OS VOSOS BOCATAS DAN MOITO MEDO!

 REMATAMOS A CELEBRACIÓN DO SAMAÍN DENDE A CASA ELABORANDO UNS BOCATAS TERRORÍFICOS QUE DAN MOITO MEDO ...PERO TAMÉN RISA , PORQUE SON MOI GRACIOSOS!. NA ESCOLA VIMOS AS FOTOS QUE NOS ENVIASTES E FALAMOS DE COMO OS FIXEMOS, QUEN NOS AXUDOU , QUE INGREDIENTES PRECISAMOS E SE ESTABAN RICOS OU NON.

AQUÍ VOS DEIXO UN COLLAGE PARA QUE OS VEXADES.

BOCATAS DE MEDO

 COMO POIDESTES VER , NA XORNADA DE  HOXE NON FALTOU DE NADA... OU SI? ...

POIS SI! ... FALTOUNOS  A  MERENDA MONSTROSA XA QUE ESTE CURSO NON PODEMOS COMPARTIR NIN FACER NO COLE AS MERENDAS. 

POR ISO VOUVOS FACER UNHA PROPOSTA... QUE VOS PARECE SE ELABORADES  NA CASA UN BOCATA DE MEDO ? É MOI DOADO E PODEDES FACELO COMO MÁIS VOS GUSTE. DÉIXOVOS ALGUNHAS IDEAS , POR SE VOS AXUDA.

    FACEDE UNHAS FOTOS E MANDÁDEAS AO CORREO DA ESCOLA PARA PODER VELAS XUNT@S Á VOLTA DA FIN DE SEMANA. EU XA FIXEN O MEU, QUEREDES VELO?

AS NOVAS DE PEPA 19/20

E PARA QUE NON ESQUEZADES OS MESES QUE ESTIVEMOS NO COLE E TODAS AS COUSAS QUE ARGALLAMOS XUNT@S  , AÍ VAI O RESUMO DO CURSO 19/20 EN FORMATO REVISTA NESTA NOVA EDICIÓN DAS NOVAS DE PEPA

Pinchade na imaxe e agrandade a publicación para vela mellor

REMATA O CURSO

HOXE  TEMOS UNHA MISTURA DE SENTIMENTOS MOI ESTRAÑA. POR UN LADO CELEBRAMOS QUE XA ESTÁ AQUÍ O VERÁN E AS VACACIÓNS, O CAL NOS ALEGRA ; POR OUTRO , SABEMOS QUE CANDO VOLTEMOS AO COLE ALGO SERÁ DIFERENTE, OMAR E MARTINA XA NON ESTARÁN CON NÓS CADA DÍA, FIXÉRONSE MAIORES E PASAN AO COLE DE PRIMÁRIA , ONDE OS ESPERAN ANDRÉS, SARAY...E TANTOS/AS AMIGOS/AS DE VINSEIRA.

 TERÍANOS ENCANTADO PASAR  ESTE ÚLTIMO DÍA XUNTOS , PROFE, PEQUES E FAMILIAS , CELEBRÁNDOO , PERO COMO ISO NON PODE SER... O FACEMOS DO MELLOR E ÚNICO XEITO POSIBLE, CUN PRECIOSO VÍDEO NO QUE NOS ATOPAMOS DE NOVO PARA DECIRNOS ADEUS  SACÁNDONOS     UN   SORRISO E  MANTENDO MÁIS QUE NUNCA A ILUSIÓN  DO REGRESO.

FELICES VACACIÓNS! SE TODO VAI BEN, NOS VEMOS DE NOVO EN SETEMBRO.

PROPOSTA FINAL INTERCRÁ

ACHÉGASE O FIN DE CURSO , AÍNDA QUE ESTE ANO SERÁ DIFERENTE ,  NON PODEREMOS REUNIRNOS PARA DESPEDIRNOS DOS COMPAÑEIROS E COMPAÑEIRAS, QUE NON VEREMOS ATA SETEMBRO. E, ESPECIALMENTE , DE AQUELES QUE PASAN A PRIMARIA POLO CAL NO CURSO QUE VEN XA NON ESTARÁN NA NOSA ESCOLA.

PERO PODEMOS FACELO DESDE A DISTANCIA CUN SAÚDO , UN XESTO , BAILANDO OU ADICANDO UNHAS PALABRAS .

 POR ISO, ESTA ÚLTIMA PROPOSTA É GRAVAR UN PEQUENO VÍDEO ADICADO AOS COMPAÑEIROS E COMPAÑEIRAS.

POR FAVOR, GRAVÁDEO EN HORIZONTAL E QUE A SÚA DURACIÓN NON SUPERE OS 20 SEGUNDOS.

TEDES DE PRAZO PARA ENVIALO AO CORREO ELECTRÓNICO DA ESCOLA ATA O MARTES 16 DE XUÑO.

RESUMO PROPOSTA INTERCRÁ NÚMERO 7

DÁ GUSTO VER AS VOSAS CARIÑAS CANDO ESTADES MISTURANDO A FARIÑA  CO ACEITE , QUE SORRISOS ! ... E CANTAS COUSIÑAS FIXESTES. NO SEGUINTE VÍDEO PODEDES VELAS TODAS.

                                                

MISIÓN 12 NO DÍA DO MEDIOAMBIENTE

HOXE É O DÍA DO MEDIOAMBIENTE E CARPIÑO NON QUERÍA PASAR O DÍA SEN SAUDARVOS  DESPOIS DE TODO O QUE LLE AXUDASTES . TOCA A ÚLTIMA MISIÓN, MOI DOADIÑA DE RESOLVER: TEDES QUE ELIXIR AOS AMIGUIÑOS QUE MÁIS VOS  GUSTARON NUNHA ENQUISA . PRESTADE TAMÉN ATENCIÓN AO QUE VOS CONTA , VAIVOS FALAR DUN GRAVE PROBLEMA QUE ACONTECEU FAI UNS ANOS NAS AUGAS DA CORUÑA E QUE NON QUEREMOS QUE SE REPITA NUNCA MAIS.

PINCHADE NA IMAXE PARA ACCEDER A PEPATECA

PROPOSTA INTERCRÁ NÚMERO 7

ESTA SEMANA IMOS XOGAR COA AREA MÁXICA, NO SEGUINTE VÍDEO EXPLÍCOVOS CAL É A IDEA.

SOAMENTE PRECISAMOS UN RECIPIENTE NO QUE FACER A MASA, FARIÑA , ACEITE E MOLDES PARA XOGAR. SEMPRE BOTANDO 4 MEDIDAS DE FARIÑA POR 1 DE ACEITE.

 É MOI DOADO , COMO IDES VER A CONTINUACIÓN.

                   

 COMO PODESTES VER ESTA AREA QUE FIXEMOS NON É AUTÉNTICA SENON UNHA RECREACIÓN.  A AREA  EN SI ,É UN ELEMENTO MINERAL QUE SE PODE ATOPAR EN DIFERENTES PAISAXES  E ECOSISTEMAS . ADEMAIS DAS PRAIAS, ÁS VECES HAINA NA BEIRA DOS RÍOS, NOS CAMIÑOS...

PODEDES PENSAR NUN ECOSITEMA QUE LEVE AREA  E IMAXINAR COMO SERÍAN AS PRANTAS E OS ANIMÁIS QUE VIVIRÍAN NEL, REPRODUCÍNDOO COA AREA QUE FIXESTES NA CASA,  SE LLE ARRIMADES UNS PAUIÑOS , PEDRAS, HERBAS, CUNCHAS... PODEDES CONSEGUIR UNHA PAISAXE MOI REAL. 

ENVIÁDENOS FOTOS OU VÍDEOS DAS VOSAS CREACIÓNS.

ÁNIMO, XA QUEDA MENOS! 

PARABÉNS PARA ALDARA

HOXE É UN DÍA MOI ESPECIAL PARA A NOSA PEQUENA PORQUE ESTÁ DE ANIVERSARIO. ASÍ QUE IMOS MANDARLLE DENDE AQUÍ TODOS  OS BICOS E APERTAS QUE SE MERECE E QUE LLE TEMOS GARDADAS. ESTE É O ÚLTIMO CUMPREANOS DO CURSO E ALDARA TAMÉN TERÁ O SEU MÓBIL DO FONDO MARIÑO , EN CANTO POIDAMOS DARLLO. 

MOITÍSIMOS PARABÉNS PARA ALDARA. A CANTAR!,

ECOMISIÓN 11

CARPIÑO E OS SEUS AMIGOS SEGUEN A CONTAR CON VÓS E ACHEGÁRONNOS UNHA NOVA MISIÓN: XOGAR COAS MANS E COAS SOMBRAS PARA CONSEGUIR FIGURAS DE ANIMAIS. DECÍDELLE Á VOSA FAMILIA QUE VOS LEAN TODO O QUE ESTÁN A FACER NO FONDO MARIÑO CARPIÑO E A SÚA PANDILLA. E...MANS Á OBRA!

Pinchade na imaxe para ir a pepateca

PROPOSTA INTERCRÁ NÚMERO 4: LEMBRANDO O DECÁLOGO AMBIENTAL

OLA FAMILIAS. EMPEZAMOS UNHA NOVA SEMANA NA QUE A PROPOSTA INTERCRÁ QUE VOS OFRECEMOS PARTE DA ESCOLA DA CHOEIRA I E DA SÚA MESTRA SILVIA QUE PREPAROU UNHA PRESENTACIÓN CON VÍDEOS, CONTOS, MÚSICA E ACTIVIDADES PARA FACER. LEMBRADE QUE PODEDES AGRANDALA E MANEXALA COS BOTÓNS E AS FRECHAS.

PINCHA NA IMAXE

VISITAMOS PEPATECA

NO BLOGUE DE PEPA TEDES NOVIDADES. POR UNHA BANDA ESTÁ RESOLTA A MISIÓN 10 DE CARPIÑO E , POR OUTRA , XA PODEDES VER OS PRODUTOS QUE CREASTES NAS VOSAS CASAS PARA AS TAREFAS INTEGRADAS DE BIBLIOTECA; UNHAS IDEAS FANTÁSTICAS DAS QUE AS /OS PROFES DO CRA ESTAMOS APRENDENDO UN MONTÓN!. 

 Pincha na imaxe para acceder

ADEMAIS SE VISISTADES O FACEBOOK DO CONCELLO DE CULLEREDO,  PODEREDES VER O CONCERTO PITUSA SEMIFUSA E OS ESTILOS MUSICAIS, OBRA MUSICAL Á QUE O CRA DE CULLEREDO ESTABA INVITADO , POLO PROPIO CONCELLO , A ASISTIR  O DÍA 26 DE MAIO. 

TAREFAS INTEGRADAS DA BIBLIOTECA

ESTA SEMANA IMOS DESENVOLVER AS TAREFAS INTEGRADAS QUE NOS PROPÓN PEPA DENDE O SEU BLOGUE .

PICADE NA IMAXE PARA ACCEDER DENDE AQUÍ.

CLAUSURA DA SEMANA DAS LETRAS

PARA REMATAR A SEMANA DAS LETRAS GALEGAS FIXEMOS ESTE VÍDEO CON TODO O  QUE NOS ENVIASTES, QUE FOI MOITÍSIMO!
ENTRE TODOS, ALUMNADO, FAMILIAS E PROFESORADO, XUNTAMOS UN LOTE DE IDEAS DIVERTIDAS E MOI CREATIVAS. ASÍ QUE MOITÍSIMAS GRAZAS POLA VOSA PARTICIPACIÓN.
QUE O GALEGO VÓS ACOMPAÑE CADA DÍA DO ANO .
FELIZ DÍA DAS LETRAS GALEGAS!

CANTAMOS O MAIO

AÍ VAI A SORPRESA!!

HOXE TERÍAMOS QUE ESTAR CELEBRANDO A ROMARÍA DAS LETRAS NO PARQUE DE CELAS, NESA FESTA TAN BONITA NA QUE NOS REUNIMOS COAS VOSAS FAMILIAS  PARA CANTAR, BAILAR, XOGAR, XANTAR E PASALO XENIAL. 

QUEREMOS QUE SAIBADES QUE VOS BOTAMOS MOITO EN FALTA E QUE NON PODEMOS DEIXAR PASAR ESTE DÍA SEN MÁIS. CON ESTE SENTIMENTO , E DE TODO CORAZÓN , O PROFESORADO DESPEDIMOS A SEMANA DAS LETRAS CANTÁNDOVOS O MAIO, UN MAIO FEITO PENSANDO EN VÓS.

VIDEOCLIP ECOLOXISTAS

UNHA DAS TAREFAS DA BIBLIOTECA QUE QUEDARON A MEDIO FACER ANTES DA CORENTENA FOI A GRAVACIÓN DESTE PRECIOSO VIDEOCLIP NO QUE AS NENAS E NENOS DO CRA INTERPRETAN ESTA CANCIÓN DE MAMACABRA, ECOLOXISTAS.

O PROFE IVÁN CONSEGUÍU MONTALO E REMÁTALO CON IMAXES DE ARQUIVO E O CERTO É QUE QUEDOU PRECIOSO. VAIVOS ENCANTAR!

PREMEDE na imaxe e o  veredes.

NOVA MISIÓN DE CARPIÑO

CARPIÑO SEGUE A MANDARNOS NOVAS E PEDIR A NOSA AXUDA. ESTA SEMANA QUERE PRESENTARVOS A SUSA A MEDUSA NA MISIÓN NÚMERO 10.
PREMEDE NA IMAXE E XA IDES AO BLOGUE DA PEPATECA ONDE VOLO CONTA.

SEMANA DAS LETRAS GALEGAS

ESTE ANO PARA CELEBRAR A SEMANA DAS LETRAS GALEGAS PREPARAMOS UNHA ACTIVIDADE ON LINE NA  QUE  PODEREDES VER AS PROPOSTAS QUE VOS OFRECEMOS  PICANDO NAS IMAXES.

COMO SABEDES , O DÍA DAS LETRAS GALEGAS FAISE UNHA HOMENAXE  A UN ESCRITOR OU ESCRITORA IMPRESCINDIBLE PARA A NOSA CULTURA E A NOSA LINGUA, QUEN SERÁ NESTA OCASIÓN? 

TEDES UN XOGO DE PISTAS CO QUE DESCUBRIREDES O SEU NOME. ADEMAIS TAMÉN PODEREDES ESCOITAR MÚSICA, LER POESÍA , XOGAR , ATOPAR DIFERENCIAS , CREAR MANUALIDADES E OBRAS DE ARTE. 

XA SABEDES QUE NOS ENCANTA VER AS  VOSAS PRODUCCIÓNS, ASÍ QUE , MANDÁDENOS  AO CORREO DAS ESCOLAS  TODAS AS FOTOS E VÍDEOS QUE QUEIRADES AMOSÁNDONOS OU CONTÁNDONOS O QUE FIXESTES,  PARA LOGO PODER COMPARTILO CON TODAS/OS . (Lembrade, mellor en posición horizontal, por favor)

NON ESQUEZADES NUNCA QUE A LINGUA E A CULTURA GALEGA  TEÑEN QUE MEDRAR CON  NÓS!

E, DADO QUE O VENRES NON PODEREMOS XUNTARNOS NA NOSA XA TRADICIONAL ROMARÍA DAS LETRAS, AS/OS PROFES ANDAMOS ARGALLANDO UNHA BONITA SORPRESA PARA AS FAMILIAS E O ALUMNADO DO CRA.  ESTADE PENDENTES PORQUE O VENRES TEMOS UNHA NOVA CITA E ALGO QUE CELEBRAR!

QUE SERÁ ? QUE SERÁ?...QUE SERÁ QUE SERÁ?...

NA esquina inferior dereita , no símbolo ... , podedes aumentar o tamaño do panel interactivo.
Na esquina superior dereita podedes premer para ver onde están os botón interactivos.

RESPOSTAS Á PROPOSTA INTERCRÁ NÚMERO 3

XA PODEDES VER O RESULTADO DE TODAS AS CREACIÓNS QUE FIXESTES A PARTIR DO PAPEL USADO SEGUINDO AS PAUTAS QUE VOS PROPUXO CRIS, A PROFE DE LEDOÑO. VEREDES QUE CHULADA !
SÓ TEDES QUE PINCHAR A IMAXE PARA ACCEDER AO BLOGUE DE LEDOÑO.                                                       ADIANTE!

PROPOSTAS INTERCRÁ 3

ESTA SEMANA A PROFE CRIS, DA ESCOLA DE LEDOÑO ,TRÁENOS UNHA PROPOSTA CON MIL POSIBILIDADES DE RECICLAR E REUTILIZAR O PAPEL VELLO. MIRÁDEAS CON CALMA E ELIXIDE A VOSA. FACÉDENOS CHEGAR AS FOTOS DAS VOSAS OBRAS.

PICADE NA IMAXE PARA ACCEDER AO BLOGUE DE LEDOÑO

http://ledonoescola.blogspot.com/