SEMANA DAS LETRAS GALEGAS

 ESTA SEMANA FOI MOI EMOCIONANTE ...  PASARON TANTAS COUSAS EN VINSEIRA: 

 AS EIRUGAS DE SEDA EMPEZARON A FACER OS CASULOS, A MOUCHA DO XALO COMUNICOUSE CON NÓS ( ESCRIBÍMOSLLE CARTAS E CONTESTOUNOS, DEIXÁMOSLLE AGASALLOS E CAMBIOUNOLOS POR  PEQUENOS TESOUROS) , CELEBRAMOS AS LETRAS GALEGAS E SOUBEMOS QUEN ERA  LUISA VILLALTA, TIVEMOS CABEZOLOS NA ESCOLA (AGORA XA ESTÁN DE NOVO NA SÚA POZA)... E POR RIBA , HOUBO QUE SUSPENDER A ROMARÍA POR MOR DA CHOIVA... TOTAL, UNHA SEMANIÑA CURTA PERO CHEA DE SORPRESAS !!

CON ESTE  GENIALLY INTERACTIVO FEITO POLO NOSO EDLG , ENTENDEMOS O QUE REPRESENTA CADA OBXECTO DO TARRO DAS LETRAS GALEGAS 2024 E A RELACIÓN QUE TEÑEN    COA AUTORA HOMENAXEADA ESTE ANO.

 XOGADE CON NÓS CLICANDO NA IMAXE  DE LUISA VILLATA

                                                           👇👇👇👇👇

DÍA DO LIBRO E MÁIS

 O 23 DE ABRIL CELEBRAMOS O DÍA DO LIBRO NO CRA COA PROXECCIÓN DOS BOOK TRAILERS QUE GRAVAMOS NAS AULAS, PODEDES VELOS NO BLOG DA PEPATECA OU DIRECTAMENTE...              👉👉CLICANDO AQUÍ👈👈

 PARA DITA CELEBRACIÓN CONTAMOS CUNHA CONVIDADA  MOI ESPECIAL QUE ENCHEU A NOSA ESCOLA DE PURA FANTASÍA TRAÉNDONOS UNHA  "PEQUENA" MOSTRA DA SÚA COLECCIÓN DE LIBROS POP UP, AUTÉNTICAS OBRAS DE ENXENIERÍA. NÓS TAMÉN FIXEMOS UNHA CREACIÓN POP UP EN CLASE, A PEQUENA ESCALA.

SEGUIMOS USANDO AS REGLETAS PARA DESENVOLVER O PENSAMENTO LÓXICO MATEMÁTICO CON SIMETRÍAS E MEDICIÓNS.

IVÁN CONTOUNOS QUE BREOGÁN XA ESTÁ EN ALEMANIA DENDE ONDE NOS ENVIOU UN AGASALLO RICO RICO.

8 MARZO , DÍA DA MULLER

 ESTA SEMANA REFLEXIONAMOS SOBRE O PAPEL DA MULLER NA NOSA SOCIEDADE A PARTIR DO CONTO A FAMILIA DOS PORCOS  , QUE TRATA DO COIDADO DO FOGAR E DA FAMILIA E DOS ROLES APRENDIDOS . 

COA NOSA BARALLA DA IGUALDADE COMPROBAMOS QUE AS NAIS, AVOAS, PAIS ,AVÓS , FILLOS E FILLAS, COLABORAN NO COIDADO DA CASA E DA FAMILIA, PERO A MAIORÍA DAS TAREFAS AÍNDA  RECAEN  NAS MULLERES . TAMÉN TEMOS MODELOS DIFERENTES ENTRE O NOSO ALUMNADO, ONDE OS HOMES SE ENCARGAN DO COIDADO NO DÍA A DÍA . 

CON DANIELA PIRATA VIMOS O EXEMPLO DE COMO SER MULLER PODE  SER DE SEU UNHA BARREIRA PARA ALCANZAR CERTAS METAS, AÍNDA TENDO A PREPARACIÓN E A CAPACIDADE NECESARIAS. A ÚLTIMA PÁXINA DO LIBRO , CON ESA DANIELA TRIUNFADORA, CAPITANA, SATISFEITA E FELIZ, SERÁ A INSPIRACIÓN PARA O  MURAL COLECTIVO QUE TEMOS EN MARCHA.

ADEMÁIS , TODO O ALUMNADO DO CRA PARTICIPOU NA CREACIÓN DOS DADOS 8M, NOS QUE CADA QUEN LEMBROU A UNHA MULLER QUERIDA E A SÚA PROFESIÓN, FALANDO DA IMPORTANCIA DA MESMA E DA EMOCIÓN QUE NOS PROVOCA, REPRESENTÁNDOA GRÁFICAMENTE.

 PENDURÁMOLOS NA CLASE PARA TELOS MOI PRESENTES.

 E XA PARA REMATAR , PODEDES VER O VÍDEO DAS PROPOSTAS, XOGOS , CREACIÓNS E ACTIVIDADES DE TODA A SEMANA.

A NORMALIDADE

ESTA SEMANA EMPEZAMOS COAS ESPECIALIDADES,  PARTICIPANDO NAS PROPOSTAS DO PROFESORADO DE INGLÉS, MÚSICA, A.L., PSICOMOTRICIDADE , XOGOS DE MESA E OBRADOIROS.  IMOS COLLENDO RITMO  CO HORARIO COMPLETO.

A TARTARUGA QUE QUERÍA DURMIR  TROUXO UN COLCHÓN E ROUPA DE CAMA, PARA APRENDER A FACELA E XOGAR NELA. ADEMAIS PLANTAMOS AS FABAS EN TERRA, DESCUBRIMOS LETRAS E NÚMEROS, MODELAMOS AS PERSONAXES DOS CONTOS E COMPLETAMOS A ORGANIZACIÓN DAS NOSAS RUTINAS.

EMPEZAMOS CON ELMER

 NA PRIMEIRA SEMANA DO CURSO , O MÁIS IMPORTANTE É A ACOLLIDA DO NOVO ALUMNADO:  CREAR LAZOS , CONFIANZA, SEGURIDADE, TER EXPERIENCIAS PRACENTEIRAS E DIVERTIDAS, ... A TRAVÉS DA SOCIALIZACIÓN ENTRE IGUAIS, DO XOGO , DA EXPERIMENTACIÓN, DA EXPLORACIÓN DE ESPAZOS E MATERIAIS E O ACHEGAMENTO AO PROFESORADO.  TODO ISO TIVO CABIDA NA NOSA ESCOLA.

ACOMPAÑOUNOS  ELMER, UN ELEFANTE DIFERENTE, MULTICOLOR. A PARTIR DEL DESEÑAMOS  PROPOSTAS DE ACTIVIDADES COLECTIVAS  NAS QUE DESENVOLVEMOS HABILIDADES MANUAIS, ARTÍSTICAS, MUSICAIS, LÓXICAS E EXPERIMENTAIS.

XUNTANZA DE DESPEDIDA COAS FAMILIAS

 O MARTES 20, INVITAMOS ÁS FAMILIAS A VIR Á ESCOLA. ESA MAÑÁ COCIÑAMOS PIZZAS PARA MERENDAR E COMPARTIR COS PAIS E NAIS . UNHA VEZ XUNTOS, INTERPRETAMOS O CONTO A ARAÑA FACENDOSA, FIXEMOS O SORTEO DOS TRABALLOS COLECTIVOS, REPARTIMOS AS ORLAS DO ALUMNADO DE 6º E PICOTEAMOS. ESTE CURSO REMATOU, AGORA TOCA DISFRUTAR DAS VACACIÓNS. 

VÉMONOS Á VOLTA.

PURA TARTARUGA REMATA

 DURANTE O CURSO COÑECEMOS A PURA TARTARUGA E AOS SEUS AMIGOS, AXUDÁMOSLLES EN TODO O QUE PRECISARON E AGORA,  ESTA AVENTURA CHEGA AO SEU FIN CUN RETO CHEGO DE MISTERIO , ACERTIXOS E SORPRESAS.

PURA TARTARUGA E AS REDES PANTASMA

 DESTA VOLTA PURA TARTARUGA E OS SEUS AMIGOS QUIXERON AMOSARNOS O PROBLEMA DAS REDES PANTASMA, ESAS REDES PERDIDAS NO MAR, ABANDOADAS , QUE SE CONVIRTEN EN TRAMPAS MORTAIS PARA MOITOS SERES VIVOS.

 IVÁN TRÓUXONOS UNHA AO COLE , XUNTO CUNHAS CÁMARAS DE FOTOS, PARA  CUMPRIR A NOSA MISIÓN E, ASÍ, AXUDAR A PURA. FIXEMOS UNHA SESIÓN DE FOTOS…PARA QUE SERÁ?

ROMARÍA DAS LETRAS GALEGAS

 A ROMARÍA DAS LETRAS GALEGAS É A NOS FESTA MÁIS ESPECIAL. 

DÁ MOITO QUE ORGANIZAR , PERO... SE O TEMPO NOS ACOMPAÑA, CONVÉRTESE NUNHA XORNADA  INESQUECIBLE DE CONVIVENCIA, XOGOS , MÚSICA, XANTAR , TRADICIÓN, OBRADOIROS E MOITAS SORPRESAS.  NON HAI MÁIS QUE DECIR, PODEDES VER O VÍDEO RESUMO NO BLOGUE DA PEPATECA OU CLICANDO NA IMAXE. 

                                                                          👇👇👇👇

TRAXES ENCAPSULADOS

 UN DOS PRODUTOS FINAIS DO PROXECTO DE XASTRES , FOI A CONFECCIÓN DE 5 TRAXES MOI ARTÍSTICOS E  ESPECIAIS:  

- PÓDENSE MONTAR/ DESMONTAR E COMBINAR , COMO PEZAS DUN PUZZLE.

- ESTÁN FEITOS CON SOBRANTES DE TEAS, DOADAS POLAS FAMILIAS.

- LEVAN BOLSAS DE PLÁSTICO REUTILIZADO QUE GARDAN RETAZOS DA VIDA  DE CADA FAMILIA, PEQUENOS OBXECTOS DE DESFEITO QUE REPRESENTAN OS VOSOS OFICIOS, PROFESIÓNS E AFICIÓNS .

A IDEA NACE NUNHA FORMACIÓN DO PROFESORADO,  DA MAN DE  DIEGO VALEIRAS, ARTISTA PLÁSTICO E DESEÑADOR DE VESTIARIO ESCÉNICO.

 A CREACIÓN DOS TRAXES FOI UN TRABALLO COLABORATIVO ENTRE PROFESORADO, FAMILIAS E ALUMNADO. POIDESTES VER O RESULTADO FINAL O DÍA DA ROMARÍA.

ESTE VÍDEO ILUSTRA  A COLABORACIÓN DO ALUMNADO DE VINSEIRA. 

23 DE ABRIL, DÍA DO LIBRO

 ESTA SEMANA, PARA CELEBRAR O DÍA DO LIBRO, INVITAMOS ÁS FAMILIAS A VIR Á NOSA ESCOLA A CONTARNOS UN CONTO... É UNHA INVITACIÓN ABERTA A CALQUEIRA DÍA DO ANO, E A NÓS ENCÁNTANOS. 

NESTA OCASIÓN,   VEU A MAMÁ DE NICO ,  XUNTOS ELIXIRON O LIBRO ANDANDO POR EL CAMINO, UNHA HISTORIA PARA CANTAR E  CONTAR.

ADEMAIS FIXEMOS UN MARCAPÁXINAS USANDO TELAS E LÁ.

 

FIN DO PROXECTO ARAÑAS

  ESTA SEMANA REMATAMOS O  PROXECTO ARAÑAS, COMPLETANDO O NOSO MAPA CONCEPTUAL .  

CONTAMOS  OS OVOS FEITOS CON MASA DE MODELAR, REPARTÍNDOOS  EN  GRUPIÑOS DE 10 , 200 OVOS EN TOTAL, QUE ENVOLVEMOS EN SAQUIÑOS DE TELA, TAL COMO FAN AS ARAÑAS. 

 O  PECHE FINAL CELEBRÁMOLO O VENRES CUNHA XORNADA DE CINEMA: PROXECTAMOS A TELARAÑA DE CARLOTA, PELÍCULA BASEADA NA NOVELA DE ROALD DALH ( DISPOÑIBLE EN NETFLIX ) , E , COMEMOS GUSANITOS.

TAMÉN FIXEMOS UNHA ESCENIFICACIÓN DO CONTO A ARAÑA FACENDOSA , A MODO DE XOGO E IMPROVISACIÓN ... PERO  ESTAS NENAS E NENOS NON DEIXAN DE SORPRENDERME!!  QUE MARABILLA!!  CON ESTA ACTIVIDADE RESOLVEMOS UNHA DAS TAIS DO 2º TRIMESTRE.

ARAÑEANDO EN PRIMAVERA

  ESTA SEMANA  CHEGOU A PRIMAVERA E, COMO  OS PRIMEIROS DÍAS  TIVEMOS UN TEMPO MOI AGRADABLE, APROVEITAMOS PARA CELEBRALO  E DISFRUTAR DA NOSA CONTORNA: RECOLLEMOS FLORES  , FIXEMOS  CON ELAS UNS TAPICES PRECIOSOS, OBSERVAMOS BECHOS, XOGAMOS A RODAR  COMO  CROQUETAS, A SALTAR COMO O HOMEARAÑA , MERENDAMOS AO  AIRE LIBRE E, POR ÚLTIMO, MIRAMOS O CEO BUSCANDO FORMAS NAS NUBES. UN DÍA   BEN BONITO!

POR OUTRO LADO , SEGUIMOS  DESCUBRINDO  NOVAS DAS NOSAS AMIGAS AS ARAÑAS, QUE ESTÁN RESULTANDO MOI CURIOSAS E FASCINANTES. ADEMAIS , ACOMPAÑAMOS A NOSA INVESTIGACIÓN CON DIFERENTES XOGOS E MANUALIDADES NOS QUE DESENVOLVEMOS O NOSO INXENIO E CREATIVIDADE.

 

8 DE MARZO 2023

 ESTA SEMANA  CONMEMORAMOS O DÍA INTERNACIONAL DA MULLER  CUNHA PROPOSTA CONXUNTA PARA TODAS AS ESCOLAS. 

PARTINDO DO LIBRO A COLECCIONISTA DE PALABRAS RECOLLEMOS EN CLASE PALABRAS FERMOSAS QUE NOS GUSTA ESCOITAR, COMPROBANDO QUE  NENAS E NENOS SENTEN O MESMO ANTE ELAS . AS FAMILIAS AXUDÁRONNOS A ESCRIBILAS E  TENDELAS AO VENTO.

POR OUTRA BANDA, ARRANCAMOS CO PROXECTO   ARAÑAS, ANIMAIS QUE PRODUCEN E TECEN SEDA , E QUE PODEMOS OBSERVAR DE PERTO.

O PROFE IVÁN TROUXO NOVAS DE ALEXO , QUE ESTÁ ENCANTADO COA CASA QUE LLE CONSTRUIMOS  E PRESENTOUNOS A RODOLFO, O POLBO. COMPLETAMOS  A SEMANA CON  ACTIVIDADES NOS RECANTOS 

A TOPE!

REMATOU A FESTA E NÓS, DESPEDÍMOLA COA NOSA PEQUENA INTERPRETACIÓN DO  ENTERRO DA SARDIÑA.

E, DE NOVO , PUXÉMONOS A ANDAR CUNHA SEMANA INTENSA EN PROPOSTAS E CRECIÓNS. 

PARA COMENZAR , CELEBRAMOS O DÍA DE ROSALÍA DE CASTRO, CON FLORES E POESÍAS, APRENDENDO XOGOS E RIMAS. 

POR OUTRO LADO, RESOLVEMOS UNHA NOVA TAREFA DE BIBLIOTECA, PARTINDO DO LIBRO SACAPENAS. 

OS BONECOS SACAPENAS SON MOI COÑECIDOS EN SUDAMÉRICA, SERVEN PARA TRANQUILIZAR ÁS NENAS E NENOS QUE DURMEN MAL POR MOR  DOS SEUS MEDOS E PREOCUPACIÓNS . A TAREFA CONSISTÍU EN DESEÑAR  E FACER A ROUPIÑA DO NOSO BONECO , A PARTIR DAS  PROPIAS IDEAS E DO MATERIAL QUE TIÑAN Á MAN. A  AXUDA  , CANDO SE PRECISOU, FOI EXCLUSIVAMENTE TÉCNICA, ASÍ QUE , PODEMOS DECIR QUE TODOS SON DESEÑOS ÚNICOS  E EXCLUSIVOS, COMO NAS MELLORES MARCAS!

ADEMAIS, CO PROFE IVÁN , TAMÉN DESEÑARON E CONSTRUIRON  DE FORMA COLECTIVA A NOVA CASA DE ALEXO , O CANGREXO, CO MATERIAL QUE APORTOU O ALUMNADO, AO   TEMPO QUE USARON O MATERIAL DE REFUGALLO DE XEITO CREATIVO.

PARA REMATAR, APRENDEMOS E ESCRIBIMOS O VOCABULARIO D´XASTRES  , QUE NOS ACHEGOU O EDLG.

DE VOLTA NO 2023

 EMPEZAMOS O ANO EXPLORANDO OS RECANTOS E BIBLIOTECA DA NOSA AULA, NOS QUE ATOPAMOS NOVOS XOGOS E MATERIAIS. HOUBO ALGUNHA SORPRESIÑA E AGASALLOS DE NADAL , TAMÉN PODEDES VER ALGUNHAS ACTIVIDADES QUE FIXEMOS ANTES DAS VACACIÓNS. ESTAMOS POÑÉNDONOS EN MARCHA!!

TINGUIDURAS NATURAIS

 UNHA NOVA TAREFA DA BIBLIOTECA LEVOUNOS A PENSAR E INVESTIGAR QUE ELEMENTOS NATURAIS (FROITOS, PRANTAS, ZUMES, ESPECIAS...) NOS VALERÍAN PARA TINGUIR TEA BRANCA. PENSÁMOLO BEN EN CLASE , AXUDÁNDONOS DOS LIBROS QUE ACOMPAÑABAN Á TAREFA , E PUXÉMONOS MANS Á OBRA: TIÑAMOS QUE TINXIR AS TEAS PARA FORMAR O CÍRCULO CROMÁTICO DA AXENDA 2030 DO DESENVOLVEMENTO SOSTIBLE.

USAMOS REMOLACHA EN ZUME  E AUGA DA SÚA  COCIÓN , O MESMO COA LOMBARDA, Á QUE ADEMÁIS ENGADIMOS BICARBONATO PARA CAMBIARLLE A  COR,  CÚRCUMA, CURRI E PEMENTÓN. INTRODUCIMOS AS TEAS E DEIXÁMOLAS A REMOLLO  TODA A NOITE. 

TAMÉN USAMOS ESTAS TINGUIDURAS PARA PINTAR  E VER A SÚA COR NO PAPEL, BUSCANDO NO MOSTRARIO DE TELAS E NOS LIBROS OS TONOS MÁIS SEMELLANTES. APRENDEMOS QUE AS CORES TEÑEN TANTOS NOMES DIFERENTES COMO MATICES.

A NOSA ROUPA

CHEGOUNOS A PRIMREIRA TAREFA INTEGRADA DA BIBLIOTECA. PARA RESOLVELA, AS FAMILIAS DOÁRONNOS ROUPA USADA QUE XA NON LLES SERVÍA, E NÓS, TEREMOS QUE FIXARNOS MOI BEN NOS TECIDOS E INVESTIGAR A SÚA PROCEDENCIA. 

TAMÉN IMOS  REUTILIZALA PARA FACER CON ELAS DIFERENTES ACTIVIDADES: VESTILA ,  DESVESTILA, APRENDER A DOBLALA, CLASIFICALA, COMPARAR OS DIFERENTES TAMAÑOS, CORES E TEXTURAS, FALAR DA SÚA HISTORIA, FACER CREACIÓNS ARTÍSTICAS…

 ADEMÁIS AS NENAS E NENOS PROPUXERON   XOGAR A TENDELA   E FACER UNHA TENDA DE ROUPA, POIS NESAS ESTAMOS.

DÍA DAS BIBLIOTECAS, LUNS 24 DE OUTUBRO

 A BIBLIOTECA É A ALMA DA NOSA ESCOLA.

 ADEMÁIS DE LIBROS, MÚSICA E PELÍCULAS, A NOSA BIBLIOTECA TAMÉN CONTÉN A PARTE CREATIVA, QUE NOS ACHEGA O ESPAZO FEDELLO,  XOGOS E MATERIAL DE CREACIÓN NOVIDOSOS E MOI INTERESANTES. 

DA MAN DA BIBLIOTECA DESENVOLVEMOS O NOSO PDI DE XASTRES, FEITO Á MAN, PODEMOS ACCEDER AOS SEUS FONDOS CON TODO TIPO DE PRÉSTAMOS...E MIL COUSAS MÁIS QUE NOS OFRECE DÍA A DÍA.

BEN MERECE UN DÍA ESPECIAL. NON ESQUEZADES MIRAR O SEU BLOGUE PEPATECA, NEL SEMPRE TEDES AS ÚLTIMAS NOVAS E PODEDES SEGUIR A  GAMIFICACIÓN PURA, A TARTARUGA.  

ESTA É VERSIÓN DO CRA DO CARTEL DAS BIBLIOTECAS ESCOLARES DESTE CURSO... PICADE NA IMAXE E ACCEDEDE AO VÍDEO QUE NOS ENVIOU PEPA, SOBREVOANDO AS NOSAS ESCOLAS.

A ILUSIÓN DOS PRIMEIROS DÍAS

 EMPEZAMOS UN NOVO CURSO CHEAS E CHEOS DE ILUSIÓN POR ABRIR A NOSA ESCOLA E ATOPARNOS DE NOVO. 

NESTES PRIMEIROS DÍAS ADICAMOS MOITO TEMPO A XOGAR E  ESTABLECER NORMAS E ACORDOS, MOI IMPORTANTES PARA A CONVIVENVIA E ORGANIZACIÓN NA ESCOLA. TAMÉN FORON DÍAS DE ACOLLIDA PARA OS  AMIGOS QUE ACABAN DE CHEGAR.

COMO XA SABEDES, OS CONTOS, FORMAN PARTE DA NOSA VIDA DIARIA E DE AÍ PARTEN TODAS AS ACTIVIDADES REALIZADAS  NESTAS SEMANAS DE ADAPTACIÓN.

OS LIBROS  NOS QUE NOS INSPIRAMOS FORON: UN FINAL INESPERADO, UN AGASALLO DIFERENTE E MARILUZ AVESTRUZ.

PERO AÍNDA HABERÁ MÁIS...