O MUNDO DA CÁMARA ANALÓXICA

PARA AS NENAS E NENOS DE VINSEIRA A CÁMARA ANALÓXICA PERTENCE A OUTRO MUNDO, OU CANDO MENOS A OUTRA ERA, A DA INFANCIA DOS SEUS PAIS E NAIS, AVÓS/AS E BISAVÓS/AS. GRAZAS AS FAMILIAS PUIDEMOS XUNTAR UN LOTE DE MATERIAL A EXPLORAR: CÁMARAS ANALÓXICAS DE DISTINTOS MODELOS, CARRETES, NEGATIVOS, DIAPOSITIVAS, ÁLBUNES DE FOTOS IMPRESAS, ... PUIDEMOS ANALIZAR A POSE , AS VESTIMENTAS, OS ESCENARIOS DAS FOTOS MÁIS ANTIGAS; COMPROBAR O PASO DO BRANCO E NEGRO Á COR; BUSCAR A RELACIÓN ENTRE O NEGATIVO E A FOTO IMPRESA; SATISFACER DÚBIDAS E CURIOSIDADES. APRENDEMOS CONCEPTOS NOVOS QUE XA CASE ESTABAN EN DESUSO.

A CÁMARA DE FOTOS

DESCUBRINDO A CÁMARA DE FOTOS ANALÓXICA E DIXITAL, COMO EN CLASE, ONDE TEMOS DIFERENTES TIPOS DE CÁMARAS GRAZAS AS APORTACIÓNS DE TODAS E TODOS... E MÁIS QUE TEREMOS!!

A PRIMEIRA FOTOGRAFÍA

A 1ª FOTOGRAFÍA TOMOUSE FAI CASE 200 ANOS E DENDE ENTÓN NON DEIXOU DE EVOLUCIONAR.

HISTORIA DA FOTOGRAFÍA

METÉMONOS DE CHEO NO PROXECTO SOBRE A FOTOGRAFÍA E ESTAMOS A DESCUBRIR UN LOTE DE COUSAS INTERESANTES. IMOS PUBLICAR ALGÚNS DOS VÍDEOS QUE ESTAMOS A VER NO COLE, ASÍ PODEDES MIRALOS EN FAMILIA.

23 DE MARZO: DÍA DO LIBRO

VOLTAMOS AO COLE NUN DÍA IMPORTANTE, O DÍA DO LIBRO. CELEBRÁMOLO REUNÍNDONOS NA CHOEIRA TODAS AS ESCOLAS DO CRA PARA COMPARTIR UNHA XORNADA DE CONVIVENCIA CHEA DE SORPRESAS: O CONTACONTOS DA DRAGONA RAMONA, OS XOGOS E OBRADOIROS , A MERENDA E TEMPO DE LECER. A MAÑÁ PASOUNOS VOANDO!!!

CAROLINA ARQUITECTA

HOXE RECIBIMOS NO COLE A CAROLINA, MAMI DE CARMELA , QUE É ARQUITECTA. FALOUNOS DO QUE É A ARQUITQCTURA, ENSINOUNOS PLANOS DE URBANISMO, PROXECTOS DE VIVENDAS, MAQUETAS, IMAXES...E PARA REMATAR REPARTÍU CHUCHES E PAOS PARA QUE CREÁRAMOS CONSTRUCCIÓNS , ASÍ FOI COMO APRENDIMOS O QUE É A CRUZ DE SAN ANDRÉS, IMPORTANTÍSIMA PARA QUE AS NOSAS CREACIÓNS NON SE DERRUBARAN.

DÍA DAS ARTES GALEGAS

O DÍA 1 DE ABRIL FOI O DÍA DAS ARTES GALEGAS E ESTE ANO ESTIVO ADICADO A LUIS SEOANE ; USANDO A ROBÓTICA COMO RECURSO, XOGAMOS A DESCUBRIR O NOME DO/A ARTISTA HOMENAXEADO/A E TAMÉN ALGÚNS DATOS DA SÚA VIDA. UNHA VEZ QUE XA SABIAMOS DE QUEN SE TRATABA SELECCIONAMOS IMAXES DOS SEUS CADROS PARA ANALIZAR AS SÚAS COMPOSICIÓNS , OBSERVANDO QUE LUIS SEOANE PINTABA PRIMEIRO AS FORMAS E AS CORES E LOGO, POR RIBA DELAS, RESALTABA AS LÍNEAS DO DEBUXO, XUSTO AO REVÉS DO QUE FACEMOS HABITUALMENTE. FINALIZAMOS A ACTIVIDADE CREANDO A NOSA OBRA DE ARTE AO XEITO DE LUIS SEOANE, PRIMEIRO AS CORES E DESPOIS AS LÍNEAS.

ELENA BERENJENA E O 4º INGREDENTE

HOXE APARECEU POLO COLE DE SORPRESA ELENA BERENJENA PORQUE XA ATOPOU O 4º INGREDENTE DO SEU LABORATORIO: OS HIDRATOS DE CARBONO. MEDIANTE UN XOGO DE PISTAS TIVEMOS QUE DESCUBRIR CAL ERA. CON TANTOS HIDRATOS DE CARBONO VIÑA CHEA DE ENERXÍA , ASÍ QUE BAILAMOS E FIXEMOS XIMNASIA CON ELA.COMA SEMPRE ELENA É SUPERDIVERTIDA!! GRAZAS AO CONCELLO DE CULLEREDO POR TRAELA ÁS NOSAS ESCOLAS.

OZOBOT

O PROFE IVÁN TRÓUXONOS UN NOVO RETO DO CACO DE PEPA, DEBUXAR UN PERCORRIDO POLO QUE AVANZARÁ OZOBOT, O ROBOT MÁIS CUQUI. UNHA VEZ FEITO PROGRAMAMOS MEDIANTE CÓDIGOS DE CORES NOVOS MOVEMENTOS.

RECICLARTE

O VENRES VISITOUNOS LUCÍA PARA FACER CON NÓS O OBRADOIRO DE RECICLARTE QUE TODOS OS ANOS NOS OFRECE O CONCELLO DE CULLEREDO E NO QUE PARTICIPAMOS ENCANTAD@S. PRIMEIRO REPASAMOS COMO FACER A SELECCIÓN DE RESIDUOS PARA FAVORECER A SÚA RECICLAXE, NISO SOMOS EXPERT@S PORQUE FACÉMOLO NO COLE A DIARIO.

DESPOIS REUTILIZAMOS OS ROLOS DE CARTÓN QUE TROUXEMOS DA CASA CONVERTÉNDOO NUN XOGUETE MOI CHULO, UNHA RA COA LINGUA MOI LONGA E TEMOS QUE CONSEGUIR QUE A METE NA BOCA DÁNDOLLE UN PULO. AGORA A PRACTICAR!!

CÁMARA ESCURA

AS PRIMEIRAS CÁMARAS DE FOTOS CREÁRONSE SEGUINDO O PRINCIPIO DA CÁMARA ESCURA, ASÍ QUE NOS PUXEMOS MANS Á OBRA E FIXEMOS A NOSA PROPIA CÁMARA PARA ENTENDER COMO SE FORMA A IMAXE DA FOTOGRAFÍA. A TEORÍA É SIXELA: UNHA FOTOGRAFÍA É A CAPTURA DA LUZ QUE REFLEXAN OS OBXECTOS ILUMINADOS,SE NON HAI LUZ, NON HAI FOTO. ESA LUZ VIAXA EN LÍNEA RECTA , A QUE SE PROXECTA DENDE ARRIBA ENTRA POLA LENTE E SEGUE CARA ABAIXO, DO MESMO XEITO QUE A LUZ QUE SE PROXECTA DENDE ABAIXO ENTRA POLA LENTE E SEGUE CARA ARRIBA, ISO FAI QUE VEXAMOS A IMAXE INVERTIDA, O CAL RESULTA SORPRENDENTE E DIVERTIDO. ADEMÁIS TIVEMOS QUE CUBRIRNOS CUNHA TELA NEGRA PARA QUE O EXCESO DE LUZ NON IMPEDIRA DISTINGUIR BEN AS IMAXES, IGUALIÑO QUE COAS CÁMARAS ANTIGAS.

EBOTIC

QUE É EBOTIC? UN ROBOT QUE REPRODUCE SONS. A TAREFA DE BIBLIOTECA DA SEMANA PASADA MISTURABA O ARTE COAS TICS. PRIMEIRO TIVEMOS QUE CREAR UN DEBUXO COLOREÁNDOO CON GRAFITO, QUE SERVE DE CONDUCTOR, PARA LOGO CONECTALO A EBOTIC E AO PC E ASÍ CONSEGUIR QUE A NOSA OBRA DE ARTE SOASE COMA UN PIANO. QUE SE NON O VES NON O CRES? POIS AÍ VAI A PROBA.