SEMANA DE ENTROIDO

 ESTA SEMANA ESTIVEMOS MOI OCUPADAS E OCUPADOS PREPARANDO  DISFRACES E ATEREZO, ATENDENDO AOS MANDACRÁ E FACENDO CHOQUEIRADAS VARIADAS. TAMÉN PRANTAMOS FRORES, ESPERANDO QUE NOS ALEGREN A ESCOLA NA PRIMAVERA. 

O VENRES CELEBRAMOS A FESTA DE ENTROIDO  NO POLIDEPORTIVO DE ALMEIRAS CUNHA XUNTANZA DE TODAS AS ESCOLAS . FIXEMOS  UN ENSAIO XERAL  DE SOPA VERDE, OBRADOIROS E XOGOS, MERENDA, A INTERPRETACIÓN DO CONTO  PARA TODAS AS FAMILIAS E REMATAMOS CO BAILE. ENTRE ATENDER ÁS ACTIVIDADES , CAMBIAR, RECOLLER , VESTIRSE E DESVESTIRSE, NON  SACAMOS FOTOS DE GRUPO , PERO PASÁMOLO PIPA E ESTABAMOS MOI GUAPAS E GUAPOS, QUEDARÁ NO RECORDO.

SOPA VERDE

 AQUÍ VOS DEIXO O CONTO DE SOPA VERDE, A NOSA INSPIRACIÓN NESTE ENTROIDO 2024

XA SABEDES DE QUE VAI A COUSA?

A FESTA DE ENTROIDO DO CRA CULLEREDO

PARA REMATAR A SEMANA DE ENTROIDO CELEBRAMOS  UNHA XORNADA FESTIVA XUNTANDO FAMILIAS, PROFESORADO E ALUMNADO , NO POLIDEPORTIVO DE ALMEIRAS. 

HOUBO OBRADOIROS, XOGOS, DOCES TÍPICOS DE ENTROIDO QUE TROUXERON AS FAMILIAS E CHOCOLATE QUENTE QUE APORTOU A ANPA, DESFILE E TEMPO PARA XOGAR.  ISO SI... REMATAMOS MOI CANSAS E CANSOS, ASÍ QUE AGORA... UNHAS PEQUENAS VACACIÓNS BEN MERECIDAS!

ESPERAMOS QUE VOS GUSTARA TANTO COMO A NÓS. 

SEMANA DE ENTROIDO

 A SEMANA MÁIS DIVERTIDA DO CURSO!... POR MOR DOS MANDACRÁ E GRAZAS Á COLABORACIÓN DAS FAMILIAS,  PERO ...ASÍ QUEN FAI COUSAS SERIAS? 

O LUNS VIÑEMOS CO PIXAMA POSTO ...FALTÁBANNOS AS CAMAS E FOMOS BUSCALAS PARA SALTAR NELAS ATA CANSAR. O MARTES , CON MOITO AGARIMO, FIXEMOS ANTIFACES PARA ADORNAR O COLE USANDO  PLANTILLAS DA NOSA IMPRESORA 3D. O MÉRCORES, VIÑEMOS DE PRESTADO E PUIDEMOS  DISFRAZARNOS CON TODO O QUE ATOPAMOS. O XOVES, CADA QUEN TROUXO O SEU DISFRAZ E XOGAMOS AO BINGO DO ENTROIDO, E O VENRES... ESTREAMOS O  TRAXE FEITO NO COLE PARA IR DE FESTA ! ...UN ENTROIDO SEN FIN!!

ENTROIDO Á VISTA

 ESTA SEMANA ADICÁMOLA A FACER NÓS CON FARRAPOS PARA IR ARMANDO O NOSO DISFRAZ DE ENTROIDO. AS NENAS E NENOS AMOSARON TER PACIENCIA , MAESTRÍA E ILUSIÓN  NESTA ACTIVIDADE.

ADEMAIS, REMATAMOS A NOSA ARAÑA, FEITA A PARTIR DUN PANTALÓN , RECHEA DE PAPEL E MONTADA CON ARAME. A ARAÑA TEN NOME …COMO SE CHAMARÁ?… E PARA QUE NON FALTE DETALLE, ACOMPAÑÁMOLA DUNHA TELARAÑA XIGANTE.

COMO VEDES, ÍMOSLLE SACANDO PARTIDO A TODO O MATERIAL QUE NOS FOSTES TRAENDO, AQUÍ NON SE TIRA NADA!

E PARA REMATAR O PROFE IVÁN PRESENTOUNOS A ALEXO, O CANGREXO, UN NOVO AMIGO DE PURA A TARTARUGA.

CHOQUEIRADA E ENTERRO DA SARDIÑA

 COMO PUIDESTES VER NO TELEXORNAL DO CRA, UNHA DAS TAREFAS DA BIBLIOTECA DO 2º TRIMESTRE ESTABA ADICADA ÁS FESTAS E CELEBRACIÓNS. AQUÍ VOS DEIXO O VÍDEO ORIXINAL , NO QUE RECREAMOS O ENTROIDO CORUÑÉS, COA CHOQUEIRADA TÍPICA DA RÚA DA TORRE E O ENTERRO DA SARDIÑA . ESTAMOS BEN SIMPÁTICOS/AS!

UN DÍA ALUCINANTE

 HOXE FOI O DÍA GRANDE DO ENTROIDO. APROVEITANDO QUE TIÑAMOS O CROMA NA AULA, OCORRÉUSENOS SIMULAR UNHA VIAXE ESPACIAL... ALUCINANTE!!!

VOLTAMOS Á TERRA PORQUE NOS ESPERABA UNHA MISIÓN MOI ESPECIAL: LIMPAR O NOSO PLANETA, E VAIA SE O FIXEMOS!!...SEMPRE QUEDAMOS SORPRENDIDAS E SORPRENDIDOS DO LIXO QUE ATOPAMOS!! 

AÍNDA NOS DEU TEMPO PARA XOGAR E FACER CONSTRUCCIÓNS XIXANTES COMO UN VERDADEIRO EQUIPO, MERENDAR E SAÍR AO PATIO.  AO ENTRAR ATOPAMOS UNHA NOTA E UNHA CARTA, QUE NOS INVITABAN A FACER  UNHA BÚSQUEDA DO TESOURO CON SORPRESA!!. E CAL SERÍA A SORPRESA????? ... BINGO!!!

QUERO AGRADECER A JULIA E ALDARA A SÚA AXUDA PORQUE HOXE, POÑER OS TRAXES TRES VECES, FOI DOADO GRAZAS A ELAS, E , DOU UN FORTE APLAUSO PARA TODAS AS NENAS E NENOS,  QUE COLABORARON MOITÍSIMO NA  ORDE E ORGANIZACIÓN DOS DISFRACES.

SEMANA DOS MANDACRÁS E DÍA DE ROSALÍA

 ESTA SEMANA SEGUIMOS PREPARANDO OS NOSOS DECORADOS PARA A TAREFA DA BIBLIOTECA NA QUE ESTAMOS A REPRODUCIR O ENTROIDO TÍPICO DA CORUÑA, TAREFA QUE REMATAREMOS Á VOLTA , CELEBRANDO O ENTERRO DA SARDIÑA.

ADEMÁIS O ENTROIDO ESTIVO MOI PRESENTE NA ESCOLA  POR MOR DOS MANDACRÁS, QUE NOS FIXERON A SEMANA MOI DIVERTIDA.

E NON PODEMOS ESQUECER O DÍA DE ROSALÍA DE CASTRO, 23 DE FEBREIRO DENDE ESTE ANO, XA QUE SE ACABA DE SABER QUE ESE FOI O VERDADEIRO DÍA DO SEU NACEMENTO E NON O 24 COMO SE PENSABA ATA  O DE AGORA. NO DÍA DE ROSALÍA GÚSTANOS AGASALLAR UNHA FLOR E UNHA POESÍA, ESTA É A NOSA PEQUENA HOMENAXE .

CHOQUEIRADAS VARIAS

 O ENTROIDO É UNHA FESTA POPULAR MOI CELEBRADA EN GALICIA. 

PARA DESENVOLVER A TAREFA DA BIBLIOTECA DESTA QUINCENA TIVEMOS QUE INVESTIGAR UN POUQUIÑO SOBRE O ENTROIDO CORUÑÉS, ASÍ SOUBEMOS QUE O MARTES DE ENTROIDO É O DÍA DOS CHOQUEIROS. 

PARA SER CHOQUEIRO HAI QUE ABRIR O ARMARIO E ARMAR UN TRAXE CO QUE ATOPEMOS, SON DISFRACES MÁIS GRACIOSOS QUE BONITOS, NA CREATIVIDADE E O HUMOR  ESTÁ A  CLAVE... ESTA SEMANA PERDEMOS TODA A VERGOÑA!!

FACENDO DISFRACES

 DESTA VOLTA IMOS BEN DE TEMPO, XA CASE TEMOS REMATADO OS TRAXES QUE LUCIREMOS NA ESCOLA POLO ENTROIDO.

 ESTA SEMANA FIXEMOS OS OBRADOIROS DE DISFRACES E ADICÁMONOS A ISTO DURAMENTE PORQUE … AÍNDA TEMOS MÀIS SORPRESAS PARA OS VINDEIROS DÍAS.

ENTROIDO 2021

 ESTE CURSO NON PUIDEMOS CELEBRAR O ENTROIDO COMO NOS GUSTA, XUNTÁNDONOS COAS OUTRAS ESCOLAS DO CRA.  AÍNDA ASÍ, TIVEMOS  UNHA XORNADA MOI ESPECIAL E DIVERTIDA. ESTA FOI A NOSA FESTA DE ENTROIDO 2021.

COMO É PROBABLE QUE NON HAXA MÁIS CELEBRACIÓNS, DEIXÁMOSVOS UN LONGO VÍDEO PARA QUE DISFRUTEDES CON NÓS... E FACEDE MOITAS ROSQUILLAS, ORELLAS E FILLOAS, QUE QUEDAMOS CON GANAS DE PROBALAS !

ASÍ FIXEMOS OS NOSOS DISFRACES

 ESTA SEMANA ADICÁMOLA A FACER OS DISFRACES. AS NOSAS MANS SON FONTE DE INSPIRACIÓN PARA MIL IDEAS. 

FACENDO CASO DO MANDACRÁ...

 ESTA SEMANA TRAEMOS O ENTROIDO Á ESCOLA CO MANDACRÁ, VAIA PINTAS QUE TEMOS!

PREPARANDO O NOSO DISFRAZ

XA ESTÁ O ENTROIDO CHAMANDO ÁS PORTAS E NÓS... PREPARÁNDONOS.

Entroido choqueiro 24/02/2017

XA CHEGARON OS CHOQUEIROS AO CRA DE CULLEREDO!!

Así de guapos estabamos cos nosos disfraces de choqueiros. Marchamos en autobús ao pavillón de Almeiras. Alí tiñamos 5 xogos populares para xogas: o paracaídas, o bingo, un circuito, o xogo do pano e o de adiviñar.

Cando chegaron as familias, bailamos a canción que nos ensinou a profe Mabel dos choqueiros e despois...a encher o bandullo cos postres de Entroido que trouxeron as nosas familias!

Moitas grazas a tod@s!

Entroido Choqueiro 2017 on PhotoPeach

CHEGOU O ENTROIDO!

Chegou o Entroido Medieval! Damas e Cabaleiros disfrutaron dunha xornada divertidísima chea de xogos e bailes!!!