XEITO ESPONTÁNEO ... POIS DEU RESULTADO PORQUE A MOUCHA DEIXOU NO COLE UNHA CAIXA COA SÚA ROUPA!!!
ESTE VENRES ESTIVEMOS EN DONAIRE, ASOCIACIÓN CULTURAL DE MUSICA E BAILE TRADICIONAL GALEGO, PARA COMENZAR A CELEBRACIÓN DAS LETRAS GALEGAS . ALÍ, ENSINÁRONNOS BAILES , MÚSICA E INSTRUMENTOS TRADICIONAIS .
SEGUINDO CO PROXECTO D'XASTRES, POIDEMOS VER, TOCAR E VESTIR O TRAXE TRADICIONAL DE FESTA, DE GALA, DE FAENA... ZOCOS, ZOCAS, XACARANDAINAS, ZAPATOS, PANOS, FAIXAS, CHALEQUES, MONTEIRAS, CALZÓNS, SAIAS, MANDILS... APRECIAR COMO ERAN AS TEAS , MOITO MÁIS PESADAS E GROSAS , E O CALZADO DE MADEIRA E COIRO.
NESTA SEMANIÑA CURTA , ESTREAMOS AS TINTAS FEITAS REUTILIZANDO OS ROTULADORES VELLOS, SOLTANDO PEQUENAS PINGAS DE CORES NO PAPEL HORIZONTAL OU VERTICAL, CREANDO EFECTOS MOI DISTINTOS.
AS SEMENTES DE CABAZA XA XERMOLARON, MEDRARON MELLOR AS DOS VASOS, PERO NA HORTA TAMÉN VAN DESPUNTANDO. O CRECEMENTO É MOI RÁPIDO E GUSTOSO DE VER.
TAMÉN PODEREMOS OBSERVAR COMO MEDRAN AS EIRUGAS DE SEDA, RECÉN CHEGADAS Á ESCOLA. ESTES BECHIÑOS FAN UN FÍO DE SEDA CO QUE SE ELABORAN TEAS E TECIDOS MOI FINOS E COSTOSOS .
AQUÍ TEDES O VÍDEO DA SAÍDA QUE FIXEMOS Á CORUÑA PARA VISITAR A EXPOSICIÓN DE MEISEL 93 O PASADO MÉRCORES.
MERENDAMOS DISFRUTANDO DAS VISTAS AO MAR, VIMOS A EXPOSICIÓN ACOMPAÑADOS DAS GUÍAS E TIVEMOS TEMPO DE XOGAR NA INSTALACIÓN QUE PREPARARON PARA NÓS, MENTRES UN FOTÓGRAFO PROFESIONAL CAPTURABA OS MOMENTOS MÁIS DIVERTIDOS.
ESTA SEMANA, PARA CELEBRAR O DÍA DO LIBRO, INVITAMOS ÁS FAMILIAS A VIR Á NOSA ESCOLA A CONTARNOS UN CONTO... É UNHA INVITACIÓN ABERTA A CALQUEIRA DÍA DO ANO, E A NÓS ENCÁNTANOS.
NESTA OCASIÓN, VEU A MAMÁ DE NICO , XUNTOS ELIXIRON O LIBRO ANDANDO POR EL CAMINO, UNHA HISTORIA PARA CANTAR E CONTAR.
ADEMAIS FIXEMOS UN MARCAPÁXINAS USANDO TELAS E LÁ.
UN ANO MÁIS O CRA DE CULLEREDO PARTICIPA NO CONCURSO CANTAMOS COAS MANS DA FAXPG; NESTA OCASIÓN COA CANCIÓN " FÍOS" DO GRUPO GOLFIÑOS , EN RELACIÓN AO NOSO PDI D´XASTRES.
A MESTRA DE ED. MUSICAL, LORENA, ENCARGOUSE DE TODO O PROCESO : APRENDEULLE O SIGNADO AO ALUMNADO, GRAVOUNO E EDITOUNO, ACADANDO UN VÍDEO CLIP PRECIOSO E MOI MERITOSO.
PARA VELO PODEDES IR AO SEU BLOGUE LA,LA,LA, NO QUE TAMÉN SE RECOLLEN OS DOS ANOS ANTERIORES.
O CERTO É QUE, MÁIS ALÁ DO RESULTADO DO CONCURSO, A EXPERIENCIA NOSA NA ESCOLA, SEMPRE RESULTA SUPER GRATIFICANTE.
👉👉👉DEIXOVOS AQUÍ O ENLACE DIRECTO:👈👈👈
ESTE CURSO HAI MOITOS CENTROS ESCOLARES PARTICIPANTES, O CAL NOS ALEGRA MOITO, BOTÁDELLES UN OLLO E VOTADE POLO QUE MÁIS VOS GUSTE . PICADE NO ENLACE:
👉👉👉DIFÍCIL, AVISO!👈👈👈
O XOVES VISITAMOS O AQUARIUM FINISTERRAE , OU CASA DOS PEIXES, EN A CORUÑA.
ESTA SAÍDA SEMPRE É UN ÉXITO ASEGURADO.
ESTA SEMANA PRANTAMOS AS SEMENTES DE CABAZA QUE TIÑAMOS GARDADAS DENDE SAMAÍN. CON PARTE DELAS , FIXEMOS UN SEMILLEIRO E , COA OUTRA, FIXEMOS A HORTA.
NESTA OCASIÓN AXUDOUNOS PACO, O AVÓ DE ANITA, A PREPARAR A TERRA E ARRINCAR AS HERBAS MALAS, O TRABALLO MÁIS DURO XA QUE HAI QUE TER FORZA E MAÑA. NÓS LIMPAMOS AS HERBAS, FIXEMOS OS REGOS , BOTAMOS O FERTILIZANTE QUÍMICO ( NESTA OCASIÓN NON TIÑAMOS COMPOST) , SEMENTAMOS, TAPAMOS CON TERRA , REGAMOS E CLAVAMOS OS PAOS A MODO DE PECHE.
FOI UN TRABALLO COLABORATIVO NO QUE TODAS E TODOS AXUDAMOS CON GANAS E ILUSIÓN. ISO QUE CREO QUE METEMOS A PATA ( O QUE É NON SABER) PORQUE O FERTILIZANTE NON DEBERÍA ESTAR EN CONTACTO COAS SEMENTES. ASÍ QUE XA VEREMOS QUE PASA...
ESTA SEMANA REMATAMOS O PROXECTO ARAÑAS, COMPLETANDO O NOSO MAPA CONCEPTUAL .
CONTAMOS OS OVOS FEITOS CON MASA DE MODELAR, REPARTÍNDOOS EN GRUPIÑOS DE 10 , 200 OVOS EN TOTAL, QUE ENVOLVEMOS EN SAQUIÑOS DE TELA, TAL COMO FAN AS ARAÑAS.
O PECHE FINAL CELEBRÁMOLO O VENRES CUNHA XORNADA DE CINEMA: PROXECTAMOS A TELARAÑA DE CARLOTA, PELÍCULA BASEADA NA NOVELA DE ROALD DALH ( DISPOÑIBLE EN NETFLIX ) , E , COMEMOS GUSANITOS.
TAMÉN FIXEMOS UNHA ESCENIFICACIÓN DO CONTO A ARAÑA FACENDOSA , A MODO DE XOGO E IMPROVISACIÓN ... PERO ESTAS NENAS E NENOS NON DEIXAN DE SORPRENDERME!! QUE MARABILLA!! CON ESTA ACTIVIDADE RESOLVEMOS UNHA DAS TAIS DO 2º TRIMESTRE.
ESTA SEMANA CHEGOU A PRIMAVERA E, COMO OS PRIMEIROS DÍAS TIVEMOS UN TEMPO MOI AGRADABLE, APROVEITAMOS PARA CELEBRALO E DISFRUTAR DA NOSA CONTORNA: RECOLLEMOS FLORES , FIXEMOS CON ELAS UNS TAPICES PRECIOSOS, OBSERVAMOS BECHOS, XOGAMOS A RODAR COMO CROQUETAS, A SALTAR COMO O HOMEARAÑA , MERENDAMOS AO AIRE LIBRE E, POR ÚLTIMO, MIRAMOS O CEO BUSCANDO FORMAS NAS NUBES. UN DÍA BEN BONITO!
POR OUTRO LADO , SEGUIMOS DESCUBRINDO NOVAS DAS NOSAS AMIGAS AS ARAÑAS, QUE ESTÁN RESULTANDO MOI CURIOSAS E FASCINANTES. ADEMAIS , ACOMPAÑAMOS A NOSA INVESTIGACIÓN CON DIFERENTES XOGOS E MANUALIDADES NOS QUE DESENVOLVEMOS O NOSO INXENIO E CREATIVIDADE.
INUNDACIÓN DE ARAÑAS , TELARAÑAS, INSECTOS E DEMAIS , EN VINSEIRA!
GRAZAS A TODAS AS FAMILIAS POLAS APORTACIÓNS AO NOSO PROXECTO , ENTRE TODOS DESCOBREMOS UN LOTE DE COUSAS E CURIOSIDADES SOBRE OS ARÁCNIDOS... QUE SON BECHOS , PERO NON SON INSECTOS, EH !!
CO MESTRE IVÁN FIXÉMOSLLE UN PIANO A RODOLFO, O POLBO, UN MOI TECNOLÓXICO E DIFERENTE . USANDO PAPEL DE ALUMINIO, GRAFITO OU METAL E CONECTÁNDOO AO ORDENADOR E ÁS PERSOAS QUE TOCABAN , SOABA DE VERDADE.
E COMO TIVEMOS RECREOS EN CLASE... HAI QUE VER "COMO SE LO MONTAN " AS NOSAS NENAS E NENOS!!
ESTA SEMANA CONMEMORAMOS O DÍA INTERNACIONAL DA MULLER CUNHA PROPOSTA CONXUNTA PARA TODAS AS ESCOLAS.
PARTINDO DO LIBRO A COLECCIONISTA DE PALABRAS RECOLLEMOS EN CLASE PALABRAS FERMOSAS QUE NOS GUSTA ESCOITAR, COMPROBANDO QUE NENAS E NENOS SENTEN O MESMO ANTE ELAS . AS FAMILIAS AXUDÁRONNOS A ESCRIBILAS E TENDELAS AO VENTO.
POR OUTRA BANDA, ARRANCAMOS CO PROXECTO ARAÑAS, ANIMAIS QUE PRODUCEN E TECEN SEDA , E QUE PODEMOS OBSERVAR DE PERTO.
O PROFE IVÁN TROUXO NOVAS DE ALEXO , QUE ESTÁ ENCANTADO COA CASA QUE LLE CONSTRUIMOS E PRESENTOUNOS A RODOLFO, O POLBO. COMPLETAMOS A SEMANA CON ACTIVIDADES NOS RECANTOS
O VENRES MOVEMOS UN MOBLE E, POLA PARTE DE ATRÁS, ATOPAMOS TRES BOLIÑAS COMA ESTAS, SON PEQUENAS,BRANDIÑAS E SUAVES... FIXEMOS AS NOSAS HIPÓTESES , PERO ALGUÉN PODE CONFIRMARNOS QUE SON????
ESPERAMOS AS VOSAS RESPOSTAS.
PARA REMATAR A SEMANA DE ENTROIDO CELEBRAMOS UNHA XORNADA FESTIVA XUNTANDO FAMILIAS, PROFESORADO E ALUMNADO , NO POLIDEPORTIVO DE ALMEIRAS.
HOUBO OBRADOIROS, XOGOS, DOCES TÍPICOS DE ENTROIDO QUE TROUXERON AS FAMILIAS E CHOCOLATE QUENTE QUE APORTOU A ANPA, DESFILE E TEMPO PARA XOGAR. ISO SI... REMATAMOS MOI CANSAS E CANSOS, ASÍ QUE AGORA... UNHAS PEQUENAS VACACIÓNS BEN MERECIDAS!
ESPERAMOS QUE VOS GUSTARA TANTO COMO A NÓS.
A SEMANA MÁIS DIVERTIDA DO CURSO!... POR MOR DOS MANDACRÁ E GRAZAS Á COLABORACIÓN DAS FAMILIAS, PERO ...ASÍ QUEN FAI COUSAS SERIAS?
O LUNS VIÑEMOS CO PIXAMA POSTO ...FALTÁBANNOS AS CAMAS E FOMOS BUSCALAS PARA SALTAR NELAS ATA CANSAR. O MARTES , CON MOITO AGARIMO, FIXEMOS ANTIFACES PARA ADORNAR O COLE USANDO PLANTILLAS DA NOSA IMPRESORA 3D. O MÉRCORES, VIÑEMOS DE PRESTADO E PUIDEMOS DISFRAZARNOS CON TODO O QUE ATOPAMOS. O XOVES, CADA QUEN TROUXO O SEU DISFRAZ E XOGAMOS AO BINGO DO ENTROIDO, E O VENRES... ESTREAMOS O TRAXE FEITO NO COLE PARA IR DE FESTA ! ...UN ENTROIDO SEN FIN!!
OS PEQUENOS MEDRAN E CAMBIAN O NÚMERO 3 POLO 4 NESTE MURAL DE CUMPREANOS TAN CHULO QUE ACABAMOS DE ESTRENAR.
PARABÉNS !
ESTA SEMANA ADICÁMOLA A FACER NÓS CON FARRAPOS PARA IR ARMANDO O NOSO DISFRAZ DE ENTROIDO. AS NENAS E NENOS AMOSARON TER PACIENCIA , MAESTRÍA E ILUSIÓN NESTA ACTIVIDADE.
ADEMAIS, REMATAMOS A NOSA ARAÑA, FEITA A PARTIR DUN PANTALÓN , RECHEA DE PAPEL E MONTADA CON ARAME. A ARAÑA TEN NOME …COMO SE CHAMARÁ?… E PARA QUE NON FALTE DETALLE, ACOMPAÑÁMOLA DUNHA TELARAÑA XIGANTE.
COMO VEDES, ÍMOSLLE SACANDO PARTIDO A TODO O MATERIAL QUE NOS FOSTES TRAENDO, AQUÍ NON SE TIRA NADA!
E PARA REMATAR O PROFE IVÁN PRESENTOUNOS A ALEXO, O CANGREXO, UN NOVO AMIGO DE PURA A TARTARUGA.
MENTRES ESTABAMOS A CELEBRAR O DÍA DA PAZ, FOMOS CONSTRUÍNDO UN ESPAZO NO QUE ESTAR EN CALMA : CONTARNOS SEGREDOS , PREOCUPACIÓNS, DARNOS APERTAS, COMPARTIR RISAS... PARA FACELO, USAMOS DÚAS MESAS , TEAS GRANDES , PINZAS E FITAS DE CORES, COAS QUE AS NENAS E NENOS ACTUARON LIBREMENTE. A IDEA FOI MEDRANDO E AO FIN CONSTRUÍRON A SÚA " CABANA DA PAZ" .
ESTA SEMANA SUZANA, UNHA DAS NOSAS MAMÁS, VEU A VINSEIRA FACER UNHA ACTIVIDADE RELACIONADA CO PROXECTO D´XASTRES. ELA CREA BONECOS E XOGUETES CON TEAS (FIELTRO) , ALGO QUE EMPEZOU COMO AFECCIÓN PERO QUE NESTE MOMENTO É A SÚA ACTIVIDADE PROFESIONAL. TROUXO MATERIAL E IDEAS PARA RENOVAR O NOSO MURAL DE ANIVERSARIOS : UN CAMPO CHEO DE FLORES CUNHAS ABELLIÑAS MOI ESPECIAIS. ADEMÁIS REGALOUNOS UN PANAL ONDE VIVE UNHA LINDA ABELLIÑA, QUE DIN QUE SE CHAMA GUADA, JAJA. MIL GRAZAS SUZANA, POLA TEU TEMPO E XENEROSIDADE!
ESTAMOS A REMATAR AS NOSAS IDEAS APARCADAS DA PROPOSTA ROUPA CREATIVA. A DERRADEIRA, ERA FACER UNHA ARAÑA E, APROVEITANDO UN PANTALÓN NEGRO DE POLIPEL, PUXÉMONOS MANS Á OBRA. USAMOS ARAME PARA DARLLE FORMA, UN MATERIAL MALEABLE E NOVIDOSO QUE HAI QUE MANEXAR CON COIDADO.
TAMÉN EMPEZAMOS COA TRANSFORMACIÓN DAS CAMISETAS BRANCAS EN TRAXES DE ENTROIDO, ACTIVIDADE Á QUE NOS ADICAREMOS DE CHEO A VINDEIRA SEMANA.
PARA CELEBRAR O DÍA DA PAZ, PRESENTAMOS O LIBRO IMAGINE , BASEADO NA CANCIÓN DE JOHN LENNON, UN CANTO MUNDIALMENTE COÑECIDO AO QUE O NOSO ALUMNADO APORTA AS SÚAS INOCENTES E FERMOSAS VOCES .
AS NENAS E NENOS SON MOI RECEPTIVAS/OS ÁS MENSAXES DE PAZ : A RESOLUCIÓN DE CONFLICTOS , OS SENTIMENTOS E EMOCIÓNS QUE CONLEVAN... SON MOI IMPORTANTES NESTA IDADE, DE FEITO, HAI UNHA MADUREZ E UN SABER INCRIBLES NAS SÚAS PROPIAS MENSAXES PARA FACER UN MUNDO MELLOR.
TRABALLAMOS OS SÍMBOLOS DA PAZ , A FIGURA DA POMBA E A PÓLA DE OLIVO .
PARA RECREAR A PORTADA DO LIBRO FIXEMOS A NOSA PROPIA VERSIÓN DA MESMA, USANDO A ROUPA DOADA POLA FAMILIAS, ÁS QUE LLES ESTAMOS A SACAR MOITO PROVEITO NAS NOSAS OBRAS DE ARTE. ADEMAIS , ELABORAMOS UN MURAL COMPLEMENTARIO CHEO DE POMBAS PRECIOSAS QUE LEVAN A MENSAXE DE JOHN LENNON : " ESPERO QUE UN DÍA TE UNAS A NÓS"
ESTA SEMANA UNHA AMIGUIÑA CONTOUNOS QUE CANDO FIXO O DNI TIVO QUE POÑER A SÚA PEGADA DACTILAR, EXPLICOUNOS COMO SE FACÍA E...HALA! , SACAMOS AS NOSAS TINTAS DE CORES PARA PROBAR. LOGO DEBUXAMOS SOBRE ELAS , INSPIRÁNDONOS NO LIBRO DE PEPÍN PINZÓN.
TIÑAMOS PENDENTE CORTAR A ROUPA DOADA AO COLE PARA TRANSFORMALA E CREAR CON ELA OBRAS DE ARTE. ESTABAN ELEXIDOS OS FONDOS E E DESENVOLTAS AS IDEAS DENDE HAI TEMPO PERO AGORA, POR FIN, DÉMOSLLE FORMA . ASÍ O FIXEMOS...
EMPEZAMOS O ANO EXPLORANDO OS RECANTOS E BIBLIOTECA DA NOSA AULA, NOS QUE ATOPAMOS NOVOS XOGOS E MATERIAIS. HOUBO ALGUNHA SORPRESIÑA E AGASALLOS DE NADAL , TAMÉN PODEDES VER ALGUNHAS ACTIVIDADES QUE FIXEMOS ANTES DAS VACACIÓNS. ESTAMOS POÑÉNDONOS EN MARCHA!!
EMPEZAMOS O NOVO TRIMESTRE E XA CELEBRAMOS UN ANIVERSARIO, O NOSO PRIMOXÉNITO ESTÁ FEITO UN MOZO. PARABÉNS, AMIGO!
