A PAISAXE: O XALO

 SEGUIMOS AVANZANDO NO PROXECTO DO NOROESTE.

NO 2º TRIMESTRE , OBSERVAMOS  A PAISAXE CERCANA Á NOSA ESCOLA E  MIRANDO UN POUCO MÁIS  LONXE VEMOS O  XALO... O FAMOSO MONTE XALO!!

FIXEMOS UNHA POSTA EN COMÚN DO QUE XA SABEMOS E DO QUE QUEREMOS SABER SOBRE DITO MONTE, ASÍ QUE IMOS INVESTIGAR UN POUCO PARA DAR RESPOSTA ÁS NOSAS DÚBIDAS. EN BREVE,  SOLICITAREMOS A COLABORACIÓN DAS FAMILIAS.

 

A NOSA HORTA

ESTA SEMANA ADICÁMOLA A PLANTAR. 

TIVEMOS QUE CAVAR E REMEXER BEN A TERRA PARA OSIXENALA , ADEMAIS, ENGADÍMOSLLE COMPOST PARA ABONALA E ENRIQUECELA DE SALES MINERAIS.

PARA AS FRAMBUESAS, ARANDOS E AMORODOS, QUE  SON PLANTAS, TIVEMOS QUE FACER O FURADO, METELAS NA TERRA E CUBRILAS DE NOVO TAPÁNDOLLE AS RAÍCES. AGORA ESPERAREMOS A QUE MEDREN E VEREMOS SE NOS DAN FROITOS ANTES DO VERÁN.

PARA AS CABAZAS, COLLEMOS AS SEMENTES QUE TEMOS GARDADAS DENDE O SAMAÍN. 

AS SEMENTES DE CABAZA PÓDENSE COMER, XA QUE SON  PIPAS. ASÍ QUE , UNHAS POUCAS PAPÁMOLAS E OUTRAS PLANTÁMOLAS. A VER  SE MEDRAN , PARA RECOLLELAS DE NOVO NO OUTONO.

MENTRES PREPARAMOS A HORTA ULIMOS E TOCAMOS A TERRA, OBSERVAMOS OS BECHOS QUE VIVEN NELA , CARGAMOS PEDRAS E AUGA, DESFIXEMOS O ESTANQUE, CLAVAMOS PAOS ... EN FIN, TODO UN TRABALLO EN EQUIPO!! 

23 DE ABRIL, DÍA DO LIBRO

 CO GALLO DO DÍA DO LIBRO , A BIBLIOTECA DO CRA LANZOU UNHA PROPOSTA CREATIVA PARA AS FAMILIAS: A RECREACIÓN DA PORTADA DUN LIBRO EN GALEGO DE CASA. 

COMA SEMPRE O VOSO INXENIO E ORIXINALIDADE NOS SORPRENDE E NOS ENCANTA.

 SE QUEREDES VER O RESULTADO PODEDES PICAR NA IMAXE OU ABRIR O BLOGUE DA PEPATECA. 👇👇👇👇👇👇👇👇👇👇👇

TAMÉN O CELEBRAMOS NAS AULAS FACENDO UN MARCAPÁXINAS DE MADEIRA CO PROFE IVÁN.    LEVÁMOLO PARA CASA XUNTO CO LIBRO DA BIBLIOTECA.

CHOQUEIRADA E ENTERRO DA SARDIÑA

 COMO PUIDESTES VER NO TELEXORNAL DO CRA, UNHA DAS TAREFAS DA BIBLIOTECA DO 2º TRIMESTRE ESTABA ADICADA ÁS FESTAS E CELEBRACIÓNS. AQUÍ VOS DEIXO O VÍDEO ORIXINAL , NO QUE RECREAMOS O ENTROIDO CORUÑÉS, COA CHOQUEIRADA TÍPICA DA RÚA DA TORRE E O ENTERRO DA SARDIÑA . ESTAMOS BEN SIMPÁTICOS/AS!

EMPEZAMOS O 3º TRIMESTRE

 COMO DESPEDIDA DO 2º TRIMESTRE DÉIXOVOS UN VÍDEO NO QUE VEREDES A DINÁMICA DA NOSA AULA.  ADICAMOS MOITO TEMPO A XOGAR, OBSERVAR, DESCUBRIR, EXPERIMENTAR E CREAR, USANDO  MATERIAIS MOI DIVERSOS QUE PODEMOS ATOPAR NOS RECANTOS, NA BIBLIOTECA , NO ESPAZO FEDELLO,  NO PATIO , NAS CLASES DE MÚSICA OU DOUTRAS ESPECIALIDADES . 

AS FASES DA LÚA

 SEGUINDO A VIAXE ESPACIAL DE MARTIÑO, O PROFE IVÁN ENSINOUNOS COMO SON AS FASES DA LÚA NO IPAD A TRAVÉS DA REALIDADE AUMENTADA . DESPOIS RECREÁMOLAS CON GALLETAS DE CREMA PARA GAÑAR UNHA NOVA ESTRELA NA NOSA CONSTELACIÓN.

 

A PAISAXE

 A NOSA PAISAXE É VERDE. ISO ESTÁ RELACIONADO CO CLIMA, BÁSICAMENTE HÚMIDO, AÍNDA QUE NA NOSA ESTACIÓN METEOROLÓXICA REXISTRAMOS POUCOS DÍAS DE CHOIVA, POIDEMOS COMPROBAR QUE SI HAI MOITA HUMIDADE NO AMBIENTE. 

ESTA SEMANA FIXEMOS UNHA MAQUETA DA PAISAXE DO NOROESTE, PARTINDO DO QUE OBSERVAMOS NA NOSA CONTORNA.

 RECOLLEMOS ELEMENTOS NATURAIS PARA REPRODUCIR OS CAMPOS , ÁRBORES , ROCHAS E FRORES; E COMPLETAMOS CON ELEMENTOS ARTIFICIAIS OS FEITOS POLAS PERSOAS, COMO CASAS, CARRETEIRAS E INVERNADOIROS. 

PARA QUE SE MANTIVESE VERDE E FRESCA, HUMEDECÉMOLA A DIARIO CO PULVERIZADOR.