viernes, 21 de diciembre de 2018

UN BICO PARA OSIÑO

E PARA FINALIZAR, AQUÍ ESTÁ O VÍDEO DA NOSA OBRA DE TEATRO. O NOSO GATIÑO BRUNO NON PUIDO VIR HOXE AO COLE E NO SEU LUGAR TIVEMOS UNHA COLABORADORA ESPECIAL, SARA, QUE FOI MOI VALENTE SAÍNDO AO ESCENARIO SEN SABER O QUE TIÑA QUE FACER. SEN MÁIS , DESÉXOVOS A TODAS AS FAMILIAS UNHAS FELICES FESTAS E VÉMONOS NO 2019. A DESCANSAR PEQUES, QUE PRONTO VOLTAMOS!!.

WE WISH YOU A MERRY CHRISTMAS

ESTE VILLANCICO APRENDÉMOLO COA PROFE SANDRA , A NOSA TEACHER NA CLASE DE INGLÉS

ÁRBOLES DE NAVIDAD

ESTE VILLANCICO APREDÉMOLO NA CLASE DE MÚSICA COA PROFE MABEL, QUE PERSONALIZOU A LETRA PARA QUE FOSE SIGNIFICATIVA NAS NOSAS AULAS

A MERENDA E O NOSO TEATRO

DESPOIS DAS ACTUACIÓNS MERENDAMOS BISCOITO, ZUME E BOLIÑAS DE CHOCOLATE...HUMM, TIÑAMOS MOITO APETITO!! TAMÉN PODEDES VER AS FOTOS DOS NOSOS ACTORES E ACTRICES NA ESCOLA E NA PROPIA FUNCIÓN.

FESTIVAL DE NADAL

COMO IDES VER O FESTIVAL DE NADAL ESTIVO CHEO DE SORPRESAS. FOI MOI DIVERTIDO E VARIADO: A VISITA DE PAPÁ NOEL, O CONTACONTOS, AS OBRAS DE TEATRO,O TEATRO DE SOMBRAS,OS VILLANCICOS...E AÍNDA FALTA A SEGUNDA PARTE!!

jueves, 20 de diciembre de 2018

A POSTAL DO CACO DE PEPA

COMO ESTAMOS PERTO DO NADAL O CACO DE PEPA ENVIOUNOS UNHA FELICITACIÓN , PERO NON SÓ ISO, SENON QUE TAMÉN NOS ACHEGOU UNS ADORNOS PARA QUE OS PUXERAMOS DE DISFRAZ E ASÍ SACARNOS UNHAS FOTOS TAN CHULAS COMO A SÚA GRAZAS A UNHA APP CHAMADA POP ART. DÍXONOS QUE AO FINAL HABÍA FACER UNHA MONTAXE COAS FOTOS DE TODO O ALUMNADO DO CRA. ESTAMOS DESEXANDO VELAS, AQUÍ VOS AMOSAMOS AS QUE FIXEMOS NA CLASE.

POSTAIS LUMINOSAS

XA TEDES NAS VOSAS CASAS AS POSTAIS DE NADAL QUE FIXEMOS NO COLE. SON MOI BONITAS PERO O QUE MÁIS NOS GUSTOU FOI POÑERLLE LUZ. O SEGREDO É QUE POR DENTRO LEVA UN SINXELO CIRCUITO ELÉCTRICO ALIMENTADO POR UNHA PILA . TAMÉN ARGALLAMOS UN ADORNIÑO PARA POÑER NA ÁRBORE. POSTAI´L DE NADAL on PhotoPeach

CARPETAS MOI ARTÍSTICAS

SEGUIMOS USANDO A AUGA TINTADA REUTILIZANDO ROTULADORES VELLOS, NESTA OCASIÓN EMPREGAMOS PULVERIZADORES PARA SALPICAR AS CORES SOBRE CARTOLINAS BRANCAS. UNHA VEZ SECAS PRODUCÍRONSE UNS EFECTOS E UNHAS MISTURAS SORPRENDENTES. CON ESTAS CARTOLINAS FIXEMOS AS NOSAS CARPETAS DE ARTE.

domingo, 16 de diciembre de 2018

REUTILIZANDO ROTULADORES VELLOS

CON ESTA EXPERIENCIA APRENDEMOS A APROVEITAR AO MÁXIMO OS NOSOS RECURSOS. TIÑAMOS GARDADO DE ANOS ANTERIORES UN BO LOTE DE ROTULADORES VELLOS E GASTADOS , AO METELOS NAS BOTELLAS CON AUGA CONSEGUIMOS TINTA DILUÍDA . APROVEITAMOS ESTE AUGA TINTADA PARA EXPERIMENTAR E PROBAR EFECTOS ARTÍSTICOS. EMPEZAMOS BOTANDO TINTA CUN CONTAGOTAS E FACÉNDOA CORRER POLO PAPEL COA AXUDA DUN SECADOR DE PELO. A TINTA VAISE RAMIFICANDO E MISTURANDO CREANDO UN RESULTADO MOI VISTOSO.

OBRA DE ARTE Nº 7

XA TIÑAMOS PROBADO ANTERIORMENTE A TÉCNICA DA ESTAMPACIÓN MEDIANTE O FROTADO DE CERAS , PERO NESTA OCASIÓN BUSCAMOS UN RELEVO SOBRE O QUE BOTAR PINTURA PARA DEIXAR A SÚA PEGADA ESTAMPADA NO PAPEL. FIXÉMOLO EN COR NEGRO PORQUE TEN MOITA FORZA E O USAMOS POUCO. MIRADE QUE EFECTO SORPRENDENTE, SEMPRE É UN GUSTAZO VER A CARA DOS NENOS E NENAS CANDO SE ATOPAN CO RESULTADO FINAL.

jueves, 13 de diciembre de 2018

PREPARANDO OS DECORADOS

O TEATRO FORMA PARTE DAS ARTES ESCÉNICAS E POR ISO NOS PROPUXEMOS LEVAR ADIANTE ESTA EXPERIENCIA.
 COMO XA SABEDES ESTAMOS PREPARANDO UNHA OBRA DE TEATRO PARA REPRESENTAR NO FESTIVAL DE NADAL.
ISO CONLEVA MOITO TRABALLO XA HAI QUE APRENDER O GUIÓN E ENSAIAR A DIARIO PARA QUE NOS SAIA DE MARABILLA.
POR OUTRO LADO TEMOS QUE PREPARAR O VESTIARIO, DISO  ENCÁRGANSE AS NOSAS FAMILIAS EN COLABORACIÓN COA PROFE.  NÓS, NA ESCOLA,  ESTAMOS A FACER TODOS OS DECORADOS, VEREDES QUE CHULOS VAN QUEDAR.


ANIVERSARIO DE CARMELA E MIRIAM

ESTA SEMANA CELEBRAMOS DOUS ANIVERSARIOS Á VEZ: CARMELA ,QUE XA TEN CINCO E A NOSA PEQUECHA MIRIAM QUE ACABA DE CUMPRIR TRES ANIÑOS.
PARABÉNS PARA AS DÚAS QUE MEDRAN CADA DÍA , SEMPRE TAN LINDAS E BOÍÑAS.


MIND DISEGNER

O CACO DE PEPA É INCRIBLE. DESPOIS DE ROUBAR O NOSO CADRO MÁIS PRECIADO , RÉTANOS A XOGAR E SUPERAR PROBAS PARA PODER RECUPERALO. O CASO É QUE TODOS OS RETOS SON VARIADOS E MOI DIVERTIDOS: XOGOS DE AZAR, PROBAS DE HABILIDADE E PUNTERÍA, XOGOS DE ARTE INTERACTIVOS,CIENCIA, CINE... UN SINFÍN DE IDEAS QUE PODEDES SEGUIR NO BLOGUE DE PEPATECA.
ESTA SEMANA SORPRENDEUNOS DE NOVO. ACHEGOULLE AO PROFE IVÁN UN NOVO ROBOT CHAMADO MIND DISEGNER QUE SABE DEBUXAR AS FIGURAS XEOMÉTRICAS QUE NÓS FIXEMOS NA TABLET CUN TANGRAM. ALUCINANTE.

 
AQUÍ PODEDES VER UNHA MOSTRA


viernes, 30 de noviembre de 2018

A VISITA DE ELENA BERENJENA

O XOVES TIVEMOS UNHA VISITA SORPRESA , APARECEU POLO COLE ELENA BERENJENA... QUE QUEN É ELENA BERENJENA?? POIS ISO MESMO NOS PREGUNTAMOS NÓS CANDO A VIMOS ENTRAR POLA PORTA TODA TIZNADA E DESPEITEADA.


RESULTOU SER UNHA CIENTÍFICA QUE CHEGOU Á ESCOLA PERDIDA E DESORIENTADA DESPOIS DE EXPLOTAR O SEU LABORATORIO.
ENSINOUNOS QUE O CORPO ESTÁ FORMADO POR AUGA E QUE POR ISO É TAN IMPORTANTE BEBER A DIARIO ATA 9 VASOS DE AUGA.
TAMÉN NOS APRENDEU O NOME  DOS RECIPIENTES COS QUE PODE MEDIR A AUGA NO SEU LABORATORIO. PEDIUNOS AXUDA PARA RECUPERAR A FÓRMULA DO ELISIR PERDIDO  E PROMETEU VOLTAR POR AQUÍ DE NOVO. XA ESTAMOS DESEXANDO VELA!!


O ESCORNABOT

OS ESCORNABOTS SON OS ROBOTS QUE MANEXAMOS ESTE CURSO, AÍNDA QUE XA OS COÑECÍAMOS  DO ANO PASADO, CANDO NOS INICIAMOS NO MUNDO DA ROBÓTICA DA MAN DO PROFE DIEGO.
É INCRIBLE QUE RÁPIDO APRENDEMOS A PROGRAMALOS SECUENCIANDO PEQUENOS PERCORRIDOS CADA VEZ MÁIS COMPLEXOS. E NON SÓ ISO, SENON QUE TAMÉN  ENGADIMOS O MANEXO DE CONCEPTOS COMA NÚMEROS, NOMES, TAMAÑOS, CORES... OU CALQUEIRA OUTRO QUE SEXA DO NOSO  INTERESE.
O MUNDO DA ROBÓTICA OFRECE MÚLTIPLES POSIBILIDADES QUE POUCO A POUCO IREMOS EXPLORANDO.


 A ÚLTIMA ACTIVIDADE QUE REALIZAMOS ESTÁ RELACIONADA COA VISITA Á EXPOSICIÓN SONORO EMPEÑO DA FUNDACIÓN ABANCA . ADEMÁIS DE LEMBRAR E RECOÑECER OS CADROS QUE VIMOS ESE DÍA ,TAMÉN POIDEMOS ESCOITALOS A TRAVÉS DO IPAD USANDO UNHA APLICACIÓN DE REALIDADE AUMENTADA QUE NOS PERMITE COÑECER OS DATOS DE CADA OBRA DE ARTE E ESCOITAR A MÚSICA ASOCIADA SÓ CON VISUALIZAR OS CADROS ELIXIDOS. UNHA PASADA!!
ESTA ACTIVIDADE CREOUSE PARA O ESPAZO FEDELLO DA BIBLIOTECA DO COLE EN COLABORACIÓN CO EQUIPO DE TICS.
NON ESQUEZADES BOTAR UNHA OLLADA AOS BLOGUES DE PEPATECA E TICCRA, PODEREDES VER UNHA CHEA DE ACTIVIDADES INTERESENTES E NOVIDOSAS QUE ESTAMOS INTRODUCINDO NAS NOSAS AULAS.

martes, 27 de noviembre de 2018

25 DE NOVEMBRO: DÍA EN CONTRA DA VIOLENCIA DE XÉNERO

CO GALLO DO 25 DE NOVEMBRO TRATAMOS NA CLASE O TEMA DAS TAREFAS DOMÉSTICAS , ENTENDENDO QUE TODOS O TODAS PODEMOS COLABORAR NELAS DENDE PEQUEN@S E QUE DEBEMOS COMPROMETERNOS A COMPARTILAS SEN DEIXAR QUE RECAIAN SEMPRE SOBRE A MESMA PERSOA.
 O PUNTO DE PARTIDA DO DEBATE FOI A VISUALIZACIÓN DO CONTO O LIBRO DOS PORCOS NA PDI, VÍDEO QUE PREPAROU O PROFE IVÁN DENDE A BIBLIOTECA.
 NON ESQUEZADES OLLAR O BLOGUE DA PEPATECA PORQUE AÍ PODEDES SEGUIR PASO A PASO O CASO DO CACO DE PEPA QUE TAN PENDENTES NOS TEN A TODOS.

CONCERTO DE MAMACABRA

O VENRES ASISTIMOS AO  CONCERTO DE MAMACABRA EU COCIÑO, TI COCIÑAS  NA FUNDACIÓN ABANCA. GUSTOUNOS MOITO PORQUE FOI  UNHA MISTURA PERFECTA DE TEATRO , MÚSICA E HUMOR.

jueves, 22 de noviembre de 2018

OBRAS DE ARTE Nº 5 E 6

NA ESCOLA SEGUIMOS A EXPERIMENTAR COA PINTURA ABSTRACTA, XOGANDO COAS  CORES E ACADANDO FORMAS CASUAIS QUE XURDEN USANDO DIFERENTES TÉCNICAS. NESTA OCASIÓN USAMOS LIMPAPIPAS UNTADOS EN TÉMPERA PARA GOLPEAR NO PAPEL  E COLORANTE ALIMENTICIO MISTURADO CON ESPUMA DE AFEITAR. OS RESULTADOS SEMPRE SON SORPRENDENTES .

MASHA E O OSO

GEMA, A NAI DE OMAR, ENCÁNTALLE DEBUXAR  , É TODA UNHA ARTISTA E DÁSELLE DE MARABILLA. COMO ESTAMOS A TRABALLAR O ARTE, OS NENOS E NENAS DE VINSEIRA ESCRIBÍRONLLE UNHA CARTA PROPOÑÉNDOLLE QUE NOS PINTARA UN CADRO  NO COLE E ELA ACEPTOU.
VEU DOUS DÍAS : O PRIMEIRO ELIXIMOS O DEBUXO E FIXO O BOCETO A LAPIS, O SEGUNDO EMPEZOU A COLOREALO CON TÉMPERA E AÍNDA TIVO QUE REMATALO NA CASA.
 NÓS TAMÉN COLABORAMOS FACENDO UN MARCO PARA QUE QUEDARA MÁIS CHULO...NON HAI MÁIS QUE VER O BEN QUE LUCE NA NOSA ESCOLA!!
GRAZAS GEMA, FOI UN LUXAZO PARA NÓS VERTE TRABALLAR.

PREME ENRIBA DA IMAXE PARA AUMENTALA

ANIVERSARIO OMAR

A SEMANA PASADA OMAR ESTIVO DE ANIVERSARIO , AGORA XA NON É O NOSO PEQUERRECHIÑO !!. PARABÉNS OMAR
PREME ENRIBA DA FOTO PARA VELA EN GRANDE.

miércoles, 14 de noviembre de 2018

SONORO EMPEÑO

SONORO EMPEÑO É O TÍTULO DA EXPOSICIÓN QUE FOMOS VER Á FUNDACIÓN A BANCA. TODAS AS OBRAS DE ARTE ESTABAN RELACIONADAS COA MÚSICA E, GRAZAS A LAURA A NOSA GUÍA , MOITAS DELAS POIDEMOS ESCOITALAS MENTRES AS ESTABAMOS A MIRAR. DESPOIS PARTICIPAMOS NUN OBRADOIRO NO QUE PINTAMOS E BAILAMOS AO RITMO DA MÚSICA. AO SAÍR BAIXAMOS NUN ASCENSOR ENORME MOI ARTÍSTICO.

OUTONO ARTÍSTICO

ESTE CURSO APROVEITAMOS TODOS OS ELEMENTOS DO OUTONO QUE AS NENAS E NENOS DE VINSEIRA RECOLLERON PARA TRAER Á ESCOLA. OBSERVAMOS OS RETRATOS DE ARCHIMBOLDO COMO PUNTO DE PARTIDA E TAMÉN NOS ATREVEMOS A CREAR OS NOSOS PROPIOS.

COLARES DE ZONCHOS

APRENDEMOS UNHA PALABRA QUE NOS GUSTA MOITO COMO SOA: ZONCHO , QUE É A CASTAÑA COCIDA COA PEL.
DESPOIS NA ESCOLA FIXEMOS COLARES DE ZONCHOS , COMO SE FACÍAN ANTES, COAS CASTAÑAS COCIDAS QUE TROUXERON OS NENOS E NENAS DA CASA. HOUBO QUE CONTALAS , CLASIFICALAS SEGUNDO O TAMAÑO E ORDEALAS: 2 PEQUENAS,3 GRANDES E 2 PEQUENAS.
APROVEITANDO QUE TIÑAMOS Á MAN O FÍO E A AGULLA MONTAMOS UN MÓBIL DO OUTONO QUE NOS QUEDOU MOI CHULI.

lunes, 12 de noviembre de 2018

OS BECHOS DO COLE: O BECHO BOLA

O NOSO PROXECTO OS BECHOS DO COLE NACEU DO INTERESE DOS NENOS E NENAS POR ESTES PEQUENOS ANIMALIÑOS QUE CONVIVEN CON NÓS A DIARIO NA NOSA ESCOLA. PRIMEIRO  FOMOS FIXÁNDONOS EN  CALES VÍAMOS CON FRECUENCUENCIA E DESPOIS EMPEZAMOS A  INVESTIGAR UN A UN. A TRAVÉS DUNHA BOTACIÓN DECIDIMOS EMPEZAR POLO BECHO BOLA.
  OBSERVAMOS O COMPORTAMENTO DOS BECHOS BOLA QUE ATOPAMOS EN CLASE E FIXEMOS A NOSA INVESTIGACIÓN A TRAVES DE VÍDEOS , CONSULTAS EN INTERNET E NOS LIBROS, ASÍ  APRENDEMOS MOITAS COUSAS .
NO SEGUINTE VÍDEO VOLAS CONTAMOS.


jueves, 8 de noviembre de 2018

O MAGOSTO

TIVEMOS UN TEMPO ESTUPENDO, POR SORTE , ASÍ QUE POIDEMOS CELEBRAR O NOSO MAGOSTO COMO DE COSTUME XUNTÁNDONOS TODAS AS ESCOLAS PARA FACER OS XOGOS E COMER AS CASTAÑAS , QUE ERAN MOI BOAS E ESTABAN ASADAS NO SEU PUNTO.
O PARQUE DE CELAS ESTÁ PRECIOSO CHEO DE CORES NO OUTONO.

domingo, 4 de noviembre de 2018

OS NOSOS DISFRACES

CON ESTAS PINTAS VIÑEMOS AO COLE!! GUAP@S?? NOOOONNNN...HORRIBLES!!!
PREME CLIC SOBRE A FOTO PARA VELA EN GRANDE

miércoles, 31 de octubre de 2018

FESTA DE SAMAÍN

CHEGOU O DÍA E FIXEMOS UNHA FESTA SEGUINDO O PROGRAMA PROPOSTO POLOS NENOS E NENAS: INVENTAR UN CONTO DE MEDO XIGANTE, VER PELIS DE MEDO, TOMAR UNHA MERENDA E CHUCHES DE SAMAÍN, PINTAR UNHA BALEA TERRORÍFICA(QUE QUEDOU EN TABEIRÓN), XOGAR CON SOMBRAS E FACER UN XOGUETE.
 FOI UNHA XORNADA DIVERTIDA E MOI CREATIVA, ADEMÁIS RECIBIMOS A VISITA DO CARABUÑAS E DO PROFE IVÁN QUE NOS AGASALLARON CUN CONTICRÁ E UNHAS CHUCHES.
 PARA REMATAR RECIBIMOS COAS PORTAS ABERTAS ÁS FAMILIASQUE VIÑERON VER O CHULA QUE ESTABA A NOSA ESCOLA ,  XUNTOS ARMAMOS AS NOSAS ARAÑAS DE XOGUETE E ANTES DE MARCHAR CONTÁMOSLLES O NOSO CONTO O GATO QUE REVENTOU.

martes, 30 de octubre de 2018

ESTAMOS PREPARAD@S

AS NOSAS CABAZAS ESTÁN LISTAS E TEMOS RATOS NA ESCOLA...JE JE JE , QUE EMPECE A FESTA!!

jueves, 25 de octubre de 2018

ESPERANDO POLO SAMAÍN

XA ESTAMOS ÁS PORTAS DUNHA DAS NOSAS CELEBRACIÓNS PREFERIDAS, POR ISO DECORAMOS A ESCOLA CON CAVEIRAS E PANTASMAS, FACENDO SERIES . A PROFE MABEL ENSINOUNOS O VÍDEO DA CANCIÓN QUE MEDO ME DÁ DE MARÍA FUMAÇA E NEL APARECEN CARAS DE MONSTROS A PARTIR DE MANCHAS DE COR. NÓS QUIXEMOS FACER OS NOSOS PROPIOS MONSTROS SOPLANDO A PINTURA.

RUTH MATILDA ANDERSON NO XARDÍN BOTÁNICO

RUTH MATILDA ANDERSON RESULTOU TODO UN DESCUBRIMENTO , UNHA MOZA AMERICANA QUE VIAXOU A GALICIA A PRINCIPIOS DOS ANOS 20 RETRATANDO TODO CANTO VIA .PERCORREU CORREDOIRAS, FEIRAS, LEIRAS, PORTOS, MONTAÑAS, ALDEAS,CIDADES E VILAS, PARA INMORTALIZAR A ESENCIA DUN POBO CUNHA CÁMARA DE FOTOS DAQUELA ÉPOCA. OS NENOS E NENAS DO CRA FOMOS AO XARDÍN BOTÁNICO DO BURGO PARA VER A EXPOSICIÓN DAS SÚAS FOTOS , ORGANIZADA POLA FUNDACIÓN ABANCA, E A TRAVÉS DELAS ENTENDER UN POUCO MELLOR COMO SE VIVÍA ANTIGAMENTE . ESTA EXPOSICIÓN FOI MOI INTERESANTE PARA NÓS XA QUE MÁIS ADIANTE IMOS TRABALLAR A FOTOGRAFÍA DENTRO DO PROXECTO MACCRA .

PINTURA COLECTIVA

NO COLE SEGUIMOS A EXPERIMENTAR FORMAS DE PINTAR PROBANDO TÉCNICAS DIFERENTES. GÚSTANOS MOITO FACELO, SAIA O QUE SAIA!! AQUÍ SALPICAMOS A PINTURA E LOGO ARRASTRÁMOLA CUN COITELO DE PLÁSTICO A MODO DE ESPÁTULA TAMÉN PINTAMOS LÍNEAS CURVAS DE CORES CON ROTUS MOVENDO O BRAZO COMA SE FOSE UN LIMPAPARABRISAS.

NATUREZA

 O NOSO PEQUENO HORTO REVIVÍU GRAZAS AOS COIDADOS DOS NENOS E NENAS QUE O REGAN TODOLOS DÍAS. PARECE MENTIRA CO SECO QUE O ATOPAMOS AO CHEGAR DAS VACACIÓNS. SE ATA TEMOS FRESAS!!

E ENTRE TANTO VERDOR SEGUIMOS A OBSERVAR BECHOS, ALGÚNS PERIGOSOS COMO A PROCESONARIA. XA APRENDEMOS QUE A ESA ...NIN ACHEGARNOS!!
 

jueves, 11 de octubre de 2018

EMPEZANDO A NOSA COLECCIÓN DE OBRAS DE ARTE

A ARTE CONTEMPORÁNEA CARACTERÍZASE POR SER TOTALMENTE  INNOVADORA EN CANTO A TÉCNICAS E  FORMAS DE TRATAR OS  MATERIAIS, CORES E  FIGURAS.
 É UNHA ARTE MOI EXPERIMENTAL QUE RACHA CO ESTABLECIDO.
 NÓS ARRANCAREMOS O NOSO PROXECTO MACCRA (MUSEO ARTE CONTEMPORÁNEA DO CRA) BAIXO ESA PREMISA: A CREACIÓN E A EXPERIMENTACIÓN  ... POUCO A POUCO IREMOS FACENDO A NOSA PROPIA COLECCIÓN DE OBRAS DE ARTE.
OBRA DE ARTE NÚMERO 1

 

PINTANDO NO PATIO

APROVEITANDO QUE FALAMOS DE JOAN MIRÓ NA CLASE, SAÍMOS AO PATIO PARA ANALIZAR UN CADRO SEU QUE TEMOS PINTADO NUNHA PAREDE DE FORA: OBSERVAMOS AS CORES , AS FORMAS , O TAMAÑO...E POR ÚLTIMO PENSAMOS EN QUE PODERÍA REPRESENTAR ESA FIGURA. HOUBO DIFERENTES OPINIÓNS PERO A MAIORÍA DECANTOUSE POR UN TOURO OU UN CERVO , O QUE ESTABA MOI CLARO ERA QUE TIÑA CORNOS.
COMO ESE DÍA FACÍA UNHA MAÑÁ PRECIOSA NON DUBIDAMOS EN SACAR AS MESAS E AS PINTURAS PARA FORA E FACER A NOSA PROPIA VERSIÓN DO CADRO. FINALMENTE DESCUBRIMOS QUE O CADRO ORIXINAL TITÚLASE MULLER CON BONITO SOMBREIRO. 

 

lunes, 1 de octubre de 2018

EL CUADRO MÁS BONITO DEL MUNDO

O LIBRO EL CUADRO MÁS BONITO DEL MUNDO  FÁLANOS DUNHAS MANCHAS DE CORES QUE SE ATOPAN NO ESTUDO DO FAMOSO PINTOR JOAN MIRÓ E DECIDEN ESCAPAR  POLO MUNDO ADIANTE NUNHA VIAXE EN BARCO NA QUE INUNDAN DE CORES A CIDADE DE BARCELONA.
NÓS TAMÉN QUIXEMOS CREAR MANCHAS DE CORES AO AZAR PARA CONVERTELAS LOGO EN IMAXES OU FIGURAS IMAXINABLES.
COMO NON TIÑAMOS BARCOS NO COLE  AS NOSAS VIAXARON EN TRENS, CONVERTÉNDOSE NUNHA CURIOSA OBRA DE ARTE.


    

AO DÍA SEGUINTE, COAS MANCHAS XA SECAS , CHEGOU A MAXIA E A SORPRESA CANDO  AS IDEAS DOS NENOS E NENAS EMPEZARON A XURDIR DANDO LUGAR A UN MONTÓN DE DEBUXOS , ALGÚNS FEITOS POR MIN E OUTROS FEITOS POR ELES MESMOS,  PERO SEMPRE PARTINDO DA SÚA OLLADA E DO SEU IMAXINARIO.
 

ANIVERSARIO MARTINA

XA CELEBRAMOS NO COLE O PRIMEIRO ANIVERSARIO DO CURSO, O CUMPREANOS DE MATRTINA. A NOSA PEQUE DO CURSO PASADO XA CUMPRÍU 4 ANIÑOS. PARABÉNS!!

UN ELEFANTE SE BALANCEABA...

OS CONTOS DE PETRA E ELMER LEVÁRONNOS A CANTAR EN CLASE A CANCIÓN DOS ELEFANTES MÁIS LONGA DO MUNDO , AQUELES QUE SE BALANCEABAN NA TELA DUNHA ARAÑA E NUNCA CAÍAN. GUSTOUNOS TANTO QUE A REPRESENTAMOS NUN MURAL QUE PUXEMOS NA PORTA DA AULA. FOI UN PROCESO DE ELABORACIÓN DE VARIOS DÍAS. PRIMEIRO MISTURAMOS DÚAS CORES DIFERENTES DENTRO DUNHAS BOLSAS E VIMOS COMO APARECÍA A TERCEIRA COR , DESPOIS USAMOS AS PINTURAS PARA ESTAMPAR OS ELEFANTES COA AXUDA DUNHA ESPONXA, UNHA VEZ SECOS RECORTÁMOLOS E PICÁMOLOS, DEBUXAMOS AS TELARAÑAS E MONTAMOS O MURAL, QUE NOS QUEDOU MOI CHULO.

XOGANDO COA AUGA NO PATIO

SER POUCOS TEN AS SÚAS VANTAXES,UNHA DELAS É QUE PODEMOS XOGAR COA AUGA SEN DESCONTROLARNOS E SEN EMPORCAR TODO.
 A AUGA É UN ELEMENTO FASCINANTE PARA XOGAR POLAS MÚLTIPLES POSIBILIDADES QUE OFRECE , CON ELA PÓDENSE FACER POZAS, CEMENTOS, MOVER RODAS DE MUÍÑO, CARRETALA, FACELA CORRER POLOS REGOS, REGAR AS PRANTAS... ASÍ QUE APROVEITANDO O BO TEMPO DE SETEMBRO OS XOGOS CON AUGA FORON OS PROTAGONISTAS DOS NOSOS RECREOS .TAN SÓ TIÑAMOS  QUE TER COIDADO DE NON MOLLAR A ROUPA ,OS PÉS E O BAÑO . 

lunes, 24 de septiembre de 2018

PETRA

PETRA É UNHA ELEFANTA QUE NON QUERÍA SER GORDA E ISO FACÍAA ESTAR TRISTE , ATA QUE UN DÍA COA AXUDA DOS SEUS AMIGOS SE SENTÍU FELIZ TAL COMO ERA E APRENDEU A QUERERSE . APROVEITAMOS ESTE CONTO DE PETRA COMO PUNTO DE PARTIDA PARA OBSERVARNOS , COMPARARNOS, COLLERNOS EN BRAZOS , CALCULAR A OLLO QUEN PESA MÁIS OU MENOS ,QUEN É MÁIS ALTA OU MÁIS BAIXA E ASÍ COÑECERNOS MELLOR. FINALMENTE REXISTRAMOS O NOSO PESO E A NOSA ALTURA COA AXUDA DA BÁSCULA E O METRO.

ELMER

OS CONTOS SEMPRE SON UN BO PUNTO DE PARTIDA . ESTE CURSO EMPEZÁMOLO CON ELMER, O ELEFANTE DE CORES , QUE NOS VALEU PARA FALAR DE VALORES IMPORTANTES E PARA POR EN MARCHA UNHA CHEA DE ACTIVIDADES ARTÍSTICAS.

ABRIMOS A ESCOLA NESTE NOVO CURSO

AQUÍ ESTAMOS DE NOVO,  REENCONTRÁNDONOS E FELICES DE VOLVER A VERNOS.
SON DÍAS DE FALAR E XOGAR A TODAS HORAS MENTRES ACOLLEMOS AOS PEQUENIÑOS.

domingo, 24 de junio de 2018


FESTA DE FIN DE CURSO

 CHEGOU O DÍA!! E O MEU MÓBIL SEN BATERÍA!!
AÍNDA ASÍ DEUME PARA SACAR ALGUNHAS FOTIÑAS DA FESTA DA AUGA . FACÍA  CALOR E RESULTOU MOI REFRESCANTE E DIVERTIDA.
TAMÉN COCIÑAMOS E  FIXEMOS ENTRE TOD@S UNHA TREMENDA MERENDOLA XUNTÁNDONOS COAS FAMILIAS QUE SE ACHEGARON PARA DESPEDIRSE... TIVEMOS QUE ESFORZARNOS PARA CONTER AS NOSAS EMOCIÓNS .
MOITAS GRAZAS  POR ACOMPAÑARNOS NESTE DÍA.
AGORA PECHAMOS A ESCOLA PARA DARNOS UN DESCANDO PERO MOI PRONTO NOS VOLVEREMOS A VER.
 MIL BICOS.

REMATANDO

OS DERRADEIROS DÍAS ADICÁMONOS A DECORAR O AULA PARA O DÍA DA FESTA DE FIN DE CURSO E A REMATAR AS NOSAS MALETAS DE VERÁN , NAS QUE METEREMOS  OS TRABALLIÑOS DO COLE E , SE CADRA ,  ATA AS LEVAMOS DE VIAXE TAMÉN.

PARABÉNS PARA ANDRÉS E JOSE

OS NOSOS AMIGOS ANDRÉS E JOSE TEÑEN 4 ANOS E NO VERÁN  CUMPRIRÁN OS 5 PERO COMO NON IMOS ESTAR XUNTOS  FIXEMOS UNHA PEQUENA CELEBRACIÓN PARA ELES OS ÚLTIMOS DÍAS DE COLE . PARABÉNS PARA OS DOUS!!

MAQUILLAXE DE DRAGÓN

COMO O 15 DE XUÑO NON PUIDEMOS IR VER AO DRAGÓN PEGADAS  CONSOLÁMONOS XOGANDO A MAQUILLARNOS E  LEVANDO NA CARA A PEGADA DO DRAGÓN.

miércoles, 13 de junio de 2018

SAÍDA 13 DE XUÑO A CARRAL

O DÍA FOI COMPLETO , TIVEMOS BO TEMPO E OS NENOS E NENAS PASÁRONO MOI BEN .
 EMPEZAMOS NA PANADERÍA A CUNHA ONDE NOS PUXERON O TRAXE DE PANADEIR@ E FIXEMOS O NOSO PROPIO PAN. MENTRES COCÍA VISITAMOS AS INSTALACIÓNS E NOS INVITARON A  UNHA MERENDA CON BISCOITOS VARIADOS. ANTES DE MARCHAR AGASALLÁRONNOS CUNS BOLIÑOS DE PAN , ADEMÁIS DOS FEITOS POR NÓS.


DESPOIS PERCORREMOS A PÉ O FEIRÓN DE CARRAL   , VENDO OS DIFERENTES POSTOS E PARANDO NO PARQUE DO CAMPO DA FEIRA A XOGAR.
CANDO CHEGOU A  HORIÑA DE XANTAR ACHEGÁMONOS AO ÁREA RECREATIVA DO RÍO BREXA ONDE COMEMOS E XOGAMOS ATA O FINAL. DURANTE TODO O TEMPO ACONPAÑÁRONNOS DÚAS PERSOAS DE PROTECIÓN CIVIL PARA DESPRAZARNOS POR CARRAL CON MAIOR SEGURIDADE.

martes, 12 de junio de 2018

PINTANDO AO NATURAL

APROVEITANDO AS MERENDAS DO MARTES FIXEMOS UNHAS COMPOSICIÓNS A MODO DE BODEGÓNS E DESPOIS USÁMOLAS DE MODELO PARA  PINTAR  AS NOSAS NATUREZAS MORTAS AO ESTILO DE BOTERO E OUTR@S ARTISTAS.

domingo, 3 de junio de 2018

COMIDAS DO MUNDO

PARA ELABORAR A CARTA DO NOSO RESTAURANTE POLO MUNDO ADIANTE  PROPUXEMOS  NOMES DE  COMIDAS DOUTRAS CULTURAS QUE XA COÑECIAMOS  E ADEMÁIS AMPLIAMOS ESTA INFORMACIÓN RECOLLENDO DATOS  SOBRE A GASTRONOMÍA DOUTROS PAÍSES  . XUNTO COAS RECEITAS QUE NOS ACHEGARON AS FAMILIAS   ELABORAREMOS O PRODUTO FINAL


INICIACIÓN Á ROBÓTICA

DURANTE O CURSO APRENDEMOS A MANEXAR O NOSO ROBOT DOC CO PROFE DIEGO. A ESTAS ALTURAS XA PODEMOS DICIR QUE SOMOS UNS E UNHAS EXPERT@S.
PERO ESTA SEMANA , ADEMÁIS,  ESTREAMOS A NOSA NOVA ADQUISICIÓN O ESCORNABOT. AMBOS ROBOTS MÓVENSE POLAS PLANTILLAS SEGUINDO AS ORDES QUE LLES DAMOS A TRAVÉS DOS BOTÓNS DIRECCIONAIS , O CAL É UN ESTUPENDO TRABALLO DE ORIENTACIÓN ESPACIAL E DE LÓXICA MATEMÁTICA.
AS PLANTILLAS (FEITAS POR NÓS) PODEMOS ADAPTALAS A CALQUEIRA TEMA DE INTERÉS.

ANIVERSARIO DE LOLA

A NOSA QUERIDA LOLA ESTIVO DE CUMPREANOS , 6 ANIÑOS CUMPRÍU XA. PARABÉNS DE PARTE DE TOD@S  , DESEXAMOS  QUE SIGAS MEDRANDO TAN GUAPA E TAN LISTA!!


miércoles, 30 de mayo de 2018

BRÚJULA E AS VOLADORAS

COMA SEMPRE DE SORPRESA , CHEGOU BRÚJULA Á NOSA ESCOLA. ENSINOUNOS A FACER UNHAS  VOLADORAS QUE  LEVAREMOS A ILLA FANTASÍA O DÍA 15 DE XUÑO PARA FESTEXAR CON ELAS A SAÍDA DO DRAGÓN PEGADAS. FOMOS AO PATIO PARA COMPROBAR O BEN QUE FUNCIONABAN.


MERENDAS SAUDABLES

ESTE MARTES REALIZAMOS NA ESCOLA O OBRADOIRO DIVERSANS DE MERENDAS SAUDABLES QUE NOS OFRECEU O CONCELLO.
QUEDAMOS ENCANTAD@S COA VISITA DOS MOZOS E MOZAS DO CENTRO A ESCADA E AS SÚAS MONITORAS . TODO ESTABA PERFECTAMENTE ORGANIZADO , FOI MOI PARTICIPATIVO E AS MERENDAS RESULTARON RICAS , BONITAS E SAUDABLES. QUEDARON ABRAIADOS POLO BEN QUE COMEMOS TODAS AS FROITAS. DÉMOSLLES UN ALAUSO MOI MERECIDO.

ILLA FANTASÍA E O DRAGÓN CHINO

NA DERRADEIRA CARTA DE ILLA FANTASÍA O DRAGÓN CHINO  PEGADAS PEDÍUNOS AXUDA PARA RECUPERAR A SÚA COLA ROTA .  PUXÉMONOS MANS Á OBRA ( E NUNCA MELLOR DITO) PINTÁNDOLLE   UN MANDALA XIGANTE COAS  PEGADAS DAS NOSAS MANS .
TAMÉN DECORAMOS  OS MANDALAS DO HORÓSCOPO CHINO QUE ADORNARÁN ILLA FANTASÍA O DÍA DA VISITA E XUNTANZA FINAL.

domingo, 27 de mayo de 2018

VISITAMOS A PEPATECA

O XOVES 24  FIXEMOS UNHA XORNADA ESCOLAR DIFERENTE XA QUE  PASAMOS TODA A MAÑÁ NA ESCOLA DA CHOEIRA  COMPARTINDO  ACTIVIDADES  COAS NOSAS AMIGAS E AMIGOS DE LEDOÑO E CHOEIRA 2.
 NA PEPATECA POIDEMOS ESCOLLER 2 PRÉSTAMOS ELIXINDO LIBROS OU PELIS E ESCOITAMOS O CONTACONTOS  DE HANSEL E GRETEL CO  KAMISHIBAI.
 ELABORAMOS A NOSA PROPIA MERENDA NO OBRADOIRO DE COCIÑA : EMPANADILLAS DE ATÚN E OVO E SERPE DE BROCHETA DE UVAS, COMA SEMPRE REPETIMOS ATA QUE NON QUEDOU NADIÑA.
ADEMÁIS FIXEMOS XOGOS POPULARES NO PATIO E UN COMECOCOS NO OBRADOIRO DE ARTE.  DESPOIS DO RECREO VEU ANTÍA, QUE É ENFERMEIRA DE NEONATOS E CONTOUNOS COMO SE ALIMENTAN OS BEBÉS PREMATUROS E RECÉN NACIDOS.

XOGAMOS COA MASA DE SAL

GUSTOUNOS MOITO FACER OS COLGANTES DE MASA DE SAL PERO QUEDAMOS COAS GANAS DE XOGAR CON ELA UN POUCO MÁIS.  POR ISO REPETIMOS A EXPERIENCIA E ,DESTA VEZ, CADA QUEN FIXO UNHA PEZA DE  MINI PIZZA AO SEU XEITO. TAMÉN FIXEMOS UNHA FIGURA CON MOLDE PARA MONTAR UNS COLARES .


lunes, 21 de mayo de 2018

EMPANADA GALEGA

HOXE FIXEMOS NA ESCOLA UNHA EMPANADA GALEGA E LOGO , Á HORA DA MERENDA, ZAMPÁMOLA TODIÑA.
 A EMPANADA GALEGA É UN ALIMENTO TÍPICO DA NOSA GASTRONOMÍA E CON ELA EMPEZAMOS A NOSA INVESTIGACIÓN SOBRE COMIDAS DO MUNDO .
 O CERTO É QUE AOS NENOS E NENAS LLES ENCANTOU E O MEU QUERIDO XOÁN PEDÍUME QUE ESCRIBISE A RECEITA NO BLOGUE PARA PODER FACELA NA CASA , ASÍ QUE AÍ VAI:
 - 2 LÁMINAS DE MASA DE EMPANADA REFRIXERADA.(MELLOR AÍNDA SE A FACEDES VÓS)
 - 3 CEBOLAS MEDIANAS.
 - MEDIO PEMENTO VERMELLO E MEDIO VERDE.
 - UN CHISCO DE SAL
 - 1 LATA DE ATÚN

 POCHAMOS AS CEBOLAS E OS PEMENTOS MOI PICADIÑOS ,CUN CHISCO DE SAL, DESPOIS ENGADIMOS O ATÚN . MONTAMOS A EMPANADA FACENDO UN FURADO NO MEDIO E CERRANDO OS BORDES . SÓ QUEDA  COCELA NO FORNO.
ÁNIMO!!

O MELLOR SABOR NA NOSA LINGUA... É O GALEGO!!!

E MELLOR NON SE PODE FACER!! ... AQUÍ O PODEDES COMPROBAR. ESTE É O VÍDEO DA ACTUACIÓN DAS NENAS E NENOS DE VINSEIRA  RECITANDO COPLAS E DITOS POPULARES NA ROMARÍA DAS LETRAS GALEGAS.



domingo, 20 de mayo de 2018

ROMARÍA DAS LETRAS GALEGAS E MERCADO SOLIDARIO

UNHA XORNADA DE CELEBRACIÓN  MOI ENTRAÑABLE ONDE A COMUNIDADE EDUCATIVA PARTICIPOU AO MÁXIMO , DISFRUTANDO DUN PRECIOSO DÍA EN FAMILIA.
NESTE CASO AS IMAXES VALEN MÁIS QUE AS PALABRAS: O MAIO , XOGOS POPULARES, ACTUACIÓNS, XANTAR, MÚSICA TRADICIONAL, MERCADO... UNHA GOZADA.
 ADEMÁIS  XUNTÁRONSE  MÁIS DE 150 KILOS DE ALIMENTOS DESTINADOS A UN COMEDOR SOCIAL.
 SÓ QUEDA DICIR MOITÍSIMAS GRAZAS ÁS FAMILIAS POR  COLABORADORAS, XOGUETONAS E SOLIDARIAS.






jueves, 17 de mayo de 2018

VISITA DO T.E.S. E A AMBULANCIA

ESTE MÉRCORES RECIBIMOS NA ESCOLA A VISITA DOS TÉCNICOS DE EMERXENCIAS SANITARIAS DO 112, QUE SE ACHEGARON COA SÚA AMBULANCIA .
 CONTÁRONNOS UNHA CHEA DE COUSAS IMPORTANTÍSIMAS SOBRE COMO ACTUAR NUNHA EMERXENCIA E SUBIMOS Á AMBULANCIA , NELA PUIDEMOS VER  O SEU INTERIOR E PROBAR AS SEREAS E  ALTOFALANTES.

EN CASO DE EMERXENCIA XA SABEMOS A ONDE CHAMAR : SEMPRE AO 112, ADEMÁIS  É IMPORTANTE QUE TODAS AS NENAS E NENOS COÑEZAN OU TEÑAN Á MAN OS SEGUINTES DATOS: DIRECCIÓN E TLF. DA FAMILIA


SEMANA DE VERSOS E CORES

COMO BEN SABEDES, ESTE ANO O DÍA DAS LETRAS GALEGAS ESTÁ ADICADO Á AUTORA DE LITERATURA INFANTIL MARÍA VICTORIA MORENO . DESPOIS DE LER O SEU LIBRO ¿UN CACHIÑO DE BICA? FIXEMOS AS NOSAS PROPIAS POESÍAS SOBRE O ALMORZO, XANTAR E CEA,  INSPIRÁNDONOS NO SEU FORMATO PERO CREANDO O NOSO PROPIO ESTILO NUN TORBELLINO DE IDEAS.

ADEMÁIS CREAMOS ARTE REUTILIZANDO MATERIAS FEITOS POR NÓS : RECORTES DO MURAL PINTADO COS ROTUS DOBLES E MACARRÓNS PINTADOS CON TÉMPERA. O RESULTADO ... ALEGRE E COLORIDO.

domingo, 13 de mayo de 2018

ARTE EFÍMERO

LEMBRADES  AS CREACIÓNS ARTÍSTICAS QUE FIXEMOS CON LACASITOS CO PROFE IVÁN?

POIS IDES VER COMO REMATA O EXPERIMENTO, UNHA OBRA DE ARTE EFÍMERO E CASUAL QUE APARECE COMO " POR ARTE DE MAXIA". QUEDAMOS MARABILLAD@S CO QUE ACONTECEU DIANTE DOS NOSOS OLLOS.


martes, 8 de mayo de 2018

COLORANTES NATURAIS

SEGUIMOS CO NOSO EXPERIMENTO DE USAR OS ZUMES DOS ALIMENTOS COMO COLORANTES NATURAIS. HOXE PREPARAMOS A REMOLACHA...PERO NON TINXÍU TANTO COMO ESPARABAMOS.

ANIVERSARIO DE LAURA E SAÍDA NO CONCELLO

HOXE TIVEMOS UNHA MAÑÁ MOI ENTRETIDA.
 PARA EMPEZAR FOMOS VER O ESPECTÁCULO MUSICAL O MUNDO DE MAMEMO . A MÚSICA E A VOZ EN DIRECTO DE IRIA, XUNTO COA ANIMACIÓN DE MAMEMO, NOS OFRECERON UN CONTO CANTADO QUE NOS DEIXOU "ENCANTAD@S". GRAZAS AO CONCELLO DE CULLEREDO POR INVITARNOS.


Á VOLTA FIXEMOS UNHA HOMENAXE Á NOSA QUERIDA LAURA , QUE CUMPRÍU 6 PRECIOSOS ANIÑOS , NORABOA LAURA!!


viernes, 4 de mayo de 2018

ARTESANÍA NA COCIÑA

HOXE NO COLE  FIXEMOS MASA DE SAL  E  COCÉMOLA ,  PERO NON A COMEMOS,  A USAMOS PARA ELABORAR UNS BONITOS COLGANTES ADORNADOS CON MILLO, CÁSCARAS DE PISTACHO E CAROZOS DOS NÍSPEROS.
SERÁ A NOSA APORTACIÓN AO MERCADIÑO SOLIDARIO. NON QUEDEDES SEN ELES!!

ARTESANÍA CO PROFE IVÁN

COMO REMATE  DO PROXECTO MANS Á MASA IMOS FACER UN MERCADIÑO SOLIDARIO NO QUE SE VENDERÁN  PRODUTOS FEITOS DE XEITO ARTESANAL NAS NOSAS ESCOLAS. PODERANSE MERCAR A CAMBIO DE ALIMENTOS , QUE SERÁN DOADOS A UNHA ASOCIACIÓN BENÉFICA.
 O PROFE  IVÁN PROPUXO FACER MARCOS DE PLASTILINA E ADORNOS DE PASTA.


O HORTO

DIANTE DO COLE TEMOS UNHA ENORME XARDIÑEIRA QUE ESTABA UN POUCO TRISTE . PERO ISO DENDE  ONTE CAMBIO PORQUE  ENTRE TOD@S FIXEMOS UNHA PLANTACIÓN DE FRESAS , ALBAHACA , MENTA E TOMILLO.
A VER QUE TAL SE NOS DAN!!. CADA DÍA UN NENO OU NENA ENCARGARASE DE REGALAS , E LUZ NON LLES HA DE FALTAR.
A PRIMEIRA FRESA NON A DEIXAMOS MADURAR , HOUBO QUEN NON AGUANTOU TANTA EMOCIÓN , JAJA.


.

ANIVERSARIO DE AURORA

ESTA SEMANA AURORA CUMPRÍU 6 ANOS E NO COLE LLE FIXEMOS UNHA FESTIÑA PARA QUE SAIBA QUE A QUEREMOS MOITO. PARABÉNS AURORA , ES UNHA NENA ESTUPENDA!!

jueves, 26 de abril de 2018

MANS Á MASA DESTA SEMANA

VOLVEMOS A COCIÑAR CON SANDRA QUE NOS ENSINOU A FACER CUSTARD ,UNHA ESPECIE DE NATILLAS TÍPICAS DE INGLATERRA. COMO É LÓXICO, DESPOIS PROBÁMOLAS. O PROFE IVÁN PROPÚXONOS FACER ARTE COS LACASITOS , PRIMEIRO COMEMOS UNS POUQUIÑOS PARA NOS INSPIRAR... E TAMÉN USAMOS O ZUME DA CENOURA PARA COLOREAR.

martes, 24 de abril de 2018

23 DE ABRIL

ESTA DÍA É IMPORTANTE PORQUE É O DÍA DO LIBRO, E OS LIBROS ESTÁN MOI PRESENTES NAS NOSAS ESCOLAS E NAS NOSAS VIDAS . NESTA XORNADA TODO O ALUMNADO E PROFESORADO DO CRA NOS XUNTAMOS NA CHOEIRA PARA CELEBRALO XUNTOS, CON CONTACONTOS , OBRADOIROS E ACTIVIDADES MOI VARIADAS. COMA SEMPRE...PASOU A MAÑÁ VOANDO!! .
 TAMÉN VEREDES ALGUNHA FOTO DA SAÍDA AO PALACIO DA ÓPERA DO MÉRCORES PASADO.

jueves, 19 de abril de 2018

CONCURSO DE FOTOGRAFÍA

NO CONCURSO DE FOTOGRAFÍA CONVOCADO DENDE A BIBLIOTECA CO MOTIVO DO DÍA DO LIBRO SÓ TIVEMOS DÚAS PARTICIPACIÓNS .   DENDE VINSEIRA VOTAMOS E ESCOLLEMOS A NOSA PREFERIDA PARA PASAR Á FINAL, XUNTO COAS ELIXIDAS NAS OUTRAS ESCOLAS.
 MOITAS GRAZAS ÁS FAMILIAS DE ANDRÉS E VICTORIA POR COLABORAR CON NÓS NESTA ACTIVIDADE ENVIÁNDONOS ESAS FOTOS DIVERTIDAS. AGORA SORTE A TOD@S E QUE GAÑE @ MILLOR!!

NOVA MISIÓN NA ILLA FANTASÍA

SEGUIMOS RECIBINDO CARTAS DE ILLA FANTASÍA , SEMPRE AGRADECÉNDONOS A NOSA COLABORACIÓN E PROPOÑÉNDONOS NOVAS MISIÓNS. NESTA OCASIÓN TIVEMOS QUE AXUDAR A BUSCAR E XUNTAR AOS UNICORNIOS DE NOVO PARA QUE VOLTEN Á ILLA AGORA QUE XA PASOU O SUSTO E TODO VOLVE Á NORMALIDADE.


COCIÑAMOS CON BRÚJULA

A NOSA AMIGA BRÚJULA VOLTOU A VINSEIRA. DESTA VOLTA TROUXO UNHA RECEITA CHINA PARA ELABORAR NA ESCOLA COA AXUDA DAS NENAS E NENOS. FOI XENIAL E ANTES DE MARCHAR ...UNHA SORPRESA CHULÍSIMA!!

OBRADOIRO DE RECICLARTE

OLA PEQUES E FAMILIAS ! AÍNDA QUE ESTOS DÍAS NON ME VEDES POR VINSEIRA EU SI QUE VOS VEXO A VÓS! JA,JA!
ESTE LUNS O CONCELLO DE CULLEREDO OFRECEUNOS O OBRADOIRO DE RECICLARTE CO QUE  NOS AXUDAN A FOMENTAR A NOSA CONCIENCIA ECOLÓXICA  DE COIDADO DO MEDIO AMBIENTE. ADEMÁIS DECORAMOS UN TARRO DE CRISTAL QUE SE PODE REUTILIZAR DE LAPICEIRO, PARA GARDAR COUSIÑAS OU O QUE QUEIRAMOS.


jueves, 12 de abril de 2018

CONCERTO NO CONSERVATORIO

O MÉRCORES ASISTIMOS A UN CONCERTO DIDÁCTICO NO CONSERVATORIO DE CULLEREDO INVITADOS POLO CONCELLO: ALADIN , UNHA MOSTRA DAS DISTINTAS MÚSICAS DO MUNDO .

AMASANDO AREA MOLLADA

O AREEIRO EN INVERNO DÁ MOITO XOGO PORQUE A AREA HÚMIDA SERVE PARA FACER FORMAS COS CALDEIROS E MOLDES. ESTE LUNS, ADEMÁIS , APARECERON UNS CHARCOS TREMENDOS COS QUE OS NENOS E NENAS DISFRUTARON UN MONTÓN . AO PRINCIPIO DÁBALLES NOXO METELAS MANS NESA PAPARRUCHA, PERO IDES VER QUE PRONTO SE LLES PASOU. ADEMÁIS TIVERON MOITO COIDADO DE NON MOLLAR OS PÉS NIN A ROUPA.

DE COMPRAS NO SUPERMERCADO

NA ESCOLA MONTAMOS UN SUPERMERCADO CUN MONTÓN DE PRODUTOS VARIADOS .
 TIVEMOS QUE CLASIFICALOS POR SECCIÓNS E ORDEALOS NAS ESTANTERÍAS. UNHA VEZ FEITO ISTO PUXEMOS  RÓTULOS E  PREZOS.
CANDO TODO ESTIVO ORGANIZADO ABRÍMOLO PARA FACER AS NOSAS COMPRAS USANDO A LISTA, QUE ELABORAMOS PREVIAMENTE, E SUMANDO OS PREZOS COA AXUDA DO ÁBACO PARA SABER O TOTAL.
 LOGO BUSCAMOS OS BILLETES E MOEDAS QUE PRECISAMOS PARA PAGAR E COMPROBAMOS AS CONTAS COA AXUDA DA NOSA CAIXA REXISTRADORA.
UN TRABALLO MOI COMPLETO CO QUE XOGAMOS A SER MAIORES, AOS NENOS E NENAS ENCÁNTALLES TOMAR AS SÚAS PROPIAS DECISIÓNS E MANEXAR CARTIÑOS.

XOGANDO COS ROTUS

COA AXUDA DUNHAS BRIDAS AGRUPAMOS OS ROTUS POR PARELLAS E DESCUBRIMOS O EFECTO QUE SE CREA AO DEBUXAR CON ELES.

ZUME DE ESPINACA

AS ESPINACAS SON UN ALIMENTO SUPERNUTRITIVO E TEÑEN UNHA BONITA
COR VERDE INTENSA . NO COLE ESTIVEMOS EXPERIMENTANDO CON ELAS. PROBÁMOLAS CRÚAS , FROTÁMOLAS NO PAPEL   E FIXEMOS ZUME  PARA COLOREAR .


PRIMAVERA

COA CHEGADA DA PRIMAVERA A NOSA ESCOLA ENCHEUSE DE BOLBORETAS. FOI SORPRENDENTE VER COMO UNHA GOTAS DE PINTURA SE TRANSFORMABAN NUNHAS PRECIOSAS BOLBORETAS COLORIDAS E SIMÉTRICAS.
.

miércoles, 21 de marzo de 2018

HOT CROSS BUNS

SANDRA , ENGADÍU UNHA NOVA VARIEDADE DE DOCE Á NOSA PASTELARÍA, OS BOLOS DE PASCUA OU HOT CROSS BUNS, POSTRE TÍPICO INGLÉS DESTAS DATAS
.

sábado, 17 de marzo de 2018

A NOSA PASTELARÍA ARTESANAL

ESTA PASTELARÍA CREÁRONA OS NENOS E NENAS DECIDINDO E ELABORANDO CON PLASTILINA TODOS OS PRODUTOS. LOGO CLASIFICÁRONOS , ORDEÁRONOS NOS ESTANTES , FIXERON OS RÓTULOS E MARCARON OS PREZOS. CANDO TODO ESTIVO PREPARADO XA SÓ FALTABAN OS CARTIÑOS PARA XOGAR A MERCAR, CONTANDO O DIÑEIRO DO QUE DISPOÑÍAN, O QUE GASTARON E O QUE LLES SOBRABA PARA VOLVER FACER UNHA NOVA COMPRA. RESULTOU UNHA ACTIVIDADE MOTIVADORA E ENTRETIDA NA QUE OS CONCEPTOS MATEMÁTICOS ESTIVERON MOI PRESENTES...ISO DE IR SÓS DE COMPRAS COS SEUS PROPIOS CARTIÑOS ENCANTOULLES.

jueves, 15 de marzo de 2018

PATAPATUM

HOXE O CONCELLO DE CULLEREDO INVITOUNOS A VER A OBRA DE TEATRO PATAPATUM DA COMPAÑÍA ELEFENTE ELEGANTE. UNHA ESCENIFICACIÓN PRECIOSA ACOMPAÑADA DE MÚSICA EN DIRECTO ( UN LUXAZO) QUE NOS PRESENTA A UN NENO INSATISFEITO A PESAR DE QUE OS SEUS PAIS LLE OFRECEN UNHA CHEA DE AGASALLOS, SEN DECATARSE DE QUE O QUE O NENO PRECISA É QUE TEÑAN TEMPO PARA EL. ESTÁ CONTADA CUNHA LINGUAXE XESTUAL MIMADA ATA O ÚLTIMO DETALLE QUE EMBELESA A PEQUEN@S E MAIORES. FOI UN LUXAZO

martes, 13 de marzo de 2018

VISITA AO SUPERMERCADO

FROITARÍA, PANADARÍA , CARNIZARÍA, PEIXARÍA E PERFUMERÍA...RECORREMOS TODAS ESTAS SECCIÓNS DA MAN DE EVA, QUE FOI A ENCARGADA DE ACOMPAÑARNOS E EXPLICARNOS TODO . UNHA HORIÑA QUE SE NOS PASOU MOI RÁPIDO. FELICITÁRONNOS POLO BEN QUE NOS PORTAMOS E PORQUE SABIAMOS UN MONTONAZO DE COUSAS, VAMOS, QUE SOMOS UNS/UNHAS EXPERTOS/AS NA MATERIA DA ALIMENTACIÓN, JEJE!!

8 DE MARZO

AQUÍ A NOSA PEQUENA HOMENAXE A TODAS AS MULLERES VALENTES QUE CAMBIARON A HISTORIA ABRÍNDONOS MOITAS PORTAS.

miércoles, 7 de marzo de 2018

A MAQUETA DA NOSA VILA

A MAQUETA DA NOSA VILA TEN DE TODO: COLE, PAVILLÓN DE DEPORTES, CENTRO MÉDICO, FARMACIA, SUPERMERCADO, POLICIA, IGREXA, PARQUE... E MOITAS MÁIS COUSAS QUE FOMOS PENSANDO E DECIDINDO CADA DÍA ENTRE TOD@S. FIXÉMOLA DENTRO DAS TAREFAS DE BIBLIOTECA . UNHA VEZ REMATADA CADA QUEN ELEXÍU A SÚA CASA E DENDE ELA XOGABAMOS A MOVERNOS DUN LUGAR A OUTRO CONTANDO OS PASOS. AQUÍ PODEDES O PROCESO.

viernes, 2 de marzo de 2018

ANIVERSARIO DE XOÁN E SARAY

O XOVES FIXEMOS A FESTA DE CUMPREANOS DE XOÁN E DE SARAY. XOÁN TROUXO OS INGREDENTES PARA FACER A TARTA NA CLASE , GUSTOUNOS FACELA E TAMÉN COMELA... PORQUE NON QUEDARON NIN AS MIGALLAS. PARABÉNS PARA XOÁN E TAMÉN PARA SARAY. QUERÉMOSVOS!.

martes, 27 de febrero de 2018

VOLVEU BRÚJULA

QUE SORPRESA!! ESTABAMOS A LER UNS POEMAS DE ROSALÍA CANDO APARECEU BRÚJULA NA NOSA ESCOLA, O CONTO É QUE HOXE TRAÍA UNHA MOCHILA PARA SUBIR AO PICO DO DRAGÓN . PARA ISO PRECISABA DESCUBRIR AS PALABRAS SECRETAS AGOCHADAS NOS LIBROS DO MAGO ALFA E VEUNOS PEDIR AXUDA PARA BUSCAR AS CHAVES DOS CANDADOS E ASÍ PODER ATOPALAS. POR SUPOSTO, CONSEGUÍMOLO!!...AÍNDA QUE PARA DESCIFRAR A MENSAXE SECRETA BRÚJULA TIVO QUE USAR UNHA LATERNA MÁXICA.

TRUFAS DE CHOCOLATE

HOXE, POR FIN , FIXEMOS AS TRUFAS DE CHOCOLATE SEGUINDO A RECEITA DO LIBRO DA MOCHILA VIAXEIRA. PUXEMOS MOITO EMPEÑO EN TRABALLAR COAS MANS  LIMPIÑAS E BEN LAVADAS.  A ELABORACIÓN RESULTOU DOADA E DIVERTIDA. ESTABAN RIQUÍSIMAS, Á SAÍDA INVITAMOS A PROBALAS ÁS FAMILIAS QUE NOS ESTABAN AGARDANDO.

domingo, 25 de febrero de 2018

ORQUESTA SINFÓNICA E DÍA DE ROSALÍA

ESTA SEMANA FOMOS A CORUÑA AO CONCERTO  NOÉ,NOEMÍ,NOEMILIA , 7 ANIMALES Y SU FAMILIA , PREVIAMENTE  PREPARAMOS A SAÍDA NA CLASE DE MÚSICA ONDE FIXEMOS A NOSA PROPIA ARCA . TAMÉN APRENDEMOS E ESCRIBIMOS VERSOS DE ROSALÍA DE CASTRO POIS O 24 DE FEBREIRO FOI O SEU DÍA E QUIXEMOS FACERLLE A NOSA PEQUENA HOMENAXE.  E PARA REMATAR, NOS CONVERTEMOS EN POETAS PARA CUMPRIR A NOVA MISIÓN DOS NOSOS AMIGOS DE ILLA FANTASÍA.

miércoles, 21 de febrero de 2018

ADEUS MOCHILA VIAXEIRA, FOI UN PRACER

ESTA SEMANA DESPEDIMOS A NOSA PRIMEIRA MOCHILA VIAXEIRA. MIRAMOS   NA LIBRETA OS COMENTARIOS E DEBUXOS QUE FIXESTES NA CASA COAS VOSAS FAMILIAS, E DECIDIMOS LEVAR A CABO ALGUNHAS DAS MANUALIDADES  PROPOSTAS . PROXIMAMENTE FAREMOS ALGÚN POSTRE CON CHOCOLATE, HUMM...
TAMÉN USAMOS O ÁBACO PARA SUMAR E CONTAR E FIXEMOS ACTIVIDADES DE SOPLO MOI CHULAS CO PROFE DIEGO.

miércoles, 14 de febrero de 2018

ENTROIDO 2018

COMO BEN SABEDES NO CRA CELEBRAMOS O ENTROIDO XUNTÁNDONOS TODOS NO POLIDEPORTIVO DE ALMEIRAS E FACENDO UNHA PEQUENA FESTA. TEMOS POUCAS FOTOS DA XORNADA PORQUE ENTRE XOGOS, BAILES E COMILONA NON DEMOS FEITO PERO AÍ VAN UNHAS CANTAS. MOITAS GRAZAS POLOS POSTRES QUE NOS TROUXESTES,ESTABAN MOI RICOS.

martes, 6 de febrero de 2018

martes, 30 de enero de 2018

ARROZ CON LEITE

ELIXIMOS O DÍA DE HOXE PARA COCIÑAR ESTE POSTRE TRADICIONAL E ENDULZAR UN POUCO MÁIS O NOSO DÍA DA PAZ.

CONTACONTOS, RECEITAS E APERTAS .

HOXE TIVEMOS UN NOVO EPISODIO DO CONTICRÁ, CO CONTO EL RATÓN QUE QUERÍA HACER UNA TORTILLA ... PERO XUNTO COS SEUS AMIGOS ACABARON FACENDO UNHA TARTA DE MAZÁ , A TEACHER SANDRA CANTOUNOS IMAGE  E TRADUCÍUNOS PARTE DO SEU TEXTO , COCIÑAMOS AMISTADE VERDADEIRA  E NOS APLICAMOS A RECEITA PARA ESTAR MOI FELICES.


30 DE XANEIRO: DÍA INTERNACIONAL DA PAZ

IDES VER COMO FIXEMOS A NOSA POMBA DA PAZ E O SENTIDO DA MESMA: UN ENFADO ASEMELLA UNHA NUBE QUE ENSOMBRECE O DÍA. SE O ENFADO É MOI GRANDE E FAI QUE NON CONTROLEMOS A NOSA IRA , ENTÓN ISO É COMA UNHA TORMENTA.
PERO A NOSA POMBA LEVA CON ELA O ARCO DA VELLA,  PORQUE O SOL ESTÁ AÍ E SEMPRE VOLVE SE HAI LUZ NO NOSO CORAZÓN.

O ARCO DA VELLA on PhotoPeach

viernes, 26 de enero de 2018

FRAUTA TRAVESEIRA

E PARA QUE VEXADES O QUE DEU DE SI A SEMANA, AS NENAS E NENOS PROBARON A TOCAR A FRAUTA TRAVESEIRA COA PROFE MABEL. ALGO QUE PARECÍA DOADO PERO QUE RESULTOU SER DIFICILÍSIMO.

UNHA SESIÓN DE IOGA

COMA SEMPRE A NOSA CARPETA VIAXEIRA VEN CHEA DE SORPRESAS E NOVIDADES. HOXE DESCUBRIMOS UN LIBRO PARA FACER IOGA COS MÁIS PEQUENOS, TITÚLASE OM . ASÍ QUE SEN PENSALO MOITO SUBIMOS AO PISO DE ARRIBA , ONDE TEMOS AS COLCHONETAS E BUSCAMOS A MANEIRA DE FACER AS POSTURAS DOS ANIMAIS, TAL COMA NOS ENSINA O LIBRO. ENCANTOUNOS, E PARA SER PRINCIPIANTES , SAÍUNOS BASTANTE BEN.

PINTANDO EN PAZ

ONTE PINTAMOS MACARRÓNS CON TÉMPERA DILUÍDA. PUXEMOS A PINTURA NUNHAS BOLSAS E BOTAMOS ALÍ A PASTA. DESPOIS SACÁMOLA COAS MANS O QUE RESULTOU MOI DIVERTIDO , AÍNDA QUE EMPORCAMOS UN POUCO. EN CANTO SECOU A TÉMPERA OBTIVEMOS UNS BONITOS MACARRÓNS MULTICOLOR. PRONTO VEREDES PARA QUE OS PRECISABAMOS.

miércoles, 24 de enero de 2018

MAR DE PLÁSTICO

MAR DE PLÁSTICO É O NOME DA EXPOSICIÓN QUE PUIDEMOS VER NO AQUARIUM FINISTERRAE E QUE NOS DEIXOU COA BOCA ABERTA. O COLECTIVO RETOQUERETRO E MAR DE FÁBULA PRESENTAN 80 OBRAS DE ARTE FEITAS A PARTIR DO REFUGALLO RECOLLIDO NA COSTA, OS DESFEITOS QUE O MAR NOS DEVOLVE. POR SUPOSTO A IDEA É MANDAR UNHA MENSAXE DE CAMBIO E DENUNCIA QUE CAPTAMOS PERFECTAMENTE. LÁSTIMA O POUCO TEMPO QUE TIVEMOS PARA ADMIRALA.

VISITA Á CASA DOS PEIXES

VISITAR O AQUARIUM DA CORUÑA É UN ÉXITO  ASEGURADO. TANTO PEQUENOS COMO MAIORES DISFRUTAMOS OBSERVANDO OS PEIXES E O SEU HIPNÓTICO MOVEMENTO NA AUGA. A NOSA GUÍA EXPLICOUNOS MOITAS COUSAS E ACLAROUNOS DÚBIDAS E CURIOSIDADES.

martes, 23 de enero de 2018

BRÚJULA VOLVEU AO COLE

HOXE BRÚJULA  DEUNOS UNHA GRAN SORPRESA :  VIAXOU DENDE ILLA FANTASÍA PARA ACHEGARSE AO NOSO COLE.  NESTA OCASIÓN VEU VOANDO ENTRE AS ESTRELAS COA SÚA SOMBRILLA MÁXICA  . XUNTOS XOGAMOS ÁS ADIVIÑAS DA RODA  DAS PALABRAS E A ATOPAR   AS ESTRELAS QUE PERDERA NO CAMIÑO, COAS QUE FIXO A CONSTELACIÓN FLECHA.  DEIXOUNOS COMO TAREFA  INVESTIGAR SOBRE ESTA CONSTELACIÓN PARA COÑECELA MELLOR.

FROITAS E VERDURAS

NESTE VÍDEO QUE FIXEMOS PARA AS TAREFAS INTEGRADAS DE BIBLIOTECA OS NENOS E NENAS DE VINSEIRA EXPLICAN MOI BEN TODO O QUE APRENDERON SOBRE AS FROITAS E VERDURAS, NECESARIAS PARA UNHA ALIMENTACIÓN SANA.




jueves, 18 de enero de 2018

TUTTI FRUTI

ESTA SEMANA PROFUNDIZAMOS NO MUNDO DAS FROITAS E VERDURAS E, ADEMÁIS DE APRENDER MOITAS COUSAS SOBRE ELAS, TAMÉN NOS DEMOS O PRACER DE MIRALAS, TOCALAS , ULILAS E SABOREALAS.
PROBAMOS DIFERENTES VARIANTES DE ZUMES MISTURANDO FROITAS E CENORIAS , QUE COMBINAN XENIAL.
 TAMÉN FIXEMOS UNHA MACEDONIA QUE ESTABA PARA CHUPARSE OS DEDOS.
 A MAIORÍA DOS NENOS E NENAS REPETIRON O QUE QUIXERON ATA NON DEIXAR NADIÑA DE NADA.
AS GRAZAS A VICTORIA POLA REPORTAXE FOTOGRÁFICA.