5 SENTIDOS

 DENDE A BIBLIOTECA CHEGOUNOS  UN  LOTE DE LIBROS QUE NOS FALAN SOBRE OS 5 SENTIDOS: VISTA, OLFATO, GUSTO, OUVIDO E TACTO, ACOMPAÑADOS DA TAREFA DE APRENDIZAXE CIENTÍFICA.

DITA TAREFA  CONSISTE EN REALIZAR ALGUNHA ACTIVIDADE NA QUE O SENTIDO A ELIXIDO SEXA O PROTAGONISTA. A NÓS CORRESPONDEUNOS    O SENTIDO DA VISTA .

 PARA DESENVOLVELA REALIZAMOS 3 ACTIVIDADES :

1- XOGAMOS A “VEXO VEXO”( VEXOVEXO, QUE VES? , UNHA COUSIÑA, E QUE COR TEN?). UN XOGO MOI POPULAR QUE NOS ENCANTA, NO QUE TEMOS QUE FIXARNOS NAS CORES DAS COUSAS QUE NOS RODEAN. A COR  É UNHA CUALIDADE QUE SÓ SE PODE PERCIBIR COA VISTA.

2-  TAMÉN XOGAMOS AO DOMINÓ DE SOMBRAS  E COMPROBAMOS QUE O CEREBRO RECORDA AS FORMAS APRENDIDAS . FOMOS CAPACES DE "VER" OBXECTOS ONDE SÓ HABÍA SILUETAS. 

3- PERO TAMÉN APRENDEMOS QUE A VISTA  PODE ENGANARNOS E FACER QUE NON  CAPTEMOS A REALIDADE TAL COMO É , FOI DIVERTIDO COMPROBALO COAS SEGUINTES ILUSIÓNS ÓPTICAS.  ISO DE  "VER PARA CRER" NON SEMPRE É CERTO.

NESTA IMAXE NUN PRINCIPIO  VIMOS PUNTIÑOS NEGROS, PERO PECHANDO UN POUCO OS OLLOS APARECE UNHA CARA DEBUXADA.

NESTA IMAXE VIMOS PUNTOS NEGROS E BRANCOS NOS CRUCES DAS LÍNEAS, PERO EN REALIDADE SÓ HAI PUNTOS BRANCOS.

NESTA IMAXE VIMOS OS CÍRCULOS DO FONDO DE  CORES DIFERENTES, CANDO EN REALIDADE SON TODOS DA MESMA COR.

NA SEGUINTES IMAXES A VISTA  ENGÁNANOS E FAINOS PARECER QUE SE MOVEN, CANDO EN REALIDADE NON O FAN.

 E , NESTA ÚLTIMA, TIVEMOS QUE USAR UNHA REGRA PARA COMPROBAR QUE AS LÍNEAS VERMELLAS NON ESTÁN CURVADAS, SON LÍNEAS RECTAS, AÍNDA QUE AO NOSO CEREBRO NON O PERCIBA ASÍ.

FACEMOS LETRAS CON PALOTES E CURVAS

INICIAMOS A PRELECTURA E PREESCRITURA XOGANDO COAS LETRAS NUN PROCESO LONGO E CONTINUO  , COPIÁNDOAS E CONSTRUÍNDOAS A PARTIR DE LÍNEAS RECTAS ,PALOTES , E CURVAS  . 

AS LETRAS MAIÚSCULAS SON MÁIS DOADAS DE RECOÑECER E DE ESCRIBIR , O TRABALLO PREVIO É IMPORTANTÍSIMO , SEMPRE COLABORATIVO ENTRE MAIORES E PEQUENOS .

CHEGOU A PRIMAVEIRA

 PARA CELEBRALO SAÍMOS AO  CAMPO A  BUSCAR FRORES FIXÁNDONOS NA GRAN VARIEDADE  DE FRORES SILVESTRES QUE ATOPAMOS NA NOSA CONTORNA, DE DIFERENTES TAMAÑOS FORMAS E CORES. REMATAMOS FACENDO UNHAS COMPOSICIÓNS ARTÍSTICAS NA AULA.

SABELA AVENTUREIRA ESTÁ EN AUSTRALIA

 CHEGOUNOS UN PAQUETE DENDE AUSTRALIA , ENVIOUNO SABELA AVENTUREIRA PARA QUE COLABORÁSEMOS CON ELA NA BUSCA DO TESOURO. SEGÚN AVERIGUOU SABELA,  O TESOURO ATÓPASE NUNHA ILLA CERCANA, PARA AVERIGUAR DE CAL SE TRATA TIVEMOS QUE DESCUBRIR AS COORDENADAS DE NAVEGACIÓN A TRAVÉS DO XOGO DAS TARTARUGAS ROBOT.

O ABECEDARIO DAS POSTURAS

REMATAMOS O NOSO ABECEDARIO DAS POSTURAS.   PRESENTAMOS TODAS AS LETRAS E APRENDEMOS NON SOAMENTE COMO SE CHAMAN , COMO SOAN OU  COMO SE FORMAN A PARTIR DE PALOTES E CURVAS, SENÓN  TAMÉN COMO PODEMOS REPRESENTALAS COS NOSOS CORPOS.

AO PRINCIPIO TIÑAMOS QUE PENSALO MOITO PERO POUCO A POUCO AS NENAS E NENOS XA SABÍAN COMO FACELAS SEN APENAS AXUDA DA PROFE.

O IPAD E AS APPS

ESTAS SEMANAS ESTIVEMOS A TRABALLAR COAS APPS EDUCATIVAS QUE TEMOS INSTALADAS NO IPAD. A TRAVÉS DELAS IMOS EXERCITANDO APRENDIZAXES E EXPERIENCIAS MOI VARIADAS: LÓXICA MATEMÁTICA, ARTE, REALIDADE AUMENTADA, PROGRAMACIÓN ROBÓTICA...

8 DE MARZO: DÍA INTERNACIONAL DA MULLER

 TODOS OS DÍAS SON BOS PARA FALAR DA LOITA DAS MULLERES POLA  LIBERDADE, O RECOÑECEMENTO E A IGUALDADE SOCIAL E LABORAL,  MOI PRESENTES  NAS NOSAS AULAS.

HOXE, 8 DE MARZO, CELÉBRASE O DÍA INTERNACIONAL DA MULLER.

 PARTICIPAMOS NUNHA TAREFA DE APRENDIZAXE INTEGRADO DA BIBLIOTECA , ESPECIAL PARA  ESTA DATA SINALADA, GRAVANDO UN VÍDEO SOBRE ISABEL ZENDAL.

ESTE VÍDEO FORMA PARTE DUNHA SERIE FEITA ENTRE TODAS AS ESCOLAS  A PARTIR DO LIBRO PIONEIRAS, NO QUE COÑECIMOS A 5 MULLERES GALEGAS PIONEIRAS, VALENTES , DECIDIDAS E  INTELIXENTES. 

DESPOIS PARTICIPAMOS NUN XOGO DE VERDADEIRO OU FALSO SOBRE AS MESMAS, NO QUE ACERTAMOS TODAS AS RESPOSTAS PORQUE ESTIVEMOS MOI ATENTAS E ATENTOS Á INFORMACIÓN. 

PODEDES VER A ACTIVIDADE COMPLETA PINCHANDO NA FOTO.

RANIÑAS

 ESTES DÍAS A AUGA DO ESTANQUE ESTÁ UN POUCO REVOLTA POR FALTA DE CHUVIA , PERO AS RANIÑAS TAMÉN SE ALIMENTAN DO VERDE DA AUGA E GÚSTALLES AGOCHARSE NA LAMA DO FONDO, ASÍ PROTÉXENSE DOS DEPREDADORES. NÓS COLLEMOS AUGA PARA A PEIXEIRA ANTES DE MOVELA, SE NON ,  NON VERIAMOS NADA.

AS NOSAS RANIÑAS  SEGUEN EVOLUCIONANDO: AGORA TEÑEN A COLA MOITO MÁIS ESTREITA E A FORMA  MAIS DEFINIDA. 

SACAR AS RÁS PARA OBSERVALAS DE PERTO SEMPRE É UNHA ALEGRÍA.

PINTANDO O FONDO DO MAR

 DESPOIS DE FALAR COA ESCOLA DE CHOEIRA 1 QUEDAMOS EN FACERNOS UN DEBUXO DE TIZA NO PATIO PARA COMPARTIR ENTRE NÓS.

AS NENAS E NENOS DE CHOEIRA FIXERON UN PRECIOSO DEBUXO DA NOSA ESCOLA E NÓS PINTAMOS UN MAR ENORME NO QUE NON FALTOU DETALLE.

COMUNICÁMONOS COAS OUTRAS ESCOLAS DO CRA

 ESTA SEMANA COMUNICÁMONOS COAS ESCOLAS DE CHOEIRA 1, CHOEIRA 2 , SÉSAMO E LEDOÑO. USAMOS O CORREO ELECTRÓNICO E A VIDEOCHAMADA PARA INTERCAMBIAR INFORMACIÓN E FOTOS, FACERLLES PREGUNTAS SOBRE COMO  SON AS SÚAS ESCOLAS E RESPONDER TAMÉN AO QUE NOS PREGUNTARON. 

POLO MENOS TIVEMOS UN PEQUENO ENCONTRO ENTRE NÓS PARA REMATAR XA O PROXECTO DO CRA DE CULLEREDO: SOMOS 5.

A AVENTURA DE SABELA NA INDIA

 RECIBIMOS UNHA POSTAL DE CANDO SABELA ESTIVO EN KENYA DE SAFARI E TAMÉN UN PAQUETE QUE NOS ENVIA DENDE A INDIA, O SEU NOVO DESTINO. 

 ALÍ VISITOU O TAJ MAHAL E COÑECEU A UNHA MESTRA DE IOGA QUE LLE AXUDOU A SEGUIR A PISTA DO TESOURO. PEDIUNOS AXUDA PARA  ELABORAR AS CORES DA BANDEIRA DA INDIA: LARANXA E VERDE, PARA ASISTIR Á  CELEBRACIÓN DA FESTA DAS CORES DE HOLI.

AS NOVAS PISTAS LÉVANA A AUSTRALIA, ASÍ QUE XA ESTÁ NAVEGANDO RUMBO Á ILLA.