MESA PUZZLE

 ESTA SEMANA FIXEMOS UNHA MESA PUZZLE NO RECANTO DE LÓXICA MATEMÉTICA. ESCOLLEMOS FIGURAS XEOMÉTRICAS VARIADAS, DEBUXAMOS A CONTORNA E XA TEMOS A MESA PREPARADA PARA XOGAR A BUSCAR  AS PEZAS QUE ENCAIXEN EN CADA OCO.

MOREIRA

 AS EIRUGAS DE SEDA ALIMÉNTANSE DE MOREIRA, UNHA ÁRBORE ORNAMENTAL QUE SE PODE ATOPAR EN MOITOS PARQUES POLA BOA SOMBRA QUE OFRECE. HAI DOUS TIPOS DE MOREIRAS : A BRANCA E A NEGRA, UNHA DÁ MORAS BRANCAS E OUTRA MORAS NEGRAS. 

ESTA ÁRBORE É IMPRESCINDIBLE NA PRODUCCIÓN DE SEDA.

23 DE ABRIL: DÍA DO LIBRO

ESTE DÍA TAN ESPECIAL GÚSTANOS CELEBRALO XUNTANDO A TODO O ALUMNADO E PROFESORADO DO CRA PARA FACER  UNHA XORNADA BEN ESPECIAL. COMO NON É POSIBLE, O EQUIPO DE BIBLIOTECA PROPÚXONOS UNHA CHEA DE ACTIVIDADES PARA CELEBRAR O DÍA DO LIBRO DENDE AS NOSAS AULAS.

A TRAVÉS DAS TAREFAS DE APRENDIZAXE DA BIBLIOTECA,  O ALUMNADO DO CRA CREOU UN CONTO ECOLÓXICO TITULADO CINCO. CO MÉTODO DO CONTO VIAXEIRO CADA ESCOLA FOI APORTANDO UNHA PARTE DO SEU DESENVOLVEMENTO.

POSTERIORMENTE FÍXOSE O DESEÑO DAS PERSONAXES NA APP DOODLE, QUE NOS PERMIRÍU IMPRIMILAS EN 3D  PARA DESPOIS  COLOREALAS NAS AULAS.

CON ISTO O EQUIPO DE BIBLIOTECA MONTOU UN  STOP MOTION , CONSEGUINDO QUE AS IDEAS QUE PARTIRON DAS AULAS SE CONVERTERAN NUNHA FANTÁSTICA  CURTAMETRAXE DE ANIMACIÓN. 

ADEMÁIS COA IMPRESORA TRES D TAMÉN FIXEMOS OS MARCAPÁXINAS DESTE ANO, CADA QUEN DECOROU O SEU .

SE QUEREDES VER O PROCESO DE COMO FORON DESEÑADOS E DE COMO TRABALLA A IMPRESORA 3D, PODEDES FACELO NO BLOGUE DA PEPATECA OU DIRECTAMENTE PREMENDO NA SEGUINTE IMAXE:

E NON VOS PERDADES A MONTAXE DA  PARTICIPACIÓN DAS FAMILIAS PICANDO EN  

   👉👉 CREACCIÓNS EN FAMILIA👈👈  OU BEN VISITANDO A PEPATECA.

PARA REMATAR LEMOS UN PRECIOSO E ORIXINAL CONTO QUE VIÑA NA CARPETA VIAXEIRA E QUE RESULTA  IDEAL PARA TRANSMITIR O VALOR DOS LIBROS. 

UNHA SEMANA MOI ARTÍSTICA

 ESTA SEMANA EXPERIMENTAMOS COAS CORES E AS TRANSPARENCIAS, OUTRA MANEIRA DE CREAR  MISTURAS E  COMPOSICIÓNS ARTÍSTICAS. 

AGORA ENTENDEMOS PERFECTAMENTE A YAYOMI KUSAMA E A SÚA OBRA, POLO  ATRACTIVO QUE RESULTA XOGAR A COMBINAR PUNTOS E A FORZA VISUAL QUE SE CONSEGUE .

TAREFAS DE APRENDIZAXE: 5 ARTISTAS

 EMPEZAMOS COAS TAREFAS INTEGRADAS DA BIBLIOTECA  NO 3º TRIMESTRE, TOCA A TAREFA DE ARTE QUE PARTE DO LIBRO PERDIDO EN EL MUSEO.

 DESPOIS DA CONSULTA ÁS FAMILIAS TEMOS CINCO ARTISTAS SELECCIONADOS PARA INVESTIGAR, DOS CALES EN VINSEIRA , TRAS COÑECER AS CARACTERÍSTICAS DA OBRA DE  CADA UN/UNHA DELES/AS A TRAVÉS DAS APP DP IPAD , FIXEMOS UNHA VOTACIÓN NA QUE SAÍU ELIXIDA FRIDA KHALO.

FRIDA KHALO FOI UNHA MULLER MOI FORTE E A SÚA  OBRA  IMPRESIONA POLA  DUREZA DAS IMAXES E AS EMOCIÓNS QUE TRANSMITE , O CERTO É QUE A HISTORIA DESTA ARTISTA  RESULTA FASCINANTE ATA PARA @S MÁIS PEQUEN@S.

EIRUGAS DE SEDA

 SEGUIMOS DESCUBRINDO COUSAS DAS NOSAS EIRUGAS CADA DÍA , OBSERVÁNDOAS E VÉNDOAS MEDRAR. AGORA ESTAMOS Á ESPERA DE VER O RESULTADO DAS NOSAS PESQUISAS, COAS QUE PRETENDEMOS  RESOLVER MOITAS DÚBIDAS .

ESTA SEMANA APRENDEMOS OS COIDADOS DIARIOS DAS NOSAS EIRUGAS: DARLLES FOLLAS FRESCAS PARA COMER, TIRAR OS RESTOS DE FOLLAS VELLAS E LIMPAR AS CACOLAS, DEIXANDO A SÚA CASIÑA BEN LIMPA .

SABELA EN XAPÓN

PARA AVANZAR NA BÚSQUEDA DO TESOURO SABELA ENVIOUNOS UN KAMISHIBAI OU TEATRILLO DE TRADICIÓN ORAL XAPONÉS.  CON EL, IVÁN CONTOUNOS  UNHA LENDA QUE  LOGO TIVEMOS QUE GRAVAR COAS NOSAS VOCES TRADUCINDO A HISTORIA Á LINGUA GALEGA.

A HISTORIA E AS IMAXES SON PRECIOSAS E A VERSIÓN EN GALEGO QUE LLE MANDAMOS A SABELA QUEDOU REQUETECHULÍSIMA. PODEDES VELA E ESCOITALA NO BLOGUE DA PEPATECA OU DIRECTAMENTE PREMENDO AQUÍ:

👉🏻GHAITO KAMISHIBAIA👈🏻

ANTES DE MARCHAR RUMBO A ESTADOS UNIDOS ENVIOUNOS UNHA BONITA POSTAL.

METAMORFOSE: EIRUGAS DE SEDA

 CANDO AS NOSAS RANIÑAS TIVERON PATAS E EMPEZARON A RESPIRAR POLA PEL MARCHARON DO ESTANQUE, FIXÉRONSE MAIORES . A NÓS ENCANTOUNOS VELAS MEDRAR DENDE O OVO ATA FACERSE RÁS. 

ÁGORA TEMOS MASCOTAS NOVAS: EIRUGAS DE SEDA. CON ELAS INICIAMOS UN NOVO CICLO DE METAMORFOSE QUE NOS SERVIRÁ PARA OBSERVAR , INVESTIGAR E COÑECER MOITAS COUSAS DAS NOSAS NOVAS “MASCOTAS”.

NA OBSERVACIÓN DIARIA , FACEMOS HIPÓTESES, INVESTIGAMOS E SACAMOS CONCLUSIÓNS, COMO QUE...

       FAN CACAS NEGRAS

MUDAN A PEL

ERGUEN A CABEZA

HAI TRES TAMAÑOS, UNHA É MOI PEQUERRECHA

EN TOTAL TEMOS 10

A FOLLAS QUE COMEN PARECEN DA MENTA QUE PRANTAMOS FORA... SERÁN ?