SEMANA DAS LETRAS GALEGAS

 ESTA SEMANA FOI MOI EMOCIONANTE ...  PASARON TANTAS COUSAS EN VINSEIRA: 

 AS EIRUGAS DE SEDA EMPEZARON A FACER OS CASULOS, A MOUCHA DO XALO COMUNICOUSE CON NÓS ( ESCRIBÍMOSLLE CARTAS E CONTESTOUNOS, DEIXÁMOSLLE AGASALLOS E CAMBIOUNOLOS POR  PEQUENOS TESOUROS) , CELEBRAMOS AS LETRAS GALEGAS E SOUBEMOS QUEN ERA  LUISA VILLALTA, TIVEMOS CABEZOLOS NA ESCOLA (AGORA XA ESTÁN DE NOVO NA SÚA POZA)... E POR RIBA , HOUBO QUE SUSPENDER A ROMARÍA POR MOR DA CHOIVA... TOTAL, UNHA SEMANIÑA CURTA PERO CHEA DE SORPRESAS !!

CON ESTE  GENIALLY INTERACTIVO FEITO POLO NOSO EDLG , ENTENDEMOS O QUE REPRESENTA CADA OBXECTO DO TARRO DAS LETRAS GALEGAS 2024 E A RELACIÓN QUE TEÑEN    COA AUTORA HOMENAXEADA ESTE ANO.

 XOGADE CON NÓS CLICANDO NA IMAXE  DE LUISA VILLATA

                                                           👇👇👇👇👇

CIRCUITO DE MOVEMENTO E SAÚDE

 FACER EXERCICIO É FUNDAMENTAL PARA TER BOA SAÚDE. LEVAMOS UN TEMPO PENSANDO O DISEÑO DUN CIRCUITO  DE MOVEMENTO  PARA O  PATIO  E , ADEMAIS, FABRICAMOS O  XIZ EN CLASE PARA PODER PINTALO.

O CONTO QUEDOU ASÍ:  SAÍMOS EN COCHE CARA Á PRAIA ... OLLO COAS CURVAS!   , CHEGAMOS! A AREA... QUEIMA, SALTAMOS AS ONDAS DO MAR, COLLEMOS CUNCHAS, PISAMOS POMPAS, CHEGA A TORMENTA E CORREMOS VELOCES COMA SONIC, SALTAMOS A MARIOLA E REMATAMOS DANDO VOLTAS NO XIRASOL... FÁLTANOS O ÚLTIMO TRAMO... PERO XA SABEMOS COMO VAI SER.

A MOUCHA CONTESTOU Á NOSA CARTA, FIXÉMOSLLE UN AGASALLO  DOS QUE LLE GUSTAN A ELA , COUSAS DA NATUREZA E PAPEL BRILLANTE, E...  E ELA DEIXOUNOS PEDRAS PRECIOSAS!

O MARTES FOMOS Á FACULTADE DE CIENCIAS DA EDUCACIÓN PARA COLABORAR NUNHA INSTALACIÓN SONORA PREPARADA POLO ALUMNADO DE EDUCACIÓN INFANTIL. ÁS NENAS E NENOS  GUSTOULLE MOITO PARTICIPAR , EXPERIMENTAR E EXPLORAR TODAS AS POSIBILIDADES DE ACCIÓN DA INSTALACIÓN , QUE NON ERAN POUCAS.

MAIO TRAE SORPRESAS

ESTA SEMANA RECIBIMOS UNHA CARTA DA MOUCHA DO MONTE XALO... CANTAS PREGUNTAS SE NOS PASARON POLA CABEZA : NAS OUTRAS ESCOLAS TAMÉN TERÁN UNHA CARTA  COMA ESTA?  ESTANOS MIRANDO? TEN FAMILIA? TRAERÁ CHOCOLATE? DEIXARANOS VER A SÚA ROUPA COMO O ANO PASADO? FOI ELA QUEN TROUXO O MAIO? ... AS NENAS DECIDIRON ESCRIBIRLLE UNHA CARTA DE VOLTA CON ESTAS PREGUNTAS. 

SEGUIMOS COAS NOSAS PROPOSTAS E MATERIAIS DE AULA, E TAMÉN  FIXEMOS XIZ PARA UNHA ACTIVIDADE QUE LEVAREMOS A CABO CANDO VOLTE O BO TEMPO, MENTRES IMOS PREPARÁNDONOS.

EN ABRIL... COUSIÑAS MIL

 SEGUIMOS DESENVOLVENDO PROPOSTAS E ACTIVIDADES QUE FOMENTAN A  MOTIVACIÓN,  CREATIVIDADE,  PENSAMENTO LÓXICO MATEMÁTICO, EXPERIMENTACIÓN, ACHEGAMENTO Á LECTOESCRITURA, AUTONOMÍA... NESTE VÍDEO TEDES UN RESUMO DO FEITO EN CLASE NESTAS DÚAS ÚLTIMAS SEMANAS, INCLUÍDA A VISITA DA DRAGONA RAMONA , SUBVENCIONADA POLO CONCELLO DE CULLEREDO .

ADEMAIS , A PROFE TATI OFRECEUNOS UN OBRADOIRO CON PROPOSTAS LÚDICAS E  EXPERIMENTAIS  SOBRE A AUGA   QUE PUIDEMOS DESENVOLVER NO EXTERIOR E QUE RESULTOU MOI DIVERTIDO.

 O VENRES 19 VIAXAMOS Á CORUÑA PARA ASISTIR Á OBRA DE TEATRO PINGÜIN  (AUDITORIO  AFUNDACIÓN)  DA COMPAÑÍA PERIFERIA TEATRO, UNHA REPRESENTACIÓN EXCELENTE EN TODOS OS SENTIDOS QUE MARABILLOU A GRANDES E PEQUENOS.

LÓXICA MATEMÁTICA A TOPE

ESTA SEMANA LEVAMOS A CABO ACTIVIDADES DE CONTEO, REPASAMOS A SERIE NUMÉRICA, XUNTAMOS DECENAS, UBICAMOS OS NÚMEROS PERDIDOS, FIXEMOS ENCRUCILLADOS , REPRODUCIMOS LETRAS E FIGURAS CON ELEMENTOS MÓBILES, TANTO DIXITALMENTE (ESTAMOS ESTREANDO TABLET E APPS DE BIBLIOTECA CREATIVA) , COMO ANALÓXICAMENTE COA PROFE RAQUEL .

 ADEMÁIS EXPERIMENTAMOS COA AUGA PARA COÑECER AS SÚAS PROPIEDADES NOS OBRADOIROS DA PROFE TATI  E SEGUIMOS A VIAXE DE BREOGÁN , QUE PARTE DE LION CARA A BRUSELAS DA MAN DE IVÁN.

UNHA SEMANA CON MOITA LÓXICA!!

ROMARÍA DAS LETRAS GALEGAS

 A ROMARÍA DAS LETRAS GALEGAS É A NOS FESTA MÁIS ESPECIAL. 

DÁ MOITO QUE ORGANIZAR , PERO... SE O TEMPO NOS ACOMPAÑA, CONVÉRTESE NUNHA XORNADA  INESQUECIBLE DE CONVIVENCIA, XOGOS , MÚSICA, XANTAR , TRADICIÓN, OBRADOIROS E MOITAS SORPRESAS.  NON HAI MÁIS QUE DECIR, PODEDES VER O VÍDEO RESUMO NO BLOGUE DA PEPATECA OU CLICANDO NA IMAXE. 

                                                                          👇👇👇👇

TRAXES ENCAPSULADOS

 UN DOS PRODUTOS FINAIS DO PROXECTO DE XASTRES , FOI A CONFECCIÓN DE 5 TRAXES MOI ARTÍSTICOS E  ESPECIAIS:  

- PÓDENSE MONTAR/ DESMONTAR E COMBINAR , COMO PEZAS DUN PUZZLE.

- ESTÁN FEITOS CON SOBRANTES DE TEAS, DOADAS POLAS FAMILIAS.

- LEVAN BOLSAS DE PLÁSTICO REUTILIZADO QUE GARDAN RETAZOS DA VIDA  DE CADA FAMILIA, PEQUENOS OBXECTOS DE DESFEITO QUE REPRESENTAN OS VOSOS OFICIOS, PROFESIÓNS E AFICIÓNS .

A IDEA NACE NUNHA FORMACIÓN DO PROFESORADO,  DA MAN DE  DIEGO VALEIRAS, ARTISTA PLÁSTICO E DESEÑADOR DE VESTIARIO ESCÉNICO.

 A CREACIÓN DOS TRAXES FOI UN TRABALLO COLABORATIVO ENTRE PROFESORADO, FAMILIAS E ALUMNADO. POIDESTES VER O RESULTADO FINAL O DÍA DA ROMARÍA.

ESTE VÍDEO ILUSTRA  A COLABORACIÓN DO ALUMNADO DE VINSEIRA. 

23 DE ABRIL, DÍA DO LIBRO

 ESTA SEMANA, PARA CELEBRAR O DÍA DO LIBRO, INVITAMOS ÁS FAMILIAS A VIR Á NOSA ESCOLA A CONTARNOS UN CONTO... É UNHA INVITACIÓN ABERTA A CALQUEIRA DÍA DO ANO, E A NÓS ENCÁNTANOS. 

NESTA OCASIÓN,   VEU A MAMÁ DE NICO ,  XUNTOS ELIXIRON O LIBRO ANDANDO POR EL CAMINO, UNHA HISTORIA PARA CANTAR E  CONTAR.

ADEMAIS FIXEMOS UN MARCAPÁXINAS USANDO TELAS E LÁ.

 

ARAÑEANDO EN PRIMAVERA

  ESTA SEMANA  CHEGOU A PRIMAVERA E, COMO  OS PRIMEIROS DÍAS  TIVEMOS UN TEMPO MOI AGRADABLE, APROVEITAMOS PARA CELEBRALO  E DISFRUTAR DA NOSA CONTORNA: RECOLLEMOS FLORES  , FIXEMOS  CON ELAS UNS TAPICES PRECIOSOS, OBSERVAMOS BECHOS, XOGAMOS A RODAR  COMO  CROQUETAS, A SALTAR COMO O HOMEARAÑA , MERENDAMOS AO  AIRE LIBRE E, POR ÚLTIMO, MIRAMOS O CEO BUSCANDO FORMAS NAS NUBES. UN DÍA   BEN BONITO!

POR OUTRO LADO , SEGUIMOS  DESCUBRINDO  NOVAS DAS NOSAS AMIGAS AS ARAÑAS, QUE ESTÁN RESULTANDO MOI CURIOSAS E FASCINANTES. ADEMAIS , ACOMPAÑAMOS A NOSA INVESTIGACIÓN CON DIFERENTES XOGOS E MANUALIDADES NOS QUE DESENVOLVEMOS O NOSO INXENIO E CREATIVIDADE.

 

SEMANA DE ENTROIDO

 A SEMANA MÁIS DIVERTIDA DO CURSO!... POR MOR DOS MANDACRÁ E GRAZAS Á COLABORACIÓN DAS FAMILIAS,  PERO ...ASÍ QUEN FAI COUSAS SERIAS? 

O LUNS VIÑEMOS CO PIXAMA POSTO ...FALTÁBANNOS AS CAMAS E FOMOS BUSCALAS PARA SALTAR NELAS ATA CANSAR. O MARTES , CON MOITO AGARIMO, FIXEMOS ANTIFACES PARA ADORNAR O COLE USANDO  PLANTILLAS DA NOSA IMPRESORA 3D. O MÉRCORES, VIÑEMOS DE PRESTADO E PUIDEMOS  DISFRAZARNOS CON TODO O QUE ATOPAMOS. O XOVES, CADA QUEN TROUXO O SEU DISFRAZ E XOGAMOS AO BINGO DO ENTROIDO, E O VENRES... ESTREAMOS O  TRAXE FEITO NO COLE PARA IR DE FESTA ! ...UN ENTROIDO SEN FIN!!

DE VOLTA NO 2023

 EMPEZAMOS O ANO EXPLORANDO OS RECANTOS E BIBLIOTECA DA NOSA AULA, NOS QUE ATOPAMOS NOVOS XOGOS E MATERIAIS. HOUBO ALGUNHA SORPRESIÑA E AGASALLOS DE NADAL , TAMÉN PODEDES VER ALGUNHAS ACTIVIDADES QUE FIXEMOS ANTES DAS VACACIÓNS. ESTAMOS POÑÉNDONOS EN MARCHA!!

ROUPA INTERIOR, DOC E PURA TARTARUGA.

 AMPLIAMOS A NOSA TENDA CREANDO UNHA SECCIÓN DE ROUPA INTERIOR , ESA QUE NON SE VE E QUE TODAS E TODOS USAMOS, COLLEMOS AS PRENDAS NAS NOSAS BOLSAS DE MUDAS.  POR HIXIENE , A ROUPA INTERIOR NON SE PODE PROBAR NEN DEVOLVER . NELAS, TAMÉN ATOPAMOS CALZADO E USAMOS UNS ANDEIS PARA FACER A  ZAPATARÍA. APRENDEMOS A ENVOLVER CALCETÍNS, UN EXERCICIO MOI INTERESANTE PARA DESENVOLVER HABILIDADES COAS MANS E XOGAMOS A MERCAR COUSAS CONTANDO O QUE COSTAN E CALCULANDO AS VOLTAS.

A BIBLIOTECA CREATIVA PRESTOUNOS A DOC, UN ROBOT MOI RÁPIDO E SIMPÁTICO, IDEAL PARA COMPRENDER A PROGRAMACIÓN ROBÓTICA.

O MESTRE IVÁN TROUXO NOVIDADES DE PURA TARTARUGA: VIMOS AS SOMBRAS QUE CREARON AS FAMILIAS E ENSINOUNOS O QUE PASA CANDO TIRAMOS COUSAS POLO VATER. ADEMAIS, PROPÚXONOS UNHA ACTIVIDADE DE MÉTODO CIENTÍFICO PARA ENTENDER POR QUE NON DEBEMOS TIRAR TOALLIÑAS E OUTROS RESIDUOS POLO INODORO.

DÍA DAS BIBLIOTECAS, LUNS 24 DE OUTUBRO

 A BIBLIOTECA É A ALMA DA NOSA ESCOLA.

 ADEMÁIS DE LIBROS, MÚSICA E PELÍCULAS, A NOSA BIBLIOTECA TAMÉN CONTÉN A PARTE CREATIVA, QUE NOS ACHEGA O ESPAZO FEDELLO,  XOGOS E MATERIAL DE CREACIÓN NOVIDOSOS E MOI INTERESANTES. 

DA MAN DA BIBLIOTECA DESENVOLVEMOS O NOSO PDI DE XASTRES, FEITO Á MAN, PODEMOS ACCEDER AOS SEUS FONDOS CON TODO TIPO DE PRÉSTAMOS...E MIL COUSAS MÁIS QUE NOS OFRECE DÍA A DÍA.

BEN MERECE UN DÍA ESPECIAL. NON ESQUEZADES MIRAR O SEU BLOGUE PEPATECA, NEL SEMPRE TEDES AS ÚLTIMAS NOVAS E PODEDES SEGUIR A  GAMIFICACIÓN PURA, A TARTARUGA.  

ESTA É VERSIÓN DO CRA DO CARTEL DAS BIBLIOTECAS ESCOLARES DESTE CURSO... PICADE NA IMAXE E ACCEDEDE AO VÍDEO QUE NOS ENVIOU PEPA, SOBREVOANDO AS NOSAS ESCOLAS.

LETRAS GALEGAS 2022

 COAS ACTIVIDADES DAS LETRAS GALEGAS, DESCOBREMOS O NOME DO AUTOR HOMENAXEADO  , FLORENCIO DELGADO GURRIARÁN,  A TRAVÉS DE   CÓDIGOS NUMÉRICOS RELACIONADOS CO ALFABETO GALEGO.

ADEMAIS , LEMOS A SÚA POESÍA, APRENDEMOS PALABRAS FERMOSAS XOGANDO CO ESCORNABOT, E, PARA REMATAR, FIXEMOS UN CARTEL CUN POEMA SEU, QUE ILUSTRAMOS CON DEBUXOS   DOS  NENOS E NENAS.

EMPEZAMOS O 3º TRIMESTRE

 COMO DESPEDIDA DO 2º TRIMESTRE DÉIXOVOS UN VÍDEO NO QUE VEREDES A DINÁMICA DA NOSA AULA.  ADICAMOS MOITO TEMPO A XOGAR, OBSERVAR, DESCUBRIR, EXPERIMENTAR E CREAR, USANDO  MATERIAIS MOI DIVERSOS QUE PODEMOS ATOPAR NOS RECANTOS, NA BIBLIOTECA , NO ESPAZO FEDELLO,  NO PATIO , NAS CLASES DE MÚSICA OU DOUTRAS ESPECIALIDADES . 

Á VOLTA

 EMPEZAMOS CON CALMA XA QUE ESTAS DÚAS SEMANAS TIVEMOS VARIAS AUSENCIAS. ADICAMOS O TEMPO A DESCUBRIR NOVOS XOGOS ,  MATERIAIS DOS RECANTOS , DA BIBLIOTECA E ESPAZO FEDELLO. TAMÉN APROVEITAMOS O BO TEMPO E A CALORIÑA DA HORA DOS RECREOS FACENDO ACTIVIDADES NO EXTERIOR. 

A VINDEIRA SEMANA POÑERÉMONOS EN ACCIÓN CON NORMALIDADE…OU ISO ESPERAMOS.

MÁIS COUSAS

           ESTA SEMANA ARRANCOU A MISIÓN ESPACIAL MORRIÑA 21. 

MARTIÑO E TESTA XA ESTÁN NO ESPACIO . A TRAVÉS DO BLOGUE DA PEPATECA PUIDEMOS VER O DESPEGUE EN DIRECTO. TEMOS QUE RECOÑECER QUE NOS DEU UN POUCO DE MEDO IMAXINARNOS ALÍ DENTRO E ALÍ ARRIBA.    

PICANDO NA SEGUINTE IMAXE , VÓS TAMÉN O PODEREDES VER.

E, PARA REMATAR , IMOS ENSINARVOS A NOSA PRIMEIRA CREACIÓN TEXTIL FEITA CO TELAR DO ESPAZO FEDELLO, QUE NOS ENCANTOU E ATOPÁMOSLLE UN MONTÓN DE UTILIDADES PARA O RECANTO DOS XOGUETES: UNHA TOALLA, UNHA MANTA, UN MANTEL, UNHA ALFOMBRA ...

TRABALLANDO COAS MANS

 ESTA SEMANA ESTREAMOS O ESPAZO FEDELLO DA BIBLIOTECA, PROBANDO O MANEXO DO TEAR E DAS AGULLAS, QUE PARECE DOADO PERO NON O É . TRABALLAR COAS MANS É MOI IMPORTANTE PARA IR ADQUIRINDO DESTREZAS.

 TAMÉN APRENDEMOS A FACER CÍRCULOS CUNHA CORDA, OBSERVAMOS COMO CAMBIAN AS SOMBRAS DOS OBXECTOS CO PASO DO TEMPO E CELEBRAMOS O CUMPLE DE ANA AGASALLÁNDOA CO TARRO DA AMIZADE, NO QUE GARDAMOS  COUSAS BONITAS QUE LLE DIXEMOS EN CLASE PARA QUE NON AS ESQUEZA NUNCA. 

 ASÍ DE FELIZ ESTIVO ANA  O DÍA DO SEU ANIVERSARIO.

(  CLICA NA IMAXE)

PARABÉNS PARA TI É A NOSA CANCIÓN DE CUMPREANOS.  

LUZ E COR

 SEGUIMOS AFONDANDO NO ESTUDO DAS CORES.

 DESPOIS DE PROBAR  MISTURAS E CLASIFICAR  CORES FEITAS CON PIGMENTOS E TRANSPARENCIAS, DESCUBRIMOS O LIBRO DE CIENCIA LUZ Y COLOR, CON EL APRENDEMOS  ALGO MOI IMPORTANTE: A COR É LUZ ;  PODEMOS VER AS CORES GRAZAS Á LUZ, SEN LUZ VEMOS TODO  NEGRO. 

ASÍ QUE ESTA SEMANA ADICÁMOLA A  XOGAR CON LUCES NA  ESCURIDADE. 

PRIMEIRO CREAMOS  UN ESPAZO ESCURO CON TEAS NEGRAS E INTRODUCIMOS NEL A MESA DE LUZ, LANTERNAS DE LUZ BRANCA E DE CORES, LUCES DE NADAL, CRISTAIS, LENTES,  ESPELLOS, ELEMENTOS REFLECTANTES, TRANSPARENTES... PARA  EXPERIMENTAR EFECTOS E MISTURAS.

 FOI TODO UN ÉXITO, ASÍ QUE TERÉMOLA NA AULA UNHA TEMPADA .

LETRAS GALEGAS 2021

 ESTA SEMANA ADICÁMOLA A COÑECER A XELA ARIAS, AUTORA HOMENAXEADA ESTE ANO NAS LETRAS GALEGAS. 

CADA DÍA FOMOS DESCUBRINDO COUSAS SOBRE ELA: A SÚA FOTO, O SEU NOME, A SÚA VIDA E A SÚA OBRA.

ADEMÁIS APRENDEMOS A CANCIÓN O GALO CANTA , COA QUE COMPUXEMOS UN VÍDEO XUNTO COAS AMIGAS E AMIGOS DAS OUTRAS ESCOLAS.