XORNADA DE FIN DE CURSO

 O DÍA NON ESTIVO BONITO, PERO NÓS PASÁMOLO BEN. 

EMPEZAMOS O DÍA XOGANDO , NON DEIXAMOS DE ATOPAR CORES E ARCOS DA VELLA POR TODAS PARTES...

VIMOS DE NOVO O VÍDEO GRABADO CON LINGUA DE SIGNOS COAS MIÑAS MANS PUBLICADO NO BLOGUE DE MÚSICA VIAXANDO POR ALALÁ. NEL TAMÉN ATOPAREDES TODAS UNHA RECOPILACIÓN DE TODAS AS CANCIÓNS DAS CLASES DA PROFE LORENA  .                             

                                                          👇👇👇👇👇👇👇👇👇👇👇

VIMOS O LIBRO DIXITAL DA PEPATECA, QUE RECOLLE TODO O TRABALLO FEITO NA BIBLIOTECA , TANTO NAS AULAS COMO CELEBRACIÓNS E PDI.

                                                               👇👇👇👇👇👇 👇👇👇👇

DISFRUTAMOS MOITÍSIMO COA REPRESENTACIÓN DO CONTO UN FINAL INESPERADO  , POR FAVOR NON VOLO PERDADES PORQUE É UNHA XENIALIDADE.

                                                           👇👇👇👇👇👇👇👇👇👇👇

  

SEGUIMOS CUNHA FESTA BAILE , PINCHANDO AS NOSAS CANCIÓNS PREFERIDAS. ESTE CURSO O BULE BULE DE PACO NOGUEIRAS CONVERTEUSE  NO NOSO HIMNO...

MAQUILLAMOS AS NOSAS MANS, COMO DESPEDIDA DO PDI 5 ESTÁ NA NOSA MAN, CON CERAS FOSFORESCENTES E DESPOIS FOMOS AO CUARTO ESCURO PARA VER COMO ALUMABAN COA LANTERNA DE LUZ NEGRA.

 NO CUARTO ESCURO TAMÉN FIXEMOS O SORTEO DO REPARTO DE TRABALLOS COLECTIVOS...

ASÍ REMATAMOS A XORNADA, CUNHA FOTO DE GRUPO FORA DO RECINTO, EN COMPAÑÍA DAS FAMILIAS PARA AGRADECER A COLABORACIÓN DAS MESMAS E DESPEDIR A BRUNO E MIRIAM CUN FORTE APLAUSO.

REMATANDO O PROXECTO CON 5 CORES

 GÚSTANOS TANTO EXPERIMENTAR COAS CORES E COS DIFERENTES MATERIAIS , QUE REMATAMOS FACENDO MISTURAS CON COLORANTES ALIMENTARIOS E ESPUMA DE AFEITAR, ADEMAIS DE USAR AS CORES FOSFORESCENTES, QUE GRAZAS Á LUZ NEGRA ALUMAN E BRILLAN NA ESCURIDADE.

CO LIBRO O MONSTRO DE CORES,  DESCUBRIMOS QUE OS ESTADOS ANÍMICOS E AS EMOCIÓNS TAMÉN ESTÁN ASOCIADAS ÁS CORES… E CON ISTO DAMOS POR REMATADO A NOSA INVESTIGACIÓN .

TAI DE HISTORIA

 A TAREFA DE HISTORIA PARTE DO LIBRO MI PEQUEÑA HISTORIA DEL MUNDO

NA ESCOLA E COA COLABORACIÓN DAS FAMILIAS,  ESTIVEMOS  INVESTIGANDO O PERÍODO HISTÓRICO DA GRECIA ANTIGA  E APRENDEMOS QUE OS GREGOS FORON BOS PENSADORES E INVESTIGADORES E QUE  INVENTARON O SISTEMA DE VOTACIÓN POR MAIORÍA,  TAN USADO POR NÓS PARA TOMAR DECISIÓNS..

 O QUE NON NOS GUSTOU FOI QUE DESPRECIABAN ÁS MULLERES, ÁS NEN SEQUERA  CONSIDERABAN CIDADÁS DAS POLIS.

AS FAMILIAS APORTARON  IMAXES QUE OBSERVAMOS CON ATENCIÓN E NOS AXUDARON A SABER MÁIS COUSAS: COMO VESTÍAN E SE PEITEABAN NAQUELA ÉPOCA , A IMPORTANCIA DAS ESCULTURAS E DAS COLUMNAS NOS EDIFICIOS PRINCIPAIS, OS DEUSES GREGOS E OUTROS PERSONAXES MITOLÓXICOS, QUE ERAN BOS DEPORTISTA E GUERREIROS... 

TAMÉN COÑECIMOS A HISTORIA DO CABALO DE TROYA

CORES PIGMENTO E CORES LUZ

 SEGUIMOS AFONDANDO NO ESTUDO E A EXPERIMENTACIÓN DA COR. 

ESTA SEMANA PROBAMOS A DEBUXAR SOBRE FONDO NEGRO, NESTE CASO O EFECTO É MOI DIFERENTE E MOLÓN: PINTAMOS NA PIZARRA NEGRA CON ROTULADORES DE  TIZA  (PIGMENTO), E, USAMOS A TÉCNICA DO ESGRAFIADO PARA CONSEGUIR TRAZOS DE CORES FORMADOS CON LUZ REFLEXADA NOS CDS.

 CREAMOS  AS CORES DO ARCO DA VELLA  MISTURANDO TINTAS ( PIGMENTOS) E AUGA, CON CATRO CORES FIXEMOS UN ESPECTRO DE SETE.

E , FINALMENTE, VIMOS AS CORES DA LUZ DESCOMPOSTA  NUN PRISMA DE CRISTAL, ESTE PRISMA  SERVÍUNOS TAMÉN  PARA CREAR  O ARCO IRIS EXPERIMENTANDO COAS LANTERNAS NA ESCURIDADE.

ECLIPSE DE SOL

 HOXE SOBRE AS 11 DA MAÑÁ POIDEMOS OBSERVAR UN ECLIPSE DE SOL GRAZAS AO CRISTAL DE SOLDAR QUE NOS TROUXO BRUNO PARA TAL FIN.

O PRIMEIRO QUE NOS CHAMOU A ATENCIÓN, FOI QUE NON SE VÍA NADA DE NADA, SÓ O SOL, QUE PARECÍA VERDE.

VIMOS COMO   LLE FALTABA UN ANACO, COMA SE LLE DERAN UN BOCADO, PORQUE A LÚA  TAPÁBAO UN POUCO.

A LUZ SOLAR É A LUZ MÁIS INTENSA, SE A MIRÁSEMOS SEN PROTECCIÓN PODERÍA DAÑARNOS  OS OLLOS.

5 CAMBIOS NA NATUREZA

ESTE CURSO  FOMOS OBSERVANDO MES A MES OS CAMBIOS DALGUNHAS DAS ÁRBORES AUTÓCTONAS QUE TEMOS NO PATIO: CERDEIRA, CASTIÑEIRO, CARBALLO E NOGUEIRA. 

 POIDEMOS COMPROBAR COMO ÍAN CAMBIANDO CO PASO DO TEMPO E DAS ESTACIÓNS: SECARON AS FOLLAS NO OUTONO, CAERON NO INVERNO, XERMOLARON NA PRIMAVERA E ALGUNHAS ATA DERON FROITO CHEGANDO AO VERÁN. 

 TAMÉN PUIDEMOS VER A METAMORFOSE DOS CABEZOLOS PARA FACERSE RÁS NO NOSO ESTANQUE ; E, A DAS EIRUGAS DE SEDA, QUE SE CONVERTERON EN AVELAÍÑAS. 

A NATUREZA SEMPRE É INSPIRADORA , FOMENTA A CURIOSIDADE E AS GANAS DE APRENDER, É UN LUXO PODER TELA NA NOSA CONTORNA DÍA A DÍA. 

 CON ESTA ACTIVIDADE GENIALLY PODEMOS XOGAR A ORDEAR CRONOLÓXICAMENTE 5 MOMENTOS DE CAMBIO OBSERVADOS NA ESCOLA ... ESTE CURSO TODO XIRA EN TORNO AO NÚMERO 5, O NOSO NÚMERO ESPECIAL.

( PARA VELO EN GRANDE PICADE NOS ...)
 

MI PRIMER LAROUSSE DE LOS INVENTOS: ARRANCA UNHA NOVA TAREFA DE BIBLIOTECA

GRAZAS A ESTE LIBRO POIDEMOS DESCUBRIR TODOS OS INVENTOS FEITOS POLA HUMANIDADE, DESDE O PAO  ATA HOXE EN DÍA.

NESTA NOVA TAREFA TIVEMOS QUE CREAR UN INVENTO RELACIONADO COA AGRICULTURA,  A OPCIÓN ELIXIDA POLO ALUMNADO . PUXÉMONOS MANS Á OBRA E VEUNOS QUE NIN PINTADO XA QUE  PRECISABAMOS  INVENTAR ALGO PARA PROTEXER OS AMORODOS, NOLOS ESTABAN PAPANDO OS PAXAROS!!

 XURDIRON AS SEGUINTES IDEAS: CONSTRUIR UNHA REDE, POÑER FOTOS DE DINOSAURIOS QUE ASUSTEN MOITO, POÑER COUSAS BRILLANTES  QUE SE MOVAN...

AO FINAL FIXEMOS UN DISEÑO A PARTIR DAS MESMAS... AGORA COMPROBAREMOS SE FUNCIONA.

 

ARCO DA VELLA

ESTA SEMANA BUSCAMOS  MATERIAIS COS QUE REFLEXAR, EXPERIMENTAR , COMPOÑER  E CREAR AS CORES DO ARCO DA VELLA. 

 O ARCO DA VELLA  FÓRMASE CANDO OS RAIOS DE SOL ATRAVESAN AS PINGAS DA CHOIVA ,  A LUZ BRANCA DESCOMPONSE NAS CORES QUE A FORMAN. 

  INVESTIGANDO  DESCUBRIMOS COUSAS INTERESANTES:

- AO SER UNHA ILUSIÓN ÓPTICA NUNCA O PODEMOS ALCANZAR.

- NON TEN FORMA DE ARCO , SENÓN DE CÍRCULO, SÓ QUE NON CHEGAMOS A VELO COMPLETO.  PARA VELO ENTEIRO TERIAMOS QUE VIAXAR EN AVIÓN OU HELICÓPTERO.

- TEN SETE CORES, SEMPRE NA MESMA ORDE. APRENDEMOS A COR AÑIL.

- PÓDESE VER DE NOITE SE HAI NÉBOA E LUZ DE LÚA.

TAMÉN PODEMOS CREAR O ARCO DA VELLA NO COLE E EN  CASA

LUZ E COR

 SEGUIMOS AFONDANDO NO ESTUDO DAS CORES.

 DESPOIS DE PROBAR  MISTURAS E CLASIFICAR  CORES FEITAS CON PIGMENTOS E TRANSPARENCIAS, DESCUBRIMOS O LIBRO DE CIENCIA LUZ Y COLOR, CON EL APRENDEMOS  ALGO MOI IMPORTANTE: A COR É LUZ ;  PODEMOS VER AS CORES GRAZAS Á LUZ, SEN LUZ VEMOS TODO  NEGRO. 

ASÍ QUE ESTA SEMANA ADICÁMOLA A  XOGAR CON LUCES NA  ESCURIDADE. 

PRIMEIRO CREAMOS  UN ESPAZO ESCURO CON TEAS NEGRAS E INTRODUCIMOS NEL A MESA DE LUZ, LANTERNAS DE LUZ BRANCA E DE CORES, LUCES DE NADAL, CRISTAIS, LENTES,  ESPELLOS, ELEMENTOS REFLECTANTES, TRANSPARENTES... PARA  EXPERIMENTAR EFECTOS E MISTURAS.

 FOI TODO UN ÉXITO, ASÍ QUE TERÉMOLA NA AULA UNHA TEMPADA .

COÑECENDO CULLEREDO

 GRAZAS AO LIBRO CULLEREDO , QUE NOS ACHEGOU A BIBLIOTECA NESTA NOVA TAREFA, COÑECEMOS OS LUGARES MÁIS EMBLEMÁTICOS DO NOSO CONCELLO.

 DAS CINCO PROPOSTAS ELIXIDAS POLAS FAMILIAS, EN VINSEIRA ESCOLLEMOS  O REGO DA XESTEIRA PARA VISITAR E INVESTIGAR.

O REGO DA XESTEIRA É UN ROTEIRO SITUADO NA PARROQUIA DE  CELAS DE PEIRO.

 TRANSCORRE A CARÓN DO RÍO, NUN PRECIOSO ESPAZO NATURAL CHEO DE VEXETACIÓN  AUTÓCTONA QUE, COMO DI JULIA, RELAXA A CALQUEIRA.

NESTE ROTEIRO PODEMOS ATOPAR 11 MUÍÑOS ANTIGOS , NELES AÍNDA SE APRECIAN PARTES DOS MESMOS . DALGÚNS MESMO PODEMOS  COÑECER O NOME.

ASÍ QUE XA SABEDES, SE VOS APETECE PASEAR POLA NATUREZA E COÑECER PARTE  DA NOSA TRADICIÓN E DO NOSO PATRIMONIO, RECOMENDÁMOSVOS QUE VISITEDES O O REGO DA XESTEIRA.

SEN GRAN DIFICULTADE E UN PAR DE HORAS ANDANDO,  PODEDES DISFRUTAR  DESTE ROTEIRO AQUÍ MESMO, EN CULLEREDO, E PODEDES TER UNHAS FOTOS TAN CHULAS COMA ESTAS.

 

BOOKTUBERS DE VINSEIRA, TAREFA DE LITERATURA

 A TAREFA DE APRENDIZAXE DA BIBLIOTECA SOBRE LITERATURA PARTE DOS 5 LIBROS MÁIS VALORADOS POLO NOSO ALUMNADO: NO ABRAS ESTE LIBRO, A CASA DA MOSCA CHOSCA, LA VOCECITA,  A DORMIR MONSTRUOS E DANIELA PIRATA.

DESTES CINCO, EN VINSEIRA O MÁIS VOTADO FOI A CASA DA MOSCA CHOSCA.

 QUEREDES SABER POR QUE? POIS VOLO EXPLICAN NESTE VÍDEO AS/OS BOOKTUBERS DE VINSEIRA.

O 5 DE FRIDA KHALO

PARA FACER A CREACIÓN ARTÍSTICA DO NÚMERO 5 , COMO BEN SABEDES,  ELIXIMOS A FRIDA KHALO, QUE NOS DEIXOU TAN  FASCINAD@S COA SÚA OBRA E A SÚA VIDA  QUE ESTAMOS A ELABORAR UN CADERNO SOBRE ELA.

 TRATAMOS DE REPRESENTAR A SÚA ESENCIA NESTA ESCULTURA DO NÚMERO 5, UN TRABALLO COOPERATIVO  DENDE O SEU DISEÑO ATA O REMATE .

UN CINCO CON ARTE

 DOS 5 ARTISTAS QUE COÑECEMOS NA TAREFA DE APRENDIZAXE DA BIBLIOTECA, NÓS ELIXIMOS A FRIDA KHALO PARA INTERPRETAR O SEU ESTILO PICTÓRICO . 

ESTAMOS A FACER UNHA ESCULTURA DO NÚMERO CINCO, ESTA SEMANA CUBRÍMOLA CON PAPEL MACHÉ E DEIXÁMOLA SECAR. LISTA PARA PINTAR!

SABELA NOS ESTADOS UNIDOS

 DENDE OS ESTADOS UNIDOS SABELA PEDÍUNOS QUE FIXERAMOS UN TÓTEM QUE REPRESENTE O NOSO COLE. CADA ESCOLA PENSOU E ELIXÍU O ANIMAL QUE MELLOR A REPRESENTA E ... AGORA MANS Á OBRA!

VINSEIRA ESCOLLEU UN LORO, POR QUE SERÁ? 

23 DE ABRIL: DÍA DO LIBRO

ESTE DÍA TAN ESPECIAL GÚSTANOS CELEBRALO XUNTANDO A TODO O ALUMNADO E PROFESORADO DO CRA PARA FACER  UNHA XORNADA BEN ESPECIAL. COMO NON É POSIBLE, O EQUIPO DE BIBLIOTECA PROPÚXONOS UNHA CHEA DE ACTIVIDADES PARA CELEBRAR O DÍA DO LIBRO DENDE AS NOSAS AULAS.

A TRAVÉS DAS TAREFAS DE APRENDIZAXE DA BIBLIOTECA,  O ALUMNADO DO CRA CREOU UN CONTO ECOLÓXICO TITULADO CINCO. CO MÉTODO DO CONTO VIAXEIRO CADA ESCOLA FOI APORTANDO UNHA PARTE DO SEU DESENVOLVEMENTO.

POSTERIORMENTE FÍXOSE O DESEÑO DAS PERSONAXES NA APP DOODLE, QUE NOS PERMIRÍU IMPRIMILAS EN 3D  PARA DESPOIS  COLOREALAS NAS AULAS.

CON ISTO O EQUIPO DE BIBLIOTECA MONTOU UN  STOP MOTION , CONSEGUINDO QUE AS IDEAS QUE PARTIRON DAS AULAS SE CONVERTERAN NUNHA FANTÁSTICA  CURTAMETRAXE DE ANIMACIÓN. 

ADEMÁIS COA IMPRESORA TRES D TAMÉN FIXEMOS OS MARCAPÁXINAS DESTE ANO, CADA QUEN DECOROU O SEU .

SE QUEREDES VER O PROCESO DE COMO FORON DESEÑADOS E DE COMO TRABALLA A IMPRESORA 3D, PODEDES FACELO NO BLOGUE DA PEPATECA OU DIRECTAMENTE PREMENDO NA SEGUINTE IMAXE:

E NON VOS PERDADES A MONTAXE DA  PARTICIPACIÓN DAS FAMILIAS PICANDO EN  

   👉👉 CREACCIÓNS EN FAMILIA👈👈  OU BEN VISITANDO A PEPATECA.

PARA REMATAR LEMOS UN PRECIOSO E ORIXINAL CONTO QUE VIÑA NA CARPETA VIAXEIRA E QUE RESULTA  IDEAL PARA TRANSMITIR O VALOR DOS LIBROS. 

UNHA SEMANA MOI ARTÍSTICA

 ESTA SEMANA EXPERIMENTAMOS COAS CORES E AS TRANSPARENCIAS, OUTRA MANEIRA DE CREAR  MISTURAS E  COMPOSICIÓNS ARTÍSTICAS. 

AGORA ENTENDEMOS PERFECTAMENTE A YAYOMI KUSAMA E A SÚA OBRA, POLO  ATRACTIVO QUE RESULTA XOGAR A COMBINAR PUNTOS E A FORZA VISUAL QUE SE CONSEGUE .

TAREFAS DE APRENDIZAXE: 5 ARTISTAS

 EMPEZAMOS COAS TAREFAS INTEGRADAS DA BIBLIOTECA  NO 3º TRIMESTRE, TOCA A TAREFA DE ARTE QUE PARTE DO LIBRO PERDIDO EN EL MUSEO.

 DESPOIS DA CONSULTA ÁS FAMILIAS TEMOS CINCO ARTISTAS SELECCIONADOS PARA INVESTIGAR, DOS CALES EN VINSEIRA , TRAS COÑECER AS CARACTERÍSTICAS DA OBRA DE  CADA UN/UNHA DELES/AS A TRAVÉS DAS APP DP IPAD , FIXEMOS UNHA VOTACIÓN NA QUE SAÍU ELIXIDA FRIDA KHALO.

FRIDA KHALO FOI UNHA MULLER MOI FORTE E A SÚA  OBRA  IMPRESIONA POLA  DUREZA DAS IMAXES E AS EMOCIÓNS QUE TRANSMITE , O CERTO É QUE A HISTORIA DESTA ARTISTA  RESULTA FASCINANTE ATA PARA @S MÁIS PEQUEN@S.

SABELA EN XAPÓN

PARA AVANZAR NA BÚSQUEDA DO TESOURO SABELA ENVIOUNOS UN KAMISHIBAI OU TEATRILLO DE TRADICIÓN ORAL XAPONÉS.  CON EL, IVÁN CONTOUNOS  UNHA LENDA QUE  LOGO TIVEMOS QUE GRAVAR COAS NOSAS VOCES TRADUCINDO A HISTORIA Á LINGUA GALEGA.

A HISTORIA E AS IMAXES SON PRECIOSAS E A VERSIÓN EN GALEGO QUE LLE MANDAMOS A SABELA QUEDOU REQUETECHULÍSIMA. PODEDES VELA E ESCOITALA NO BLOGUE DA PEPATECA OU DIRECTAMENTE PREMENDO AQUÍ:

👉🏻GHAITO KAMISHIBAIA👈🏻

ANTES DE MARCHAR RUMBO A ESTADOS UNIDOS ENVIOUNOS UNHA BONITA POSTAL.