AS NOSAS PLANTAS

 ESTOS DÍAS TROUXEN AS NOSAS PLANTAS PARA CASA , ASÍ PODO  COIDALAS MENTRES NON ESTADES VÓS.  

ESTÁN  MOI BONITAS, XA SABEDES QUE ÁS PLANTAS LLES ENCANTA A PRIMAVEIRA.

ESTOS SON OS CARBALLIÑOS QUE NACERON NO COLE , MEDRARON UN MONTÓN.

E ADEMAIS  ESTÁ BROTANDO OUTRO NOVO

E ATA ESTÁ NACENDO UNHA NOGUEIRA DUNHA DAS NOCES QUE METEMOS NA TERRA. 

AS FRESAS  XA TEÑEN FRORES , ASÍ  CANDO POIDAMOS IR AO COLE SE CADRA XA PODEMOS PROBALAS.

ANIMAIS TERRESTRES DE GALICIA 2

CAL SERÁ O SEGUNDO ANIMAL TERRESTRE QUE HABITA NA NOSA TERRA? COAS SEGUINTES PISTAS SEGURO QUE O ADIVIÑAS.
E TI , ESTÁS INVESTIGANDO?

O SEU NOME TEN 6 LETRAS, E EMPEZA POR...

R — — — — — 

ANIMAIS TERRRESTRES DE GALÍCIA...1

A SEMANA PASADA PROPÚXENVOS PENSAR CINCO ANIMAIS QUE HABITARAN EN GALICIA PARA CADA UN DOS ECOSISTEMAS : TERRESTRE, ACUÁTICO E AÉREO.

 EU TAMÉN ESTIVEN A PENSAR E XA TEÑO OS MEUS ! VOUVOS IR DANDO PISTAS PARA VER SE OS  ADIVIÑADES .

EMPEZAREI CO ECOSISTEMA TERRESTRE, POÑEDE ATENCIÓN PORQUE AÍ VAI O PRIMEIRO...

                                       TEN 7 LETRAS,  EMPEZA  POLA  ...    

     

             X —  —  —  —  —  —

SE XA SABES DE QUE ANIMAL SE TRATA ESCRÍBEME A SOLUCIÓN POR EMAIL...E NON ESQUEZAS CONTARME CALES PENSACHES TI.

CONCURSO LITERÁRIO E FOTOGRÁFICO

COMO TODOS OS ANOS A BIBLIOTECA XUNTO CO EQUIPO   DE DINAMIZACIÓN LINGÜÍSTICA , CONVOCA UN CONCURSO DE RELATOS PARA QUE DEDES RENDA SOLTA Á VOSA CREATIVIDADE LITERARIA EN RELACIÓN CO PDI.
ASÍ QUE DENDE AQUÍ ANÍMOVOS A QUE PARTICIPEDES , A QUE INVENTEDES UN CONTIÑO COA COLABORACIÓN DAS VOSAS FILLAS E FILLOS , CREÁNDOLLES A ILUSIÓN DE COMPARTILO CON NÓS . TEDES A INFORMACIÓN NO : 

                                            ⇒    BLOGUE DA PEPATECA

  

QUE ESCRIBIR NON É O VOSO ?  POIS ANIMÁDEVOS A FACER FOTOGRAFÍAS ARTÍSTICAS CO LEMA PENSA EN VERDE. ESTES DÍAS TEDES TEMPO PARA EXPERIMENTAR E BUSCAR UNHA IMAXE BONITA . PROBADE, FACER FOTOS É MOI DIVERTIDO...  E MELLOR AÍNDA, PARTICIPADE NAS DÚAS MODALIDADES! HABERÁ UNHA SORPRESIÑA DE AGRADECEMENTO POLO VOSO ESFORZO!

UN CONTIÑO PARA A FIN DE SEMANA

OLA AMIGUIÑAS E AMIGUIÑOS. HOXE È VENRES, ASÍ QUE VOUVOS ACHEGAR UN CONTIÑO PARA QUE DISFRUTEDES DEL NA FIN DE SEMANA: A MOSCA CHOSCA .
ESTE CONTO COÑECÉDELO MOI BEN E SEI QUE VOS ENCANTA. ANIMÁDEVOS A ESCRIBIR O TÍTULO E FACER UN DEBUXO , POÑÉDELLE O NOME É MANDÁDEME UNHA FOTO.

A SEMANA QUE VEN  COMPARTIREI CON VÓS ALGUNHAS DAS COUSIÑAS QUE ME ESTADES A MANDAR POR E-MAIL. ÁNIMO, NON DEIXEDES DE CREAR, RIR E SOÑAR.

DEBUXAMOS?

FALANDO DE ANIMAIS, GUSTARÍAVOS DEBUXAR UN TABEIRÓN...ADIANTE !

NON SABEDES POR ONDE EMPEZAR? POIS NESTE VÍDEO DANVOS UNHAS PAUTAS...AÍNDA QUE ESTOU SEGURA DE QUE OS VOSOS SERÁN AÍNDA MÁIS CHULOS!

A VIDA NO PLANETA

O SER HUMANO É O ÚNICO RESPONSABLE DA CONTAMINACIÓN DO PLANETA , DITA CONTAMINACIÓN AFECTA Á VIDA DE TODOS OS ANIMAIS E PLANTAS. POR ISO ESTES DÍAS VOUVOS ACHEGAR VÍDEOS QUE FALAN DA VIDA DOS ANIMAIS E DAS PLANTAS, PARA QUE APRENDADES MOITO SOBRE ELES  E ENTENDADES A IMPORTANCIA DE COIDAR A NATUREZA .

ESTE VÍDEO TEDES QUE VELO CON ALGUÉN QUE VOS LEA A INFORMACIÓN.

ESTOU SEGURA DE QUE , PENSANDO UN POUCO , SABERIADES DICIRME CINCO ANIMAIS DO MEDIO TERRESTRE, CINCO DO MEDIO ACUÁTICO E CINCO DO MEDIO AÉREO QUE HABITEN EN GALICIA. 

A VOSA FAMILIA PODE AXUDARVOS.

SE O FACEDES , ESCRIBIDE OS SEUS NOMES NUNHA LISTA E MANDÁDEME UNHA FOTO DA MESMA. ASÍ EU PODO IR BUSCANDO  AS IMAXES DOS ANIMAIS QUE ME DIGADES E CANDO VOLTEMOS AO COLE FACEMOS UN BONITO MURAL DOS ECOSISTEMAS COAS VOSAS IDEAS. 

                                      

BAILAR CON UXÍA LAMBONA

SAÚDOS FAMILIAS. SE USADES INSTAGRAN QUERO INFORMARVOS DE QUE HOXE ÁS 16,45 UXÍA LAMBONA E A BANDA MOLONA VAN FACER UN CONCERTO EN DIRECTO .

AQUÍ VOS DEIXO UNHA MOSTRA DO SEU PODERÍO. 

DÁDELLE CAÑA!

                                          

IOGA PARA PEQUES

O IOGA PODE AXUDARVOS A MANTER EN FORMA O VOSO CORPO E O VOSO ÁNIMO, FACER EXERCICIO  AXUDA A SENTIRSE BEN. SÓ PRECISADES UNHA ALFOMBRA E SEGUIR AS INDICACIÓNS DO VÍDEO ,IMAXINANDO QUE SODES OS ANIMAIS NOS QUE SE INSPIRAN ESTAS POSTURAS.
 PODEDES FACELO EN FAMILIA, POR SUPOSTO.

APLAUSOS

OLA FAMILIAS, NENAS E NENOS. HOXE É UN BONITO DÍA PRIMAVERAL, A ESCOLA SEGUE PECHADA  E CADA UN/HA DE NÓS NA NOSA CASIÑA . APROVEITADE O XARDÍN, A FINCA, O PORCHE , A TERRAZA...PARA PASAR UN RATIÑO AO SOL E AO AIRE LIBRE SEMPRE QUE POIDADES, ISO É MOI SAUDABLE  E A COUSA VAI PARA LARGO.
DÉIXOVOS UN VÍDEO PARA VER E PARTICIPAR SE QUEREDES FACELO.

PARA MIN ÁS SUPERHEROINAS E SUPERHEROES SODES VÓS, PORQUE O ESTADES FACENDO XENIAL. MOITA PACIÊNCIA E ÁNIMO.

8º ECOMISIÓN

NON PENSEDES QUE CARPIÑO SE ESQUECEU DE NÓS! QUE VA!
ACABA DE ENVIARNOS  UNHA MENSAXE ESPECIAL AO   BLOGUE DA PEPATECA   CHEA DE CURTAMETRAXES PARA VÓS, PARA QUE POIDADES VELAS DENDE A VOSA CASA CADA DÍA SEN ESQUECER O PROBLEMA QUE SUPÓN O LIXO NO MAR PARA EL E OS SEUS AMIGOS.

ADEMAIS, CARPIÑO  LÉMBRANOS QUE A 8ª ECOMISIÓN ESTÁ SEN REMATAR. TIÑAMOS DISEÑADO UN MUÑECO FEITO A PARTIR DUNHA BOLSA DE PATACAS FRITIDAS PINTADA DE AZUL E OUTROS ELEMENTOS QUE VÓS ELEXISTES XOGANDO COA APP. TRASH TOYS. 

QUEDOUVOS BEN CHULI E ESTABAMOS A PIQUES DE FACELO REAL PERO AGORA IDES TER QUE INTENTAR REPRODUCILO VÓS NA VOSA CASA COA AXUDA DOS ADULTOS.  

SE NON TEDES ESTOS MATERIAIS BUSCADE OUTROS QUE SE ASEMELLEN. CANDO ESTEMOS DE VOLTA VEREMOS O BEN QUE VOS QUEDARON.

NO BLOGUE DA PEPATECA   PODEDES VER OS DISEÑOS DAS VOSAS AMIGAS E AMIGOS DAS OUTRAS ESCOLAS DO CRA.

A PRIMAVERA CHEGOU

HAI QUE CELEBRAR A  CHEGADA DA PRIMAVERA...PERO DESTA VOLTA  TEREMOS QUE ANIMARNOS A CANTAR E BAILAR DENDE AS NOSAS CASAS CUN DOS NOSOS GRUPOS PREFERIDOS, MAMACABRA.

PORQUE A PRIMAVERA NON O SABÍA ...( ESTA NON É UNHA POESÍA INFANTIL, PERO ESTÁ FEITA PARA Á OCASIÓN)

                               

CIENCIA NA CASA

ESTE EXPERIMENTO ILUSTRA MOI BEN O QUE ACONTECE COS VIRUS E OUTROS ORGANISMOS MICROSCÓPICOS QUE NOS RODEAN E  SE  PEGAN AS NOSAS MANS : O XABRÓN FAI QUE SE MANTEÑAN LONXE .
ANÍMOVOS A FACELO POIS É MOI DOADO E PRECÍSANSE SOAMENTE TRES INDREDIENTES: AUGA, PEMENTA E DETERXENTE.

CONSELLO NÚMERO 10 DO NOSO DECÁLOGO AMBIENTAL

NESTE VÍDEO QUE IDES VER A CONTINUACIÓN TAMÉN NOS ACONSELLAN LAVAR AS MANS , PERO NÓS AÍNDA O FACEMOS MELLOR...SABEDES POR QUE? PENSADE EN TODO O QUE FALAMOS NO COLE SOBRE O AFORRO ENERXÉTICO E DE AUGA.

PODEDES MANDAR AO NOSO EMAIL UNHA FOTO LAVÁNDOVOS AS MANS... PERO LEMBRADE SEMPRE QUE MENTRES NOS ENXABONAMOS TEMOS QUE PECHAR A BILLA!! O PLANETA NOLO AGRADECERÁ !

ALGUÉN SE ANIMA A INVENTAR UNHA CANCIÓN PARA CANDO LAVAMOS AS MANS?

COIDARNOS DE FORMA DIVERTIDA

O RAP DA TOS E DO CODO EXPLÍCANOS MOI BEN COMO FACER PARA ESTAR MÁIS SANS E EVITAR O CONTAXIO VÍRICO.  TEN UN RETROUSO BEN PEGADIZO QUE PODEMOS CANTAR E REPETIR ATA QUE SE NOS QUEDE BEN GRAVADIÑO E TELO PRESENTE DENDE AGORA E PARA SEMPRE.

NESTE VIDEO IMOS  APRENDER O SIGNIFICADO DE MICROSCÓPICO E A IMPORTANCIA DE LAVAR BEN AS MANS VARIAS VECES AO DÍA.

E ATA VOS PODEDES MARCAR UN BAILECITO , ASÍ QUE A LAVAR AS MANS CON MOITA MARCHA!!

                                     

XOGUETES CON ENERXÍA EÓLICA

NA ESCOLA TEMOS UNHA CALCULADORA E UNHA LÁMPADA QUE FUNCIONAN CON ENERGÍA SOLAR, EXEMPLOS PRÁCTICOS E CERCANOS DO USO DA MESMA.

TAMÉN O AIRE PROPULSADO OU ENERXÍA EÓLICA PODE FACER QUE OS OBXECTOS SE MOVAN COMA SE TIVESEN UN MOTOR, TAL COMO PODEDES VER NOS SEGUINTES VÍDEOS . ALGUÉN SE ANIMA A FACER UN XOGUETE COMA ESTES E COMPROBALO ? SE TEDES O MATERIAL E O ÁNIMO ... ADIANTE! XA NOS CONTAREDES O RESULTADO , ENCANTARANOS VER E COMPARTIR AS VOSAS CREACIÓNS.

 

A FORZA DO VENTO

 A FORZA DO VENTO É UNHA FONTE DE ENERXÍA LIMPA E RENOVABLE , A ENERXÍA EÓLICA. NA ESCOLA TEMOS PREPARADO O MATERIAL PARA ELABORAR UN MUÍÑO-ESPANTALLO A PARTIR DUNHA BOTELLA DE PLÁSTICO , PARA PODER OBSERVAR CON EL  A FORZA E A DIRECCIÓN DO VENTO AO TEMPO QUE PROTEXEREMOS A NOSA PLANTACIÓN DE FRESAS. FARÉMOLO Á VOLTA...

PERO COMO HAI UN MONTÓN DE MODELOS ,VOUVOS DEIXAR UNS VÍDEOS POR SE VOS ANIMADES A ELABORAR UN  DESTES CATAVENTOS NA CASA PARA TRÁELO Á ESCOLA . SEMPRE PODEDES VARIAR OU ADAPTAR O DISEÑO E OS MATERAIS POR OUTROS  QUE TE TEÑADES Á MAN, POR SUPOSTO A AXUDA DO ADULTO É FUNDAMENTAL PERO DA DECORACIÓN PODEN ENCARGARSE @S PEQUES.

REVISIÓN DO DECÁLOGO AMBIENTAL

NESTES DÍAS DE CONVIVENCIA EN FAMILIA DEBEMOS TER MOI PRESENTES OS CONSELLOS RECOLLIDOS NO NOSO DECÁLOGO AMBIENTAL. LEMBRADE QUE ESTAMOS RECOLLENDO FOTOS A TRAVÉS DO NOSO CORREO ELECTRÓNICO DE CALQUEIRA ACTIVIDADE RELACIONADA CO MESMO. ÁNIMO, Á VOLTA COMENTARÉMOLAS NA ESCOLA.

CORENTENA PREVENTIVA

A ESCOLA ESTÁ PECHADA , EN PRINCIPIO 14 DÍAS, POR PREVENCIÓN XA QUE O CORONAVIRUS ANDA PERTO E O MELLOR É NON CRUZARSE CON EL , POR ISO ESTES DÍAS QUEDAMOS NA CASA A DESCANSAR E XOGAR EN FAMILIA.
ESTE VÍDEO VOLO EXPLICA. DISFRUTADE DESTES DÍAS ATÍPICOS E VERÉMONOS PRONTO.

PRANTAMOS FRESAS

NA DERRADEIRA SEMANA PRANTAMOS AS FRESAS. ÁGORA A COIDALAS E , CANDO EMPECEN A DAR , FAREMOS  UNHA MERENDOLA COA NOSA PROPIA  COLLEITA.

7ª MISIÓN DE CARPIÑO

TOMÁS, O CABALIÑO DE MAR QUERE FACERNOS VER QUE ALGÚNS DOS PRODUTOS DE HIXIENE QUE USAMOS ACABAN NO MAR, CONTAMINANDO, COMO É O CASO DOS BATONCIÑOS OU TOALLIÑAS.

 E NON SÓ ISO, O CASO É QUE OS FABRICANTES DIN QUE CERTO TIPO DE TOALLIÑAS SE PODE BOTAR POLO WC. NÓS COMPROBAMOS QUE MELLOR NON FACELO, ENTRE OUTRAS COUSAS PORQUE ATASCAN AS TUBERÍAS.

8M: 8 MULLERES

A ACTIVIDADE 8M QUEDOUNOS SEN REMATAR POR MOR DA CORENTENA PREVENTIVA. 

COMO SABEDES ESTES DÍAS ANDABAMOS A MANEXAR A NOSA ROBOT LADY BAT AO TEMPO QUE LEMBRABAMOS ÁS MULLERES DO LIBRO  PEQUEÑOS GRANDES GESTOS POR EL PLANETA , TODAS ELAS LOITADORAS ECOLOXISTAS QUE CONSEGUIRON  GRANDES LOGROS, ADEMÁIS DE FACERSE ESCOITAR NO MUNDO ENTEIRO.

PERO NON DEMOS REMATADO A ACTIVIDADE COMPLETA , FALTA A MULLER  NÚMERO 8, Á VOLTA SABEREMOS DE QUEN SE TRATA...

SORPRESA!

XOGOS DE PATIO EDLG

HOXE PRESENTÁMOSVOS O XOGO DO FURÓN DENTRO DA PROPOSTA DO EDLG XOGOS DE PATIO COA QUE PRETENDEMOS  DAR UN PULO AOS XOGOS CANTADOS EN GALEGO, DEIXANDO ASÍ A SEMENTE DO FUTURO DA NOSA LINGUA EN TERRA FÉRTIL.

TECNOLOXÍA EN FEMININO

NA ESCOLA TEMOS  ESCORNABOTS  E , A PARTIR DE ÁGORA , TAMÉN UNHA XOANIÑA ROBOT, Á QUE OS NENOS E NENAS DE VINSEIRA CHAMAN LADY BAT, EN FEMININO, POLA SEMELLANZA COA SUPERHEROÍNA LADYBAG.

MULLERES EXTRAORDINARIAS

A APP MULLERES EXTRAORDINARIAS PRESÉNTANOS MULLERES QUE AMOSARON  INTELIXENCIA, FORZA E VALOR A RAUDALES, CUALIDADES ATRIBUÍDAS SOCIALMENTE AO MASCULINO.
 O SEU EXEMPLO ENSÍNANOS QUE AS MULLERES NON TEMOS LÍMITES EN CANTO AS NOSAS CAPACIDADES E SOMOS MERECEDORAS DESE RECOÑECEMENTO CADA DÍA DO ANO, CADA DÍA DA NOSA VIDA EN CALQUEIRA LUGAR DO PLANETA.

REFLEXOS E COMPOSICIÓN

CON DOUS ESPELLOS PODEMOS CREAR UN EFECTO CALEIDOSCÓPICO E COMPONER OBRAS DE ARTE MÁXICAS E CAMBIANTES . É FASCINANTE VER COMO MOVENDO UNS POUCOS DE ELEMENTOS CREAMOS ESTRELAS E FIGURAS QUE APARECEN E SE TRANSFORMAN SEN DIFICULTADE.

FACENDO ORELLAS

A MERENDA DO ENTROIDO DEIXONOS UN BO RECORDO

APERTAS DE CORES

HOXE RECIBIMOS A  VSISTA DE LORENA , QUE VEU Á NOSA ESCOLA PARA REALIZAR A ACTIVIDADE APERTAS DE CORES ORGANIZADA POLO CONCELLO DE CULLEREDO. NESTA ACTIVIDADE OS NENOS E NENAS ANALIZARON E CUESTIONÁRONSE O PAPEL DA  ROUPA E DOS XOGUETES COMO ELEMENTOS DE IDENTIDADE DE XÉNERO

TESOIRAS VELLAS

AS TESOIRAS QUE NON RECORTAN BEN  NON NOS GUSTAN ... PERO SON SUPER MOLONAS PARA CORTAR PLASTILINA, ASÍ QUE XA FORMAN PARTE DA CAIXA DE UTENSILIOS DE MODELAXE. UNHA SEGUNDA VIDA PARA AS TESOIRAS VELLAS.

DÍA DE ROSALÍA

NO DÍA DE ROSALÍA ...UNHA FLOR E UNHA POESÍA. O 24 DE FEBREIRO CELEBROUSE O DÍA DE ROSALÍA DE CASTRO, COLLEUNOS DE VACACIÓNS PERO Á VOLTA REALIZAMOS UNHA BONITA ACTIVIDADE INSPIRADA NO POEMA ADIÓS RÍOS ADIÓS FONTES.

NESTE POEMA ROSALÍA DESPÍDESE DA SÚA TERRA, DA SÚA CASA, DA SÚA ALDEA; DEIXA GALICIA CHEA DE MÁGOA E EMOCIÓN. INSPIRÁNDONOS NELA CREAMOS AS NOSAS MALETAS POÉTICAS  CO NOSO PROPIO POEMA DE DESPEDIDA . ORDEAMOS VERSOS, ESCOITÁMOLOS, DEBUXÁMOLOS E FIXEMOS FLORES DE PAPEL  . UN ESTUPENDO AGASALLO PARA ENTREGAR A QUEN NÓS QUEIRAMOS, HOMENAXEANDO  A ROSALÍA DE CASTRO.

 0

NOVA ECOMISIÓN

AS LATAS DE CONSERVA E DE REFRESCOS SON UN ELEMENTO CONTAMINANTE MÁIS NOS NOSOS OCÉANOS,  ASÍ NOLO CONTA XEILA A VIEIRA. NESTA NOVA MISIÓN CONVERTEMOS AS LATAS DE CONSERVA NUNS MACETEIROS BEN CHULOS NOS QUE PRANTAMOS UNS CAPTOS. ESTAS PRANTAS  CARACTERÍZANSE POR PRECISAR MOI POUCA AUGA PARA SOBREVIVIR.

NON DEIXEDES DE VISITAR O BLOGUE DA PEPATECA PARA VER A ACTIVIDADE COMPLETA