XORNADA DE FIN DE CURSO

 O DÍA NON ESTIVO BONITO, PERO NÓS PASÁMOLO BEN. 

EMPEZAMOS O DÍA XOGANDO , NON DEIXAMOS DE ATOPAR CORES E ARCOS DA VELLA POR TODAS PARTES...

VIMOS DE NOVO O VÍDEO GRABADO CON LINGUA DE SIGNOS COAS MIÑAS MANS PUBLICADO NO BLOGUE DE MÚSICA VIAXANDO POR ALALÁ. NEL TAMÉN ATOPAREDES TODAS UNHA RECOPILACIÓN DE TODAS AS CANCIÓNS DAS CLASES DA PROFE LORENA  .                             

                                                          👇👇👇👇👇👇👇👇👇👇👇

VIMOS O LIBRO DIXITAL DA PEPATECA, QUE RECOLLE TODO O TRABALLO FEITO NA BIBLIOTECA , TANTO NAS AULAS COMO CELEBRACIÓNS E PDI.

                                                               👇👇👇👇👇👇 👇👇👇👇

DISFRUTAMOS MOITÍSIMO COA REPRESENTACIÓN DO CONTO UN FINAL INESPERADO  , POR FAVOR NON VOLO PERDADES PORQUE É UNHA XENIALIDADE.

                                                           👇👇👇👇👇👇👇👇👇👇👇

  

SEGUIMOS CUNHA FESTA BAILE , PINCHANDO AS NOSAS CANCIÓNS PREFERIDAS. ESTE CURSO O BULE BULE DE PACO NOGUEIRAS CONVERTEUSE  NO NOSO HIMNO...

MAQUILLAMOS AS NOSAS MANS, COMO DESPEDIDA DO PDI 5 ESTÁ NA NOSA MAN, CON CERAS FOSFORESCENTES E DESPOIS FOMOS AO CUARTO ESCURO PARA VER COMO ALUMABAN COA LANTERNA DE LUZ NEGRA.

 NO CUARTO ESCURO TAMÉN FIXEMOS O SORTEO DO REPARTO DE TRABALLOS COLECTIVOS...

ASÍ REMATAMOS A XORNADA, CUNHA FOTO DE GRUPO FORA DO RECINTO, EN COMPAÑÍA DAS FAMILIAS PARA AGRADECER A COLABORACIÓN DAS MESMAS E DESPEDIR A BRUNO E MIRIAM CUN FORTE APLAUSO.

ADIVIÑA QUEN CHE DOU ... QUE NO LOMBO TE MALLOU

 APRENDEMOS UN NOVO XOGO CANTADO EN GALEGO. NESTA OCASIÓN ENSINÁRONNOLO AS NENAS E NENOS DA ESCOLA DE LEDOÑO. XOGAMOS VARIOS DÍAS, PERO GRAVÁMOLO HOXE DENTRO DA ESCOLA PORQUE FÓRA CHOVÍA. 

 ESTE VÍDEO ADICÁMOSLLO Á ESCOLA DE LEDOÑO.

HOXE EMPEZA O VERÁN

 MIRA QUE PASAMOS CALOR A SEMANA PASADA!! … ÍAMOS CONTANDO OS DÍAS QUE FALTABAN PARA A CHEGADA DO VERÁN , E POR FIN, AQUÍ ESTÁ… CHOVENDO!! 

REMATANDO O PROXECTO CON 5 CORES

 GÚSTANOS TANTO EXPERIMENTAR COAS CORES E COS DIFERENTES MATERIAIS , QUE REMATAMOS FACENDO MISTURAS CON COLORANTES ALIMENTARIOS E ESPUMA DE AFEITAR, ADEMAIS DE USAR AS CORES FOSFORESCENTES, QUE GRAZAS Á LUZ NEGRA ALUMAN E BRILLAN NA ESCURIDADE.

CO LIBRO O MONSTRO DE CORES,  DESCUBRIMOS QUE OS ESTADOS ANÍMICOS E AS EMOCIÓNS TAMÉN ESTÁN ASOCIADAS ÁS CORES… E CON ISTO DAMOS POR REMATADO A NOSA INVESTIGACIÓN .

A CASA AZUL DE FRIDA KAHLO

 PARA REMATAR O PROXECTO ADICADO Á ARTISTA FRIDA KAHLO FIXEMOS UNHA VISITA VIRTUAL POLA SÚA CASA, COÑECIDA COMO A CASA AZUL, QUE HOXE EN DÍA É UN MUSEO.

                  👆PARA PASEAR POLO MUSEO PREMEDE NA IMAXE👆

POIDEMOS PERCORRER OS FERMOSOS PATIOS E XARDÍNS,  ASÍ COMO AS DEPENDENCIAS INTERIORES; DORMITORIOS, ESTUDO DE PINTURA, COCIÑA E SALAS... CHEAS DE COR E DETALLES, CON SÓ PREMER NA PANTALLA OU NAS FRECHAS.

O TESOURO DE SABELA AVENTUREIRA

 POR FIN  O TESOURO ATOPADO POR  SABELA EN RÍO DE JANEIRO CHEGOU A VINSEIRA. NO COFRE , QUE NOS ACHEGOU IVÁN, ATOPAMOS UNHA CARTA ANTIGA FALÁNDONOS DA ORIXE DAS OLIMPIADAS ,A COMPETICIÓN DEPORTIVA MÁIS IMPORTANTE.

 ESA ERA A CLAVE , O ELEMENTO COMÚN A TODOS OS PAISES VISITADOS POR SABELA NOS CINCO CONTINENTES.

ADEMÁIS , TRAIA MEDALLAS DE OURO E PEDRAS PRECIOSAS PARA TODAS E TODOS.

QUE  SORPRESA E QUE ILUSIÓN! GRAZAS SABELA, PODES VIR AO NOSO COLE CANDO QUEIRAS!! 

TAI DE HISTORIA

 A TAREFA DE HISTORIA PARTE DO LIBRO MI PEQUEÑA HISTORIA DEL MUNDO

NA ESCOLA E COA COLABORACIÓN DAS FAMILIAS,  ESTIVEMOS  INVESTIGANDO O PERÍODO HISTÓRICO DA GRECIA ANTIGA  E APRENDEMOS QUE OS GREGOS FORON BOS PENSADORES E INVESTIGADORES E QUE  INVENTARON O SISTEMA DE VOTACIÓN POR MAIORÍA,  TAN USADO POR NÓS PARA TOMAR DECISIÓNS..

 O QUE NON NOS GUSTOU FOI QUE DESPRECIABAN ÁS MULLERES, ÁS NEN SEQUERA  CONSIDERABAN CIDADÁS DAS POLIS.

AS FAMILIAS APORTARON  IMAXES QUE OBSERVAMOS CON ATENCIÓN E NOS AXUDARON A SABER MÁIS COUSAS: COMO VESTÍAN E SE PEITEABAN NAQUELA ÉPOCA , A IMPORTANCIA DAS ESCULTURAS E DAS COLUMNAS NOS EDIFICIOS PRINCIPAIS, OS DEUSES GREGOS E OUTROS PERSONAXES MITOLÓXICOS, QUE ERAN BOS DEPORTISTA E GUERREIROS... 

TAMÉN COÑECIMOS A HISTORIA DO CABALO DE TROYA

DIFERENCIAS ENTRE OS OVOS AMARELOS E OS NEGROS

OS OVOS QUE PUXERON AS AVELAÍÑAS DA SEDA AO PRINCIPIO ERAN TODOS AMARELOS, PERO PASADA UNHA SEMANA MOITOS CAMBIARON DE COR E AGORA SON CASE NEGROS. 

DOS OVOS NEGROS VAN NACER AS NOVAS EIRUGAS DE SEDA NA PRIMAVERA DO 2022, PERO OS OVOS AMARELOS ESTÁN OCOS E BALEIROS , DELES NON NACERÁ NADA. 

POIDEMOS OBSÉRVALOS DE PERTO CUN PEQUEÑO MICROSCOPIO.

CORES PIGMENTO E CORES LUZ

 SEGUIMOS AFONDANDO NO ESTUDO E A EXPERIMENTACIÓN DA COR. 

ESTA SEMANA PROBAMOS A DEBUXAR SOBRE FONDO NEGRO, NESTE CASO O EFECTO É MOI DIFERENTE E MOLÓN: PINTAMOS NA PIZARRA NEGRA CON ROTULADORES DE  TIZA  (PIGMENTO), E, USAMOS A TÉCNICA DO ESGRAFIADO PARA CONSEGUIR TRAZOS DE CORES FORMADOS CON LUZ REFLEXADA NOS CDS.

 CREAMOS  AS CORES DO ARCO DA VELLA  MISTURANDO TINTAS ( PIGMENTOS) E AUGA, CON CATRO CORES FIXEMOS UN ESPECTRO DE SETE.

E , FINALMENTE, VIMOS AS CORES DA LUZ DESCOMPOSTA  NUN PRISMA DE CRISTAL, ESTE PRISMA  SERVÍUNOS TAMÉN  PARA CREAR  O ARCO IRIS EXPERIMENTANDO COAS LANTERNAS NA ESCURIDADE.

ECLIPSE DE SOL

 HOXE SOBRE AS 11 DA MAÑÁ POIDEMOS OBSERVAR UN ECLIPSE DE SOL GRAZAS AO CRISTAL DE SOLDAR QUE NOS TROUXO BRUNO PARA TAL FIN.

O PRIMEIRO QUE NOS CHAMOU A ATENCIÓN, FOI QUE NON SE VÍA NADA DE NADA, SÓ O SOL, QUE PARECÍA VERDE.

VIMOS COMO   LLE FALTABA UN ANACO, COMA SE LLE DERAN UN BOCADO, PORQUE A LÚA  TAPÁBAO UN POUCO.

A LUZ SOLAR É A LUZ MÁIS INTENSA, SE A MIRÁSEMOS SEN PROTECCIÓN PODERÍA DAÑARNOS  OS OLLOS.

5 CAMBIOS NA NATUREZA

ESTE CURSO  FOMOS OBSERVANDO MES A MES OS CAMBIOS DALGUNHAS DAS ÁRBORES AUTÓCTONAS QUE TEMOS NO PATIO: CERDEIRA, CASTIÑEIRO, CARBALLO E NOGUEIRA. 

 POIDEMOS COMPROBAR COMO ÍAN CAMBIANDO CO PASO DO TEMPO E DAS ESTACIÓNS: SECARON AS FOLLAS NO OUTONO, CAERON NO INVERNO, XERMOLARON NA PRIMAVERA E ALGUNHAS ATA DERON FROITO CHEGANDO AO VERÁN. 

 TAMÉN PUIDEMOS VER A METAMORFOSE DOS CABEZOLOS PARA FACERSE RÁS NO NOSO ESTANQUE ; E, A DAS EIRUGAS DE SEDA, QUE SE CONVERTERON EN AVELAÍÑAS. 

A NATUREZA SEMPRE É INSPIRADORA , FOMENTA A CURIOSIDADE E AS GANAS DE APRENDER, É UN LUXO PODER TELA NA NOSA CONTORNA DÍA A DÍA. 

 CON ESTA ACTIVIDADE GENIALLY PODEMOS XOGAR A ORDEAR CRONOLÓXICAMENTE 5 MOMENTOS DE CAMBIO OBSERVADOS NA ESCOLA ... ESTE CURSO TODO XIRA EN TORNO AO NÚMERO 5, O NOSO NÚMERO ESPECIAL.

( PARA VELO EN GRANDE PICADE NOS ...)
 

MI PRIMER LAROUSSE DE LOS INVENTOS: ARRANCA UNHA NOVA TAREFA DE BIBLIOTECA

GRAZAS A ESTE LIBRO POIDEMOS DESCUBRIR TODOS OS INVENTOS FEITOS POLA HUMANIDADE, DESDE O PAO  ATA HOXE EN DÍA.

NESTA NOVA TAREFA TIVEMOS QUE CREAR UN INVENTO RELACIONADO COA AGRICULTURA,  A OPCIÓN ELIXIDA POLO ALUMNADO . PUXÉMONOS MANS Á OBRA E VEUNOS QUE NIN PINTADO XA QUE  PRECISABAMOS  INVENTAR ALGO PARA PROTEXER OS AMORODOS, NOLOS ESTABAN PAPANDO OS PAXAROS!!

 XURDIRON AS SEGUINTES IDEAS: CONSTRUIR UNHA REDE, POÑER FOTOS DE DINOSAURIOS QUE ASUSTEN MOITO, POÑER COUSAS BRILLANTES  QUE SE MOVAN...

AO FINAL FIXEMOS UN DISEÑO A PARTIR DAS MESMAS... AGORA COMPROBAREMOS SE FUNCIONA.

 

AVELAÍÑAS DA SEDA

 PASADAS DÚAS SEMANAS AS NOSAS EIRUGAS DE SEDA SAÍRON DO CASULO TRANSFORMADAS EN AVELAÍÑAS.  

O CICLO DA VIDA SEGUE , POIDEMOS VER A DANZA DO MACHO PARA ATRAER Á FEMIA E APAREARSE. O SEGUINTE QUE ACONTECEU FOI QUE A FEMIA PUXO OS OVOS DOS QUE NACERÁN NOVAS EIRUGAS NA VINDEIRA PRIMAVERA.

ARCO DA VELLA

ESTA SEMANA BUSCAMOS  MATERIAIS COS QUE REFLEXAR, EXPERIMENTAR , COMPOÑER  E CREAR AS CORES DO ARCO DA VELLA. 

 O ARCO DA VELLA  FÓRMASE CANDO OS RAIOS DE SOL ATRAVESAN AS PINGAS DA CHOIVA ,  A LUZ BRANCA DESCOMPONSE NAS CORES QUE A FORMAN. 

  INVESTIGANDO  DESCUBRIMOS COUSAS INTERESANTES:

- AO SER UNHA ILUSIÓN ÓPTICA NUNCA O PODEMOS ALCANZAR.

- NON TEN FORMA DE ARCO , SENÓN DE CÍRCULO, SÓ QUE NON CHEGAMOS A VELO COMPLETO.  PARA VELO ENTEIRO TERIAMOS QUE VIAXAR EN AVIÓN OU HELICÓPTERO.

- TEN SETE CORES, SEMPRE NA MESMA ORDE. APRENDEMOS A COR AÑIL.

- PÓDESE VER DE NOITE SE HAI NÉBOA E LUZ DE LÚA.

TAMÉN PODEMOS CREAR O ARCO DA VELLA NO COLE E EN  CASA