EMPEZOU O INVERNO ; CON EL CHEGA O NADAL E AS VACACIÓNS , ASÍ QUE TOCA DESPEDIRNOS POR UNS DÍAS, ...E NON HAI MELLOR DESPEDIDA QUE UNHA BOA XUNTANZA DE AMIGAS E AMIGOS DISFRUTANDO , PROFESORADO E ALUMNADO CHEOS DE ILUSIÓN, A MESMA QUE AGORA COMPARTIMOS CON VÓS NESTE VÍDEO .
ESTA SEMANA ESTIVEMOS A REMATAR AS TAREFAS DO NOSO PROXECTO D´XASTRES. UNHA DELAS , DESENVOLVEUNA A MESTRA LORENA, QUE, A TRAVÉS DA DANZA, PRESENTOUNOS AS VESTIMENTAS DE DIFERENTES PAISES E CULTURAS. EN VINSEIRA, VESTIMOS A UN PERSONAXE RUSO DO REINO DOS DOCES; PARA FACELO, CORTAMOS A TELA A PARTIR DE PATRÓNS , MONTAMOS AS PARTES E AO FINAL, ENGADIMOS OS COMPLEMENTOS E DETALLES.
COMO SE ACHEGA O NADAL , LEMBRAMOS AO APALPADOR, ESE CARBOEIRO QUE VIVE NAS MONTAÑAS GALEGAS E QUE A NOITE DE NADAL BAIXA PARA VER SE AS NENAS E NENOS ESTÁN BEN MANTIDOS, DEIXÁNDOLLES CASTAÑAS E AGASALLOS. TAMÉN FIXEMOS OUTRAS COUSIÑAS, PERO... SON SORPRESA!!
ESTA SEMANA RECIBIMOS Á DRAGONA RAMONA , QUE VEU ACOMPAÑARNOS E CONTARNOS CONTOS . A DRAGONA RAMONA É A MASCOTA DAS BIBLIOTECAS MUNICIPAIS DE CULLEREDO, ASÍ QUE , XA SABEDES ONDE PODEDES VELA E ESCOITAR AS SÚAS HISTORIAS. NÓS , ESPERAMOS QUE VOLTE PRONTO POR VINSEIRA.
A SEMANA PASADA CELEBRAMOS O DERRADEIRO ANIVERSARIO DO ANO 2022. ESTE AMIGUIÑO NOSO ESTÀ MEDRANDO MOITO , XA SON 5 ANIÑOS!!... E NÓS ESTAMOS ENCANTADOS E ENCANTADAS DE ACOMPAÑALO DÍA A DÍA E VER CANTO APRENDE E QUE BEN SE DESENVOLVE.
PARABÉNS PARA TI!
UNHA NOVA TAREFA DA BIBLIOTECA LEVOUNOS A PENSAR E INVESTIGAR QUE ELEMENTOS NATURAIS (FROITOS, PRANTAS, ZUMES, ESPECIAS...) NOS VALERÍAN PARA TINGUIR TEA BRANCA. PENSÁMOLO BEN EN CLASE , AXUDÁNDONOS DOS LIBROS QUE ACOMPAÑABAN Á TAREFA , E PUXÉMONOS MANS Á OBRA: TIÑAMOS QUE TINXIR AS TEAS PARA FORMAR O CÍRCULO CROMÁTICO DA AXENDA 2030 DO DESENVOLVEMENTO SOSTIBLE.
USAMOS REMOLACHA EN ZUME E AUGA DA SÚA COCIÓN , O MESMO COA LOMBARDA, Á QUE ADEMÁIS ENGADIMOS BICARBONATO PARA CAMBIARLLE A COR, CÚRCUMA, CURRI E PEMENTÓN. INTRODUCIMOS AS TEAS E DEIXÁMOLAS A REMOLLO TODA A NOITE.
TAMÉN USAMOS ESTAS TINGUIDURAS PARA PINTAR E VER A SÚA COR NO PAPEL, BUSCANDO NO MOSTRARIO DE TELAS E NOS LIBROS OS TONOS MÁIS SEMELLANTES. APRENDEMOS QUE AS CORES TEÑEN TANTOS NOMES DIFERENTES COMO MATICES.
AMPLIAMOS A NOSA TENDA CREANDO UNHA SECCIÓN DE ROUPA INTERIOR , ESA QUE NON SE VE E QUE TODAS E TODOS USAMOS, COLLEMOS AS PRENDAS NAS NOSAS BOLSAS DE MUDAS. POR HIXIENE , A ROUPA INTERIOR NON SE PODE PROBAR NEN DEVOLVER . NELAS, TAMÉN ATOPAMOS CALZADO E USAMOS UNS ANDEIS PARA FACER A ZAPATARÍA. APRENDEMOS A ENVOLVER CALCETÍNS, UN EXERCICIO MOI INTERESANTE PARA DESENVOLVER HABILIDADES COAS MANS E XOGAMOS A MERCAR COUSAS CONTANDO O QUE COSTAN E CALCULANDO AS VOLTAS.
A BIBLIOTECA CREATIVA PRESTOUNOS A DOC, UN ROBOT MOI RÁPIDO E SIMPÁTICO, IDEAL PARA COMPRENDER A PROGRAMACIÓN ROBÓTICA.
O MESTRE IVÁN TROUXO NOVIDADES DE PURA TARTARUGA: VIMOS AS SOMBRAS QUE CREARON AS FAMILIAS E ENSINOUNOS O QUE PASA CANDO TIRAMOS COUSAS POLO VATER. ADEMAIS, PROPÚXONOS UNHA ACTIVIDADE DE MÉTODO CIENTÍFICO PARA ENTENDER POR QUE NON DEBEMOS TIRAR TOALLIÑAS E OUTROS RESIDUOS POLO INODORO.
A ESTA PEQUENA COÑECINA EU NA BARRIGUIÑA DA SÚA MAMÁ, E AÍ A TEMOS ... FACÉNDOSE MAIOR!
PARABÉNS E DISFRUTA DO TEU DÍA!
ESTA SEMANA ADICÁMOLA A MONTAR A NOSA TENDA DE ROUPA, UN PROCESO BONITO CON MOITO TRABALLO DETRÁS E MOITAS DECICIÓNS ACORDADAS A TOMAR: PLANIFICAR OS PASOS A SEGUIR, ELIXIR UN NOME , PENSAR A PUBLICIDADE, ORGANIZAR ESPAZOS E MOBILIARIO, FACER A CARTELERÍA, DECORAR, CLASIFICAR...
ADEMAIS PRACTICAMOS HABILIDADES DA VIDA DIARIA COMO VESTIRSE E DESVESTIRSE, DOBLAR A ROUPA, METELA NAS PERCHAS E ORDEALA... TODO EN FORMATO XOGO E SUPERMOTIVADAS/OS!
DO 17 AO 21 DE OUTUBRO A MESTRA RAQUEL MÁIS EU, GUADA, FOMOS A SUECIA NUN PROGRAMA DE FORMACIÓN ERASMUS + NO QUE PARTICIPAMOS XUNTO A OUTROS CENTROS DE A CORUÑA.
FIXEMOS ESTE VÍDEO PARA O NOSO ALUMNADO E AS SÚAS FAMILIAS, NEL AMOSÁMOSVOS E CONTÁMOSVOS A NOSA EXPERIENCIA.
A VINDEIRA SEMANA TÓCALLES A SUSANA , MESTRA DE LEDOÑO , E A LORENA, MESTRA DE MÚSICA, VIAXAR A ITALIA PARA OBSERVAR OUTRAS ESCOLAS E OUTRAS METODOLOXÍAS.
