REMATANDO XA

AQUÍ DEIXO A DERRADEIRA PUBLICACIÓN DO ANO 2019 CON NOVAS INTERPRETACIÓNS  D@S ARTISTAS DO CRA NO FESTIVAL DE NADAL

                                       

BO NADAL

FESTIVAL DE NADAL

REMATAMOS O TRIMESTRE CUNHA BONITA XORNADA DE FESTA NA QUE NOS REUNIMOS TODO O ALUMNADO E PROFESORADO DO CRA NA ESCOLA DA CHOEIRA.

TIVEMOS DE TODO : CONTICRÁ, PRECIOSAS  PANXOLIÑAS , BAILES, VISITA DE PAPÁ NOEL, MERENDOLA , TEMPO DE XOGO E AGASALLOS D@ AMIG@ INVISIBLE.

O ÚNICO QUE BOTAMOS EN FALTA FOI O SORRISO DAS NOSAS PEQUENAS , JULIA E MIRIAM ,QUE NON NOS PUIDERON ACOMPAÑAR ESE DÍA.

AQUÍ PODEDES VER A NOSA ESCENIFICACIÓN DA PANXOLIÑA 

OS PITIÑOS BUSCABAN UNHA ESTRELA       

ADEMÁIS SE PREMEDES NESTE ENLACE ALUCINAREDES CO VÍDEO CLIP FEITO POLA PROFE DE MÚSICA, LORENA , XUNTO CON TODO O ALUMNADO DO CRA. 

TAMÉN O PODEDES VER NO SEU BLOGUE VIAXANDO POR ALALÀ 

                                              

       https://youtu.be/a6nQ_nawtjU

                            PRONTO VOS ACHEGAREMOS MÁIS SORPRESAS!!

BOLBORETAS NO BANDULLO

ESTE É O TÍTULO DO LIBRO QUE CONTIÑA A TAREFA DE BIBLIOTECA DESTA SEMANA. É UN LIBRO DE RECEITAS QUE  SE PODEN VER EN YOUTUBE A TRAVÈS DOS SEUS CÓDIGOS QR. ELIXIMOS DÚAS DELAS MOI SAUDABLES E NOS PUXEMOS MANS Á OBRA: GALLETAS DE NOCES E FARIÑA INTEGRAL, E , PIZZA CON MASA DE BRÓCOLI.

O NADAL XA ESTÁ AQUÍ

COMA SEMPRE , FIXEMOS AS NOSAS POSTAIS DE NADAL PARA AS FAMILIAS.DESTA VOLTA  USAMOS  POLAS DE TULLA , CÓDEA DE LARANXA E PAPEL DE PERIÓDICO NA SÚA CREACIÓN.
ADEMAIS , TUNEAMOS AS ESTRELAS DE LATÓN QUE HABÍA NA ESCOLA XA QUE  MAÑÁ NO FESTIVAL IMOS BAILAR AO SEU ARREDOR.

BUSCANDO DINOSAURIOS

A PALEONTOLOXÍA  CONSISTE EN BUSCAR E ESTUDAR OS RESTOS FÓSILES DOS  DINOSAURIOS PARA SABER COMO ERAN E COMO VIVÍAN.
APROVEITANDO OS ÚNICOS DOUS DÍAS QUE PAROU DE CHOVER SAÍMOS AO PATIO A  XOGAR A SER PALEONTÓLOG@S. É UNHA MARABILLA VER A ENORME CURIOSIDADE QUE LLES PROVOCAN ESTOS DESCUBRIMENTOS. CANDO TEÑAMOS TODAS AS PEZAS MONTARÉMOLAS PARA INTENTAR FORMAR OS DINOSAURIOS, AÍNDA QUE SOSPEITO QUE ALGUNHAS QUEDARÁN ENTERRADAS PARA SEMPRE

VISITA Á LONXA E AQUARIUM FINISTERRAE

AQUÍ TEDES O VÍDEO RESUMO DA  VISITA Á LONXA DO PORTO DA CORUÑA E O AQUARIUM.

DECÁLOGO AMBIENTAL

 XOGANDO CO ESCORNABOT IMOS ANALIZANDO OS DEZ CONSELLOS DO DECÁLOGO QUE ELABORAMOS XUNTO COAS  FAMILIAS. TEMOS QUE IMPLICARNOS TODAS E TODOS.

PARABÉNS

A NOSA MIRIAM CUMPRÍU 4 ANIÑOS. MOITAS FELICIDADES!!

PLANTAMOS NOCES

O AVÓ DE OMAR TRÓUXONOS TRES NOCES XERMOLADAS CUNHAS BOAS RAÍCES.  XA AS PLANTAMOS NA TERRA, ÁGORA A COIDALAS E ESPERAR A VER SE MEDRAN .

O MUNDO DOS DINOSAURIOS

OS DINOSAURIOS HABITARON O NOSO PLANETA HAI CENTOS DE MILLÓNS DE AÑOS E EXTINGUÍRONSE  MOITO ANTES DE QUE APARECERAN OS HUMANOS. GRAZAS AOS FÓSILES E RESTOS QUE SE ATOPARON  PODEMOS SABER CÓMO ERAN E COMO VIVÍAN. FORON UNS ANIMÁIS INCRIBLES E NOS ENCANTAN.

ONDE IMOS?

NO NOSO ECOCOCHE PODEMOS IR ONDE QUEIRAMOS...

VISITA Á LONXA E AQUARIUM

HOXE VISITAMOS A LONXA DO PORTO DA CORUÑA E O AQUARIUM.

 AS GUÍAS EXPLICÁRONNOS E AMOSÁRONNOS UN MONTÓN DE COUSAS INTERESANTES PARA O NOSO PROXECTO, ANTES DE MARCHAR LEVAMOS UNHA SORPRESA PORQUE  COÑECIMOS AO NOSO AMIGO CARPIÑO!! PRONTO PODEREDES VER O VÍDEO PERO MENTRES TANTO VOS ADIANTAMOS UNHAS IMAXES. 

ADORNOS DE NADAL

XA ESTAMOS NO MES DE NADAL E PARA ADORNAR A NOSA ESCOLA  PUXÉMONOS MANS Á OBRA. A REUTILIZACIÓN DE MATERIAIS FOI A BASE DESTA MANUALIDADE: ROLOS DE CARTÓN, PAPEL TRITURADO E CALCETÍNS EN DESUSO, ASÍ COMO O TRABALLO EN EQUIPO E COOPERATIVO.

PAZ, A ESTRELA DE MAR

ESTA VEZ CARPIÑO PRESENTOUNOS A PAZ QUE SUFRE A ECOAMEAZA DOS CRISTAIS QUE SE ATOPAN NO MAR. PARA AXUDARLLE TEMOS QUE INVESTIGAR QUE COMEN OS PEIXES . ONDE BUSCAREMOS ESA INFORMACIÓN?

AS PEGADAS DO PASADO

AGORA XA SABEMOS QUE EXISTE VIDA NA TERRA DENDE HAI MILES DE MILLÓNS DE ANOS. MOITA  INFORMACIÓN SOBRE ESTOS SERES VIVOS OBTÉMOLA GRAZAS AOS FÓSILES , PEDRAS NAS QUE OS RESTOS ORGÁNICOS DE ANIMAIS E PRANTAS DEIXARON A SÚA PEGADA.
NA CONTORNA DA NOSA ESCOLA ATOPAMOS UNHA PLANTA MOI ESPECIAL:  FIEITOS. OS FIEITOS EXISTEN DENDE HAI MÁIS DE 300 MILLÓNS DE ANOS. RECOLLEMOS ALGUNHAS FOLLAS PARA DEIXAR A SÚA PEGADA EN ARCILLA, COMO SE FOSE O DEBUXO DUN FÓSIL.

EVOLUCIÓN DA VIDA NO PLANETA TERRA

NESTA ANIMACIÓN PODEMOS VER A HISTORIA DA VIDA NA TERRA DENDE A SÚA ORIXE,  HAI MÁIS DE 4000 MILLÓNS DE ANOS,  ATA QUE APARECEN OS HUMANOS.
 O NARRADOR É UN FIEITO CHAMADO FER.