viernes, 29 de octubre de 2021

SAMAÍN 2021

 UNHA MAÑÁ CHEA DE LEDICIA, ILUSIÓN  E EMOCIÓNS FORTES: DESFILE, CONTOS, XOGOS DE PISTAS, ROBÓTICA... PERO QUEN DIXO MEDO??? 

NON ESQUEZADES VISISTAR OS   BLOGUES DAS ESPECIALIDADES , HAI SORPRESAS POR AÍ.



2º TAREFA DE APRENDIZAXE

COA TAI  DESTA SEMANA APRENDEMOS O QUE É A ROSA DOS VENTOS E OS 4 PUNTOS CARDINAIS. 

SITUAMOS NA NOSA ESCOLA O NORTE , O SUR, O LESTE E O OESTE... PERO TAMÉN BUSCAMOS O NOROESTE, MOI IMPORTANTE NO NOSO PDI. PARA FACELO USAMOS O COMPÁS, DIXITAL E ANALÓXICO.




PREPARANDO O SAMAÍN

 XA É SABIDO QUE ANTES DUNHA FESTA HAI MOITO QUE FACER...



ATOPAMOS UN SAPO






 A NOSA ESCOLIÑA ESTÁ CHEA DE SORPRESAS , UN DÍA ATOPAMOS UN SAPO DENTRO DELA . PARECÍA UNHA PEDRA. DESPOIS DE OBSERVALO LEVÁMOLO AO ESTANQUE.

COÑECIMOS A MARTIÑO E A TESTA

 ESTA SEMANA COÑECIMOS AO GAÑADOR DA VIAXE Á ESTACIÓN ESPACIAL, EL É MARTIÑO  E  NESTA MISIÓN , CHAMADA MORRIÑA 21,  VAINO ACOMPAÑAR A SÚA CADELA TESTA. 

ESCRIBIUNOS UNHA MENSAXE PEDÍNDONOS QUE  LLE AXUDAMOS NO SEU ADESTRAMENTO, ASÍ QUE SEGURAMENTE FARÉMONOS MOI AMIGOS NO FUTURO.





sábado, 23 de octubre de 2021

TERCEIRA SEMANA DE OUTUBRO

ADEMÁIS DO QUE XA VOS CONTAMOS,  ESTA SEMANA  FIXEMOS UNHA MOREA DE COUSAS: IOGA, ROBÓTICA, RECOLLEMOS E XOGAMOS COAS CABAZAS  ... PERO O MÁIS ESPECIAL FOI A NOVA QUE NOS TROUXO O PROFE IVÁN  : ACHEGOUNOS INFORMACIÓN SOBRE O SORTEO DUNHA VIAXE ESPACIAL. UNHA MÁGOA PORQUE NON NOS TOCOU, PERO PODEDES SEGUIR OS ACONTECEMENTOS RELACIONADOS CON ESTA AVENTURA NO BLOGUE DA PEPATECA, NEL PUBLICARANSE TODAS AS  NOVIDADES  ( GAMIFICACIÓN).



PARABÉNS

 ESTA SEMANA CELEBRAMOS O ANIVERSARIO DA NOSA  PEQUENA, QUE CUMPRÍU 3 ANIÑOS E ESTAMOS ENCANTAD@S DE TELA CON NÓS. 


Clica na imaxe para aumentala.


CON EL TIEMPO

 ADEMÁIS DA TAI, DO LIBRO   CON EL TIEMPO SACAMOS UNHA IDEA : CO TEMPO AS SOMBRAS CAMBIAN.  

PUXEMOS NUNHA MESA AO SOL PEZAS DE DIFERENTES FORMAS E DEBUXAMOS A CONTORNA DAS SÚAS SOMBRAS. OBSERVAMOS QUE, EFECTIVAMENTE, AS SOMBRAS MOVÍANSE, SAÍANSE DAS LÍNEAS DEBUXADAS, ALONGÁBANSE E CAMBIABAN DE LADO  AO LONGO DA MAÑÁ, ...PERO CADA DÍA Á MESMA HORA , ÁS 10:50 h  ENCAIXABAN DE NOVO DENTRO DO DEBUXO. 





OBSERVAMOS TAMÉN QUE O SOL SEMPRE SAE POLO MESMO SITIO E AO LONGO DA MAÑÁ VAISE DESPRAZANDO CARA AO MESMO LADO.




A PARTIR DESTAS OBSERVACIÓNS E REFLEXIÓNS CREAMOS UN RELOXIO SOLAR: DEBUXAMOS AS LÍNEAS DA SOMBRA DA AGULLA E ANOTAMOS AS HORAS, DESPOIS CADA DÍA COMPROBAMOS QUE A SOMBRA CADRABA COA HORA. OS PRIMEIROS RELOXIOS QUE EXISTIRON FUNCIONABAN ASÍ.





NOROESTE CREACCIÓNS, feito por nós

ARRANCA O PROXECTO DOCUMENTAL INTEGRADO (PDI) NOROESTE CREACCIÓNS, feito por nós , QUE PARTE DA BIBLIOTECA E SE DESENVOLVE EN TODAS AS AULAS DO CRA DURANTE O CURSO 2021/ 22.
A PRIMEIRA TAREFA   DE APRENDIZAXE INTEGRADA ( TAI) BASÉASE NOS SEGUINTES LIBROS 



PARA RESOLVELA  AS FAMILIAS ACHEGÁRONNOS FOTOGRAFÍAS NAS QUE PUIDEMOS VER UN MESMO LUGAR DESPOIS DE PASADOS OS ANOS. ANALIZÁMOLAS E COMENTÁMOLAS NA AULA, BUSCANDO SEMELLANZAS E DIFERENCIAS, ENTENDENDO A TRAVÉS DAS MESMAS A TRANSFORMACIÓN DA PAISAXE.
AQUÍ PODEDES VER UN EXEMPLO DO QUE RECIBIMOS.




ESTAS E MOITAS MÁIS, GRAZAS FAMILIAS POLAS VOSAS APORTACIÓNS.









sábado, 16 de octubre de 2021

UNHA SEMANA CURTA

COAS MANCHAS FEITAS A PARTIR DO LIBRO  MONCHO E A MANCHA ELABORAMOS UN LIBRO DE IMAXES E PALABRAS PARA   XOGAR NO RECANTO DE LETRAS, ADEMÁIS SEGUIMOS A CREAR ARTE CON ELEMENTOS DA NATUREZA, E ... QUE BONITO OBSERVAR O XOGO DE ROL ESPONTÁNEO NA AULA  ! ROMPENDO CLICHÉS! BRAVO !


 

viernes, 8 de octubre de 2021

TRABALLANDO COAS MANS

 ESTA SEMANA ESTREAMOS O ESPAZO FEDELLO DA BIBLIOTECA, PROBANDO O MANEXO DO TEAR E DAS AGULLAS, QUE PARECE DOADO PERO NON O É . TRABALLAR COAS MANS É MOI IMPORTANTE PARA IR ADQUIRINDO DESTREZAS.

 TAMÉN APRENDEMOS A FACER CÍRCULOS CUNHA CORDA, OBSERVAMOS COMO CAMBIAN AS SOMBRAS DOS OBXECTOS CO PASO DO TEMPO E CELEBRAMOS O CUMPLE DE ANA AGASALLÁNDOA CO TARRO DA AMIZADE, NO QUE GARDAMOS  COUSAS BONITAS QUE LLE DIXEMOS EN CLASE PARA QUE NON AS ESQUEZA NUNCA. 


 ASÍ DE FELIZ ESTIVO ANA  O DÍA DO SEU ANIVERSARIO.

(  CLICA NA IMAXE)


PARABÉNS PARA TI É A NOSA CANCIÓN DE CUMPREANOS.  



sábado, 2 de octubre de 2021

OUTUBRO E OUTONO ... ACABAN DE EMPEZAR.


 CADA DÍA  DA SEMANA XOGAMOS E APRENDEMOS :
- COAS PROFES  LORENA,  INÉS E SANDRA,  E COS PROFES , MANUEL E IVÁN , QUE FAN AS SÚAS CLASES MOI DIVERTIDAS.
- XA TEMOS FUNCIONANDO A NOSA BIBLIOTECA , PEPATECA, E PODEMOS LEVAR O QUE NOS GUSTE A CASA NA FIN DE SEMANA. 
-  NOS RECANTOS, USAMOS UN SISTEMA DE ROTACIÓN, DE XEITO QUE AO FINAL DA SEMANA PASAMOS POR TODOS. 

ESTAMOS EN OUTUBRO , O OUTONO AVANZA E A NATUREZA CAMBIA, PERCORREMOS A NOSA CONTORNA BUSCANDO ELEMENTOS INDICATIVOS  DESTES CAMBIOS E ATOPAMOS MOITOS: FOLLAS NO CHAN, SETAS, LANDRAS, CASTAÑAS, AS CABAZAS QUE SEMENTAMOS O CURSO PASADO... XUNTO CON  PRECIOSOS DETALLES QUE DESCUBRIMOS OBSERVANDO 
FOI UNHA BOA OCASIÓN PARA ESTREAR AS NOSAS BOTAS DE AUGA E TAMÉN PARA FACER LIMPEZA, SEMPRE ATOPAMOS LIXO E CABICHAS DE CIGARROS, PARA NÓS É IMPORTANTÍSIMO COIDAR A NATUREZA, TEREMOS QUE FACER ALGO  PARA REMEDIAR ISTO.