30 DE XANEIRO, DÍA INTERNACIONAL DA PAZ E DA NON VIOLENCIA

 PARA CELEBRAR O DÍA DA PAZ, PRESENTAMOS O LIBRO IMAGINE , BASEADO NA  CANCIÓN  DE JOHN LENNON, UN CANTO MUNDIALMENTE COÑECIDO AO QUE O NOSO ALUMNADO APORTA AS SÚAS INOCENTES E FERMOSAS VOCES .

AS NENAS E NENOS SON MOI RECEPTIVAS/OS ÁS MENSAXES DE PAZ : A  RESOLUCIÓN DE CONFLICTOS , OS SENTIMENTOS E EMOCIÓNS QUE CONLEVAN... SON MOI IMPORTANTES NESTA IDADE, DE FEITO, HAI UNHA MADUREZ E UN  SABER INCRIBLES NAS SÚAS PROPIAS MENSAXES PARA FACER UN MUNDO MELLOR.

TRABALLAMOS OS SÍMBOLOS DA PAZ , A FIGURA DA POMBA E A   PÓLA DE OLIVO  . 

 PARA RECREAR A PORTADA DO LIBRO FIXEMOS A NOSA PROPIA VERSIÓN DA MESMA, USANDO A ROUPA DOADA POLA FAMILIAS, ÁS QUE LLES ESTAMOS A SACAR MOITO PROVEITO NAS NOSAS OBRAS DE ARTE. ADEMAIS , ELABORAMOS UN MURAL COMPLEMENTARIO CHEO DE POMBAS PRECIOSAS QUE LEVAN A MENSAXE DE JOHN LENNON : " ESPERO QUE UN DÍA TE UNAS A NÓS"

ROUPA CON ARTE

 ESTA SEMANA UNHA AMIGUIÑA CONTOUNOS QUE CANDO FIXO O DNI TIVO QUE POÑER A SÚA PEGADA DACTILAR, EXPLICOUNOS COMO SE FACÍA E...HALA! , SACAMOS AS NOSAS TINTAS DE CORES PARA PROBAR. LOGO DEBUXAMOS SOBRE ELAS , INSPIRÁNDONOS NO LIBRO DE PEPÍN PINZÓN. 

TIÑAMOS PENDENTE CORTAR A ROUPA DOADA AO COLE PARA TRANSFORMALA E CREAR CON ELA OBRAS DE ARTE.  ESTABAN  ELEXIDOS OS FONDOS E E DESENVOLTAS AS IDEAS DENDE HAI TEMPO PERO  AGORA, POR FIN, DÉMOSLLE FORMA . ASÍ O FIXEMOS...

DE VOLTA NO 2023

 EMPEZAMOS O ANO EXPLORANDO OS RECANTOS E BIBLIOTECA DA NOSA AULA, NOS QUE ATOPAMOS NOVOS XOGOS E MATERIAIS. HOUBO ALGUNHA SORPRESIÑA E AGASALLOS DE NADAL , TAMÉN PODEDES VER ALGUNHAS ACTIVIDADES QUE FIXEMOS ANTES DAS VACACIÓNS. ESTAMOS POÑÉNDONOS EN MARCHA!!

PRIMEIRO ANIVERSARIO DO ANO

 EMPEZAMOS O NOVO TRIMESTRE E XA CELEBRAMOS UN ANIVERSARIO, O NOSO PRIMOXÉNITO ESTÁ FEITO UN MOZO. PARABÉNS, AMIGO!

DESPEDIDA DO 1º TRIMESTRE

EMPEZOU O INVERNO ;  CON EL CHEGA  O NADAL  E AS VACACIÓNS , ASÍ QUE TOCA DESPEDIRNOS POR UNS DÍAS, ...E  NON HAI MELLOR DESPEDIDA QUE UNHA BOA XUNTANZA DE AMIGAS E AMIGOS  DISFRUTANDO , PROFESORADO E ALUMNADO CHEOS DE ILUSIÓN, A  MESMA QUE AGORA COMPARTIMOS CON VÓS NESTE VÍDEO .

SÓ QUEDA POR DICIR...

D´XASTRES, CONTACONTOS E NADAL

 ESTA SEMANA ESTIVEMOS A REMATAR AS TAREFAS DO NOSO PROXECTO D´XASTRES. UNHA DELAS , DESENVOLVEUNA A MESTRA LORENA, QUE, A TRAVÉS DA DANZA, PRESENTOUNOS AS VESTIMENTAS DE DIFERENTES PAISES E CULTURAS. EN VINSEIRA,  VESTIMOS A UN PERSONAXE  RUSO DO REINO DOS DOCES; PARA FACELO, CORTAMOS A TELA  A PARTIR DE PATRÓNS , MONTAMOS AS PARTES E AO FINAL, ENGADIMOS OS COMPLEMENTOS E DETALLES. 

COMO SE ACHEGA O NADAL , LEMBRAMOS AO APALPADOR, ESE CARBOEIRO QUE VIVE NAS MONTAÑAS GALEGAS E QUE A NOITE DE NADAL BAIXA PARA VER SE AS NENAS E NENOS ESTÁN BEN MANTIDOS, DEIXÁNDOLLES CASTAÑAS E AGASALLOS.  TAMÉN FIXEMOS OUTRAS COUSIÑAS, PERO... SON SORPRESA!!

ESTA SEMANA RECIBIMOS Á DRAGONA RAMONA , QUE VEU ACOMPAÑARNOS E CONTARNOS CONTOS  . A DRAGONA RAMONA É A MASCOTA DAS BIBLIOTECAS MUNICIPAIS DE CULLEREDO, ASÍ QUE , XA SABEDES ONDE PODEDES VELA E ESCOITAR AS SÚAS HISTORIAS. NÓS , ESPERAMOS QUE VOLTE PRONTO POR VINSEIRA.

PARABÉNS

 A SEMANA PASADA CELEBRAMOS O DERRADEIRO ANIVERSARIO DO ANO 2022. ESTE AMIGUIÑO NOSO ESTÀ MEDRANDO MOITO , XA SON 5 ANIÑOS!!... E NÓS ESTAMOS ENCANTADOS E ENCANTADAS  DE ACOMPAÑALO DÍA A DÍA E VER CANTO APRENDE E QUE BEN SE DESENVOLVE.

PARABÉNS PARA TI! 

TINGUIDURAS NATURAIS

 UNHA NOVA TAREFA DA BIBLIOTECA LEVOUNOS A PENSAR E INVESTIGAR QUE ELEMENTOS NATURAIS (FROITOS, PRANTAS, ZUMES, ESPECIAS...) NOS VALERÍAN PARA TINGUIR TEA BRANCA. PENSÁMOLO BEN EN CLASE , AXUDÁNDONOS DOS LIBROS QUE ACOMPAÑABAN Á TAREFA , E PUXÉMONOS MANS Á OBRA: TIÑAMOS QUE TINXIR AS TEAS PARA FORMAR O CÍRCULO CROMÁTICO DA AXENDA 2030 DO DESENVOLVEMENTO SOSTIBLE.

USAMOS REMOLACHA EN ZUME  E AUGA DA SÚA  COCIÓN , O MESMO COA LOMBARDA, Á QUE ADEMÁIS ENGADIMOS BICARBONATO PARA CAMBIARLLE A  COR,  CÚRCUMA, CURRI E PEMENTÓN. INTRODUCIMOS AS TEAS E DEIXÁMOLAS A REMOLLO  TODA A NOITE. 

TAMÉN USAMOS ESTAS TINGUIDURAS PARA PINTAR  E VER A SÚA COR NO PAPEL, BUSCANDO NO MOSTRARIO DE TELAS E NOS LIBROS OS TONOS MÁIS SEMELLANTES. APRENDEMOS QUE AS CORES TEÑEN TANTOS NOMES DIFERENTES COMO MATICES.