SABELA CHEGOU A TURQUÍA

 E DENDE ALÍ , MANDOUNOS UN OLLO TURCO , QUE DISQUE DÁ BOA SORTE.

PODEDES VER OS  VÍDEOS DE SABELA NO BLOGUE DA PEPATECA.

PREPARANDO O NADAL

 5 ESTRELAS DE 5 PUNTAS ADORNAN AS NOSAS 5 VENTÁS. O NÚMERO 5 NOS PERSEGUE!

E MÁIS SORPRESAS DAS QUE SÓ VOS IMOS AMOSAR UN PEQUENO ANTICIPO. 

QUE ANDAREMOS ARGALLANDO?🤔🤔

TAREFAS INTEGRADAS DA BIBLIOTECA

 XUNTOS PASÁMOLO PIPA E APRENDEMOS CASE TODO NA VIDA XA QUE AS PERSOAS SOMOS ANIMAIS SOCIAIS .  ISO NOLO EXPLICA MOI BEN O LIBRO  TODOS JUNTOS . 

NA ESCOLA ESTABLECEMOS UNHAS NORMAS NECESARIAS PARA  A  CONVIVENCIA DIARIA , PROCURANDO SEMPRE BUSCAR A RAZÓN DAS MESMAS. DECATÁMONOS DE QUE AS NORMAS ESCRITAS NAS OUTRAS ESCOLAS DO CRA , TAMÉN SON IMPORTANTES PARA NÓS. ESTA É A NOSA APORTACIÓN .

CELEBRANDO ANIVERSARIOS

 NA FIN DE SEMANA CUMPRIRON ANOS MIRIAM E XALO. NON SOPRARON AS CANDEAS , SENÓN QUE AS COLOCARON NA NOSA ESTUPENDA TARTA DE ANIVERSARIO CONTANDO ALTO E FORTE UNHA POR UNHA CADA ANO CUMPRIDO.

ENTRAMOS NO MES DE NADAL...

 ESTIVEMOS A DECORAR A ESCOLA COAS COUSIÑAS QUE FOMOS FACENDO OS CURSOS PASADOS, APROVEITANDO AS ESTRELAS XIGANTES PARA ADORNAR AS VENTÁS.  SÓ TIÑAMOS TRES XA PINTADAS E  NON ERAN SUFICIENTES , ASÍ QUE,  PUXÉMONOS MANS Á OBRA PARA TUNEAR DÚAS MÁIS.

SE QUEREDES EMPEZAR A SABOREAR O NADAL PODEDES FACELO CON ESTE BONITO VILLANCICO DE MAMACABRA ADICADO AO APALPADOR. NO VÍDEO , ADEMÁIS, TEMOS A VERSIÓN EN LINGUAXE DE SIGNOS. 

O PLANO DA NOSA ESCOLA

 DESPOIS DE EXPLORAR A FONDO A NOSA ESCOLA , PROPUXÉMONOS DEBUXAR O PLANO DA PRANTA  BAIXA. PRECISAMOS REGRAS E CARTABÓN PARA DEBUXAR AS LÍNEAS RECTAS E QUE AS PAREDES NON QUEDASEN INCLINADAS.

PRIMEIRO ANALIZAMOS O PLANO XA FEITO NO PLAN DE EVACUACIÓN,  SITUANDO A UBICACIÓN DAS ESTANCIAS. DESPOIS , EMPEZAMOS A DEBUXAR O NOSO PROCURANDO BOAS PROPORCIÓNS DOS ESPAZOS E A POSICIÓN CORRECTA DE TODOS OS ELEMENTOS QUE FOMOS INCLUÍNDO . AÍNDA NON ESTÁ REMATADO , PERO VOS DEIXAMOS UN AVANCE DO   PROCESO.

TEATRO DI MARCELLO

 GRAZAS Á VOSA INVESTIGACIÓN SABELA ATOPOU O TEATRO DI MARCELLO E ALÍ ESTABA O MAPA DO TESOURO COA INDICACIÓN DUNHA NOVA PISTA EN ESTAMBUL,  TURQUÍA . ANTES DE PARTIR ENVIOUNOS UNHA POSTAL E FÍXONOS CHEGAR O POPULAR CONTO ITALIANO DE PINOCCHIO.

CO PROFE IVÁN BUSCAMOS TURQUÍA NO MAPA E CONTAMOS OS DÍAS QUE DURARÁ A VIAXE EN BARCO, SERÁN 7 EN TOTAL. ESPEREMOS QUE CHEGUE BEN A PORTO!

LEMBRADE QUE NO BLOGUE DA PEPATECA PODEDES VER TODOS OS VÍDEOS DAS AVENTURAS DE SABELA.

SABELA CHEGOU A ITALIA

 RECIBIMOS UNHA POSTAL QUE MANDOU SABELA DESDE MARROCOS XUSTO ANTES DE PARTIR RUMBO A ITALIA  E, UNHA VEZ NO SEU NOVO DESTINO , ENVIOUNOS UNHA CAIXA SORPRESA CUNHA RECEITA E OS INGRDIENTES PARA FACER UN POSTRE TÍPICO ITALIANO CHAMADO GIRELLE DI PANE CON CREMA DI NOCCIOLE E CIOCCOLATO.

A LÍNGUA ITALIANA PARECEUNOS MOI GRACIOSA E FOMOS CAPACES DE ENTERDER ALGUNHAS COUSA.